《黑社會》(無內容)



同 fans 心態無關,真心覺得《黑社會》係正。

星期六晚,9.50pm PP UA,full house!
上o左成個禮拜都仲 full hosue 好勁 je!

最近咁多o的女人掛帥電影電視劇,come on!gimme a break 啦!杜 sir o既男人群戲先係皇道!

咁多男人入面古天樂做o既 Jimmy 仔外型上最搶,不過阿古生由黑變白兼刻意減肥係無咩作用,佢無改過佢o的 so-called 演技喎!拍返《乾柴烈火》呢o的喜劇算啦!

另外配角們中王天林又係正啦~搶到爆!當然不能數漏譚炳文!勁!

至於果o的暴力場面,或者我入場前聽/睇得太多因地o的 comment,我完全唔覺得佢暴力喎......

同《原罪犯》果o的一個鎚仔車落牙呢o的蚊脾同牛脾啦!

期待第二集《以和為貴》,丫唔知成個 series 有幾多集呢?

摩度、sell屎、學生哥

唔知大家有無發現,
o的雜誌入面影街頭時裝 snap shot,
果o的被訪者一定係得3個職業!係一定喎!
no exceptional!

分別係 model ,sales,同埋學生哥。

sales,當然明白,o吾著靚o的唔夠潮點賣潮衫?

model 嘛,呢個我都明啦,
行響街又 sharp 又靚唔影佢影邊個?

不過個問題係,我睇o的書呢,好多都......
你唔話比我聽我都唔知佢職業叫 model 喎,
有o的你話埋比我聽我都想像唔到呢o的咁樣做到 model 喎,
定還是大家都 abuse model 呢個字呢?
影兩張相出過一期《3周刊》2cm x 2cm 算唔算係 model?

又或者有o的會唔會係媒o黎o架呢?
咁橫掂都係媒,作過第個職業啦唉~

麻煩o的 editor creative 少少,
要作,不如作o的新o的o架啦~
我又唔信得呢3個職業o既人著衫著得靚喎!
譬如做廚師呀,hair stylist呀,會社員(sorry 我呢期睇得《Milk》多)等等等等...

學生!呢個真係...
大學生都好少少,佢地可以做 part time 碌爆卡借"關窿"o黎買衫,
有一萬種方法靠自己著到靚一靚。

中學生呢?我唔知講咩好,
定還是我老土原來人人個 daddy mummy 都好有錢?
有時我去 I.T. 呀 D-mop 呀見o的細路買衫買得好狼o架喎,
仲要係好多細路仔都係咁,
我見過最誇果個去 B.V. shopping o添呀大佬!


其實我都唔知想打咩,
呢個"世上只有3個職業"問題我諗o左好耐都唔係好明。

p.s. 同埋點解只影銅鑼灣同尖沙嘴?中環無靚人咩?

[BLOG TAG] 五樣我見到會開心o既o野

哇呵呵呵呵呵呵~ 鳴謝玄米姑娘小姐 tag 我啦~

題目五樣我見到會開心o既o野

第一位!※我個靚仔男朋友:em_35
見到佢,人都靚o的,目訓得好o的,做o野都醒神o左呀!

第二位!※好朋友(們)※
對於我呢挺獨居老人o黎講,朋友真係好緊要。

第三位!※朝早起身覺得自己有翻o既果條「」※
................係咪好得人驚呢?

第四位!※靚o野
靚衫靚display靚人靚景任何一樣。



第五位!※貓仔
特別係o的細細隻o既扁口扁面個頭好圓o既摺耳貓,喪得意!心情幾差都會開心返!

本來想寫美食,但係睇得若果唔食得就幾好食都係假~


恭喜以下被 tag 人士
1. jacjac
2. 毛毛熊
3. 過兒
4. VO_ov
5. joelam18

Only if you watched《Lost》


我睇完條片,瘋狂地爆笑o左2分鐘,
(不過 streaming 得好慢,勁跳)
有睇到《Lost》season 2 就自然明我笑咩~
無睇,亦無謂解釋。
請支持逆格鬥!!YEAH!!YEAH!!

Official Site:http://now.com.hk/lovemusic

宇多田光《I LOVE YOU》

最近很紅的一首歌。

在網路上不停有人談論,我也很喜歡宇多田光的這個版本。

宇多田光所 cover 的這首歌是由已逝世藝人尾崎豐全唱作寫,
此單曲收錄於早前推出的 tribute 大碟。

其實各位該很熟悉這個音樂,早10幾年,
郭富城便已翻唱過一次叫做《到底有誰能夠告訴我》。

不懂日文的我,用了差不多 30mins 才把這個羅馬拼音歌詞 search 到出來的啊~

意外收獲,學懂了幾個生字。

尾崎豐的英文名字叫 Ozaki Yutaka
羅馬拼音 是 Romanji

I Love You

Performed by Ozaki Yutaka
Lyrics: Ozaki Yutaka
Music: Ozaki Yutaka

I love you ima dake wa kanashii uta kikitakunai yo
I love you nogare nogare tadori tsuita kono heya
Nani mo ka mo yurusareta koi ja nai kara
Futari wa maru de suteneko mitai
Kono heya wa ochiba ni umoreta aki bako mitai
Dakara omae wa koneko no you na nakigoe de

Kishimu BEDDO no ue de yasashisa o mochi yori
Kitsuku karada dakishime aeba
Sore kara mata futari wa me o tojiru yo
Kanashii uta ni ai ga shirakete shimawanu you ni

I love you wakasugiru futari no ai ni wa furerarenu himitsu ga aru
I love you ima no kurashi no naka de wa tadori tsukenai
Hitotsu ni kasanari ikite yuku koi o
Yume mite kizutsuku dake no futari da yo
Nando mo aishiterutte kiku omae wa
Kono ai nashi de wa ikite sae yukenai to

Kishimu BEDDO no ue de yasashisa o mochi yori
Kitsuku karada dakishime aeba
Sore kara mata futari wa me o tojiru yo
Kanashii uta ni ai ga shirakete shimawanu you ni

Sore kara mata futari wa me o tojiru yo
Kanashii uta ni ai ga shirakete shimawanu you ni

(日語及中譯本歌詞請查看[這裡])

極期待 SE W900!!!


無o野講!齋睇個 config 已經係殺晒!!!

相機有200萬個 mega pixels,
有 3G,有收音機,blue tooth,
不單止咁,仲要已經內置 470Mb memory!(support Stick Pro Duo card)!!!!

