寶太郎

有事去o左太子搞,搞完食飯,男朋友夜o左放工,我就自己周圍行搵下有咩好咬,見到呢間o野,記得響雜誌見過有介紹話係日本過江龍,都好,橫掂諗唔到食咩就試下呢間。

男友o黎到,8pm開飯!

寶太郎 logo 好似《乞嗤大魔王》,哈哈~~~

店自慢食品咖喱牛肉飯,有得揀辣咖喱同甜咖喱,我就梗係要甜架啦~ 日式咖喱o黎講呢都做得唔錯,唔會真係勁甜 (Bee Curry 果o的就甜到飛起啦~),有好多薯仔同埋蘿蔔,牛肉係牛腩,炆得好淋~~ 配埋日式漬物,我嫌的白飯唔夠o添呀~

男友點o既都係佢地店自慢o既咖喱吉列豬扒飯,豬扒水準都 OK,肉夠軟,唔會話有咬都唔開o既情況,不過就略嫌味道比較淡o左o的~

每一客咖喱都有送一兜沙律仔,menu無寫o既,留意。

蟹肉蟹耔沙律,呢個真係強烈推介,食草動物如我真係勁歡喜,首先菜多又新鮮已經不在話下,o的蟹肉同蟹耔都多到瀉果下先抵死!!蟹肉喎!唔係蟹柳呀!!!真係啖啖肉,而且兜o野好大兜(同咖喱飯一樣咁大碟),就咁食呢兜o野都肯定夠飽。仲有,平霸!!$30幾蚊咋!!!

廁所個門口logo幾好笑,仲要夠乾淨。

服務一般,環境旺角o黎講算唔錯,座位比較少。

值得一提走果時o的 waitress 係講「arigato」唔係講「多o徙」o既~ 同埋聽得到好明顯好刻意想咬得o的讀音正o的,掌聲鼓勵鼓勵~

埋單連加一 $143,呢餐食得我十分滿意!

---------------------------

寶太郎
地址:太子西洋菜街234號地下
電話:2398 3848
菜式:日本
備註:Official Site

自己做‧住家小菜

尋晚煮o既。連醃約 45 分鐘。



蠔油生菜

做法:

生菜洗淨稍為灼熟就得,下蠔油,燒熱一湯匙油上桌前淋在菜上面。

(洗菜我通常會先用鹽水浸 30mins 或以上,作用是洗去殘餘農藥啊~)



洋蔥排骨

做法:

1) 一字排 2-3 條 ($16/半斤,個死豬肉佬揀o左條好肥o既比我,記得叫個肉檔果個人揀條瘦o的) 老抽,生抽,糖,乾荵碎,麻油少許醃 30 mins 或以上。

2) 30mins 後落生粉撈勻。(作用係先醃味後落粉鎖住o的肉汁)

3) 燒熱油鑊炒一輪o的排骨先。剩起備用。

4) 洋荵一隻,切條。燒熱油鑊炒一陣,見金黃落糖又兜幾下,落排骨,又兜幾下。

5) 加水,閂鑊蓋,中火,焗到差唔多收水就開蓋,落少少鹽,兜多幾下就 OK。

個汁用o黎送飯十分正,同樣做法適用於做洋荵豬扒。

另外小朋友林先生要求食腸仔,OK,所以又煎o左四條腸仔過佢,咁好彩有煎o羅,佢條友嫌三嫌四嫌o的排骨肥撩晒o的瘦o既食完就停晒手。如果唔係有煎腸仔我唔知佢食咩 食送 啦~

都話佢好難服侍o架啦!:em_39 唔係淨係我咁講o架,前晚佢家姐第一次見我咋,都有即刻問我佢係咪好難服侍,話佢乜都唔食o架,佢阿媽諗 食送 比佢好辛苦 (如果係我屋企,比我阿媽已經打斷我隻腳啦~),以家做佢女朋友果個就慘啦~

所以我真係好可憐o架~ 因為林大少爺食飯o的口味比佢媽咪寵壞晒!:em_39 煮飯呀都唔知買咩 食送 好,魚完全唔食,蝦唔食,蟹唔食,肥o既肉又唔食,連叉燒稍為肥o的o的o的都唔肯食,菜又唔係乜菜都食 (淨係食生菜),仲要話唔食就真係一粒都唔肯食,成日又食剩晒o的o野要我執手尾。

想當年呀 (早三五七年),我煮飯無以家咁叻呀,炒條菜心咁樣o的 ex 都食得鬼咁開心啦,我見其他o的女仔係咁意煮個公仔麵煎隻蛋比條仔都鬼死咁感動啦!

