日曜日及土曜日之食事

週六,看完《Munich》已是晚上 9.45pm,雖然看戲之前已先吃了一隻 IKEA 熱狗,看戲的時候又 share 了一包大薯片,肚子還是餓得很。到 Doraya 去吃飯,終於不用等位不用排隊了。

我最愛的赤身吞拿魚蓋飯定食,差不多每次來都會點的呢,不過這一次則好像又有點失水準,魚不夠肥美,Doraya 真是一家水準飄忽的店子啊!:em_36

男友點的是荵吞拿魚蓋飯定食,吞拿魚怎麼小的這樣孤寒呀?

也要了一個味噌牛根煮做前菜-可是這竟然是我吃完飯才上桌,可能是因為這樣,小小的碗子竟裝了超多牛根和魔芋粒,不過還是第一次來吃的時候比較好味。

埋單 $180 多,menu 多了很多新選擇。

星期日下午跟男友去了尖沙咀「血拼」,休息的時候在新港的 Cooked Deli 吃了我很喜歡的大阪王將的日式煎餃子 ($20/6隻),好吃到不得了啊!皮薄餡靚兼且爆晒漿!呵呵呵~

-----------------------

定食 Doraya
地址:銅鑼灣駱克道451地下
電話:2834 8851
菜式:日本

大阪王將
地址:尖沙咀新港中心地庫Cooked Deli
電話:TBC
菜式:日本

《Munich 慕尼黑》(冇內容)


週六晚 7pm 銅鑼灣 JP,2個多小時。

看完出來第一個的感想是,好想買一副 RayBan 的太陽眼鏡,湊夠 4、5 條友一字排開!

嘩!型到爆!:em_38

第二就是挑起了我想歐遊的慾望!事有湊巧,看電影前本當跟男友在討論去哪裡旅行好。

史提芬真箇是拍娛樂片的大師,由頭到尾絕無冷場,充滿了觀能刺激,最低限度也對我等無知婦儒作了低度的地理教學,到處都風光如畫山明水秀,好想去旅行啊~~~~~~~~

電影開首已寫到明是 inspired by 真實的 event,即是說大部分的劇情也是靠老吹!但老實說,運動員被殺掉的畫面我還是看的膽顫心驚,死找著男友的手臂不放!

娛樂性極高,值得入場!

Official Site:http://www.munichmovie.com

細佬註冊日後記 (下)

夜晚節目,細佬香港補擺喜酒。其實淨係得阿媽o的 friend,14 個大人 2 個細路,一圍坐晒!

選址旺角稻香集團迎喜大酒樓,貪佢個名意頭好,同埋o的o野食OK,無坐房,因為房要另加 $1000!因為無人情收o既關係只當 casual 食飯,所以唔係訂喜酒酒席。


7時恭候,8時開席! :em_50



上湯龍蝦伊麵底,我鐘意食龍蝦-但係只限拆好晒肉果o的,到我畢果時已經淨係得返o的腳跤位啦~ o的殼「吉」死人!



乳豬大紅袍全體,超脆,但係太細隻,12人食就ok,16人每人只可分得兩小片…



呢味花枝大元貝最過份,好食就好好食但係份量細得離奇,我細佬去搵個經理嘈先發現係搞錯單,say sorry 同埋即刻炒多碟出o黎,但係都唔好睇啦!話晒都請客丫嘛!



海皇玉龍卷,呢味人人都讚,其實即係普通海鮮卷但係換o左個皮做呢o的網紙,即刻唔同晒!



脆皮醬燒雞,皮脆肉嫩又入味…但係可惜雞係雪雞,整得幾叻都無用。



清蒸東星斑,一般,呢排食斑到個人麻木晒~



竹笙雞絲燴魚翅,翅係散排翅,足料但個湯底麻麻,細佬話無味,我覺得佢個獻打得好勁,杰撻撻!



金蠔富貴盤,有生菜有鮑片有蠔豉,未來一年我都打算唔會再食蠔豉呢樣o野~好怕!



家鄉糯米飯,唔好食又唔難食。



最尾有金黃壽桃包同埋生果盤.壽包好食喎!新鮮即蒸!

overall 呢食物係 OK 唔錯,不過服務比較混亂同埋環境好嘈,都唔知係好彩定唔好彩,男友要 OT 無o黎,又因為佢無o黎,o的o野食先o岩o岩好咋叫做~

我o地訂呢個係皇城頌皇席宴 (個名好勁!),weekend 價要 $2760,weekday 有半價只賣$1380,另外加o左 $900 左右加到足16人食品,同埋加錢要隻龍蝦。

連酒水 kick lick 卡勒,埋單約 $2400,好平!!!

同場加影-

我其一個 auntie 個仔,2歲零8個月,講o野好快o架!