個樣仲要幾靚仔!同 iPod nano 一樣係黑白2色。

雖然 SonyEricsson 個 OS 又唔多好用同埋又會自動熄機,
我依然覺得呢部 W900 好正喎!
不過唔知賣幾錢。年尾有售。

今時今日咁樣o既服務點得o架?!

早一個月前 book o左某 K字頭化妝品牌修眉服務,
如果各女性讀友們有用過呢類 service,
都知道係相當難 book,
一個月前我o係佢銅鑼灣果個 counter 做 reservation,
佢就話因為太 full,咁幫我check 到金鐘PX廣場"分店"果邊 OK,
咁我無問題啦因為港島區的話就無得揀。

當時仲諗丫順手去買個碎粉諸如此類都好喎~

到o左今日,好彩我醒,
見佢無人打比我,我自己打去 double confirm。

原來呢間"分店"就唔係"分店"只係一個 promotion counter,
仲要響幾日前已經 close o左!
完全唔係路囉班人!:em_39
話晒都係客都唔打聲o黎通知o架喎!

咁我打返去佢銅鑼灣個分店問,
個女仔就猛話唔好意思但係今日好 full 要 book 過第日,
我(好惡)咁問佢即係點?係咪又要我等多一個月?!

之後點?我即刻可以 book 到星期日晚用佢個 service 囉!

長大

這兩天都有跟一些朋友飯局聚會,
昨夜跟其中一堆朋友去了方榮記 (有關食評) 吃手切肥牛邊爐。


然後看到各個朋友無論感情或是工作上都已 settle down,
談天說地之間很有點感慨,


認識這一班朋友是在我畢業後的第一份工作,
六、七年前?那時候我才17、8歲,
然後朋友們也都不過是22-3的新鮮人。


現在有的結了婚,有的又移居海外了,
有的事業上都有點成就,
有的糾纏幾年的感情事又已有解決的眉目,
忽然間想起達明一派的《今天應該很高興 》。




------------------------------------------------------------------------------



今天應該很高興


曲:劉以達/黃耀明 詞: 潘源良


鬧市這天 燈影串串 報章說
今天的姿采媲美當天 用了數天 反覆百遍
我將心聲附加祝福 信箋寫滿 偉業獨自在美洲
很多新打算 瑪莉現活在澳洲 天天溫暖
望望照片 追憶寸寸 某一個熱鬧聖誕夜 重見目前
永達共大傑唱詩 歌聲多醉甜
秀麗伴在樂敏肩 溫馨的臉...
多麼多麼的高興
多麼多麼的溫暖 快樂人共並肩
今天應該很高興 今天應該很溫暖
祇要願幻想彼此仍在面前
我獨自望舊照片 追憶記往年
我默默地又再寫彷相見...

[BLOG TAG] 五套你會睇到喊的電影

先謝毛毛熊先生貼我。

即係咁,我睇戲就好易喊o既,感動會喊,開心又會笑到喊,連嚇親都會驚到喊。(係呀~我試過睇《The Others》驚到喊!點丫?)

不如咁啦,題目改一改,叫五套觸動到我喊o既電影啦

※1《情書(Love Letter)》
精選喊位 ─ 最尾女籐井樹見到本《追憶似水流年》畫o左佢個樣果o野,感動到呢~
(死!一講睇過《情書》就知道我係邊個 generation...:em_36)


※2《我的野蠻女友(My Sassy Girl)》
精選喊位 ─ 車太炫講做全知賢男友有咩10大要留意果度咁啦~ 同埋個 happy ending。其實另一套韓片《假如愛有天意(The Classic)》我又係喪喊。
p.s. 我識唱晒成首《I Believe》韓文版o架~去唱K一定表演項目之一~哇哈哈哈~

※3《The Pianist (鋼琴戰曲)》
精選喊位 ─ 真係好犀利,開場喊到散場,癲o左。
Official Site:www.thepianistmovie.com



※4
《Notting Hill (摘星奇緣)》
精選喊位 ─ 死啦!講埋晒o的舊戲,呢套又係搞到我好似好老咁,我有一期好迷 Julia Roberts o架... (since the classic 《Pretty Woman (風月悄佳人)
》)最感動就梗係最尾 Hugh Grant 響個記招度講果段說話啦!
Official Site:http://www.notting-hill.com/

※5《西遊記 上+下集》
精選喊位 ─ 點可能數漏史提芬周?只有菩堤子劉鎮偉先寫得出o的咁感人o既對白,其實如果講感動位我本人好推莫文蔚果段,不過無乜人留意。

p.s.劉生o黎緊有新作《情癲大聖》...um...一見係o的英皇仝人我就好鬼反感。

我揀o的咩人玩呢個 blog tag 好呢?等我諗諗先!

被點名人 name list:
1. 玄米姑娘
2. 野孩子@K!
3. pm>>
4. 蒼月紫暮
5. TikChi

我最喜愛的 miffy 選舉


7–11 同 OK o既換公仔大戰,
我覺得 OK 既 miffy 公仔其實係比較得意,
奈何佢分店少得可憐,

「局」幫襯 7–11 啦無辦法。


投票揀你最鐘意邊隻 miffy 啦!有獎品o架!

[我最喜愛的 miffy 選舉]http://www.singtao.com/miffy/

志雄哥


不知道你們對附圖的照片有沒有印像。

兩星期前在街上見到 志雄哥,
(no any meaning for I called him as 志雄哥,
just like all the other 藝人,you would just call his/her nick name like knew them for a long time)
原來志雄哥的真人衣著一點也不江湖味!!
而且還相當的潮!!!!

不過我本來先看到的的非他,
當時先看到的是一個跟阿嬌有八成相像的女孩(!!!),
背著個頗大的《Nightmare before christmas》阿Jack背包,
然後是挽著一個男人-

這時我才看到志雄哥的!

但各位不要誤會,因他們是一家大細的在一起!
(吳太和傭人跟在身後)

志雄哥挽著的是他漂亮女兒的手!

你有多久沒有挽著你爸爸的手上街去?

