龍兄鳳弟



真係講你都唔信,講o左你都未必會信。

我o岩o岩真金白銀用 $250 (貴飛呀!)買o左 iloveyouboyz o既龍兄鳳弟 live!

艾粒歡樂滿Tour PartII 之龍兄鳳弟」

大家聽到都係流露o左不可思議o既神情!

嘩哈哈哈哈哈!:em_49

講真我都無耐無試過要買飛睇 show,睇 show 邊洗買飛o架jet?
實唔知忽然間就會有人塞o的飛比你叫你去睇o架啦~
不過商台o的 show 好乞人憎,拉闊果o的超難 手羅 飛,為免無得睇,我最後都係出下策 ─ 比錢買!!!!

難得又有人陪我癲,當然就唔係男朋友啦~ 係同我一樣日日 4-6pm 痴住 903 聽《萬世巨星》o既友人 A小姐!YEAH YEAH~

每日的《萬世巨星》時段是我「最好的時光」呀可謂!

最憎燒o野食!

友人 A 於上海返港,話約食飯,
今日收到通知,友人 A 揀上友人 K 屋企燒o野食 ─

即是上次中秋節果次超唔愉快經歷事發地點!:em_37


我最憎燒o野食,又肥又熱氣,食o野又預唔到份量,
就算你話燒的菜呀金菇果o的又係落牛油肥到爆,
我好少食熱氣o野,食親都會勁出暗瘡。
食完又會一身味,淨係諗著衫都要諗餐死。

最慘,係我呢期勁減緊,
因為連隔離位阿 PM 都話我肥o左,
連其他人都覺即是肥爆啦!:em_40
男朋友都有投訴啦~


減o左幾日 (節食,半戒肉),有少少成績瘦返 D D D,
要趕住響 X'mas 前瘦瘦瘦瘦瘦瘦,
要見男朋友屋企人呀!咁肥點見人喎?

唔去 又 或者買o野上去食,又好似搞到搞手 F 好難做,咁可以點?
而且人地阿 A 小姐興高彩烈咁樣喎~
我真係好憎燒o野食呀~~~~~~~~~~~~~~~~

可唔可以淨係上去飲酒呀?

[BLOG TAG] 我的理想屋企

多謝 ♀幸福肥寶♂ tag 中我。

不過呢條題目好難喎我覺得,諗過好多答案,好理想化果o的都係同錢有關,住o既o野,香港地呀,有錢就乜都得啦,唉~

最理想化無 budget 答案

1) 南區小白屋獨立花園洋房車位連游泳池
全屋落地大玻璃,望得穿埋人地間屋果隻。

2) 裝修 MUST 要有 taste
一定唔要似蔡慧敏或者死o左果個祥哥o既屋企。果隻鬼佬上海灘式中西合璧都唔得!我覺得娘爆
最好似《Sex and the city》Charlotte 果間~ 嘩哈哈哈哈~

3) 酒店式服務
工人,係MUST。但要唔好比我見到佢出現,我唔鐘意同o的生保人(非親非故)住,同時間間屋要勁一塵不染,有如示範單位一樣。

4) systemetic 電衣櫃
有無睇過《原罪犯》?總之就係果個啦。據說係 Samsung 出品。呀~ 又或者好多年前有部叫《叻女獎門人》(Alicia Sliverstone主演) o既戲,入面果個 Barbie-alike o既電腦化衣櫃,亦可!

5) 浴缸
係果種零零舍舍一個兜放響房中央,一邊可飲香檳一邊浸其泡泡浴仲可以睇埋電視,飛到o的泡一地都係。(詳見於各外國電影及電視劇) 要有o的 vintage feel,唔要果o的按摩大浴池!

至於 tag 邊個呢,唔得閒 tag,
想玩就自己留 message 比我啦衰鬼~ thanks!

有貓的生活 (20051129)

我開始懷疑林積積(Jack-Jack, Lam)智商有個8歲細路咁堅!

事緣因為積積個砂盤好大,放唔到入個籠,
我通常都會一早放佢出o黎去乾淨廁所(大+小)先出門口,
一路都相安無事。

求先正常時間返屋企,積積竟然響佢個食到乾乾淨淨o既糧兜到﹍ O o左尿!!!

好鬼死醒目!!!

真係唔知佢響屋企諗o的咩~

正在即黑!05年度即黑樂彈流行榜

立即投票支持!05年度即黑樂彈流行榜啦!

http://www.littlelosangeles.com/poll/index.html



截至 2005年11月28日 2.52pm,暫時走勢!