佢?!食完連碗都未洗過一隻呀!:em_39:em_39:em_39














OK,呻完。:em_36

飯後果買o左台灣天桃,my favourite~:em_48 ($17/4隻)

題外話。

好友 EU 早兩日同我講要提名我去參加「美少女廚神」,嘩~~ 真係睇得起我,但係千奇唔好呀~ 第一集果個女仔好似張柏芝咁款喎,點鬥呀~ 鬥輸o左又會比人玩又會比人講,咁鬼「糯」~

講開又講,果個節目好多舊魚。

唔明點樣可以化恒妝煮飯,都痴線,命都溶埋啦~ 仲有無真係識煮飯o既人會著到懶靚咁樣響個廚房做o野,西餐都或者得,中菜點呀?唔洗一陣就一頭煙啦~

得啖笑 lor。

Vintage

私人無聊笑話乙則。

鄙人生日將至,男友正在苦惱買甚麼來取悅我這煩友。

我想要o既o野係好多呀,但係我唔想生日又收 AV 產品 (e.g. iPod,uZap窈窕魔師,PDA,W810i,NDS lite...etc),我唔想做 AV 女。

男友有日無聊講開,佢話,

「唔!我諗到送咩比你啦!就係 Vintage o既...」

(當時我仲以為佢會話 Vintage 手袋,等我仲懶開心咁笑晒)






「Gameboy」

頂!:em_36


(理由係-1. 我鐘意 vintage o野 2. 我鐘意打o的低能舊 game e.g. 孖寶兄弟 / 俄羅斯 ..etc)


不過各位放心,佢搞爛 gag je~

:em_48

Weekend 食事日記

星期六,等洗衣機送貨 plus 執屋睇o左三隻 VCD(《魔盜王1》,韓片《Sad Movie(港譯:真的愛你)》,同埋有套舊港產片) ,男友幫手洗地,基本上係虛耗一整日o既光陰,不過洗衣機幾好用,真係開心。

夜晚去o左吉之島間 Das Gute Cafe,竟然幾好食喎!

dinner set around $50 至 $60,已經係連埋湯啦,salad 啦,包啦,main course 啦,甜品同埋餐飲!好平~

男友o既鮮蝦魷魚扁麵,佢話麻麻地。

我個煎雞胸鮮雜菌意粉,十分得喎!(雖然第一次放低果時塊雞胸好生要 re-heat) 賣相頗衰,但味道好 O,雞胸一o的都唔o鞋,好掂~

不過 service 就認真麻麻啦,又倒瀉水啦~ o的o靚妹 waitress 態度介乎唔想做同夾硬返工之間,同埋呢度一入門口係會講「二o徙依媽些」,話晒呢頭咁多日本人聚居,o的發音準o的得唔得?

埋單 total $120。

‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧

星期日,入沙田,因為男友個家姐響 Newcastle 返o左o黎香港。


先去屋企附近新來發食個鮮茄湯底豬扒麵 搭 熱蜜糖柚子茶,打o左底先,我十分之愛呢個鮮茄湯底,勁甜,而且豬扒唔韌,一咬就開,水準以上!男友食乾炒牛河,無影到。

不過呢,去到沙田第一件事呢要同男友媽媽去睇跌打,因為呢朝早果時唔小心扭親腳,老人家跌親可大可小呀,好彩呢阿醫師就話男友媽媽隻腳無咩事,不過因為搽o左o的藥油唔o岩捽到腫o左,下次敷o左冰就 OK 啦,都好好彩呀~

之後呢又出o左去新城市啦,同男友o既家姐,家姐個細仔二仔,仲有男友哥哥6個人一齊去o左和民食 tea,好鬼飽,o的o靚仔食炸雞軟骨係 lur o左舊軟骨出o黎,哈哈~