續談 Wyman

我讀書的時代,(即係...好多年前啦~)
人人迷戀的偶像會是鄭伊健郭富城之類,
高級組一點,迷的可能是東/西洋偶像,
我比較很有點另類,迷的是Wyman黃偉文。

flash back 返去當年,本來我就是 903 躉,
日聽夜聽,聽少陣都唔得,
我有過好多次因為阿媽唔比我夜目訓唔準聽收音機,
然後發爛咋同埋勁喊(!)o既紀錄,
喜歡Wyman也是從《娛樂性騷擾》這個電台節目開始。

總之,迷Wyman迷到一個地步,
所有細路女迷偶像的事情我都做齊了,
包括寫信去電台,
(而且他是很有心機的會回信,有一次還畫了一個地圖給我呢~
我每次寫的都是些古靈精怪的問題,因生怕他不會回信,
例如:如果逼你墊個 shoulder pad 你會唔會?諸如此類。)
打電話去佢 phone-in 節目,
去信和買相然後要佢簽名(我到現在還很珍如重之的把這些相 keep 起),
還有少不得的去商台門口 7x24 等偶像。

迷Wyman,對我來說是很有點借機自我認同的機心,
自覺「我同你好唔同o架我!」,
當然我還不至於大膽到覺得我們是相同 level 那麼利害,
但作為一個 fans,我諗我都會係偶像會喜歡的那一類o掛?

人大了,工作上認識的人越來越多,
friendster 一樣,我們中間相隔的人越來越少,
要認識真人的Wyman其實沒甚麼難度,
但我不想,偶像都該是高高在上才馨香嘛~

所以,不用告訴我你也很喜歡他,
我是自私的 fans,偶像是我的。

媽媽送我玫瑰花

當然沒有你們想像中的詩意。

是夜回娘家晚飯,媽媽硬塞了一包乾玫瑰花給我沖茶飲,
因為我婆婆有個 friend 送o左呢包o野比佢,
阿媽覺得好難飲,就塞比我,
求之不得!減肥茶喎!正爆啦!

說起來,也是時候帶些什麼元肉杞子之類回 office 沖水渴,滋潤滋潤嘛~

然後臨走的時候又塞了個碌柚比我,
其實我係好鐘意食,但係一條冷如何食得完??
我諗會加o的豬肉鬆要o黎整下泰式沙律咁囉唯有,好大個。

食飯食到飽到頭痛。

《無極》



我都唔知可以寫o的咩 / 寫咩好,
不過o的 art direction 真係好靚,係靚到爆!
同埋我係好鐘意睇張柏芝做戲,
所以,必睇!

相當廢o既 Official Site:http://www.thepromise.sina.com.cn (簡體)

Love Music @ 砵蘭街



尋晚同男朋友睇o左呢場 Love Music @ 砵蘭街,
燈光做得唔錯,但係個台搭得太矮,
我好彩企響 VIP zone,真係唔知其他企後面o既人睇到o的咩~
同埋o的音響真係極差!扣晒分~



鄭融 live 表現比想像中好,期待佢o黎緊逆格鬥o既演出,
但大旗的何韻詩全個 show 竟只唱得三首歌,
仲少過鄭融!好怪囉老老實實~
因為包括我在內好大原因都係因為 hocc 先去睇個show。
成個 story 何韻詩o既部分都係比較突兀,
同個劇係扯唔上關係咁o架喎...
不過佢係好壓場,呢樣真係唔係好多歌手做得到。

overall 都係一個 nice try,只係地理上唔太適合搞 show 咁囉~




(實物,好側呀張相...:em_36)

同埋既然出o左街就唔怕 post 啦,
呢張係小妹o既手筆 :em_34
比人放到老遠呀我呢塊圍板...
我自己都無影到相o添~

I Wish

時裝品牌 Benetton 幕後主腦組織 Fabrica 響佢地 website 裡面呼籲,
請求各位 submit 你o地o既願望去佢 email擺落新一期《colors》。

不過我自己睇就唔係太 feel comfort,
因為成件事都真係幾set-up。

原文摘錄:

...We're challenging you to come up with wishes more original than "I wish peace for the world" and less personal than "I wish to lose weight" or "quit smoking". We want your wish to be able to inspire other people, to open their minds, face their own wishes and even try to achieve them.

The first reactions we collected, just to give you some examples, are:

─ I wish Fidel Castro would die
─ I wish the G8 would become the G804
─ I wish the Solomon Islands would win the World Cup in Germany
─ I wish Bob Dylan would win the Nobel Price for Literature
─ I wish McDonald's would bankrupt

連人地有咩 wishes 都要 control,咁又唔得咁又唔好,che~

好似《3週刊》咁自己作算啦!



人種的測驗

(link copied from Winnie 個hompy)

人種的測驗 (http://www.mathsking.net/test/question.htm),
世上有分別五大種人,以下的測驗可以測出你是那一類,要嘗試一下嗎?

我個 result─
You have 32 points. 你是第三種. 你很可愛而且每個你認識的人都喜歡你. 你是能夠成為別人最好朋友的人所以沒有人會嘗試做任何事而引致失去你. 你從不傷害別人的感覺和我很少傷到自己的感覺的. 生活對你來說是輕而易舉的. 你經常表現可愛和平靜的. 你只要避開金手指就能夠無憂無累了.

你問我,我梗係話佢準o架啦!hee hee hee hee:em_34

Be My Last


宇多田光最新回歸日本之作single《Be My Last》,
我覺得都 OK 喎~!
不過係佢勁"E-Ah~E~Ah~" 咁唔太適合響 office 聽~ 哈哈哈!

Official Site 有得試聽:http://www.toshiba-emi.co.jp/hikki/bemylast/index_j.htm

藉著雨點說愛你

《藉著雨點說愛你 Be With You》

遲來的影評,無法,因為我遲睇。(都話o左我唔係潮人o黎o架啦~)

求先捉o左男朋友陪我睇 VCD,我喊到 "fe-li-fe-le",
不過咁,我係o的超易睇戲喊o既人o黎o既。

戲比較長,足足2粒鐘,頭段有小拖,
後尾節奏算好快o架啦(日本文藝片o黎講),
我本人覺得最 touching 位係 Mio 教定個仔 Yuji 好多o野果段囉~
仲有買足十二年生日蛋糕喎!感動死!:em_45
但係o的細位其實都幾《假如愛有天意》。
竹內結子o的純情人妻 feel 真係好正,難怪中村獅童一見鐘情。

男朋友最憎睇呢o的催淚小品,都讚覺得個故仔寫得好。

好似 Taku 同 Mio 咁,珍惜眼前人呀各位!

