潮興魚蛋粉麵

週六晚和男友外出吃夜宵......我知好肥!我知呀!我知呀!都怪我口痕啦,也順道嚐新嘛~

這家潮興魚蛋粉據說是從灣仔(又或是筲箕灣東大街呢??)做起的,以日售三百斤鮮製魚蛋馳名,牆上有不少的剪報,還有亞視食神(?)黃麗梅來訪呢!鰂魚涌的這家店則是新近開的分店,說起來這店也有夠背運。我記得它該是早兩個月就開了,怎料才開不了幾天,竟惹來祝融光顧,得停業大半個月從新裝修(聽說好像是電線短路問題引起的)。還好這店是那種半連瑣式的店,如果是小本經營的可就慘了。

我們是大概晚上 10.30pm 去光顧的,人客也不少。店不大,桌子排得密密的。這也難怪,在太古坊附近的店子全都是這樣的啦。話分兩頭,整個鰂魚涌真的連家較為像樣的粉麵店都沒有,附近的那幾家賣的都很不堪。


首先我點了一客四寶米,固然是為了嚐一下他有名的魚蛋。可惜,魚蛋質感很鬆散,用電影《食神》裡面的對白就是「鬆泡泡一夾就散」那種,就是隨便一個街市的隨便一個凍肉店賣的都比這更好吃。另外的材料有貢丸、墨魚丸、魚皮餃,有一塊頗特別的是做成長方形的豬肉丸,這幾個東西都普通得很,較為可取的有那個湯底,我喝了幾口覺得不錯,看 menu 才知道是甚麼鯊魚骨響螺頭煮的,味精算是下得少啦。


男友點的其實不是牛雜米粉,是牛雜麵。為何這個碗裡面會掛著幾條米粉呢?嘿嘿~ 也不知算好彩還是不,我們看到煮麵的那個大哥,把我們的米粉和麵先調亂了。當他發現了,又立即從碗裡面滔出牛雜。所以我的四寶米不加腩汁都有牛雜的味道,囧。至於牛雜的水準則普普通通,不過不失啦。

另外加了一碟蠔油生菜(+HKD$5),賣相慘不忍睹,沒拍照。買單 HKD$47,不設加一。

如果以這種質素的店也值得去採訪,還可以做到有名氣的話......怪不得連黃麗梅都可以做食神了!

-----------------

潮興魚蛋粉麵
地址:鰂魚涌英皇道 985 號 (近太古坊萬寧)
電話:TBC
菜式:港式
匿名 說...

支持宵夜推介!XDD
After concert 10pm 後成日都諗爆頭,唔知去邊食好,謝謝~

匿名 說...

係985號呀
見到門口條魚條跟隔離芝肉檔條肥肉只係毫差
我一定唔會入去食

宇宙人 說...

d 麵鋪, 好多舊屋村家庭式既鋪頭仔仲好食過果 d 好似好出名, 即係會見到有位歐吉桑坐係門口包餃子, 有條麻甩佬係廚房洗緊牛什果 d, 仲平一半有多.

不過已經買少見少啦, 德福樓下牛頭角下村有幾間都做左二十幾年, 真係睇住我大.

hoyoyi 說...

sometimes i really wonder why they open restaurant and never use their heart to prepare food, how will the customer come again?

i always respect those that cook with no short cut... hope their business always be great, and bring more friends to support... ^ - ^

匿名 說...

這家店的特色是魚面
我覺得湯底偏鹹
飯後回到公司要喝3大杯水~~

素顏天使 說...

jericho > 乜你住鰂魚涌架咩又係???

lulu > thank you.

宇宙人 > 係呀, 好多唔出名的比出名的做得好得多. 之前寫過西營盤新三興就係一個好例子, 我超掛住佢地個魚皮餃.

hoyoyi > 求其賺左你的人貪新鮮想食的第一水的錢就算囉, 呢個情況響我返工果個 area 好普遍, 就算賣垃圾 lunch hour 都要排長龍去食架.

吳瑾 > 我覺得 OK. 食完水無乜點飲都無頭痛.

匿名 說...

> 乜你住鰂魚涌架咩又係?

唔係,好食既會記低去試下~

匿名 說...

如果食紛麵,小學對面有間叫新記D切脯幾好食O架

素顏天使 說...

KEN巴克 > 開左半年度果間?? 嘩唔得, 仲難食過呢間潮興, 我有一日 lunch time 去過.

匿名 說...

我以前去過灣仔太源街果間食過好幾次﹐好似次次都係食牛肉餅粗麵, 我覺得好好味﹐其他就沒試過LU。。。

素顏天使 說...

GiGi > 你講果間係「潮苑」唔係呢間「潮興」, 潮苑做的手打牛肉餅確係做得幾好食的. 正確地址係春園街唔係太源街呀.

匿名 說...

WAKAKA。。。SOR﹗SOR﹗SOR﹗

匿名 說...

呢間佢係好生意得滯~比人燒架~ 同埋唔係連鎖~ 不過只係有d股東相同~ d野食都係佢地d鄉里自己互相傳授~ 水準有時可能都有d分別~ 始終係手打既, 功力會有d唔同。
so far都幾好食~

Designed by OddThemes | Distributed by Gooyaabi Templates