估不到的常餐

早年曾經在 Times Square 工作,常常在下午茶時間在這一家up dup 茶餐廳和同事們吹水蛇王煲煙。

今天晚了吃午飯,只有我自己一個人,就又去了這裡邊吃東西邊抽煙打發時間。

十年如一日,大叔們刨馬報的繼續刨馬報,依然很多附近工作的型仔型女 sales,依然煙霧瀰漫。

我很喜歡這裡的餐牌。

估不到的常餐,我很喜歡吃常餐,有庵列又有牛油方包和沙嗲牛麵的常餐。

凍奶茶好像比以前失色了,不過叉燒和蛋都很好吃。

我點了鮑魚豬軟骨公仔麵,我絕少要求把大光麵改成出前一丁,茶餐廳就是應該吃在家不會煮的大光麵嘛!鮑魚-你不會 expect 是一整個放湯吧?有一兩片o趙一下已經很好了,倒是豬軟骨有驚喜,著實做的不錯,炆的很腍。還有那味精湯底,竟然幾好飲!

凍飲+$2,埋單$27。

p.s. 此處極其 up dup,怕邋遢女士們還是咪光顧為妙。

----------------------------

祥發茶餐廳
地址:銅鑼灣耀華街1-1A
電話:2891 8547
菜式:港式

心情大好中

.投資穫利:em_34:em_34:em_34,少少o者~ (不過長假後我應該會沽o左佢)

.有同事話我瘦o左!:em_34:em_34:em_34:em_34

.終於的起心肝 join 返 gym (屋企附近間 Fitness First),正!:em_34 今日即刻去買返對手套,因為舊果對掉o左啦~ 打 bodycombat 無返對手套戴住硬係周身唔自然。(仲有呢~ 開頭招呼我果位 PT 好得喎!成間 gym 入面最得,kekekekeke:em_34)

Nike,$1XX。(唔記得o左 excatly 幾錢)

.我一向都好藐o的心靈雞湯老土書,不過今日第一次買o左本 self-help book,呢本我下晝響 times square Page One 等男朋友果時睇o左o的,寫得幾好笑:em_34, 似《Sex and the city》,同埋有用,除o左真係有教你點樣著高跟鞋之外,仲有o的諸事八掛o野譬如如何招呼朋友,如何將o的歌 load 入 iPod 同埋 如何使用螺絲批等等,《How to walk in high heels》by Camilla Morton,$225。(老實講有o的赤)

.夜晚食完 Ruby Tuesday 之後返屋企同男友攤響梳化睇o左《Wedding Crasher (港譯:冒牌伴郎生擒姊妹團)》,超無聊不過都 OK 好笑同埋賤:em_34:em_34:em_34,好耐都無試過坐定定睇晒一套戲!真係好~

YEAH~~~~~~ 繼續煲碟!

微笑行動

尋晚有事要去 PP 搞,做完,又偷偷地自己去 shopping。:em_34

咁橋呢我支 Jurlique handcream 就快用完,又有藉口比我買o野。

英國品牌 Molton Brown,第一次接觸係幾年前響個朋友屋企,用完,幾好喎,唔,記低個牌子名先。香港係得 Lane Crawford 有售。




作為一個「shopping花心人」,細支裝 travel set 正好滿足我o既心理,每支有 100ml,$475 / 5支,計落唔貴。仲要送個靚靚仔仔o既化妝袋,贈品o黎講算好 O 呀!

三支 nara ji 「pump裝」handcream,味道清新,一支放書檯一支放公司一支放廁所,o岩o岩好,潤而不膩。

一支 skinbalance toning lotion,橙味,聞落好舒服。試上手,保濕度高喎!

仲有一支,要o左 invigorating suma ginseng body lotion,人參味,比較中性,放睡房,男朋友都有得用。

另外金色細細支果個呢,就係送o既 sample,係 invigorating suma ginseng bath & shower,不過我未試。

sales 姐姐 Karen 非常之 nice 兼好招呼,開名係因為真係好值得一讚,你係睇得出佢係真係有心果隻,唔係「小姐埋鏡拼拼隨便試試」果o的敷衍o野。其實成間 PP Lane Crawford 的 sales 都十分之 nice,我行過男裝部,全部 sales 見到我都會點頭微笑,雖然明知只不過係因為公司規矩,但係都感覺良好,抵比錢你賺啦!