佢條拉鍊比佢玩壞o左,就走埋o黎搵我細佬玩~



我係咁影佢相,佢就勁 dup 低頭,然後又問我「做乜影影影影呀?:em_39」好搞笑!哈哈哈!

-----------------------

稻香超級漁港 暨 迎喜大酒樓
地址:旺角彌敦道639好雅蘭中心3樓B舖
電話:2390 0882

再見!露絲瑪莉

睇個勢,都係一碟就完,講定 bye bye 先!


(封面)


(in-lay)

名 模 Rosemary 出碟,簽約英國唱片公司 Roger Music,推出首張 EP《Dreams Come True》,CD ┼ MV 連 DVD 5 首歌,全部自己作曲作詞,其中 3 首o既歌詞由其他人幫手繙譯做中文,所以有兩首國語同埋一 首廣東歌,其餘全部都係英文歌。

暫時仲未聽過 (連 BT 都無人做 seed,touch wood 比人拉的話,衰比佢唔抵呀!),報紙訪問佢,佢覺得自己唱得似 Alanis Morissette (link),哈!報載訪問街坊同樂評人,就話似菲律賓歌手多o的,咁即係褒定貶?酒廊同酒店都唔同 grade 啦!

睇住佢大睇住佢壞,想當年佢贏 model 比賽冠軍,我都係得 F.2!

時光飛逝~ 唉~

我對佢都無乜好感,主要因為佢阿媽真係好Q煩,比阿媽害死佢~ 邊有人接 job o野o野都帶埋阿媽?你返工會唔會帶埋阿媽坐你隔離?

有無人會買?不訪留言話我知丫!

《大鬧廣昌隆》

導演陳果於 1993 年拍o既《大鬧廣昌隆》,演員有吳大維,陶君薇,鄭丹瑞,顧美華,青山知可子等等。

剛才在 now 衛視電影台看了電影的後半部,原版的故事相信各位都很耳熟能詳,說的是一家叫廣昌隆的老店鬧鬼,女鬼又跟在生的人相戀,版本有很多,但骨幹大概都是如此。

陳果的處女作就帶來了一個很不一樣的廣昌隆,翻查 google,只找到少許資料,電影公司要新晉導演陳果用現成的佈景拍這部戲,budget 只有五十萬,上畫後片房也不大好,但有得到影評人的留意。

電影不算拍的很好,我的意思是不夠 fine,但某些鏡頭的運用,分鏡和橋段,都不是一般的民初劇所會做的。甚至乎選角上也刻意跟傳統背道而馳,譬如用上中生鄭丹瑞配顧美華,就多了一分優雅。就算是吳大維、陶君薇跟青山知可子,也跟其他的驚慄電影頗有分別。

精選場口:

(一) 鄭丹瑞飾演的播音員被女鬼陶君薇的故事感動,走到荒野掘屍去,為了女鬼能走回肉體好向丈夫吳大維報仇。所謂的變成行屍 (zombie),光天化日也可出來活動!

(二) 二奶青山知可子深愛吳大維,得知原來吳大維原來並沒有愛過自己,用一粒子彈就把三人同時殺死!(如何做?請看 VCD)

(三) 鄭丹瑞去拜祭三人時,在庵堂把三人的靈位亂擺,問尼姑有沒有三位一體的複式靈位(!),尼姑道:「兩個係緣,三個係孽」十分精警!鄭丹瑞竟二話不說把三人的骨灰撈勻!:em_37

細佬註冊日後記 (上)


晨早流流 7pm,就起身梳洗一輪,去花墟拎我訂比細佬個花球。真身仲靚過相啊~:em_48

然後飛的落文化中心,個死人的士佬兜路!:em_39

10pm,開始簡單儀式,我阿媽阿爸做主婚人。原來整個宣誓簽紙交換戒指過程超短10mins 唔洗就搞掂!不過文化中心個婚姻註冊署比我印像就頗差,好多o的金毛飛唔知o係度做咩,同埋好多人都係牛記笠記咁去觀禮,我見紅棉路果間唔係咁o架喎~ 仲有個新娘房細到爆,不過我弟婦無著婚紗,所以無所謂啦!

之後巡例就影o的相咁啦!

搞掂晒男友就返公司,我就跟阿媽返屋企拜神食飯。我表姐(40歲)o黎o左我屋企幫手煮飯拜神,整o左呢o的─

1) 蒸雞一大隻
2) 蒸石斑一條
3) 蒜蓉炒通菜
4) 燒肉一大碟
5) 最尾仲有凍o既冰糖雪耳紅棗雞蛋糖水,好吃!

之後就返自己屋企 hea 同訓晏覺,支力 到仆街!:em_36

p.s. 特別鳴謝 apple 指導如何訂購新娘花球。

(未完,待續)

新強記越南美食

下班後到銅鑼灣 SOGO 超市,去買星期三晚要做的菜。坐小巴在渣甸坊下車,已是差不多 9pm,肚子餓得很!!這裡有家小店叫新強記吃越南菜的,印像中味道不錯,而且價錢廉宜,先來碗生牛河醫肚才是王道呢!

