什麼都不信

讀友 T 小姐傳來牛年運程,三大有名的玄學家的結集,有蘇民峰、麥玲玲還有李承責。瞄了一瞄,蘇民峰和李承責的相似,麥玲玲的則和兩者大部分意見相反對著幹,可能是因為羅庚拿錯算錯了?麥女士的一律不理。本來最信蘇民峰,蘇先生的入室弟子陳子才先生是我的友,曾替本人算過,有部分的,說的很準。

但其實以前的我超迷信,不下一次算命去,幾個師傅都說我是 28 歲會結婚喎。而又然後,我現在 27 歲了 (如果是計虛齡,其實都夠 28 啦),又再次單身,結鬼結馬。你估拍戲,識兩日就求婚,你咁都肯嫁,你都好有問題啦。



就最簡單,蘇先生那句「上年是桃花年」,已經是好很唔準。你見我有好過嗎?無囉。李生就話「姐弟戀」,你估人人都喜歡湊細路,我只喜歡 man 爆的成年男人,並無孌童癖,男性這種生物未過三十都不能稱之為男人啦。

所以呢,我現在什麼都不信,最信自己。
匿名 說...

我有朋友由相識至結婚都有九個月咋!
所以有d事真係不由得你計的.

08年為桃花年我又覺得準喎!(我同你同年)
不過係霧水桃花有鬼用咩
仲有話我們氣勢如虹呀,又點又點呀!結果我08年黑到爆
(是為我廿多年人生當中最黑仔的一年)

但咁樣諗,呢個世界有咁多人,唔通真係只得12種運程咩?!

SZE

素顏天使 說...

SZE > 9個月拍連結? 咁短時間夠了解一個人嗎? 結左就一世, 佢唔係諗住一唔掂就離呀? o拿你個朋友同我完全唔同囉我只可以講, 就簡單o的講要我去完全信任一個人, 已經要 take 好長好長的時間 (講緊係以年計), 講到結婚咁長遠, 閃典式結婚對我來說是 completely impossible.

我當然唔信只得 12 種運程, 所以我寫的係話用出生時辰起命盤果的. 咁唔係 12 種啦係咪? 都係咁. 總之我乜叉野都唔信.

匿名 說...

.....
其實我朋友都有睇你個blog,可能呢兩個留言佢都有睇.

其實每個人需求不同,有人覺得要長時間至可以了解,有人覺得遇到真心相愛既就唔好浪費時間要立即結婚.
我又覺得無話邊樣好邊樣唔好.
大家要時間了解固然重要,但我身邊都有不少例子是拍了十年八年大家因了解而分開.
所以(我覺得啦!)同一個人緣盡的話,有幾了解都好都係分開的.

開命盤固然準好多,之前留言講12種性格係指果d運程書.
其實我都有諗過搵阿so師傅去睇睇架,不過佢收好x貴.

我朋友....而家連仔都生埋了....so far...都好似無咩特別大問題....(不過一家唔知一家事啦)

SZE

匿名 說...

拆禮物要唔知入面係咩先好玩架嘛,一早知道哂有咩好?

素顏天使 說...

SZE > 咁咪就係囉, 你朋友係點, 係佢o既事, 你無需要用你朋友的例子o黎說服我, 因為我好清楚自己要o的咩適合o的咩. 你咁講, 喂, 我都識好多拍得一頭半個月又愛生愛死又叫老婆老公, 不過全部都唔夠 16 歲之嘛.

素顏天使 說...

beingemmy > 舉個例. o拿, 我從來都唔喜歡食果o的 chef surprising menu, 唔知自己食咩又唔知自己o岩唔o岩食, 但係比晒錢, 走又唔係食又唔係.

我希望你明我講咩啦o下.

聶秀康 說...

surprising...不(男女男)都麻麻...驚反應吾來令人失望囉!
運程呢家野...好的就笑下吾好就當警惕.係呢妳是什麼季節/早定夜出生架?

匿名 說...

或者退一步諗,我唔知你每次食親chef menu係唔係都「嶺野」,但我只係知道可以試一d自己冇諗過會食既野,其實都係一件好事。就算真係唔岩食,咪掉餐巾離場囉。命運下一步係點控制唔倒,但我地都仲有權選擇既,況且送上黎既,岩胃口都唔定呢。

純個人意見,惡啃既野,我都食過唔少...

素顏天使 說...

聶秀康 > 雙子巨蟹, 即是六月廿一, 清晨出世.

beingemmy > 食飯食著唔好食o既o野可以 "o累", 可以嘔, 可以翻檯, 可以打o的 waiter, 可以上 openrice 寫衰佢o黎發洩不滿.......

但係結婚唔同食飯, 結婚唔o岩, 你要離, fine, 但你覺得你一世人可以離到幾多次? 尋日先有男人同我講話覺得離過婚的女人好 turn off, 你問我我當然唔覺得離過婚係咩大不了的一回事, 但係原來仲有唔少港男係咁諗, 囉.

j 說...

