年初二食事 (一)

午餐,1pm 先起身,周圍都無開,o去o左石塘咀果邊一個街坊商場仔間 Pizza Hut。


香蒜肉絲意粉, Pizza Hut 我最喜愛之食品,勁香!


鮮茄汁脆皮腸拼雞肉丸,個汁都幾鹹。


焗海鮮寬條麵,非常之漏兼極 cheesy。講係咁講,逐條畢咁樣食食下都食鬼晒!

埋單約 $130。


食完去隔離米國冒險樂園買棉花糖($8)食,士多啤梨味的喲!真係開心!啦~啦~啦~

---------------------

必勝客 Pizza Hut
地址:石塘咀德輔道西402-404 號創業商場1樓F5-21室
電話:2857 1585 / 2857 2155
菜式:港式意大利菜(??)


年初二食事 (二)

買了戲飛深夜看戲,響屋企睇 now TV 睇晒成套《戀情告急》先閃。

其實本來夜晚係 schedule o左去男友屋企食飯,但係男友媽媽好多o野搞又唔係好舒服就約o左過幾日先食,電話拜o左年先。所以男友就 suggest 食好o的,結果去o左三里屯。

響三里屯兜o左個圈,最後就揀o左呢間,因為 overall 唔算好貴同埋個 set 好似多o的 choice。

環境以藍色為主,其實我一路都好怕o的藍色燈o既餐廳,唔好問點解,硬係「仍」住會好難食。

呢餐就有好有唔好啦。


鹹牛肉雜菜沙律,唔錯,菜好新鮮塊鹹牛都OK。


青豆煙肉忌廉湯,好鬼難飲,怪味,yack~~~ 我開始懷疑呢度係 fusion o野。


煎龍月利柳配粟米牛油果 dressing,魚煎得好,夠嫩,配菜薯粒粒亦都好味。不過果個新派 dressing 真係好唔掂,有咩可能可以整到牛油果咁酸o架??


肉眼扒配雜菌,呢味就唔錯,肉眼扒要 medium well 都真係出到 medium well。


chocolate moouse cake,一言蔽之 - 唔新鮮!即係唔得啦!另連餐飲熱啡同埋熱檸茶。

服務一般,成日響你身邊行o黎行去,有o的擾人,可能因為無客佢地得閒得滯先會咁o架啦。另一樣就係上菜較慢,要留意。

二人餐埋單連加一 $310,都可以啦。

--------------------

sens cafe + bar
地址:灣仔港灣道28號灣景中心1樓三里屯17號舖
電話:2511 7311
菜式:西式

年廿八到年廿九的無聊日記


先跟各位拜個靚年!恭喜發財!身體健康!心想事成!


昨夜吃完魚一丁,去了逛維園的年宵,人都擠得水泄不通,插針不入。

但還是逼到去某一得意攤檔買了這個吹氣摺 木凳($40)!

最 enjoy 是挽著這個在百德新街逛的感覺,很詭異。

年廿九跟男友吃過午飯,我自己去了中環逛街 kill time,因為 book 了修甲還未夠鐘。在 HMV 聽了好多人讚的台灣組合 蘇打綠 (Sodagreen),感覺很像 fine 一點的假音人,不是我杯茶,省下 $125。

晚上節目,我的家人都不在香港,男友回自己家做節,我唯有自己跟自己團年…(好一個獨居老人)。


在 7–11 買了這個 1–2人份的迷你盆菜 ($48),以叮叮食物來說這個算很不錯,而且材料也很豐富。又有雞又有鮑魚(仔)又有南乳炆豬肉。不過我還是沒能全部吃完。買了個白蘿蔔 ($2) 切塊把剩菜給炆了,做明天的午飯。

下午的時候路經中環街市也買了碌柚葉來洗澡,給那個阿伯呃錢,要成 $20 (我無記錯的話上年好像買了$5 only),不過新年流流,算啦,也省的跑來跑去四處找。燒一鍋水下葉子和桔仔的皮稍滾一下,洗完澡再係咁意從頭到腳淋些碌柚葉水就成。我是趕著在年廿九 的12點前全部做好呢,年初一不能洗髮(發)啊!

...呀…哈哈…我可是十分之婆仔的呀!

順道報告一下市面的格價情報-

.《林海峰是但噏發花癲》DVD,第一天推出的時候見過最平 $159,我嫌貴,沒有買,後來見到的全部標個炒價 $250 以上,CLS!