生牛河味道比印像中差了,牛肉才得數小片,湯底頗濃且鹹,但其實也不是不好吃,只是回憶中的牛河味道比較好。沒有加一,才 $22!!

環境比較擠逼,露天位可抽煙比較好坐...如果不介意食塵的話!

--------------------------

新強記越南美食
地址:銅鑼灣渣甸街35號
電話:2576 3657
菜式:越南

sitemeter



都說在 internet 的世界裡沒有私隱。

昨天下午安裝了 sitemeter 在我的 hompy,可以看到每天有多少人流,在哪裡來,到哪裡去,甚至你是在世界上甚麼地方看我的 hompy 也能知道。

截至 2006 年 2 月 22 日上午 11 時,從 data 所見,大部份來我 hompy 的人都是從 hompy 首頁的 ranking 走進來,有些則是在其他人的 hompy 裡 link 過來,也有的是 google 裡 search 到的。

以 我的「觀眾」都以本地為主,在何文田(?)地區很受歡迎!「觀眾」也遍佈世界各地,有來自美國的加州,北卡羅來納州,也有來自中國的大連 (肯定是兔叉妹啦!),有北京,有台北,有高雄,日本的 Kanagawa 神奈川(?),遠至英國的 Solihull (不知道是甚麼地方~)。

都是一些很有趣的 information。:em_33

nothingness 的 hompy 有詳細的安裝方法及介紹。

自己做.深宵便當一人前


(燒得靚的雞扒留給男友)


(這是我自己吃的晚餐,雞皮好像焦了一點 :p)

晚上本來約好男友來我家,想做飯給他吃,連材料都昨天已一早買好。怎料男友 6.30pm 臨走前,老闆才忽然有事要他 URGENT 做,告訴我大概 9pm 就 OK,於是我一邊看雜誌一邊等。

8.30pm,男友來電說有可能最 worst 要通頂!!

那麼我買好了食材怎麼辦好呢???我一個人吃不完啊!而且也不想放過夜!

男友就說:晚一點會來當吃宵夜。

好!於是我便可憐兮兮的做了二人份的食物:em_45,一份自己吃,一份放飯盒留給男友。

(1) 薑汁蜜糖燒雞扒

材料:
.大塊巴西雞脾扒購自惠康 ($10@)

做法:
.先用老抽、生抽醃雞扒,作用是先上色。再把糖、麻油、蜜糖和薑汁混好,把混合物跟雞扒撈混,醃最少 30mins,我是昨天晚上先做好的,不用那麼手忙腳亂。
.把雞扒煎自兩面金黃,雞扒皮不要燒焦油是不能省的。
.因為雞扒太厚裡面還沒有熟,可以放微波爐 (或焗爐) 去稍稍叮一會兒即成,我家用的是 500W,大約3-4分鐘就剛好。
.取出放廚房紙巾輕力索油,切好一件件就可以上碟。(我貪快是用廚房剪刀剪開的。) juicy 啊~~~

(2) 傍邊放著的是漬物,在 Sogo 超市買到的奈良漬 ($2X),是小麥醃的蘿蔔,甜甜的很開胃,男友不喜歡酸的東西呢~ 買回來原條切小粒,開封後食物盒放雪櫃可存1個月。(配粥也很好吃的呢!)

(3) 蒜蓉日式雜菜

材料:
.秀珍菇($7)
.日本鮮花菇($7)
.本菇($7)
.還有我很喜歡吃的小毛茄 ($8)

做法:
很簡單,就是少許油和蒜蓉起鑊,下材料下少許鹽爆炒一會即成。

(4) 最後的白飯下了些芝麻,看上去比較漂亮。

p.s. 男友 12am 來到,我拿了熱的綠茶和微波爐翻熱了雞扒給他吃,他很快便吃完了說很好味,現做的應該會更好吃,雞扒也很嫩(當然啦那是雞脾呀~)。我叫他打分數,他說89分,因為我在電話裡面發佢脾氣喎!!嘿!:em_36

《Death Note》電影版



作為《Death Note (港譯:死亡筆記)》的粉絲,終於等到漫畫被改編成電影,雖然漫畫版畫到後期拖泥帶水,已經去到雞肋的地步,睇又唔係唔追又唔係,但漫畫主角夜神月的學生時代部分仍然是近年我看過最精彩的,好久沒有看過令人有心跳加速感的漫畫了。


(photo copied from 地獄貴公子 個 blog)

電影由華納兄弟投資,分為前後篇,2006 年 6月及10月於日本公影。夜神月找來女人型藤原龍也主演(搞錯!!),即《大逃殺》中那細蚊女似的男主角啦~ 我比較關心彌海砂找誰來演。

希望死神個造型唔會似奇諾奧咁反智啦~ :em_36

Official Site:http://wwws.warnerbros.co.jp/deathnote

細佬擺酒 (上集)

尋日晨早流流 10am 就出門口同男友仆返大陸,因為我細佬係響大陸擺酒。其實我最怕去深圳,我對於深圳o既印像真係頗為差,不過細佬擺酒,唔通唔去咩?