我最討厭男歌手組別─
第一位:M49 關智斌 (694票)
第二位:M08 古巨基 (688票)
第三位:M29 許志安 (421票)

我最討厭女歌手組別─
第一位:F28 楊千嬅 (1057票)
第二位:F14 容祖兒 (949票)
第三位:F33 鄭希怡 (658票)

我最討厭組合組別─
第一位:G13 Twins (845票)
第二位:G24 Boy'z (731票)
第三位:G08 I Love You Boyz (469票)

大家快o的投票啦!:em_50

一週食事

在 openrice 我的地盤內 update 了這個 weekend 去過幾家餐廳的評語,有興趣的可按以下這個連結。

http://www.openrice.com/big5/userinfo.htm?userid=20135



特別推薦 ─ 水準有一期很飄忽的 Doraya [地址] 最近又回復當初的初驚艷美味,星期六晚去吃了這個超美味的 curry miso 牛根煮(前菜,$30),魔芋粒有咬頭,牛根入口即化,就似把骨膠軟生吞吃下去!:em_48


(這個是上個星期五泡的沒有加入玫瑰)

在 office 泡了健康的養顏飲料,用咖啡壺泡的桂圓紅棗茶!今天再加上玫瑰!讚~ 咖啡壺方便隔渣,紅棗養氣補血,桂圓溫和寧神,玫瑰則可排水~ 嘩哈~ 減埋肥!熱水泡個 5-10 分鐘即成。

昨天晚上終於有空在家做飯,魚露豆芽炒豆卜,簡單又美味!:em_35 豆卜對角切成三角形,豆芽摘好洗淨,蒜頭起鑊,先放豆卜兜勻,鑊最紅時加入豆芽,加入魚露 (鹽也不用放!) 快速兜熟,略炒一會便可盛起。

但 $4 一斤的豆芽竟害我摘了半小時!:em_36 慢手慢腳,無法。

還襯昨夜有空,把一包三大夥蒜頭($2)去衣洗淨,抹乾後放有蓋容器,下油全覆概蒜頭,以後做起飯來就方便得多。放雪櫃不用任何防腐劑也可存兩星期左右。油選甚麼油都可,我選了我不大吃的粟米油,因平常做飯怕肥都是用橄欖油的。

今 天早餐喝了一杯雪梨西柚汁($8),雪梨中和了西柚的苦澀。配我週末的時候在永安超市買到的米餅(好像是$13.4),brown rice,sugar free,一整包13大片才80個卡路里。早前做一個 photo shooting job,像籤一樣瘦的外藉女模都是吃這個頂肚。


(就是像最右手邊的這個)

加州的 Lundberg農場 (http://www.lundberg.com) 出品,我買了這個牛油拖肥味,微甜易入口。減肥食品中佢算幾好味啦!

難為了家嫂

看友人 Rex 的 blog,談及有外地來的友人要求推介旅遊好玩景點,苦惱。真是邪,我也剛遇到同一問題。

今早睡夢中電話被鬧醒,竟是多年未見友人MT。

MT跟我同年,中學同學,中一到中三時代曾是很要好的友人,好到一個地步是曾經到她家去住了差不多一個月 (當時我家大裝修中),非常俠義心腸的 MT 二話不說就招呼我到她家裡去。

MT 也非常傳奇,中三後到了英國留學去,放洋數載,又回來香港,最初想是在港讀些甚麼白英奇之類的學校,然後找工作 blah blah blah。竟然在那互聯網還未普及到爆的年代,在網上跟一在 L.A. 的男子認識,家境小康的她騙父母到當地探朋友,拿了錢買了機票然後謬然便飛到世界的另一端,那是七年前的事。

(within 這七年只回來了香港一次)

七年後的今天,她已經跟這個互聯網上的他結了婚,這次回港是找地方補擺酒,順道見一下舊友們。

電話裡頭,MT 問我最近有咩地方好潮好去蒲,我真的不知該如何回答!(MT 有透露她可是追得香港的事物很貼,常透過 881903.com 聽收音機,連在晴朗的一天出發也有收聽:em_36)

難度叫她去迪士皮和星光大道吃許留山西米撈拜黃大仙麼?

真是巧苦難為無米之炊,苦了家嫂我啊!:em_36

多謝大同!

昨夜有幸同男友睇o左場好精采o既 live,
蔽公司同華納搞o左場方大同o既 CD launching mini concert。

開場C君六永以 rap 介紹方小朋友 (佢得22歲咋!),之後就係 non-stop 既精采表演,
〈妹妹〉〈南音〉呢o的點會唔唱!大同 live 完全係正過聽 CD!
令我意外o既係原來打鼓既果位伯伯係大同老竇阿世伯!
又勁又 charm!我就睇得非常投入~
最尾仲唱o左全碟我最喜愛歌之一〈我們能不能〉做埋尾。

而且我睇o既係第一場業內人士場,得到大同師姐麻甩仔夢中情人 Fiona 薛凱琪,
可能旁邊有個勁人係真係會有好影響.已經比我想像中唱得好好多啦~
合唱o左〈春風吹〉女聲混合版同埋Eason o既〈兄妹〉,
我敢講絕對唔比 Eason 唱得差!