Official Site:http://www.ima-ai.com/index.html (日文)

捐血記

我係一個 frequent blood donator,今年捐得特別多,其實本來都有捐開,不過年頭時候睇過一次流年,(er…哈哈~我係好迷信的 :p) 其中一項係話我今年有兩個月份可能會有o的血光之災呀咁,
要靠捐血或者洗牙去化解。

本著「寧可信其有」精神,加上捐血本身都係做好事o架啦~ 咁今朝去完 bank 之後就去埋捐血,中環捐血站非常舒服,地方又夠大,最緊要係完全唔洗排隊等!!無人!好正!可能係中環人唔興捐血啦...
銅鑼灣新捐血站未開,港島人可以暫時選用中環捐血站啦~


(Official Site:http://www5.ha.org.hk/rcbts/c_main.html)


一如以往,我o的血液運行得超快,捐 450 cc o既血唔洗 5分鐘搞掂,連個護士姐姐都話我女仔人家捐得咁快好犀利!keke!不過我今日有小 mistakes,插針果時貪得意用o左一下力,搞到o的血落o左皮下組織要等佢散啦~(見附圖) 最大得益,除o左係捐血幫到人之外,就係填o的 personal infomation form 果時要磅重,發現我比上一次我響 hompy 呻肥o既時候輕o左5磅! 嘩哈哈哈哈哈哈哈哈哈哈哈哈哈~!

Stella McCartney x H&M

抵我撐 H&M!
繼 featuring Karl Lagerfeld 之後,
(um...雖然大師之後同 H&M 擘o左面...:p)
又一盛大巨獻!!!!

有我至愛 designer - Stella McCartney!!!! OH MY GOD!!!

暈低呀睇完個 website!
你能想像能以幾舊水之價錢就能買起 Stella McCartney 嗎?!
港紙喎唔係美金呀大佬!!

(例如附圖之靚爆 Wrap dress 就只售 EUD40,即港銀 $370!
叫救命呀直頭要!)

仲要o的衫唔係 hea 喎!!!!
如果可以o既話我想要晒成個 collection!!!!
實在係太太太太太太興奮了!



你睇我連個 desktop 張 wallpaper 都改埋!

Official Site:http://www.hm.com/uk/start/start/index.jsp

剪髮記

我係有我用開o既 stylist o既。

基本上除o左我自己之外,我淨係會放心比佢一個搞我把頭髮,

跟住佢由一間salon去到另一間salon,剪o左都有大大話話3-4年。
都無諗過要轉,貪呢個stylist咩好?
除o左佢剪得好之外,o拿靚仔係好大因素啦下~
(我成日都周圍同人講佢激似池內博之(見附圖))
另一個好緊要o既因素,係佢唔會乜點勁講o野,
少說話多做事o既人我最欣賞。

求先去o左剪頭髮,我講起男朋友o既一o的o野呀咁,
有以下o既一o的對答...

「你男朋友係咪中國人?」

「係呀!梗係啦~」

「你個樣似鍾意o的鬼仔丫嘛~」

(...o下??)「哈哈哈~似咩?」

「係呀~咁你男朋友咩樣o架?」

「不如我比相你睇啦~」(咁我拎o左部手機出o黎 show o的相過佢睇)

「HEY!呢o的咪鬼仔樣囉!」

「...」(o下????-_-")

「...你兩個好襯喎!」

(o累飯應)「係咩?係咩?嘻嘻嘻嘻嘻嘻嘻...」

因為平時我o地都係講o的無聊o野多,所以今日無啦啦講起男朋友我覺得好好笑。

不過辜勿論佢係敷衍我定咩呢我都十分之多謝佢啦~哈哈哈~

p.s. 唔...其實呢段o野我係出o黎比自己睇o架o者~吹咩?

諗死人

友人 AC 小姐剛從上海回來,
不久後又要動身到意大利工作,
星期二又是一場飯局。

另一組,友人 CC 小姐從加州回港探親,
小留一個月,又係要大堋人飯局。

之所以貢煩,因為又要苦惱去邊度食飯…
唔…諗死人啦~

beat beat + 星戰

鄭融新碟《beat beat (AVCD)》,尋晚聽o左又睇埋。

有o的被騙o既感覺,因為放上台果3首o野又funky又剩好精采,
點知入面o的 side cut 又係o的慢版 K歌!頂!:em_39



隨碟附送MV兩大個,分別係《小龍女》同埋《愛得耐》,
鄭融o的MV好睇o既地方,就係每次都見佢露出小蠻腰扭得好勁,
《愛得耐》都唔例外,不過就拍得好求其囉~
盲o既都睇得出係無budget拍,又唔creative,
啦下2005年都仲係皇后碼頭呀大佬!唉~

話時話,Hanjin(陳奐仁)真係越睇越似詹瑞文...

推介歌:《愛得耐》《不便》




古巨基尋日出o既新碟《星戰》,都聽晒啦,
聽一首同聽10首都無咩分別,
今次隻碟做得悶到嘔,
同埋佢可唔可以唔好唱乜o野歌都震音?
仲有 abuse 假音,都咁樣唱o左咁多年,
你唔厭我都厭啦!
人o地梁詠琪咁鐘意唱假音新歌《密雲》都唔再唱啦!
變下啦,唔該!

大朝聖 — 哈菲.歷高 X 哉時 篇

下午跟男友在「愛思橋」小吵架,
只是小事一件但心情挺壞,
這時候,我知道我該到一個甚麼樣的地方另我心情暢快…


Harvey Nichols 開業差不多一個月,今天才是第一次來朝聖。
沒有令我眼前一亮的 window display,也沒看到驚艷的時裝...
呀唔係!驚倒是很驚,驚整爛o的衫賠唔起,
最親民的品牌已經是不知何年何月起開始向 high fashion (?) 進發的 DIESEL,
本來也想到 4/F 的餐廳飲杯o野叫做沾染一下o的英倫時裝味,
最後都無行入去,出面睇"黑萌萌"不甚吸引。
地方細細 sales 多過客的 HN 只花了我 20 mins 不夠便詳盡地行完四層。失望。

去得 HN,當然會順手去埋對面哉時,裝修後感覺上大o左好多(實際唔知),
JOYCE BEAUTY 縮到豆腐潤咁細不如唔好 keep 啦~(橫掂都無晒o的 brand...)
我覺得好行過 HN,
不過我本人就對於佢一間舖幾廿款裝修感覺上麻麻地,
男裝又靚過女裝,女裝部最後果度擺果o的 ball 場衫我直頭唔敢走入去:p

總括來說,我還是比較偏心IFC連根拔,好行得多。

反而最後,去了 IFC,除了 ZARA 還是 ZARA,
試了件 see-through 的束袖白色上衣,好漂亮,
差唔多 $400,
仲諗緊買定唔買。(有人叫我咪o徙錢喎~)

p.s. 壞心腸的朋友請放心,
今天跟男友吵的小架就跟湯告魯斯的電影一樣啊 - 當然是《最後武士》啦!
(啦~啦~我最愛搞爛 gag 的了~)



秋冬潤唇推介

人老,開始越來越乾,(果o的10幾歲後生女可直接 skip 本文)

最先頭部隊 detector,就是我的嘴唇。

綜合試了各大人人比得起 price range 的護唇用品,本人十分勁推呢個!


