我愛TVB

多謝高登,讓我看到有以下精彩的電視劇片段。多謝 TVB,這樣質素的劇本/演出都夠膽審批通過,真是視民之福,石修那段我真是笑到流眼水。這幾齣電視劇我都沒有看,實在,不是損失。


電視劇《刑事情報科》,點解要碌地?點解爆完門個 Mon 會自己開了?


又係《刑事情報科》,點解又要碌地?警察部有個爆門組?點解一套劇入面會爆咁多次門?


電視劇《隔世追兇》片段,石修表演催眠術。

這個星期比較有空,看了兩集《搜神傳》,兩集《少年四大名捕》,一集《與敵同行》,不要話我無睇又鬧鬧鬧啦。


《搜神傳》,化妝特技創意都是 70 年代的貨色,分別只是一個黑白,一個彩色。你看鍾嘉欣連說話語氣都似那年代的人,寶珠姐上身乎?陳浩民可不可以不要再扮青春扮後生,瞪大眼不是等如有演技,唔該。還有,很明顯好彩妹那個角式的設定,明抄《千與千尋》。


新劇《少年四大名捕》是古裝的金田一嗎?本來還頗有興緻,覺得肯去去雲南取實景也誠意可嘉,應該也頗有瞄頭。不過劇情不知所謂,林峰無扮《金田一》,打死我都不信。那個藍邦主的女兒是否叫做李詩韻?她的樣很苦,不討好。田蕊妮的假眼睫毛會不會太誇張?另,宣傳廣告做的出奇地靚和有心機,要讚。


《與敵同行》,一見鄭家穎就想轉台。硬食了一集,撇除「視帝」鄭生的不知所謂演技,劇本身倒是拍的頗有心機,希望不是抄的啦。

又,如果電視劇拍的時候,有像做這幾部劇的宣傳廣告那班人那麼有心機,就好了。
匿名 說...

好似話拍戲果班,真係生係無線人,死係無線鬼,老油條老seafood,點都唔會走(咁既質素走左仲有飯開?),但係宣傳廣告果班,係之前響亞視挖過黎,入亞視之前就響StarTV之類挖過去的... 所以某程度上係"局外人",如果唔係的話,"原創"的無線Artwork,會係...家下無記劇集VCD封面的Style吧 (桃紅色漸變大量供應!)

塞米一條揚陸轟炸機 說...

> 點解要碌地?點解爆完門個 Mon 會自己開了?

睇到我噢晒咀喎果下......

Miss Paranoia 說...

睇到我狂笑。

石修果段, 比高登講到行,仲cap o左催眠圖, 次次睇次次笑。「一滴、兩滴、三滴」。kai到爆一爆。

匿名 說...

鄭嘉穎的戲真係屎到.....-_____-
佢應該係最無料既視帝囉
如果佢果年唔係唔咩對手,佢一定做唔到。

Derek 說...

個mon唔係突然間開架,LCD mon佢側面影埋去梗係黑架啦。

匿名 說...

而家我都唔睇TVB了...
無野睇 =0=""

Yvo! 說...

"一見鄭家穎就想轉台" 同意之極!! 一味污糟油面就以為好MEN, 收皮!

匿名 說...

我已經好耐冇睇師奶劇喇
太不知所謂, 徒時間

再唔係睇頭一集/大結局就已經知晒成套劇講乜
咁多年都係一樣既橋段, 你唔煩我都厭啦
都唔明咁多人唔搵其他娛樂就係睇埋晒D咁既野

匿名 說...

其實 CIB 真係好好笑o架! 徐榮仲成日都要碌地......簡直正!

匿名 說...

鄭家穎 I used to like him but find his acting does not qualify to win an award.

Designed by OddThemes | Distributed by Gooyaabi Templates