同場加影!星光熠熠耀大同!
麥哥里小劇場咁細(80座位限定),
o黎睇 show o既有明哥黃耀明!又有鄭融!
恭碩良都有o係度o播(佢係下一場 guest)~

看得我非常開心過癮~ YEAH~

(*本文絕非廣告!場 live 真係好正o架!)

杜汶澤





我眼睛想旅行。

[太陽報 相關報導 ]

... 另外,阿澤昨日接受電台訪問,被問到黎明有否聽過由他演繹的Rock版,阿澤正經地說:「佢問我做乜搞到咁呀?」阿澤更笑言進身樂壇專攻沉悶的OL、Band 5學生及貨車司機,他鬼馬地說:「仲可以同客貨車司機性感女神鄭希怡埋手搶客。」

─────────────────────────

o下?Rock 版????

我聽完仲以為係 348 或者 Cyber 版!乜原來係 Rock o黎o架咩?

o拿!我絕無貶意,我覺得阿澤唱得好過黎生好多喎!
完全係帶到隻歌本身o既風味出o黎!

正呀!!!真係「唱得招積,聽得舒適」呀!

Lost in Tokyo

昨夜跟好友 A先生 老銅飯局之後,
去了另一好友 J 的新開酒吧會合友人 AY 小姐飲一個 round。

每次都會 order bartender o的撚手飲料一杯,
呢杯o野係初頭個 bartender 特登調比我飲,試過人人都話正!
係荔枝溝 Sake 再溝o的唔知咩啦~

初頭諗住逼佢地改杯o野個名做 Patricia (我個名~),
咁尋晚去到呢終於就改o左名做 Lost In Tokyo,呵呵~
都幾好聽~ 嘻嘻~ 改完名就會再加埋落 menu 啦~

J 的酒吧係 gay 吧,歡迎志同道合中人留 mesg 問路!
(咁唔係咁多人 come out o左嘛!~)

有貓的生活 (20051124)

(好大隻呀佢~~~~~~:em_36)

貓,真係一種好聰明又愛乾淨o既生物。

尋晚拍拖,10.30pm先返屋企,
條友(貓)按奈不住響佢個籠度屙o左C,
但係屙得好有技巧o架喎~

話說佢屋企(個籠)有張粉紅色氈墊住個籠,佔 90% 面積,然後入面有水兜有糧兜,有塊我唔要o既灰色毛巾 hair-band (since day 1 就放響度),有一隻細細隻兔仔毛巾公仔比佢咬,另外呢排天氣凍,我擺多條舊白色毛巾比佢保暖。

尋朝 9am 我出門口果時個景像係,
毛巾同 hair-band 都係響個籠最埋邊,公仔就響中間。

尋晚返到去就變成,
白色毛巾移o左去中間,公仔同 hair-band 擺埋一二邊,
而佢就將o的 C 屙o左去無毛氈 cover o既部份度,
再響條白毛巾上面屙尿同"泯"C(有C漬)!

完全無整污糟到張氈同佢個公仔!!!

神乎奇技!



另外尋晚又去o左買o野比佢,男友負責比錢。

‧滅蝨噴霧 ($59) ─ 其實暫時係無響貓身上發現過任何蝨蹤,但係我前日換床單,發現到竟然有一千零一隻蝨!都唔知響邊度走出o黎!嚇死我~ 以防萬一,買支滅蝨噴霧噴一噴佢~

各位有無更好預防措施提供?

‧貓草 ($27) ─ 其實佢係短毛貓B,照計,未洗食貓草住,不過阿男主人想玩,所以就買囉~ 哈哈哈~

‧刮刮板 (紙皮製,$25) ─ 隨板附送引貓粉一包,但係佢似乎唔係好 show 塊板,照樣沉迷玩o的唔洗錢o既廁紙筒。

求先食 lunch 去左 UNY,又再買─
‧防蝨頸圈 ($69) ─ 希望佢work 啦~

‧貓零食 (原價$17,特價$14) ─ 海洋魚(寫明係白肉)┼吞拿魚味,好似幾好食咁~ 我之前買o左包貓食果o的蟹柳比佢,偷o左條o黎試 :p 竟然真係幾好食!

Project Runway

明珠台真係越o黎越有進步!

最近狂煲中o既有《Project Runway (天橋驕子)》,
由名模 Heidi Klum 主持,每集都會簁走一個 designer o既 trueman show,
唔理佢真定假都好,集集有靚衫靚女可觀性已經極高,
再加埋例牌勾心鬥角,嘩!唔好睇就假啦!

睇到第 8 集,明珠台播o既係 Season 1,Total 好似有 9 集,好鬼緊張啦~


(我本人覺得 model 之中呢個 16歲 Melissa 最索!)

我一路睇仲諗住黑妹 Kara 會贏,
後尾睇 website,oh che~ 原來係古著舖老闆肥佬 Jay!
點都好,唔係果個八婆師奶 Wendy 就得啦!