專賣暗瘡護理用品的 Mario Badescu 的蜂蜜 lip wax,
第一次用是好友 ML 小姐所贈,
上年,用完覺得很讚但係死唔信邪,
繼續試其他品牌,都係要食回頭草!
潤得o黎無o的怪甜味同埋唔油嘴!

我覺得比 Kiehl's 的最有名的 lip balm 更好用,
at least 個設計搽的舒服,
K字品牌那個o節o節樽會刮嘴!
而且一樣男女合用,我會買一支送男友。

專櫃價 HKD$88,
online 訂 USD$5,香港賣貴一倍,
(嫌貴者請自行找水貨。多謝合作。)
分有圖示的支裝(普通/SPF 15) 及 婆仔 jar 裝

Official Website:http://www.mariobadescu.com

胭脂水粉


看了第一集,只有一個意見…

可否 cut o左片頭黎姿唱果首主題曲?
真係好X難聽!:em_18
(翌日看報,難委佢仲夠膽話自己當年拿過金唱片!)
仲難頂過吳唱K唱《別怪她》!
反而片尾曲陳豪唱得都OK!

一讚,女主角們o的衫同o的妝仲有o的髮型明顯係做得好 detail 好靚!
不過o的爛鬼廠景都唔夾,又係o徙氣...
《金枝慾孽》的大成功係因為靚人+新鮮靚景+靚妝+靚衫同緊湊劇情嘛!
TVB竟忽視了靚景咁重要之原素!
希望尾段有改善啦…

Official Site:http://tvcity.tvb.com/drama/the_charm_beneath/frontpage/index.html

Chicken Little



香港唔知幾時上《Chicken Little(港譯:四眼雞丁)》,
迪士皮無同 Pixar 合作後o既自家製動畫,
主角係非常得意雞仔乙隻,
故仔都幾搞笑,
講呢隻雞丁小朋友成日好騰雞(好chicken~haha),
驚個天會跌落o黎,
點知比佢無意中發現個天真係就o黎跌落o黎!
咁美國片o黎o架嘛呢套,
佢跟住梗係會去拯救世界啦!

港版其中一個鴨仔角色係阿Sa配音,
不過同我無關,因為我唔睇任何配音版o既電影o既。

Official Site:http://disney.go.com/disneypictures/chickenlittle/

強推今期《牛奶》

今期《牛奶》雜誌(古天樂封面),
有 4大版 Wyman 講巴黎 fashion week,
好睇到爆!

文內提及 UNDER COVER 會來港開專門店,
邊個搭路兼比錢?仲洗問,梗係TK啦!
話高橋盾先生指明新店裝修要有個蠟燭海喎!
唔驚整響個消防系統乎?

p.s.死硬派粉絲如我,
每期《牛奶》到手都係第一時間揭去底睇Wyman先o架~
YEAH YEAH~:em_35

睡寶寶



這是我個人的小推介。(18/10按:但我唔包有得賣的。)

我是長期缺睡的那種人,
但到該睡眠的時候又常有失眠的情況,
又或是腦袋不停在想這想那。

直至購入了這個魔術睡寶寶,
情況得到了不少的改善,
其實我也不大懂它的 magic 在那裏,
它就是軟軟的一團棉花而已,
也沒有什麼精華香薰油。

其實我想魔法大概就是,
把你的眼睛蓋住,甚麼也不用(準)去想,
就此而已。

品牌是 Earth Therapeutics
產品名字叫 Shut Eye Sleep Mask,
(quote from website)
A heavenly-soft combination of silk and cotton envelops your eyes in cool comfort and velvety darkness for blissful slumber ─ anywhere, anytime.

Official Site:http://www.earththerapeutics.com

大約是 HKD $70–90 左右,忘了。

短髮



田蕊妮個頭,
係我近期見過剪得最靚o既短頭髮,
短得o黎又好feminine,
不過佢o的頭髮望落好軟柔先做到咁靚,
我諗其實 perm o左的話應該都做到。

唔好誤會,我唔想剪到咁短,
係我幫我的友人FH小姐留意下咁o者。

翡翠歌星賀台慶


事前的大肆宣揚,引得連我也特地去 download 來看一下!

(星期六晚去了看電影,加上我家的電視是看不到無線的...)

看了,基本上,跟小時候的沒兩樣,甚至更差,
歌星們都跳很多的舞,很多時候都唱 MMO,
但看他們連 "咪嘴" 都廢事,真是...

整體最認真最好看的是 Eason搭Solar(!)搭何韻詩搭盧巧音搭at 17(!!)跳 tap dance!!!!!
看得出來他們真的排練過,至少 Solar 跳舞實在是很離奇的一回事。

其次的千fa跳芭蕾也是很七不思議。
她那條裙甩毛甩的很厲害啊!爆笑!
同場的 Stephy 和 薛凱琪...
氣質這回事,真的無話可說,
看過這 part 芭蕾舞真的開始喜歡薛凱琪上來,
很可愛很討人歡喜,Stephy 完全是被比下去,
而且她有現在的女星們沒有的嬌矜,
不知道這跟讀國際學校有沒有關係?

早年也有貪得意玩了幾堂 ballet,
老師教導,舞台上,跳的差還有得"蠻",
觀眾們的目光,其實大部分只集中在腰以上和面上,
薛凱琪是真的完全做到這一點。
那個 facial expression 做的很好,其中有一幕她要跌倒然後跺腳,
換了是其他女星,我一定早在破口大罵,"幾十歲人仲搞o的咁o野??"
但是她沒有,我甚至覺得她像一個八歲的小女孩一樣可愛。
還有一個很重要的重點,她的腿很細,你看 Stephy 這兩根算是什麼??

說起身材,容小姐扮Rain(!)和Yumiko和黃伊汶的那一part,
容小姐下次可否攝兩個pad才出場?跟你同場的是有C cup的黃伊汶呀!!
她後段跟千fa live 唱《無賴》的那一 part,由衷的覺得她實在唱的很好。
Yumiko唱歌很難頂,但我配服她有勇氣唱 live!!咁趕客都做得出!