.izzue 同 i.t 相信已經減到十分水尾,見中環 izzue 甚至執到o的貨架吉晒。英倫百貨 HN 也在減價中,大部分貨品均低至半價,可惜就算半價了我亦買唔起。

.最後這個與價錢無關,就是 PP UA 正在裝修中,不日重開,希望不是改成我最討厭的超迷你細銀幕戲院吧!

《伙頭智多星》


生命裡有幾套影響得我很深的卡通,《伙頭智多星》是其一。
(我這樣貪吃可不是一朝一夕的事啦!)

共有 99 集,最近在不停的狂煲。

一邊看一邊重溫裡面大部分只能看不能吃的食譜,其實大部分都煮不到出來。

原來無線是沒有把他的少年篇給播出來!

結局篇中味王失憶,留個八字鬚的意大利肥佬總廚成功把陽一媽媽溝到手,跟陽一青梅竹馬的光子弟弟比車撞至入深切治療,好彩最後無事,最後當然陽一用愛煮的一餐把味王的記憶喚回來啦!

而且是首尾呼應!煮的也是第一集跟味王相遇的 - 滑蛋豬扒蓋飯啊!

其實我想現在該沒有很多人嘵得這個卡通吧,記憶中無線首播時為 1989 年,我才小學二年級呢!

p.s. 第二集的茄子意大利粉對決,把一個很深奧的字眼教了給各小朋友,就是所謂的 Al Dente (意即把意大利粉煮的剛好,外面有彈性,中間有一條幼硬芯的煙韌有咬口狀態)!!一個卡通片也能學嘵好多知識啊!!不知道無線是把這個字眼怎樣翻譯的呢?

p.p.s. 說起卡通片,我找了另一部有關食的卡通《伙頭仔昆布》找了好久,如有人見到請聯絡我!謝謝!

年初一的開年飯

承前文,我的家人全都離港渡歲,男友來我家陪我吃開年飯。

我 insist 要在家自己煮,因為這樣比較像過年啦!

作為一個婆仔,有魚有肉有菜,是我覺得一頓開年飯必需有的事。

.旺菜炆燒肉 - 本來不是炆的。去樓下燒臘舖買燒肉的時候,千叮萬囑燒肉佬要給我脆皮,怎料竟然一塊都唔脆!!!激死我!!!谷鬼氣索性做個炆的,買不到白蘿蔔,買了棵旺菜切碎來煮。
(沒有照片,因為賣相這一趟做的比較衰 :p)


.煎銀鱈魚 - 沒什麼事要做,把魚兩面煎的金黃,最後下個現成的李X記煎銀鱈魚汁兜兩兜即成,汁不要下的太多,不然會過甜,不過我把魚剩起時不小心把魚整爛了。


.紅腸 - 買燒味時男友貪吃另外要買的,回鑊兜兩下翻熱。

.灼蠔油生菜

男友話今餐好食喎,你信唔信?

吹水站

午餐,和另外兩個同事去了鯉景灣 (呵呵~ 係咪好妒忌呢?)。

本來想去吹水館吃西餐,無位,去了它的同系餐廳吹水站吃泰國菜,要了個三人行政午餐。(無啦啦又行乜鬼o野政o者?)

1pm 去到,等等等等等等等等… 1.40pm 經過三吹四請後先有得食。:em_39


泰式炒通菜,偏辣,但係都幾好食。


燒豬頸肉,居然十分唔錯!juicy!一o的都唔乾!點埋個醬汁辣辣地好惹味。


黃咖喱雞,其實比較似葡汁,但係都幾好食,仲因為呢個雞叫多兩個白飯o添!

套餐 ($123) 連白飯,例湯,餐飲,甜品 (是日為唔係幾好食既紅豆沙)。

埋單 $153。

-------------------------

吹水站 Chit Chat Station
地址:西灣河鯉景灣觀峰閣地下GA4-7舖
電話:2569 9981
菜式:泰國

Shabu Shabu

年廿八,和男友吃二人團年飯。

行o左成個銅鑼灣,周圍都爆到不得了,男友 suggest 去世貿的 Dan Ryan 吃 Ribs,怎料竟然靜悄悄的摺了,變成我最怕的新派 fusion 菜館 Rxxx Paper。

最後還是去了魚一丁,但都等了差不多 45 分鐘才有位。


一入門,被分到對著牆的面壁位,幸好對正個龍蝦缸,好o的啦。


是晚我們先點了一個我好喜歡的烤德國迴漩香腸,仍然很好吃,吃的時候自己用剪刀隨意剪個長度,點那些懷疑是蕃茄籽做的醬,很惹味香口。


然後點的是今夜主角 - 日式打邊爐特選和牛鍋!Shabu Shabu!鍋的湯底是味噌做的,配合這裡很有名的豆腐和一些蔬菜,很是豐富!這個可是三至四人份的啊!