米國果邊 Season 2 又就o黎上啦~ 又係 Bravo TV 出品!
(即是製作《Queer Eye For The Straight Guy》果間 production house 呢~)
Official Site: http://bravotv.com/Project_Runway/Season_2.shtml

想買走佢地o的作品,click 下呢度 [ link ] la~

黑色笑話 again

見前日 post o既黑色笑話咁好反應,再接再厲!

真人真事o黎o架!

尖沙嘴一間酒吧內,一 pair 情侶正在吵架,
女人將個男人鬧到頭 dup dup 眼濕濕,
內容大致上係同結婚有關。

女:「你無用o架你!你搵得咁少錢我點解要嫁你呀!」

男人繼續低頭不語,手握杯中啤酒,講o左句:





「咁我搵好多錢又做咩要娶你?」

然後將杯中酒一飲而盡,揚長而去…

我的五個夢想

多謝 apple13 tag 中我。

「做人無夢想同條鹹魚有咩分別?」─《少林足球》

呢個題目真係考起,講真,我都真係好鹹魚,做人做o左貢多年,有乜o野夢想都一早磨走晒啦~ 唔~ 等我攝高枕頭諗諗先~

‧夢想一‧
食極唔肥,唔洗節食做運動食藥減肥都永遠 keep 住110磅超 perfect 身形(我五呎七o架喂~ 少過110都過份得滯啦大佬呀~)。又或者,全個世界突然間興我呢隻款啦~



‧夢想二‧
永遠中產(《號外》情意結?)。我心目中o既 model couple 係練海棠同伍詠薇。兩個都又靚又有 taste 又恩愛,最緊要係有o野做有工返得o黎又可以好賺錢買花戴。你要我幾百億身家住凱旋門頂層我諗唔係好o岩我,中產啦~ 中產就o岩o岩好啦~ 希望我同我男朋友第時都可以係咁樣啦~ :em_34

‧夢想三‧
可以每年最少去一個我未去過o既地方旅行,而且唔係節衣縮食訓 B&B 團,要係豪華暴飲暴食暴買團。(話明夢想呀~你咪理我啦~)

‧夢想四‧
隻貓仔生性。唔洗我幫佢倒貓砂自己去大小二便又識得沖廁,唔會搗亂唔會夜媽媽無啦啦亂咁 meow meow 叫。我要做o野果時識得走開自己玩,最好識得清潔埋佢自己個竇啦。

‧夢想五‧
靠賣自己o既 creativity (包括 design 呀,illustration呀等等等)發達,um...我諗都無咩可能。

諗唔到 tag 邊個,見到想玩留 mesg 比我就得啦~

好工一份

IFPI 請人捉人用 BT 同 WinMX,
如果我去做,係咪要拉自己先?

http://www.jobsdb.com/HK/EN/Job.asp?R=JDB062756821&38164

個 title 叫做 Internet Piracy Researcher
網上盜版調查員!嘩~ 咁咪要 hack 入人地部機囉?

Job Duties ─ Report to our internet anti-piracy team

Requirement ─
‧Familiar with WinMX and BitTorrent
‧Basic knowledge in network and investigative technique on internet
‧Hong Kong Pop music lover ← 點先算係?鐘意聽 Twins 又算唔算?鐘意張偉文胡美儀又算唔算?

久違了!CD!


(隻貓唔知響度聞咩~)

好耐好耐好耐好耐無買過 CD 啦,
能夠引到我破戒o既,本地樂壇,今年就只有佢!

a name you have to remember-Khalil 方大同!
最新大碟-《SoulBoy》

搭 Van 仔時已忍不住將 CD 那出來看個究竟(我無用 discman 幾萬年),
返到屋企即刻擺落部電腦度過晒做 MP3 先,
又好彩唔係果o的落o左戇居 protection o既毒碟喎!

仲聽緊,聽完再評。

p.s. EU, nice work!:em_33

p.p.s. 唔好去 HMV 買呀~ 痴根要成 $99!
我響 HMV 買完本《Dazed and Confused》,
再行返去 Sogo 後面間 VCD 舖買先至 $89!
行一條街平$10!

從夕陽無限好到大閘蟹

(打o左四次!!!!先出到呢個 post:em_36)

星期六的無聊日記

1pm 男友跟我到屋企附近的尼斯餐廳午飯,住西區o既街坊唔會唔識呢間o野啦~

3pm 回家玩貓(其實係比貓玩)。


(夕陽無限好~~~天色已黃昏~~~~)

5pm 上o左山頂,諗住行山。不過我地上到o黎太晏,黑夜早來加上我地衣衫單薄,所以,無行到山:em_34。兜o左山頂廣場一圈,食o左個哈根德斯紅豆雪糕,男友飲o左杯 illy o既熱啡。排長龍等纜車落山o既時候,我凍得滯插o左隻手入男友件衫度,互相依偎,真係浪慢喲~ 呵呵呵呵呵呵呵呵~