Official Site:http://www.moltonbrown.co.uk

p.s. sales 姐姐話,買滿 $450 以上,再買一支 lip gloss / mascara / lipstick,就送一個自己調配顏色o既 eye shadow,係用部機即刻壓出o黎o架喎!獨一無二o架!

[轉貼]恨人亦要花氣力

我唔鐘意倪震,但係我覺得佢呢篇寫得好好,共勉之。

‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧

致倪震:

我想告訴你,我討厭你很久了。或者說得再準確點,我憎恨你很久了。從你 80 年代開始做《三個寂寞的心》,到後來出版《YES》,我都覺得是嘩眾取寵,淺薄庸俗的產物,我為我身邊的朋友被你迷惑、荼毒感到悲哀。後來好了,你賺夠了,飽食遠颺,終於離開香港了。

我終於落得耳根清靜,也可以眼不見為淨了。可惜你又回來了,也奇怪你這樣 OUT 的人,居然還有電台節目可做,居然還有專欄可寫,居然還可以愛情專家自居,還甚麼「辣筆才子」的?真的令人哭笑不得。

我希望商業電台,盡快取消你的《絕情谷》,《東方新地》也盡快取消你的專欄,還我的眼清耳靜。你這樣水準的人,有甚麼資格在香港傳媒立足?別霸著廁所不拉屎了!

極度討厭你的
理大不平

──────────────────────────────

致理大不平:

用這麼多能量,去憎恨一個人,針對一個人,其實是很浪費你寶貴時間的。心,也不會舒服。節目主持人、作家,不是董建華,你的生活不一定要和我有緊密的接觸,你在聽與不聽、看與不看外,其實還有無窮選擇。我見你文字清通,用詞尖刻,就想起年輕的我。但我不想你和年輕的我一樣執著,執著不是令我們走冤枉路,而是令我們原地踏步。

我們的時間有限,青春的時間更寶貴,用來充實自己,用來愛,不是對自己有益得多嗎?為甚麼要用來恨呢?我看見你這樣浪費時間,像打聖戰似的,我有點心痛。你是不是把事情放大了,看得太有意義呢?用這樣的能量來愛,來學習吧。不要讓自己看不過眼,聽不順耳,但又可以不理的事或人,阻礙著自己飛得最高最遠。

放開一些,包容一些,我做得不好不要緊,你既有這樣的眼光,這樣的文筆,將來一定可以超越我,淘汰我,寫下自己光輝的一頁。那,不是更好嗎?不要再浪費自己的時間了,最後,你會發覺我是不值得的。我,有長處,也有缺點。蒙你的錯愛,「留意」了我這麼多年,其實我,已經在你心裏面存活下去。我長處你己經據為己有,我的錯弊你不會重蹈覆轍,正面、反面的教材,一樣會令我們優生。正因為你恨倪震,你心裏面就一定有倪震。你愈注意我,你愈憎恨我,你就愈受我影響。

你知道嗎?每個人也有他的市場價值,我會有機會主持電台節目、寫專欄,無論你喜不喜歡,也必定有其市場上的合理性。我承認我從來不是個「潮人」,你說我 OUT 我也不介意,我看蓋茨 (Bill Gates) 和李嘉誠的打扮,也十年如一日。帶領潮流我還有點勁,追嗎?多謝了。

我只想跟你說,我活得很快樂,因為我不會憎恨一些無謂的人。我看見地上有屎,我繞過去就是,總不會先踩後罵。

最後,我想告訴你,我雖然霸著廁所,但我是有拉屎的;只是,屎這回事,豈能盡如人意。


有點欣賞你的
倪震

MOOV MOOV MOOV



恭喜恭喜 MOOV officially launch!:em_50
條 TVC 拍得好有型o架! (丫!影得阿 Sa 好靚喎~)



睇完 TVC 記得快o的申請o黎用下呀!網上音樂無限聽無限睇!

MOOV.now.com.hk

(唔係 Netvigator user 都得用o架~ )

有關 MOOV 或者網上雜誌 《SMOOV》 o既任何問題都可以留言比我呢~:em_34
我識得答o既都會盡量答你地o架!

有貓的生活 (20060426)

今朝影o既相,新鮮滾熱辣,十分之珍貴!好難影!

我影到林積積溝女呀!
(其實唔知隻貓係仔定女,不過同林積積個樣有九成相似!!!)



