年夜飯看《春晚》

年三十晚,奉阿媽之命撲上深圳陪婆婆兼一黨親戚食團年飯。悶得發慌,雖然只是一河之隔,但畢竟兩地文化差異還是有。我個心其實一直就在想去買 American Appeal,但奈何我家沒有潮人陪我癲。我的表侄仔死話要看 CCTV 《春節聯歡晚會》,於是我坐在沙發上發呆看電視,邊聽窗外的人在放煙花。


黃聖依@森林舞會(2:30 起)

原來國內的《春晚聯歡》有點像日本的《紅白》,都算是年度電視節目大事件。好彩小妹國語聽力不錯,無字幕下聽京腔相聲都聽得到個七八九。作為全國聯播大 show,不像香港一般成人口味。驚見黃聖依竟得扮作森林春姑娘(?),用國內流行美聲式女高音法唱兒歌......不是我本人口味。唯是那班扮熊貓的 dancer 幾好笑,我個腦就一直在想《稻中兵團》。


小品《吉祥三寶》演出者:孫濤 邵峰 徐因楠 劉淑萍

另外有一段都頗有印像,叫做《吉祥三寶》的小短劇 (國內算這種作為小品)。我有印像,是因為覺得那個女生幾可愛,「俺」來「俺」去,還有「咧」甚麼的。說的是一個做保姆的女生,想嫁給一個做保安的男人。我還以為女生是謝娜,因都是那種眼大大圓圓臉。


不過最最最驚喜的要數這段周杰倫和宋祖英合唱《本草綱目》和《辣妹子》,「驚喜」的地方是,哇!周生個新髮型想點???

後來才知,原來亞視當晚都有直播。哇!佢真係無諗過香港仲有香港人?? 但旺旺老闆算是台資喎,台資都得??? ......都係唔好寫政治,我只懂個皮毛面頭那層毛,惹來筆伐,我可招架不來。

最後都是受不了,看了一半就算。媽媽話要去花市,又跟住走了去。人逼逼,而基本上,深圳的花市跟香港的分別不大。貨品選擇更少,而且一地都是污水,好彩我對 boot 個 足爭 夠粗夠高。


不如寫點我擅長的,譬如吃。表姐夫親下廚作海鮮大餐,大海斑四公斤太重,太大其實不好吃。今年的雞好貴,但團年飯還是要有。其他的,薑荵炒蟹 (我婆的至愛),西芹炒雞雜,鹽焗田螺,還有個沒入鏡的湯。辛苦你了表姐夫!m(_ _)m


但我最喜歡吃的還是這些蒜蓉荵段蒸鮮鮑魚仔,好好味,吃了三隻。


心掛掛的還有我親愛的小姪兒。不過可能因太久沒見,他不肯讓我抱,一抱就哭。:(


哭甚麼呢? 這小子的利是錢多到買了一手「五號仔」 (即 0005.HK 匯控)!!我媽即他的嫲嫲,真的替他買了。他才三個月大,就已經有一手五仔囉!都咪話唔厲害。
聶秀康 說...

妳小姪兒是實力股啊!五仔我手頭都冇貨啊。
周董個頭好核突呀!不過佢係國內好紅.

匿名 說...

辣妹子D詞好正. 周杰倫擺明係扮型扮到走火入魔...
深圳有american apparel 架?! 呀...我好想北上!價錢同美國差得遠嗎?

卡臣 說...

呢個bb得意到....爆!
祝快高長大!

匿名 說...

過年家庭團聚很溫暖熱鬧呀, 係就係悶爆d, 見d都係老弱殘兵feel吧 (no offense!)。 你小姪兒先至係真靚仔, 可以坐隱 Full of Hopes 台柱。另, 佢的嫲嫲真醒, 咁早幫佢長線投資!

sonrisa

Chris Lau 說...

Dear Plainface Angel,

Hi! This is Chris again...

Happy New Year....

我都想去shenzhen的aa, 但小心website上的map是錯的...應該是於金光華內...不是於市民中心附近....

但看過magazine, markup了許多...

JC 說...

你個小姪仔好cute呀..

細細個就有五號仔...唉...我仲儲緊入場費呀...

咪嘈 說...

其实我唔明阿黄小姐凭咩上春晚,就凭扬子?同埋好疑惑佢识得唱美声嘅咩?
你个侄仔眼仔碌碌好精灵啊,祝佢快高长大!

imak 說...

那位真的是周董嗎???? :OOOOOO

自由行 說...

小姪仔好靚仔~~

Jerk 說...

不要去深圳果間American appeal呀~ 仲貴過上網訂, 真係車錢都蝕埋~

Designed by OddThemes | Distributed by Gooyaabi Templates