至於男歌手組,阿叻在陳豪和林保怡這些甩咀人之後演出,
我覺得他唱的竟然很不錯!(啤~~~)
還有很多六千年無見過的男歌手,譬如話陳建穎*!!(還改了名叫陳什麼匡!!)
TVB真的很厲害!連封了塵的歌手也能出土!
為什麼沒有李龍基?我想看他 crossover 李蘢怡呢!

*註:年輕的讀友們可能不知道誰是陳建穎,這個是當然的,
這位 uncle 他當年跟陳慧琳(!)和已經潛了水的陳嘵東,
還有已嫁入豪門的甚麼.....好像叫Joyce的女孩,
四人合唱了一首單曲叫做唔知咩....我也忘了,anyway,
歌詞的第一句是"飛奔的天馬 怒放心花都不怕"。
咸豐年前的作品,是萬X路這個煙草商 sponsor 的。
隨著香煙廣告大量被禁,這個 Red Hot Hits 系列也停止了。

(17/10晚按:歌名叫做《打開天空》!!我覺得自己真的很勁!!)

再談《親切的金子》

(頂!激死人!打好了的文章又不見了要重新打過!)

週末夜,跟男友在PP UA 看了,
期待了那麼久的電影,幸好,沒有叫我失望。
(不然我真的不知道該怎麼辦了啦~)

電影作為獨立個體的話,依然是很好看,
一流的美指(我就是喜歡它的刻意,吹咩?)
一流的剪接及攝影技巧,故事也不錯,
唯一缺憾就是那個尾段埋的挺爛,算是復仇三部曲結局篇的小遺憾。

關於內容不多談,
但那個我未看之前認為很土的紅色眼影原來是有意思的,真相也粉有趣。


最有趣的是,我看的同場見有頗多看來是一家大細,
來捧大長金場的師奶們,

不知道他們看到那些口交場面會怎麼想呢?
會否掩著女兒和老公的眼然後大叫 Holy Shit?

p.s. 我的 gay 佬好友 J 先生猛說戲中那個被金子o卓了的男孩好正~
唔得喎~! 細路仔o黎呀~o意~

講下 Mac 講下《Lost》(有內容)

尋晚睇o左 《Lost》 Season 2 episode 4,
呢一集又改善o左,入返正題講返個島啦!
(雖然都係固執地回o左一半帶講 Hurley)

大家記得 Rose 嘛?即是果個黑人大嬸唔信老公死o左果個呢?
佢老公原來真係無死到呀!!!就係果堆 the others 其中之一啦,
我一睇到果個位呀,就真係嘩一聲咁喊出o黎,:em_45
同第一季講 John 對腳原本係廢o既但突然間行得走得果個位一樣,
實在係好 touching! 真係人間充滿希望呀!

噢!又btw,新出的 iPod 30Gb+60Gb 可以用 iTunes 買電視劇睇!
示範新作就係 abc 台o既《Lost》同《DH》呀!
追開呢兩套劇兼蘋果用家o既我即時覺得頭頂有光環!潮晒!

不過死人蘋果既新iMac G5十分乞我憎!竟然內置 iSight!
如果散件買 iSight 大約 $1K 左右啦!
點解咁乞我憎?因為我呢部 iMac G5 購入只4個月咋!頂!!

咁睇法,蘋果九成收埋o的勁o野仲未出,
可能好快出年已經有 iPod Nano 版 100 Gb 又睇得戲個 mon 又大然後又內置 iSight 仲可以當電話用o既機面世囉...

p.s. 各位 Mac 用家們,我終於研究到點樣用 Mac 都可以寫hompy了!
方法就是 (一) 先響 PC(!) 打定幾篇草稿,(二) 用 Safari,記住係 Safari,Firfox同IE都唔work,好似平時咁樣 load 返你篇草稿文出o黎,就可以好似響PC咁大模斯樣咁出文啦!但記得一定要 set 返個時間wor!

撞 之 2

上班時間又再撞到人了!連續二天!

這次更邪!是已移居到 L.A. 的友人小婦人 CC!

見鬼!在買早餐的果汁店傍看到她也呆一呆!

職業為插畫家的 CC 這次回來純粹探親,但估不到她這樣勤力在港逗留那小小的一個月也幹 freelance 去!

更邪的是,她去工作的那家公司正是我昨天碰到的友人工作的同一家!

除了一句世界真細小,還可以說些甚麼?

連本該在地球的另一端的朋友也碰上了!

送禮不是一廂情願

TH:

送禮,最基本,就是甚麼樣的人就送甚麼樣的禮物。

你跟我說的那個生日禮物,一個手做的生日卡,還會發聲,該是很可愛也花了你很多心思和時間吧!如果是你的女朋友,我想她會開心的很。對了!女朋友啊!她不是呢~

她是誰?她是兩星期前「無緣無故」跟你說分手原來是跑回舊男友身邊,把你棄掉了的人。不再是你的女朋友了。

生日的那天她該會是牽著他的手,吃著美味的晚餐,甜蜜的望著他然後跟他說一句謝謝。他也可能會做了一個手做的小卡片,然後她會望著他,覺得自己十萬個幸福。

至於你的那一個生日卡,她看著看著,想,很有點像雞肋吧,食之無味,已經不愛你了,這些小情小趣看了也覺得頭痕。

例子是,你愛看意甲和英超聯,一個想追求你的女孩竟買來了南華對流浪的門票,你會多謝她的一番美意,然後我想便是吹到"啤"一聲呢!

這一次,你該送上的,其實該是祝福吧!

又或者,把這個小卡的心思,流下來送給你說你其實想回頭那個 ex ex 那裡,我想就只有那個等了你許久的女孩才會欣賞呢!把名字塗掉送給媽媽,做一個新的送你下一個女友,她們都會摟著你來親,為甚麼呢?因為有愛嘛~ 重點是你的那個 ex 愛的又不是你。




想清楚你們愛的是誰吧!(...這句很劉健威!)





p.s. 我說收過的那幅畫,對,我把它掉了在垃圾桶,忘了告訴你,但我把那個畫框 keep 起,至少還有它的用處。收禮的人不欣賞便不是好禮物吧!

黑之一

有個 job 好趕,尋晚諗住拎o的o野返屋企做,
zip o左個 source file,send email 返去自己個email address,
點知唔記得 attach...