(火車飛,個樣十年如一日)


(高速列車歡迎你!:em_38)


(當心比水桶燙傷?)

響深圳買火車飛 ($45@),唔洗 45mins 就到達目的地東莞啦!

下晝 3pm 已經去到我姨丈屋企,因為咁早無咩好搞,就玩下我姨丈屋企隻狗先,隻狗養o黎看門口,好鬼大隻,但係佢好馴o架喎,又唔吠又唔咬人,個樣仲...

成隻豬咁!!!!(會唔會係狗同豬o既 mix?)

好搞笑~:em_34


「大家好啊!我叫豬頭,我好乖o架!」

(唔...聞下先...聞下先...)

除o左狗呢,仲有金魚喎,香港人養金魚養係金魚缸,咁我呢個姨丈就將o的魚養o係邊呢?答案係 ─



金魚池!!!隔離仲有條好細o既橋o添!

我姨媽話個金魚池前身係養鯉魚,不過後尾因為太多盆栽,就整細o左個池,養鯉魚池又唔可以太細,所以就掉o左o的鯉魚 lu~

然後 hea o左一輪 5pm 度換埋衫就一車人去o左擺酒間酒店啦!

(未完,待續)

細佬擺酒 (下集)

細佬擺酒,只招待小量親朋戚友,女家連親屬淨係得唔夠 10 個人,所以係我o地男家主打,預算八圍。

點知有差唔多一圍o既人 (我細佬香港o的朋友&同事) 甩底又唔出聲!

搞到亂晒籠!然後搞到我阿媽開頭又黑鬼晒面,我細佬無咩叻,但係佢 EQ 高,反安慰我阿媽,話:「其實初頭我都無諗住擺酒,依家有 6-7 圍人o黎都唔錯啦~」

咁我阿媽面口先好返o的咋~ um~ 我細佬係有o的計o既~

是晚我同男友只係負責坐迎賓位,無咩好搞,主要係叫人簽下名,同埋幫阿媽 keep 住o的人情咁囉~ 話時話呢晚擺酒都唔係平o架,雖然係大陸咋,但係都要 around $3600 一圍, 因為條魚同隻龍蝦貴喎,同埋間酒店都有當地 4 星o黎o架!

玩下o的無聊遊戲,開香檳,切蛋糕就開席,時為 6.30pm,同香港好唔同,就係呢度興早開席,香港無 9pm 都唔食得啦,同埋呢度興一o野就上晒o的菜,勁快食完─


菜單 (普通圍)

我坐男家主家席,據聞同其他幾圍係有分別o既,o的料好似會比靚o的,不過我都係覺得麻麻地,算啦,去飲都唔係為o左食o架啦~


先來乳豬全體,都唔係幾掂,肥到死!


芝士焗龍蝦,唔知點解會係配烏冬底,au 晒頭,不過呢味都幾好食,龍蝦係波士頓空運,新鮮,唔錯唔錯~


發財好市大利,新年果期已經食到驚,點解仲會出現o架?!


陳皮蒸鮮鮑魚仔,麻麻地。


翅,好唔掂,翅毛都食唔到一條。


燒乳鴿,好味,食o左三件,嘻嘻嘻~


帶子螺片西蘭花,都 OK o既,清清地。


清蒸大海斑,本來可能幾好食,但係佢上魚果時我去o左敬酒,返到o黎食就已經凍冰冰 lu~


蠔王鮑魚菇伴時蔬,OK 咁啦~


福建炒飯,好濕,唔掂。


美點雙輝,粒糯米滋個餡係甜o既椰絲,好難食~


最後有紅豆沙同生果盤,食完!時為 8.15pm!

全晚最難得一見係我老竇阿媽講o野 (仲影o左張合照!),我已經幾百年無見過佢o地講o野啦!你要明白唔係人人都做到狄波拉同謝老四,離o左婚 / 分o左手,唔一定會做到朋友o架嘛~

搞呢搞路 9.30pm 閃,返到屋企已經 12am,支力到爆!

同場加插─

我有個細表妹 (20歲) 生o左個女,上年 2 月見佢仲係 BB,今年已經識行啦,眼大大,面仔肥o都o都,又鐘意笑,跌下跌下咁超得意,個個親戚都錫到佢火農!!!:em_35




「我係璇璇呀~ bye bye!」

:em_48