很靚和牛,超水準表現!入口豐腴肥美!!!


配這裡有名的一丁拉麵,已灼好過冷河,放湯稍灼即可,很彈!旁邊的是和牛肉配著吃的極細蒜蓉和芝麻。


最後要了一杯青檸梳打和一杯香味梳打做總結,香味梳打是乳酸味的。

埋單 $350!大滿足超幸福啊~~~!:em_48

----------------------

魚一丁刺身居酒屋
地址:銅鑼灣告士打道280號世貿中心商場3 層312-313號舖
電話:2882 7468
菜式:日本

三路

假如你的好朋友飲食口味同你唔係好相似,其實,都幾痛苦。好友 J 來電自動波 call 飯局,同行有好友 AY 小姐。J 說想吃日本o野,我本人甚喜,不過,地點,好像,有點,不大對勁…

J 說很想吃元神 - 典型港式日本料理,日本料理,港式做法。有可能好吃嗎?

到了元神,全 full,還以為可以甩難。侍仔話:「過隔離個舖啦!一樣o架咋!」啊~~! 原來這家三路都是元神的老闆開的!

AY 公事纏身遲來,我和 J 先點些食品,邊等邊吃。

J 想吃魚生,見 menu 有雜錦刺身一項,但無寫雜的是什麼錦,問女侍。

女侍略帶鄉音回答:「咪就係o的唔同o既魚生 o羅!」吹脹!

點了3個菜,極速上桌。


清酒煮蜆,蜆肉比你阿婆塊面還要o鞋,湯底也不夠甜,最重要的是蜆不是日本蜆!


鐵板牛月利,質感完全不像牛月利,不知道是什麼肉,因為連肉味都無。


招牌魚蝦蟹粥,全晚數這個最好吃!鮮甜得不得了!三文魚也極滑!


這時候 AY 也來了,點了這個北寄貝壽司,我沒有吃,不知道味道怎麼樣。


J 在這時候加單,點了個三文魚刺身和甜蝦!上桌的時候嚇死我!幹嘛厚成這個樣子????三文魚身有少許血水,硬吞了兩件,也不知道自己在吃什麼,厚厚的完全 不能吃出其鮮,只能拼命點醬油。蝦看樣子本來還不錯,可是那些冰塊把蝦肉都沾了好多水,變的味道有點怪。J 說他吃這個厚厚的魚生覺得好幸福,唔…


AY 再加單,點了這個鵝肝火炙壽司,才$50,味道也不錯,鵝肝煎的很對胃口。


又要了一個燒雞軟骨串,普普通通。


又是 AY 點的,軟殼蟹芒果手卷,我沒有吃。

最後再點了一個 Sapporo 啤酒和一支 Sake,Sake 麻麻地。

overall,全晚就只有粥和鵝肝壽司不俗,其他不提也罷!

埋單 $481。我情願去隔離街吃碗清湯腩。

--------------------------

三路日本料理
地址:灣仔灣仔道207號地下 (利景酒店側)
電話:2185 7805
菜式:日本(?)

Cafe O

跟好友 apple 在中環飯局,她 suggest 到 cafe O 去,8.30pm 左右來到。


apple 推薦這裡的 mushroom pizza,fresh baked,足二人吃的份量才 $45(已經是最小的 9” size)!!!哪裡找??而且絕不馬虎,好吃得很!


我再要了一個 spring clean tonic (前面那杯) 的 mix juice,都怪我的眼沒看清楚 - 全都是我最討厭的蔬菜!青瓜呀!西芹呀!還有一些我忘了總之都是好討厭的味道!而且還伸推鬼擁的要了一個大的($36)!!apple 明顯比較醒目,要了個 7 Heaven,都是些鮮果!

中環的 Cafe O 其實不難找,就在 Dragon-i 的那條長樓梯的盡頭呢!

環境方面則上環店比中環店好,但當然這裡目及靚人指數則較高啦!不停看到高窕的 model 們在出面的樓梯路過去蒲,花多眼亂,目不瑕給!