吾知果位T小姐有冇鼠年運程,舊年睇蘇師父,話會年頭散,有變化,中晒。

素顏天使 說...

J > T 小姐咪即係翠翠囉, 你自己問佢啦.

雪山飛狐 說...

就算给你遇到一个好男人. 他今年三十. 你跟他拍五年. 就算你是了解他, 你也只了解0岁到35岁的他. 四十五岁的他是怎样, 妳和他都不知道.

最重要的是你们对婚姻的看法, 对人生的目标, 日常生活的习惯. 这个用不着几年去了解.

- 一个拍了四个月求婚, 11个月结婚的人.

素顏天使 說...

Desertfox > 閱

bobo 說...

一直觉得,爱情真正来临的时候,你不会有时间去想那么多。。。

或者应该说,你会告诉自己,不用想太多。

信心,就是叫你相信自己的心,相信自己的感觉。

上个月去上海参加朋友G的婚礼,新娘是他在我们面前誓神劈愿说以后都不要见的女人。。。我记得他来北京派喜帖的时候我问他,又说以后不要看见她??G笑笑说,哎,过了就没事啦。。。

同场看到结了婚的D,我说:听说你跟老婆是闪电结婚的。。。

他说,也不算啦。。。认识了2周觉得就是她啦,但当时大家都有另一半,结果搞到来都9个月才结得了婚。。。

后来看到D的夫人,再看到两人的相处,我又觉得,真的就是这一对。。。

还有同学的妹妹,差不多6、7年没谈恋爱,最近找到了,居然是她姐姐(就是我同学)这10年的一个同事(对,是做了10年同事)。。。这10年,其实大家就在身边。。。

最后是我昨天看到一个大妈的帅气老公,基本上是我在大陆9年以来见过最OK的本土男人。。。但老婆是个不喜欢思考的大妈。。。

当爱情要来,没有道理。

That's it.

Unknown 說...

搵個勁Man既弟弟都唔錯ar....

Unknown 說...

j 提到...
吾知果位T小姐有冇鼠年運程,舊年睇蘇師父,話會年頭散,有變化,中晒。

垃圾始終 是垃圾 又話自己文化高 (將來可以同人寫信)靠自己啦 靠睇運程 你同八婆 有乜分別? 睇相佬 股票佬 都係 up 3 up 4
死蠢 人力不能勝天 咁都唔知 你讀咩書?

Unknown 說...

所以呢,我現在什麼都不信,最信自己。
你都好D

聶秀康 說...

素顏,
雙子巨蟹真是矛盾得可以啊!雙子巳經是2子在角力一正一反加上愛家庭又保守的巨蟹,妳內心一定很爭札吧.夏雞又生於清晨應該很有活力,一生工作性情也較動態做人相當有原則...雞有五德係好野來!姿態優美!

j 說...

Good>

Good伯挺善忘,我早已自知為垃圾,但從不自稱文化高,只是閣下認為我是而已。若閣下硬要將年薪給予我用至死,或許寫信為生確能廷長壽命,要不定必早日歸西。

至於「你讀咩書?」,我也挺迷惘,因為以多年學習的知識,我需費很大的力氣去理解閣下的字句。

我早知不才。

"That's it."

Unknown 說...

至於「你讀咩書?」,我也挺迷惘,因為以多年學習的知識,我需費很大的力氣去理解閣下的字句。

扮死狗?

素顏天使 說...

bobo > 我什麼都不信, 只信自己, 所以我信婚姻要經了解才結合. 也不要再寫那這些甚麼佢地都係咁咁咁的例子來意圖講服我 / 要我認同了. 就當是做交心朋友, 我都要花上年計的時間, 選丈夫更是一生一世的事. 所以, 我永遠都不能認同閃電婚姻的了, 謝謝.

不完美紳士 > man既弟弟?? 無見過喎.

聶秀康 > 我不掙扎, 但我常被人誤解, 特別是要來追我的男人. 我面對男友跟面對朋友, 絕對是兩個樣來的. 不過你寫我要 "一生工作".....就好大鑊了, 因我最想做的工作就是不用工作 XD

匿名 說...

素顏, 我認為做人只可以信錢同自己, 兩樣都不會欺騙你, 其他人說甚麼都不能盡信, 尤其那些講完都不用負責任的相士. 我認為命運取決於性格, 沒甚麼命中注定的. 以前有懂相學的朋友認為我必嫁某君, 結果我嫁的是另一人. 這完全是我的抉擇, 不是甚麼命運啊. 信自己無得好怨, 點都心甘命抵嘛. 以前廿零歲我好鍾意睇相算命, 現在年紀漸長, 都是信錢信自己來得踏實.

MM

匿名 說...

我同你同年,又係08年黑到爆,又分手又意外又失業,點解會咁既...不過係有霧水桃花,睇來都係冇一個準。我d朋友都話我黑,睇完你個blog先知有好多人都係咁。

Designed by OddThemes | Distributed by Gooyaabi Templates