之後又返o左去男朋友屋企打機同埋 hea 到夠鐘先再出去 (就係臨返去果時撞到麻利亞同佢個陸醫生),哈哈~ 其實呢我同林生拍o左拖咁耐都係第一次上男友屋企o架o者~ :p 點解?因為阿林生怕醜喎~

夜晚一行10人呢就去o左新城市間香辣屋食飯,主要係男友哥哥發板,呢o的場合我通常都會比較鵪鶉,咁無理由我好似平時咁樣搶住叫o野食啦 right?一早 book 都要等到 8.30pm 第二輪檯先有位~

食o左超勁多o野,但係我覺得 average o黎計都無上次新年果次咁好食,跌 watt,連上次覺得好好食o既酸梅烏頭魚爐同埋南瓜布甸今次都做得麻麻地,10個人食o左 $9XX ,男友哥哥請,thank you thank you。

呢個個樣鬼鬼o地o既細路仔就係男友家姐個細仔 R 啦~ 8歲啦!好鬼百厭同埋坐唔定,仲有死都唔比人影佢相o架~ 男友話佢細個好得意o架喎~ (唔知點解鬼鬼o地,家姐同家姐老公都係 100% 中國人)

所以呢全日來來回回咁搭o左好多次的士同 Van仔同埋食到好鬼飽,返到屋企都已經 11.15pm,睇到o的o的o的《王子變青蛙》咋~~~~

是日之開心事精選─

男友個家姐教小朋友點叫我呢,係話
「以家就叫姐姐啦,下次返o黎就叫舅母啦~」


嘩哈哈哈哈哈哈哈哈哈哈哈~~~~~

星期四可能會一齊去迪士尼玩~ 嘻嘻嘻~
「去迪士尼做足準備...

----------------------------

Das Gute Cafe
地址:側魚涌康怡廣場吉之島百貨公司3樓L31
電話:2560 8901
菜式:日式西餐(?)

和民居食屋
地址:沙田沙田新城市廣場6樓657-661號
電話:3156 2567
菜式:日式

香辣屋
地址:沙田新城市廣場第一期191-193 號舖
電話:2693 3128
菜式:泰國,越南

有貓的生活 (20060528)

林積積最近甚少響我個 blog 嚗光。

無他,只係因為實在無咩值得 update,積積一樣咁鐘意打人,一樣鐘意偷o野食,食鹽蛇食蟑螂,都係咁啦~

今日有o的新o野,值得分享下~ 順手增加個 blog o既人氣,實在大家比較關心貓多過人。

事件 (一)

我唔知人地o的貓有無我果隻咁鬼為食,我隻貓今日偷o左一個杯麵!!!


罪証!!!

係我男友搵林積積果時,響梳化底發現o既。

傻仔貓!!你都無滾水!!!~

-------------------------

事件 (二)

影到林積積另一個朋友仔白貓囡囡~ 林積積見到佢果時嘈到癲o左~


仲懶潮影到林積積個 high 樣擺埋上 Youtube 添呀!嘩哈哈哈哈~

(片段已刪除)

你睇下林積積 high 到喪擺尾呀~~~

[轉貼] 港女

一語中的!!!
----------------------------


以誇張手法濃縮寫出現今港女心聲


我 : 你選擇男友有乜條件??
港女 : 對我好就得, 愛情係無價o既
我 : 我有個fd, 對人好好, 識佢既都話佢係好男仔
港女 : 佢做d乜o架
我 : 佢做廚房什工o既
港女 : ....... 其實錢唔重要, 我最要個男友有上進心
我 : 佢好有上進心, 放完工仲返夜校, 假期又進修, 又勤力, 社會時事又識.
港女 : 但我估佢都唔會叻得去邊o羅 介紹第二個比我啦
我 : 唔記得同你講, 我識佢時, 佢家族係開飲食集團o既. 因為佢想了解廚房工作, 先入去做什工....(還未講完, 港女插嘴)
港女 : 可唔可以比佢電話我????? 順便比埋我電話佢??
我 : 我都未講完. 97後佢間飲食集團就執o左啦.. 而家佢真係一個廚房什工.
港女 : 咁都係唔好比我電話佢啦.. 咁無出息
我 : 但係都仲有幾層樓收租..
港女 : 可唔可以約佢出o黎食飯?? 如果唔得, 可唔可以比我張相佢睇下?? 我執o左好耐, 影得好靚o架

港男

連稍為似樣o既都無...