--------------------------

Cafe O
地址:中環亞畢諾道2號地下
電話:2868 0450
菜式:多國

燒脾這東西


我對燒脾有著近乎病態的迷戀。

就像愛情,有時侯你越想得到卻又越得不到…

OK!OK!

廢話連篇o既開場白就講住咁多先,o的咁Q扮o野o既文藝腔口我都係做唔到o架啦~

燒脾,好多人嫌佢個橙色皮甜爺爺,我就不知幾鍾意,但係可能真係買o既人少啦,燒脾呢味o野真係好似絕o左種咁(燒翼反而見得多),所以我依家係見一隻就食一隻!愛護文物!!

呢個外賣燒脾米購自公司附近o既新式燒臘舖千燒百味,(又係)美心集團。

整得麻麻地,嫌佢唔夠甜。



不過個外賣兜就認真趣緻,有個隔裝「食送」,咁就唔會整淋晒的燒味啦!

燒脾湯米粉連飲品 $23,麵飯同價。

--------------------------------

千燒百味
地址:側魚涌英皇道971號英皇大廈地下 (側魚涌地鐵站A出口對面)
電話:2561 5760
菜式:港式

是日忌 shopping

我癲o左!

求先放工,去o左買o野,一買,買o左 4條裙+1件 top!!!

好彩有半價!(因為原價全部要 $2500!)

好啦!2006年全年都唔洗買裙啦我諗!

話雖如此,但係全部都係諗住有 function 著先買o架!(口震震)


.相入面呢條我最鐘意,我部 750i 影唔到兼影唔晒咁 detail,入面係紫色底,勁輕,度身訂都無咁o岩!只合高5ft7或以上女士穿著,o岩o岩好腳眼對上半吋!諗住情人節著,但係我未諗到襯咩鞋喎,又買?!

.little black dress 一條,雪紡,for 女友 M 擺酒時著。

.天藍色(?)娃娃裝勁短吊帶裙,silk-like,襯三個骨 cargo pants,細佬註冊日著。

.仲有一條白色雪紡,又係吊帶,諗住生日時著,希望到時同春季一樣仲係興白色啦~ 又或者男友生日時著 lor!

o拿!都話真係有地方著去o架啦!!

不停幫自己搵 excuse 中...

佳味居



同事 D 提議到太古城午膳,想去 KFC 換部 sudoku 機,不過原來新裝修後o既 foodcourt 係無o左 KFC,一場o黎到,就係埋呢度食啦。

行o左一圈,先去飲品部買杯 pepsi light ($7),呢個 foodcourt 最乞人憎就係所有買o野食o既都無o野飲賣,逼晒去一個飲品部,換句話講即係要排兩次隊!

之後去o左呢間都頗多人排隊o既越南o野買個 生熟牛河 ($28) 食下,一邊等一邊睇住o的職員機械式咁「綠」個粉。咁樣睇住佢整都幾得意。拎住個盤再自己灑的乾蒜同花生碎響面,另外仲有青檸仔同辣椒絲又係任落,呢樣「設備」都幾好。

味度方面,其實個粉同埋湯底則好一般,但以 foodcourt 質素o黎講就還可以啦,勝在料多,o的牛肉落得好重手。仲有湯底味精都幾重,我食完好口渴。

見有人龍潮店南翔小籠包分店,下次可以試下!(不過我聽到落 order 之後要等 20mins!)

p.s. 呢度個 foodcourt 自己有個名o架!叫「大食代」,lol!

──────────────────────

佳味居越南湯粉
地址:側魚涌太古城中心 Foodcourt
電話:TBC
菜式:越南

[BLOG TAG] 10 件你最想做的事

不是人 tag中,好難呀個題目。:em_36

請列出10樣最想做的事(短/長期均可)
被點名人士除了要回答別人的問題,還要在最後多想1條問題。再邀請5個朋友仔加入,並留言告訴他們已被點名。


(01) 減肥瘦身 (女人的永恆願望 TOP 5!)
(02) 一年最少出一次埠
(03) 三十歲前嫁得出
(04) 4月租約期滿前搵到屋搬
(05) 快o的諗到情人節送咩比男朋友好
(06) 打風流工 (即係做又得,唔做又得)
(07) 放工去買林海峰隻新出 DVD 留返新年睇
(08) 睇到一次椎名林 木禽 / Misia o既 live
(09) 又想要一個 vintage gucci 手袋,大細各一隻
(10) 做返 gym

‧不是人問:
究竟你諗o既10件最想做o既事, 有幾多樣你係夾硬諗出黎架呢?