(好抵!$30@)

7pm 落山,去o左 PP 睇衫,又響 ZARA 跌錢,多謝男友。btw,連根拔終於裝修完啦!不過未行~

8.30pm 落o左銅鑼灣,上o左潮樓 [ 食評 link ] 食大閘蟹,食o左兩隻~ YEAH~ 9pm 後有七折,抵食!!!!:em_35 等位時見勁多一身名牌o既人一齊等特價時段,唔明囉~ 咁有錢都要等特價?住 Gucci Chanel 著飛甩雞毛 Burberrys 喎!諗起 《Sex and the city》 其中一幕,Carrie 等巴士,撞正自己個 ad 響巴士車身,比個阿嬸串佢 "why you take the bus as you already on the bus?"

11.30pm 返到屋企。我幾驚貓仔會凍死o左呀!




又到報答好男友時段。

‧男朋友話比我聽食大閘蟹果時佢肚痛,我 order 第二 round 果時其實佢係唔想食o既,不過見我咁有癮就無話比我知,同埋其實佢係好怕食蟹o架~真係辛苦晒~XXX :em_35

係丫~ 我擺到明就晒命~ 有得晒唔晒,會折福o架!
晒命其實都係感恩o既一種方法o黎o架嘛~

睇波

我是一個易哭又愛哭的人。

看到這段文章的時候,湊巧在聽孫燕姿的《眼淚成詩》。

聽著那屬於冬天的歌聲,可能是因此加強了感染力,我看的哭了起來。

(copied from a newsgroup)

爸 爸 的 字 條 — 高慧然

我 父 親 生 前 是 個 足 球 迷 , 和 絕 大 多 數 球 迷 一 樣 , 他 很
在 乎 睇 波 的 氣 氛 , 所 以 , 他 不 喜 歡 一 個 人 孤 獨 地 睇 波 。 每
逢 有 大 型 賽 事 , 即 使 是 凌 晨 直 播 , 父 親 必 定 拍 門 , 把 我 和
弟 弟 叫 醒 , 逼 我 們 陪 他 一 起 欣 賞 比 賽 。 我 和 弟 弟 總 是 坐 在
電 視 機 前 打 瞌 睡 。 有 時 , 半 夢 半 醒 間 , 突 然 聽 到 父 親 拍 大
腿 的 聲 音 , 伴 隨 一 聲 「 好 波 ! 」 , 我 們 會 條 件 反 射 一 般 ,
陪 他 一 起 鼓 掌 。

父 親 去 世 一 年 後 , 母 親 搬 屋 , 搬 走 舊 居 的 傢 俬 雜 物
後 , 我 拿 起 掃 把 掃 地 , 不 知 從 哪 兒 掃 出 從 拍 紙 簿 上 撕 下 來
的 一 頁 紙 , 上 面 , 整 整 齊 齊 排 列 我 熟 悉 的 字 : 蒼 勁 、 有
力 , 非 常 漂 亮 , 那 是 我 父 親 的 字 。 紙 上 , 父 親 細 心 記 載 一
連 串 世 界 盃 外 圍 賽 的 時 間 表 , 提 醒 自 己 記 得 收 看 。 事 實
上 , 在 第 一 場 比 賽 開 鑼 前 , 父 親 因 病 去 世 , 拍 紙 簿 上 的 賽
事 , 他 一 場 也 沒 能 看 到 。

那 天 , 右 手 拿 掃 把 , 左 手 拿 一 頁 從 拍 紙 簿 上 撕 下 來 的
紙 , 我 的 腿 突 然 軟 軟 的 , 再 也 無 法 支 撐 自 己 的 體 重 , 我 在
地 板 上 坐 下 來 , 一 直 坐 天 色 一 點 點 黑 下 來 , 在 朦 朧 夜 色
中 , 許 多 過 去 了 的 片 斷 變 得 清 晰 起 來 , 我 記 起 了 陪 父 親 一
起 睇 波 的 日 子 , 記 起 了 白 天 打 不 完 的 呵 欠 , 以 及 我 和 弟 弟
的 抱 怨 。 然 而 , 那 一 個 黃 昏 , 我 多 麼 慶 幸 , 曾 經 有 很 多 個
夜 晚 , 我 和 弟 弟 , 陪 父 親 一 起 睇 波 。

偶 爾 , 會 有 男 讀 者 寫 信 給 我 , 抱 怨 他 們 的 女 朋 友 禁 止
他 們 睇 波 。 要 求 男 人 放 棄 睇 波 , 就 像 要 求 女 人 放 棄 化 妝 一
樣 , 只 能 用 一 個 詞 形 容 : 殘 忍 。 能 夠 陪 身 邊 人 做 他 們 喜 歡
的 事 , 是 一 種 福 份 , 我 學 會 了 珍 惜 , 你 們 呢 ?

黑色笑話二則

(copied from a newsgroup)

誰最醜

某天....