唔係鏡o黎o架!真係有兩隻貓!林積積隔住個鐵閘識朋友仔!佢o的朋友仔 (有好多隻貓,我淨係影到一隻) 朝朝早都過o黎探下佢~



人o地隻貓,係咪好得意呢~ :em_48

不過佢算唔怕人,其他果o的我都未舉機就四散晒 lu~

算啦~ 林積積,人o地o的貓閹晒o架啦,比你溝到都無用啦!

自己做.泰式柚子蝦沙律


之前的文章不是有說過我在吉之島買了生果到我媽家去嗎?那天其實是買了腰芒還有柚子,想吃腰芒的是我,然後我知道我媽喜歡吃柚子所以又買了,可是買的太多,跟本吃不完,最後是整個得帶回家去 @@.因為如果只有我媽一個人又是吃不完。

雖然我也很喜歡吃柚子,可是一整個捧著吃好像很悶,就用來做了這個泰式柚子蝦沙律,做的過程很簡單不過挺花時間。

泰式柚子蝦沙律做法 (粗體字是要預備的材料)

(1) 柚子一個 (我買的是泰國空運貨,要$23,貴),整個起肉,記得保持完整的柚子肉粒粒啊~ 這個過程得花上一小時,我是昨天晚上先做好,一邊看《王子變青蛙》一邊拆。

(2) 游水鮮蝦($80/斤),買回來的時候還在跳跳跳,超新鮮,洗凈去殼起腸,相裡面的分量有半斤。用生油少量,麻油少量,鹽及胡椒粉也是少量調味,再在表面略為薄薄的印上一層豆粉,略醃一會兒,這個過程得花上半小時。把蝦煎好,擱涼備用。(如果可以的話用蒸的更好)

(3) 1-2粒乾蔥、蒜頭切碎,炸至金黃色待涼備用。不要下的太多啊~

(4) 檸檬搾汁,備用。(搾之前先把檸檬壓滾幾下,更容易搾汁)

(5) 柚子肉放大碗,倒椰漿,不要倒太多,撈勻。再下豬肉鬆適量,撈勻。下一至兩小匙檸檬汁,撈勻。上碟轉到另一個碗子去。

(6) 再在面頭舖上豬肉鬆,乾蔥碎,還有蝦就成了!

一大盤柚子沙律,然後饞嘴的男友回家的時候買來了老麥的泰式雞翼,還有漢堡包,就是一餐美味簡單的晚餐了!

:em_48

自己做.一送一湯


又來家常小菜時間,時間有限,只能夠有時間做好一送一湯(夾硬計埋湯渣就有兩送 lor :p)。真係唔知o的阿媽點樣放工仲煮到三送一湯 8pm 開飯。:em_40


今晚o的送全部都好平! :em_34

先來這個秀珍菇炒雞柳,秀珍菇 $6 / 半斤,雞柳 $2 / 2塊。

(1) 秀珍菇洗淨,備用。雞柳洗淨,用生抽,老抽,糖,麻油,生粉調味,撈勻,擺埋一二邊醃半小時。

(2) 先略煎雞柳,煎好瀝油備用。

(3) 開鑊,爆蒜蓉,拍薑一至兩片,落秀珍菇,落小小鹽,炒一陣,再落雞柳,蓋鑊蓋焗一陣,秀珍菇會出水,所以千奇唔好落水呀!

(4) 蠔油,豆粉,生粉水撈勻,打獻。

(5) 等個汁收得差唔多就上得碟。(我鐘意汁撈飯所以多o的汁)

男友勁讚呢味,食晒!呵呵呵呵~

‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧



呢個仲簡單,不過好好味!又係好平!

聖瓜蝦頭蝦乾肉碎湯

聖瓜 $2 / 一條,免治豬肉 $5,蝦米,蝦頭 (前晚整沙律淨返)

(1) 豬肉略沖水,廚房紙巾索乾。鹽,麻油略醃。

(2) 聖瓜洗淨,滾刀切塊,備用。

(3) 蝦米洗淨,熱水浸軟,備用。蝦頭洗淨,備用。

(4) 燒一鍋水,水滾拍薑一片,連同蝦米蝦頭一切落先滾 5-10 mins,再落豬肉,滾 5 mins。最後先落聖瓜,滾 3-5 mins 即成。

一粒鹽都唔洗落都勁鮮甜呀!:em_35

‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧


成餐飯最貴就係小妹o既人工啦,無價o架!嘻~

不過今晚呢就唔得閒煮飯啦,有錢要賺!haha~ :em_34

有貓的生活 (20060425)