騎呢到爆~~~~~~~~~~~

比返上屆個 Rocky 我呀~~

(source from 《蘋果日報》)
「...香 港 先 生 昨 日 舉 行 面 試 , 百 多 位 男 士 施 展 渾 身 解 數 爭 入 圍 , 不 過 今 屆 參 賽 者 質 素 參 差 , 當 中 可 堪 入 目 的 寥 寥 可 數 , 古 怪 騎 呢 者 則 大 不 乏 人 , 亦 有 數 位 以 前 參 加 過 亞 視 港 男 的 參 賽 者 出 現 , 其 中 較 有 看 頭 的 只 得 白 淨 版 劉 青 雲 。」


奇 洛 里 維 豬
22 歲 的 救 生 員 冼 先 生 自 稱 強 項 是 打 功 夫 , 又 即 場 表 演 類 似 《 22 世 紀 殺 人 網 絡 》 的 動 作 。


陽 光 笑 男
這 位 較 英 偉 的 青 年 準 備 上 車 參 加 面 試 。

(英偉?!無言...)


鋤 泥 版 利 兆 天
曾 參 加 亞 視 港 男 的 鄔 恆 通 再 戰 香 港 先 生 選 舉 。

(各位有翻咁上下年紀o既 blog 友們應該會記得佢啦,本身都已經樣衰架啦,乜仲肥o左四個碼?!)


《 動 作 組 》
人 肉 打 樁 機
全 場 年 紀 最 大 的 41 歲 陳 先 生 , 當 眾 做 掌 上 壓 吸 引 記 者 拍 攝 。

(41歲算係咁啦~)


人 形 金 剛
這 位 聲 稱 自 己 是 田 徑 教 練 的 男 士 頻 頻 谷 胸 。

(佢...o岩o岩去完 Hawaii 返o黎???)


型 關 智 斌
這 位 少 年 看 起 來 頗 為 瘦 弱 , 比 原 裝 Kenny 更 陰 柔 。

(關智斌已經係型,佢仲要係型版o既關智斌...唔...)


老 翻 高 文 安
貌 似 高 文 安 的 面 試 者 , 面 帶 微 笑 婉 拒 訪 問 。

(嘩~~~~~ 阿伯都o黎?!)


《 騎 呢 組 》
翻 生 鍾 馗
一 面 鬍 鬚 的 面 試 者 換 上 短 褲 後 仿 似 真 空 上 陣 。

(嘩哈哈哈哈哈哈哈哈哈哈~ )


油 面 阿 叔
以 一 身 西 裝 打 扮 的 面 試 者 難 敵 悶 熱 天 氣 致 一 臉 油 光 。

(佢真係咁有自信????!)


凸 點 金 毛
這 位 阿 叔 的 透 視 裝 加 高 腰 牛 仔 褲 絕 對 殺 死 人 。

(嘩哈哈哈哈哈哈哈哈哈哈哈~~~~~~)


旺 角 代 表
T 恤 、 短 褲 、 波 鞋 , 加 上 邊 食 煙 邊 睇 報 紙 , 貫 徹 MK 精 神 。

(佢路過o架咋?)


好心啦唉~~~

不外如是

尋晚出城 (其實係銅鑼灣je~) 買洗衣機,係啦,終於的起心肝揀o左部啦,買o左部 $2XXX 惠而浦 (分 12 個月免息分期),都仲平過我樓下間 PK 洗衫舖,其實如果唔係間衰o野成日洗壞我o的衫 (e.g. 大幅度縮水) 同埋磅洗超貴 (e.g.10磅衫要 $48!!!! 我一個禮拜最少都洗 15 磅衫),我都唔會自己買部洗衣機。

OK,洗衣機講完,之後去食飯,行o左去登龍街,點解?因為平~ 大佬個市係咁跌 (搵o野賴),加上剛剛買o左2千幾銀o野 (呢個先係原因) 唔食平o的點掂?