老師一進教室就問說:誰覺得自己是班上最醜的?請站起來....

一會兒,有個班上最聰明ㄉ同學站ㄌ起來。

老師就問:你覺得你是班上最醜ㄉ,真的嗎?

這位學生回答:「不!老師,我只是不忍心 ,你一個人站在那........」

老師:「......」

──────────────────

幽默的阿嬤

老人家走掉了(去世)。

因為是採用公祭的方式,
所以就先冰凍起來,
等公祭的時候再請出來嘛~
那時天氣很熱呀~ 就有解凍後的水珠出現在身上。
小孫子在旁邊看到就很緊張的大叫:「阿嬤,阿嬤,阿公在流汗耶……」

阿嬤就跟他回答說:「噓……阿公第一次死掉……很緊張!」

:em_34

有貓的生活 (20051120)


(身後邊是小貓近期另一最愛玩具 — 廢紙團,
隉一團掉到地上,他會興奮的當球到處踢,就是死也不玩要用錢買的那些......)

剛才做了一件無聊的事。

這兩天天氣轉冷,擔心貓會著涼,我把舊襪子的一端剪了,再在襪身剪四個小洞,然後(夾硬)給貓穿上,哈哈哈哈哈~ 貓穿了羊毛襪後的樣子很好笑,最可愛的是看著他不習慣又不能平衡身體,會行行下無端的向左右跌,最衰沒有拍下 movie,笑死我!!

不過我還是把襪子給脫了,怕影響他走路,謹拍此照留個念。

———————————————

有時候想做我的貓真好,有吃不盡的貓糧,有美味的蟹柳貓零食,有很多玩具,每天睡十八小時,晚上睡到眠被內,不用上班工作,不用做家務,吃飽就睡,睡醒就拉,又不用做善後(倒貓砂),男女主人又疼自己又長的漂亮(=_=")......

嗚~~嗚~~嗚~~我都想做貓不想做人了~

是日sick leave

早兩日先同 pm 講話:我好日都唔病o架!點知開口中!!

今日真係病o左,感親下果o的啦,有少少燒同暈。

放假就梗係有咁晏得咁晏啦訓到!

12點起身,好肚餓,整o左個日清o既撈麵,男朋友話香蒜味好食喎~
我煮得就梗係唔會齋麵咁寡啦~
快炒o左個筍粒肉燥同埋雜豆,煎兩條我最愛o既蜜糖腸仔~
前後只花10分鐘唔洗就搞掂~
個麵的確係幾好味~不過我諗我自己調個汁會仲加好味~kaka

下晝去o左行買o的日常用品咁啦,發現原來上環永安地庫有個乾貨 supermarket,
仲要係好多奇怪貨品!正!!順手買o左隻杯比男朋友~

臨返屋企前去o左源記飲桑寄生蓮子蛋茶,一個禮拜飲一次,
返到屋企睇o左尋晚集《胭脂水粉》然後唔知做咩大昏迷到10點~
醒返先落妝,嚇死我抹抹下塊棉花有血!
原來我流鼻血!!可能天氣乾燥??
我咁大個女都無流過鼻血架~~~~~~

之後開著 Now TV 一邊拖地一邊睇《聊齋艷談續集之五鬼神》,黃秋生做主角?!!!

搞完晒先去沖涼再敷o左個補濕 mask~

結果放假都好似乜都無做過,咁又一 day!


有貓的生活 (踏入第二周)


(貓仔呢排最愛玩鞋盒,我請男友幫我吉o左個盒好多窿~驚焗親佢)

.貓仔食得訓得健康到爆,不過就好痴人,成日走去我大脾訓覺~

. 今日下晝帶貓仔到屋企附近一個獸醫度打預防針(第一支),獸醫係好友 ML 推介,先代 jack-jack 謝過。獸醫讚 jack-jack 好乾淨(梗係啦我成日有幫佢用沖涼粉沖身)同埋眼仔好精靈,仲出奇地乖到爆!打針郁都唔郁又唔 meow 又唔掙扎!奇!!!

.埋單幾甘,針$200,杜蟲藥$38@,醫生開o左2粒,順手買o左貓用牙膏牙擦,盛惠$3XX,我睇人醫生睇個貴o的o既都係$190咋…....=_=

黎明 一個故事

某程度上要多謝黎明,多謝佢歷年o黎帶比各位觀眾認識大量索女(除o左徐子珊啦下~)

今次女主角叫房思瑜,係o黎自黎明最新音樂電影《一個故事》。

求先撞手神地響 Now 衛視電影台睇o左,
視覺上滿分靚仔靚女靚攝影技巧剪接一流,
宣傳黎生最新大碟入面歌曲,故仔頗老套不過 OK 好睇喎!!
導演係拍開MVo既周格泰,係咁意講下個故仔講咩啦o下~

黎明飾演台灣警察(制服誘惑??),機緣巧合認識女主角房小姐(不知跟房龍或者房祖名有無關係呢?)
女主角跟好友一心從鄉下去台北碰運氣,可惜錢又唔係好搵到淪落要做陪酒兼 take 埋o野!
黎明因憐成愛同女主角戀上,然後又係離離合合,
最尾就話個女仔幫佢擋o左鎗咁囉~

真係 leung o架個故仔!不過剪得幾好睇~ 要多謝個剪接~

最後一提,黎明已派台歌《有情郎》我覺得好 OK 喎!李宗盛(大碟監製)係有o的計o既~

Official Site:www.amusic.com.hk

有貓的生活 (第七至八天)

(回眸一笑~ 越o黎越似老鼠呀!)