尋晚訓覺之前,我同男友發現隻貓唔見o左,搵搵搵搵,又叫極佢都唔應 (因為平時叫佢都會「meow」一聲應我 或者 自己行返出o黎),後來就響梳化底發現佢縮埋一角,唔知做咩好似好驚咁樣,咁我地搵支佢最愛o既毛毛棒引極佢都唔出o黎。


後來男友夾硬抱o左佢出o黎,一放手,又一支箭咁走返去梳化底。因為我地好眼訓,所以見佢無事就由得佢。

今朝起身,惡童推跌o左個文件盒,跌晒的野。我又捉佢入籠坐一陣監,咁佢又響度勁「meow」,我望一望,噢~個水兜無晒水,但係我明明係尋晚臨訓前先加水,不過算啦,照加。

求先 lunch 返o左屋企,一入門口,o依?乜地下有個夾食物袋o既夾仔o既???:em_37 心感不妙。

推開個梳化─













一切o既謎團都已經解開啦!:em_39


(個兇手仲擺埋晒o的兇狠表情)

我隻貓偷o左我包豬肉鬆o黎食呀頂!
(見前文,整泰式沙律用剩包豬肉鬆)

所以,佢尋晚死命呢埋響角落頭係因為要遮住包豬肉鬆!!!

所以,佢好驚係因為偷o左o野知我實打鑊佢!

所以,o的水飲得咁快因為o的豬肉鬆鹹佢口渴飲得特別多!

包豬肉鬆呀成 $20 o架,我即刻掉o左啦,今晚仲要洗地呀頂~~~~

:em_39:em_39:em_39:em_39:em_39

星期六食事日記

星期六去了換智能ID,硬拉了男友陪我一起去,過程相當快而且簡單,不過那天天氣可有夠熱,化了個淡妝去拍照,行沒多遠就溶了大半。拍了3張 — 其實也沒差多少,正面就是很胖的啦。:em_36 拍完了時候還早,就去了吃 tea 和 到吉之島買些水果零食到我媽家去。

tea time 我們去了吃和民,將軍澳東港城的這家分店無論吃的跟服務還境也比其他和民差一點,不嘵得為什麼。


炸章魚餅


星鰻天婦羅卷


和民沙律 (細),比正常的小 size 還要小,有偷工減料之嫌。


男友的焦糖咖啡特飲,胖死了!我要了一杯春之特撰櫻花柚子梳打,上一次拍過了,不贅。

吃的一半的時候我媽來電說不要吃太多,等一下就開飯,所以很有點到喉不到肺的感覺。

埋單約$150。

.............................

晚上在我媽家吃飯,早煲好了一大鍋湯,媽說是在永安買到的湯包,$70 左右,有鮑片茶樹菇還有些葯材之類的東西,不過,很鹹,連我媽自己也說鹽下的太多。

因為只有3個人吃飯,除了湯之外有炒莧菜,還有因為男友很喜歡吃我媽做的客家式炆鴨 (嘿~嘿~看我媽多疼我男友!),所以這一次又做了一大鍋的。


嫩滑但非常入味的鴨肉混和了陳皮和其他調味料的味道,香氣四溢,味道一流,如果不怕胖,我想可以連下三大碗飯。:em_51 因為將來要煮給男友吃嘛,所以再問多一次我媽這個鴨的做法,這裡來個公諸同好(襯我還記得),高級組難度的家常菜,有興趣可以一試。

‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧

客家炆鴨

(1) 新鮮鴨一隻,買的時候請鴨販代切小件。(不要內臟)

(2) 回家清洗好,用布/廚房紙巾把水完全索乾。

(3) 用鹽、糖、雞粉小量、中國酒適量塗勻鴨件,放半小時待入味。

(4) 開猛火熱油鑊,爆蒜蓉薑片,把鴨件略炒。

(5) 加水 (份量為略蓋過鴨件),轉小火,下老抽,生抽,糖,陳皮,蔥段,蓋上鑊蓋炆約 1 1/2 小時,其間得搞拌一下免黏鑊。

(6) 汁收乾轉濃稠可關火,臨上碟前試味,加鹽適量,兜勻,上碟。

‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧

嘩!打完!我的組織能力很不錯哦~:em_34

-------------------------

和民居食屋
地址:將軍澳重華路8號東港城1樓112號舖
電話:2628 6491
菜式:日本