‧我答:
大部分



‧我問:
假設你買o左側田演場會飛,你會唔會因為側田原來係地中海兼M字額去搵 Paco 回水?


我 Tag ─
‧apple13
‧麻利亞
‧Rachel
‧pm
‧一件健

歡迎光臨!多謝合作!

源記

吃完鵝肝扁麵,男友提議去喝糖水,我家附近的話,當然是不二之選 - 源記啦!

13度的氣溫,晚上9時半,門內外都擠滿了人,也有大量名貴房車泊門口。


我極愛這裡的桑寄生蓮子蛋茶,其實很飽,但還是硬要吃這個雞蛋。桑寄生蓮子蛋茶的蛋和蓮子都是必吃,別處是永遠吃不到。蓮子的鬆化度極神 奇,又永遠都不會有半條芯出現,雞蛋內外都染了茶的顏色,但又一點不老,不知道他們怎樣做到的。配合清甜潤喉的桑寄生茶,我愛它愛得差不多每個禮拜都來 吃。


男友很飽,吃不下雞蛋,就要了這個蓮子紅豆沙,紅豆沙真係起晒沙,不過男友則略嫌少咁o的咬口。比起其他有名的甜品這個只是一般。


嘴饞的男友再點了這有名的全蛋雞蛋糕,我自己則不大喜歡,太乾。

吃完即閃,人太多。

埋單 $39。

------------------------

源記甜品
地址:西環正街32號地下
電話:2548 8687
菜式:港式

蛇王海

天氣繼續寒冷。

12度的星期天晚上,一個人在家附近尋吃的,忽然很有點想吃個糯米飯,記得近西邊街有家賣蛇的,去吃個糯米飯也好。

店子裝修簡陋,座位約有20個,有個小電視,小小的街坊蛇店。


看寫在牆上的 menu,點了個鴛鴦雙腸糯米飯($17),老闆問我要不要下荵和花生,當然要哦!上桌是腸是分開小碗上,腸很靚,蒸的很軟稔,飯則稍嫌不夠咬勁,比較稔。但整體來說是不錯的。

後來吃至一半,店主的兒子 (大概20餘歲左右,很高而且挺帥的,呵呵~) 把一碗湯放下,啡黑色,看樣子像是西洋菜湯,我以為是送例湯還是什麼,就說了一聲「唔該!」,這時店主瞄了一下,對兒子說:「...喂呢個唔係套餐o黎 喎,不過算啦!」害得我心也有少少慌起來,無端白事。


這個湯,當然不是普通o野啦!呷了一口,嘩,很濃烈的當歸藥材味!看一下牆上寫的套餐,原來是跟一個五蛇湯!!!喝完,混身發熱!很勁!足料又夠火喉的湯就是這樣功效神奇!

走的時候,我不好意思,主動跟老闆說收返套餐錢,他堅持不肯,我話你個湯好得喎!佢就好 cool 咁笑o左笑,話下次先啦!OK!一定再來!!

我見其他的客人大多數都點這裡咖喱牛腩飯套餐,下次就試這個好了,I‘ll be back!!

----------------------------

蛇王海
地址:西環皇后大道西328號地下
電話: 2549 3326
菜式:港式

[CAT] 有貓的生活 (20060123)



今天早上臨出門口前想餵貓。

忽然看到地上有個爛膠袋!!!!!

早前在 hompy 談過的開心果燒餅,比貓偷吃了!:em_40



昨天晚上邊玩電腦邊吃,貓聽到吃東西的聲音,又走來八掛,見這餅乾不油膩,貓又在懶可愛,心軟,就拿很少很少 (一塊手指尾指甲的大小) 給貓吃了。剩下兩塊留給男友。

這貓嚐過美味,襯我睡覺的時候把餅乾和膠袋給強姦了!!!!!:em_45

袋內只剩下不足一塊餅,兼且爛溶溶,好可憐呀!

捉著積積狂鬧一輪,這貓也通人性,知道自己做錯事,dup耳閉眼的,後來我去拿耳環帶,貓又走來跟你扮 friend 不停在腳邊繞圈,心煩,細力的腳把貓掃開─

這時牠竟然詐死!!!(無啦啦打橫 目訓 響地)

嚇得我忙看一下是不是把這死仔包踢死了!

不過當然就唔係啦,我去摸了貓一下,這惡童又立即裝個可愛樣在撒嬌,激死人!

所以就罰佢食少餐啦,條友食o左成塊餅飽到飛起啦實!