‧貓仔好像長大了不少。

‧超百厭小貓昨天襯我吃飯的時候(我煮了旺菜炒肉片蠟腸)匆了上桌子,差o的食o左一粒臘腸。:em_36 不過就肯定食o左一啖菜,激死!

‧貓的腸胃炎已經完全痊癒,昨天早上解禁,這頭餓貓乖乖的把牠碗裡面的糧全吃光。平常會淨下大半的。今早去了一次大,健康的。

‧今早趁開會前打了一通電話去愛護動物協會約打針,小貓至今約兩個半月大,只杜了蟲和蝨,甚麼針都還未打。

後來打通了,接電話的小姐說星期六已經 fully booked,就算是 weekday 也只剩星期五的 office hour,但最慘的是我並非愛協 member,恕不接受 reserve,只限即日 at door 門診。

有無獸醫好介紹?:em_45 中西區的,謝謝。

難題─queer bar for a straight guy



好友 gay 佬 J 先生酒吧開張,
身為好朋友當然會於 opening 時撐一撐場。
最初諗住係今個禮拜五喎~

男友跟 J 先生從未見面,本諗住於開張時帶佢去見見人,
又竟然極難得地佢今次又肯去喎!!!
滿心歡喜,約埋我同 J o既共同好友 AY 小姐夾少少錢訂埋花籃。

難題又o黎了~

J 尋晚 MSN 我話風水佬叫佢改做下個禮拜一 official opening,呢個禮拜三開始做 soft launch,同埋 J 有個 partner P 會介紹一o的直男比單身o既 AY,當然我不能阻住人搵食。所以 AY 就事必要星期三去

問題係,我係非常之想同我男朋友一齊去,但係我同佢之間有個戇居都不能o既不明文協議就係一個禮拜只會見兩日比到盡都係三日。尋晚星期一見完如果星期三又見咁密佢一定唔肯。(我一定唔會 give up 星期六呢個 official dating day)

再再再加上,我本身星期三係約o左另一好朋友 AL 食生日飯,已經推遲o左佢一個禮拜我唔可以再推。就算呢一度可以推咁個花籃又點處理?無理由花籃到人唔到呀?咁又應該幾時先送去?

如果我下個星期一去咁可能男朋友會好悶,因為就算 AY 同我男友佢兩個唔熟但係都叫做話見過識得,但係星期一就真係成個場都係 gay 佬,我男友直到不得了其實都頗抗拒,如果星期三去就會係 half half 一半直一半基啦~好少少咁啦~

所以呢~我都唔知點算~好X煩!!!!!:em_40

超準生果占卜

準到爆!!!!!!!

生日與生果占卜 [http://wylai.mine.nu/star/birthdate-fruit.html]

呢個係我個 result~


士多啤梨:堅強 / 獨立 / 圓滑

在 別人眼中,你絕對是一個能幹及獨立的人,求知慾旺盛,點子又多。在愛情方面,若果伴侶只送一種禮物,那只會讓士多啤梨的你感到十分乏味,你最討厭一些單調 而缺乏情趣的人或事,因為你們深信人生應該多點心思;選擇伴侶時,一定先會考慮對方外表,然後就是性格方面,對於美要求極高,因為你相信外表是予人的第一 個感覺,絕不可以馬虎了事,在性格上,如果夠鬼馬夠風趣,一定能引起你們的注意及興趣,大家互相之間一定笑不攏嘴,把玩幾天也不厭倦,感情生活自然如魚得 水。

與士多啤梨拍拖秘訣:要與士多啤梨的人戀愛成功,一定要先為自己準備三面鏡子,好讓自己成為一個有看頭、隨時可以創新求變的人,這樣保證士多啤梨會對你產生興趣,對你愛不完!

狼來了

不請自來。

早前在 hompy 談及的那個惡夢可能是些甚麼先兆。

我好討厭的那一堆中學同學,其中最討厭的那兩個,竟然無端的 ICQ 我"懶"friendly 的談及近況。(九成是其他不知情的中學同學不識相的把我 ICQ 號碼告訴她們) 依舊地八婆,「中學時代的那個XXX呢!做o左空姐成日痴住o的飛機師呀!」

人家痴住些甚麼關你娘的事?