呢間泰成我想試好耐,平時路過一定見到好長龍,聽聞好 O,尋晚路過咁橋有張 2 人檯差唔多埋單,所以就入去試下咁 lor。

環境方面睇落好「地道 feel」,即係 up up dup dup ,食飯要張個袋擺響大脾果隻咁啦。有電視仔播泰文 MV。

仲係無乜胃口,兩個人只係叫o左一碟菜同一個飯o黎 share,我每樣都係食少少咁啦~ 搞到睇落好似好可憐咁~


豬頸肉炒芥蘭,好鹹,芥蘭唔夠新鮮,苦兼且有渣。


泰式海鮮炒飯,你都見到有急凍雜豆啦,咁你仲覺得有幾好食?

我見其他好多檯都有叫 炸蝦餅 同埋 香葉包雞,可能我就係無叫呢o的佢o地撚手o既o野啦,我覺得呢間o野十分麻麻地,完全係不外如是。

不過埋單只係 $75。

--------------------------------

泰成菜館
地址:銅鑼灣銅鑼灣登龍街36號登輝大廈地下
電話:2834 2500
菜式:泰式

[轉貼] 黑色幽默

(source from winwintrouble )

一個農夫和一個律師比智商



有一個農夫和一個律師汽車相撞,律師高傲的拿了一張名片給農夫, 農夫也從他的後車廂拿出了一瓶威士忌,說道:『你好像受驚不小,喝一口吧!酒可以定定神..』

律師就喝了一小口。

『你的臉色還是很蒼白』,農夫說道:『再喝幾口吧!』

在農夫勸說下,律師又喝了5、6口,

然後律師提議說:『你也喝幾口吧』

『我不要』











農夫說:『我在等交通警察....』


---------------------------------


有一位記者訪問一間精神病院,以下是一則記者沒有刊出的談話內容...

記者:"請問你們是如何分辨病人是否完全康復過來的呢?"

精神病院院長:好簡單,只要放一浴缸的水,給他們一支匙羹和一支湯殼,要求他們把浴缸騰空...."

記者搶答道:"我明白了,正常人會用湯殼,而精神病人會用匙羹。 "

精神病院院長:



















"不,正常人會將塞子拔起...."


---------------------------------


小明放學回家跟爸爸說:
『爸爸,我的數學老師今天很怒,明天要見家長。』
「甚麼!?為甚麼要見家長?」爸爸緊張的問。
『Miss Lam 問我 2X3 等於多少,我答6。』
「完全正確,有甚麼問題!?」
『然後她又問我 3X2 等於多少......』
「挑!正白痴!又有甚麼分別呀!?」
『就是啦!我當時就是這樣的回答她啊......』

壽司亭

>尋晚o既晚餐,因為 6pm 左右我食o左個腸仔包打底食藥,基本上都唔係好食得落o的咩,就同男友去o左康怡間壽司亭,貪佢細細份嘛~

吸煙區坐近窗梳化,梳化 design 好怪,唔好坐,同埋好矮。


先來一份醋鯖魚(shime saba)壽司($10),甲之熊掌,乙之砒霜,我好鐘意食醋鯖魚,但係好多人都嫌佢腥溫溫,我就覺得酸味味好醒胃啦,不過壽司亭o既醋鯖魚就麻麻地,唔夠新鮮。(最好食我食過係o係 IFC citysuper 賣果o的,只限 IFC 間 citysuper,其他 citysuper 都唔得。)


鰻魚飯($45),我覺得個魚o既質地有o的怪,但係有咩怪,我又講唔出,總之唔好食啦,個汁亦都比較稀。


北海魚生飯($55),無論賣相食味都非常之一般,唔...typical 港式日本料理。個魚生飯我食o左少少 je,因為已經太飽啦~ 病真係慘,食乜都無晒胃口~

仲有一樣值得一講,就係杯茶,嘩~ 苦到爆!苦到好似跌o左o的煙灰落去撈埋飲咁苦,我飲o左兩啖已經要求換o左兩杯滾水~ yack!


然後忍唔到手響商務印買o左《兄弟》下部,$127,好X貴!但係無辦法,一拎上手睇就停唔到 (尋晚睇到 3am,停唔到手),我下一個行動係睇完《兄弟》之後買埋余華本舊作《許三觀賣血記》,余華實在係好~~~~~~~~~~~~~~正~!

-------------------------

壽司亭 Sushi Tei
地址:側魚涌康怡廣場北座閣樓
電話:2513 6613
菜式:日式