黑之二

因為尋晚無做到o野,今朝特登早o的返工,
返到o黎一朝早都做唔到我最趕最緊要果個 job,
然後又係幾百樣 adhoc o野飛埋身。
一邊食飯一邊做o野。

黑之三

illustrator 竟無源無故之下打o左柴!
剷走,re-install,個 serial 錯o架喎竟然!!!
已經係響個 screen 度抄定仲 double check o左幾次都錯!
然後我發現唔係我錯,
個 serial o岩但個 installer 死話佢係 invalid,
都仲係未知咩事,頂...:em_40

死啦~死啦~死啦~死啦~

(最後發現真相...抄漏o左serial最尾果幾粒數字,
再次感謝好同事 Kanus 飯都唔食幫我搵 serial no.:em_35)

因為今朝早o左返工,
o係公司樓下先後撞到兩個朋友(都係舊同事),
其實不嬲都有 keep contact,
不過近一年我無心肝咁miss o左一兩次gathering就所以好耐無見。

友人 MC 前一排生o左BB,係第二胎,
之前有幾次都諗住買o的 BB o野去探下佢,
探到人地生完放埋前四後六都未去,
今日撞到,我都有o的唔好意思。

然後閒談幾句得知舊公司將兩個我果時都 OK 熟o既同事炒o左,
其中一個幫過我好多,另一個據知都就o黎結婚,
唔…真係要搵日約埋一班人食個飯。

種子 (torrent)

對唔住各位!如果有人因為我推介而睇o左《長恨歌》,
我十二萬分致歉!
......因為我都未睇,但係連我一眾酷愛藝術電影朋友都睇到媽媽聲喎......
我唔敢買飛呀 :p




(以下全部 copied from a newsgroup)

長恨歌周日單日收只 38萬
由 鄭 秀 文 主 演 的 《 長 恨 歌 》 周 日 單 日 收 只 38萬 ,
累 積 4日 票 房 約 150 萬 元 ,
有 關 方 面 認 為 當 局 應 該 立 即 修 例,
檢 控 非 法 下 載 電 影 的 市 民,
以 維 護 香 港 製 片 商 的 利 益。

《神話》累 積 票 房 榜 排 第 2
另 外 ,由 成 龍 擔 大 旗 的 《 神 話 》 ,
雖 上 映 了 12 日 , 但 票 房 走 勢 仍 相 當 硬 淨 ,
周 日 收 100萬 元 ,
累 積 票 房 約 1200萬 排 累 積 票 房 榜 第 2位 ,
首 位 是 上 映 已 53日 的 《 朱 古 力 掌 門 人 》 ,
收 超 過 1500萬 元 。

────────────────

新聞組o的人講o左一句好好笑o既o野, 就係......
《長恨歌》根本未見過種子!反而《神話》就有!:em_34

李傲

(我今日係比較懶,偷人o野 copy and paste 算啦!)

以下乃台灣才子李傲所寫o既一o的......字,
其實不嬲唔多 buy 佢,覺得呢個人好浮誇,死要引人注意,
不過寫呢堆o野都寫得幾精闢,值得睇下。


堅忍不拔
不論在床上床下,我都堅忍不拔。
女人喜歡我堅忍不拔,男人怕我堅忍不拔。
 
美人與英雄
她不需要做愛,但是可以做;他需要做愛,但是可以不做。
——這是美人與英雄的分野。
 
折舊與報廢
有人只知道器材會折舊,不知道折舊的東西可太多了。
知識會折舊、同志會折舊、戰友會折舊、情人會折舊。
不過,情人最好別折舊,情人應該提前報廢。
 
檢驗女人的唯一標準
真的女人是使你「硬件」「軟件」判然分明的。
你一看到她,除了雞巴硬,渾身都軟了。
這樣的女人,才算真的女人。

送禮法
生日送空白死亡證明書一紙;
結婚送空白離婚證明書兩張,
能這樣送禮的,才真夠朋友。

珍惜
珍惜是山上的晚嵐、墳上的小花、葉上的露珠、
掌上的小雞、肩上的蝴蝶和床上的血淚。

假的真話
谷小姐向柳小姐說了真話。柳小姐怪她。
谷小姐說:「你看,你不喜歡聽真話。」
柳小姐說:「我喜歡聽真話,但不喜歡聽這種真話。」
——可愛的女人總喜歡假的真話。

慾望與本領
人的慾望很大,其實本領很小。
所適不過容膝、所甘不過一肉、所全不過一洞,如此而已。
(按:我中意呢個~)

真正的愛情
真正的愛情一定要限時拆伙,
講好了兩個人戀愛三個月,時間到了一定要分開。
只有這種方式,你才會覺得快樂是指日可數的,
才會珍惜每一天的愛情。
(按:咁離經叛道都要你另一半肯先得o架大佬呀~)




長大與成熟
所謂長大,就是你知道那是什么事;
所謂成熟,就是你知道後故意說不知道。

看人背後與背後看人
知道看人背後的,是智者和唯美主義者;
知道背後看人的,是奸雄。

敵人與朋友
不是敵人就是朋友,該是錯了;
不是朋友就是敵人,才是對的。
敵人要從寬認定;朋友要從嚴錄取。

下地獄的可怕在那裡?
死後下地獄的可怕不是更下一層樓,而是你不能用死解決問題。
——你已經死了,你不能再死了。
 
不得好活與不得好死
做弱者,多不得好活;做強者,多不得好死。

鐵杵與木杵
鐵杵能磨成針,但木杵只能磨成牙籤。
材料不對,再努力也沒用。
(按:This is just SOOOO RIGHT!!!)
  
檢驗工作的唯一標準
工作要做到「被飯催」而不是「等吃飯」,這樣才及格。
 
同路人與陌路人
不要輕信同志。一為同路人,便是陌路人。
——同志是最容易翻臉的。

沒有了黑白
膽小的偽君子把白的說成灰的;
膽大的偽君子把黑的說成灰的,
顛倒黑白最成功的不是顛倒黑白,而是沒有了黑白。
 
就爭那五十步
人間是非其實爭的就是那相差的五十步,
就是單項比較下的甲比乙好一點而已。
——是非不是絕對的對立,而是相對的誰比誰好一點。

分擔與解決
我不分擔問題,我只解決問題。 

一個與一百個
前進的理由只要一個;後退的理由卻要一百個。
許多人整天找一百個理由證明他不是懦夫,
卻從不用一個理由證明他是勇士。

四面是敵人
老兵出租車司機對我說:「台北開車真可怕,比打仗還可怕。
打仗只是正前方有敵人;開出租車卻是前後左右四方都是敵人。」
我覺得我正如此。

秘密

真係…大開眼界…
我尋晚 3am 睇到條 link,睇人秘密真係好好睇。:em_38

http://community.she.com/messageboard/index.cfm?bdid=18&topic_id=1473523&page=1

(不過點解咁多人寫 "外人睇覺得我又靚又叻 blah blah blah" 咁o架呢?
你自己想讚自己咪寫出o黎囉!
扮乜鬼話係外人覺得o者!超!)