跟好友 AY 說及此事,她只無奈的說:Kids are mean.

但這個不是原諒你們的理由。

有聽過狼來了的故事嘛?受那麼大的傷害就是因為曾經用過心來相信你們這些豬狗不如的人。

我到現在還不時的發著惡夢,淚流滿面的睡醒又是誰害?

NOTHING CAN MAKE IT UP, NOTHING!

就算是你們說一萬次對不起,就算是你們跪下來也好,我也不會原諒你們。

too late.

有貓的生活 (第五-六天)


(男友攝於昨天)

轉頭話佢無事,果頭又o黎料,小貓再次屙爛 C。:em_37

於是我打比 aacat.com o既義工 K 小姐,
問清楚小貓本身有無呢o的問題先考慮帶佢去搵獸醫。

K小姐就答覆小貓本身係無呢o的問題,
但係佢聽到小貓呢幾日o既生活呢~
佢就覺得隻貓仔似係食得太飽喎~
攪到腸胃發炎~ 要先停止餵食一至兩日,
等佢好返先再俾小小o野佢食。
呢兩日如果係擔心佢身體軟弱,
可以開(少量)葡萄糖溝水過佢飲,或者飲寶礦力,
因為可以補充澱解質喎~
咁我都斟o左o的寶礦力過佢飲,
不過佢聞到唔多喜歡,都係飲返水。

尋日買o左o的貓用滴耳水,
用o的化妝棉(化妝棉用唔會甩毛果隻)幫佢抹下個外耳,
再滴一兩滴入佢內耳清潔耳道,
貓仔竟然又無掙扎又無反抗,
不知幾鬼 enjoy!lum 到死呀~
:em_48

另外尋晚係第一晚放佢出 o黎 目訓,目訓我隔離。
哈!居然真係成晚粒聲都無出過!
神奇地乖到爆!準時八點鐘起身!

laid-back Sunday

星期六我的又靚仔又對我超級好的男友來我家幫手做家務(!!!),
掃地,洗地,拖埋張床出o黎洗埋個床下底,
你知道嗎?我的男朋友在家可是個超級大少爺呢~
感動~~:em_45
見佢咁辛苦,為o左好好咁報答佢呢~
所以星期日就請佢去食個靚 tea。


(由上至下:英式多士‧魚子煙燻蛋 / 叉燒酥‧煎糯米糕‧炸蝦餃 /
灌湯餃 / 法式燉蛋‧(影唔到o既)桂花糕,$148 for two未連加一)


下午去了老銅霞飛路high-tea,
比我想像中平得多,環境十分之《胭脂水粉》,
聽著國語老歌,透過落地大玻璃看見維園的綠樹,
呷一口香片,感覺 laid-back 到爆,
o的o野居然亦OK好食,過了一個非常舒服的星期天。

第 42 屆(造)金馬獎頒獎典禮得獎名單

我只可以講,個賽果完全係不知所謂。
基本上係完全無公信力囉!

第 42 屆金馬獎頒獎典禮得獎名單

最佳劇情片─《功夫》← 爛尾都有獎?

最佳導演─周星馳《功夫》

最佳男主角─郭富城《三 分山 口》←咁鬼浮誇都叫做有演技?咁我揀萬梓良囉~ 定還是評審鐘意佢瞪大眼扮 cute?

最佳女主角─舒淇《最好的時光》

最佳男配角─黃秋生《頭文字D》

最佳女配角─元秋《功夫》

最佳新演員─周杰倫《頭文字D》←頂!佢拍套戲果時 目訓 醒未o架?造馬造埋比侯佩岑啦不如~

其他細o的果o的獎從略 ( 詳細獎項名單 [ list ] )

睇衫好過啦......:em_36


(舒淇第一套 on YSL,約值七萬。另配五佰萬珠寶。)


(舒淇第二套,第一套靚o的喎~ 郭富城o的頭髮唔短唔長好奇怪~)


(楊采妮 on Ferragamo,約值十四萬,全場最貴,後面得)


(前面唔得)


(梁詠琪 on YSL,佢個頭想點?)


(靚爆好高貴林熙蕾 ┼ 任達華 on Gucci,約值五萬)


(楊千嬅,靚喎今次!)


(好多麻甩佬鐘意o既 2R,家姐條 Lolita 裙好唔得喎~)


(田中麗奈 ─ cute但係唔夠 grand,陳柏霖OK)


(大會主持侯佩岑,不知何故我覺得佢o的嘴臉好八婆,報載是夜行頭達一億台幣!
傍為另一主持胡瓜。)


(張惠妹on Swarovski黑色水晶禮服,配 2500 萬 Ferragamo 鑽飾,
好耐好耐無見過佢著到咁靚!)


(好靚蔣怡!)


(方中信 on YSL,另錯誤示範 ─ 莫可欣,佢係咪有o左???)


(錯誤示範 ─ 周杰倫,我真係好佩服台灣o的 stylist,咁都得?)