搞出o野

我好少 post 歌詞,但係呢首真係好無得頂,
我有好多朋友真係咁講o野o架~哈哈哈~
"搞o的o野" "飲o的o野" " 手羅 o的o野" "傾o的o野"


林海峰《搞出0野》(o黎自大碟《三字頭》)

一早起身又唔願起身 返到公司又唔想做o野
對住阿姐 唔想做o黎做去 都係o個o的o野
成副機器 唔想日做夜做 啤啤啤 咁點呢? 嘿 咁點呢?


越o黎越hae 唔想越o黎越pair 我係一條龍 唔係一條蛇
唔要等車 行快兩步去 搵o下自己要o既o野 搵阿星爺
歎杯熱茶咖啡 嗲嗲嗲 我o地要 搞o的o野 yeah 搞o的o野


喂 出o黎飲杯o野啦喂 圍埋傾o的o野啦喂 一齊度o的o野啦喂
諗o下搞o的乜o野啦喂 一世打工似乜o野 一於要做返o的o野
諗o的o野 傾o的o野 搞o的o野 唔想hae


大人做o野 夾手做壇大o野 勇就好夠勇 唔夠水喉啡
唯有隊啤 人醉我又醉 嘔到大家猛作o野
搵李嘉誠夾錢去月球發展 嗲嗲嗲
我問你 喂 你嗲乜o野 嘿 嗲乜o野


喂 出o黎飲杯o野啦喂 圍埋傾些0野啦喂 一齊度些o野啦喂
諗o下搞o的乜o野啦喂 飲到個身體傾斜 班友掛住開心hae
諗乜o野 傾乜o野 搞乜o野 hae hae hae

落翠華 上文華 相約舊同學 叫杯茶 吹水到家
大生意 咪猶豫 先集資 然後搞上市 講得夠誇
無聊騎呢旦散有乜用 就襯興奮去衝動
做個好夢發夢會成功


喂 炒埋公司個老細 圍埋一班獻獻計 搞壇大單o野架勢
諗o下退休點歎過世 呢舖實掂過碌庶 咁高興仲講乜0野
飲杯o野 飲jar o野 飲打o野 yeah yeah


喂 出o黎飲杯o野啦喂 圍埋傾o的o野啦喂 一齊度o的o野啦喂
諗o下搞些乜o野啦喂 講過幾多幾多o野 把口咁大吹乜o野
一邊hae 終於會 搞出o野 yeah yeah yeah

Uniqlo + 尖東 Sogo 大朝聖

星期一晚,終於同男友得閒去尖嘴o既 Uniqlo,
災情嚴重,我係話間舖,唔係我。

勁勁勁勁勁勁唔得喎~
大得o黎但唔好行,選擇又勁少!
本身想買幾件至愛小背心都揀唔落手,
o的色同款又唔齊,而且一片頹瘓敗瓦咁樣,
跟本連想巢佢o的衫o既意慾都無,
o的 shop sales 勁唔掂囉~執舖摺衫做得咁慢!!!
同埋呀o的 fixture o的位擺得好唔好,
有o的o架又 set 得高得滯,個樓底又矮......(下刪三千字)

總之就怒插啦!失望!同日本完全無得比!
我11月中去北京分店買好過!人仔計落仲平!

新Sogo,又係無o野好行,
化妝品部還可(但係海運有 Faces 喎.....齊一萬倍)
衫完全唔得,個 so-called food court 細過你屋企樓下間麥當勞,
唔掂!仲要開響果個位超唔就腳!

失望!失望!失望!

《康熙來了》 final episode!

終於找到 torrent!!!!

看了最後一集的《康熙來了》,
請來兩位靚媽李倩蓉和賈永婕大談生仔湊仔經。



附圖是李倩蓉!
哇塞!!!
你能相信她已是兩子之母嗎?!

怎麼可能還是這樣瘦的啦?
而且仍然是超漂亮的呢!

香港那些瘦身公司該好好學習,
我看八之九十那些生完小孩的女藝人瘦身後沒多久都給打回原形,
你看人家!!還有她的上圍從 32C 變成 32E!!!:em_49
真是超級厲害耶!!

如有好女伴請好好珍惜

(copied from a newsgroup)

豪放的女 , 多數都很大食 ;
斯文的女 , 通常又唔夠放 。
又豪放又斯文的女 , 多數好醜怪 ;
又豪放 、 又斯文 、 又靚的女 , 通常又俾人mark晒 。

外表靚的女 , 多數都冇身材 ;
有身材的女 , 通常外表唔吸引 。
又靚又有身材的女 , 多數媾唔到 ;
又靚 、 又有身材 、 又媾得到的女 , 通常 玩唔耐 。


有品味的女 , 多數都好挑剔 ;
唔挑剔的女 , 通常周街都係 。
有品味又唔挑剔 , 多數開始被人當成PR ;
有品味 、 唔挑剔 、 又夠斯文的女 , 失拖率又好高 。


追靚妹 , 又覺得自己老 ;
追成熟 , 又被人笑 。
忍受得住的靚妹 , 多數無知少女 ;
又靚 、 又成熟 、 又有智慧的女 , 通常要洗你好多錢 。


追專一 , 又怕難甩手 ;
一夜情 , 又嫌唔夠喉 。
拍散拖 , 又怕俾人當花心 ;
玩結婚 , 又怕善養費驚人 。


拖個靚妹仔又被人話死臭飛 ;
拖個事業形又被人話扮有型 。
拖個事業形靚妹仔又被人話花花公子 ;
拖個事業形大美人又被人話食拖鞋飯 。


香港媾唔到女 , 又怨香港冇靚女 ;
到香港有靚女 , 原來又只係得個睇字 。
又要有品味 、 有智慧 、 又夠斯文的女 ,
但又唔肯花錢買名牌 ;
倒頭來又要怪人點解會得呢類咁豬扒的女 。

巴斯光年......

(copied from 阿比兀 個hompy)