上海篇 (四) 快閃遊世博.上 - 解構可口可樂館

這個上海之旅,得可口可樂公司的邀請才能成行,所以,介紹世博可樂館當然就是我是次小旅行的重任啦!

不過,我認,我其實最憎排隊最怕人多逼逼逼最怕曬最怕行,所以在去世博之前,我曾經有想過我如果一定要寫世博的話,不如專寫無人睇的館!(要看詳盡的世博報導,TVB 那個電視節目《上海世博行》真是詳盡得好離譜,比我自己去看還更詳盡!) 不過我錯了!因為其實甚麼冷門館都要排隊!冷門如「人壽保險館」(???看甚麼的呢?一堆保險經紀如何 sell 客???) 都要排半小時以上!所以,我,其實,只是看了兩個世博館!

我可能是入世博最快走出來的遊人吧?

我愛你呀 VIP Pass!!

看的兩個館都是大會安排,一個當然是不用排隊拿 VIP pass 入去的可口可樂館,另一個是在可樂館旁邊的上海企業館,已經是用團體預約了,還是排了 30 分鐘才能入場 (詳見《快閃遊世博.下》)。

很受歡迎的可口可樂館!條人龍長到呢......


其實大部分的遊人都因為把時間花在其他區域的國家館和主題館,變相企業館的遊人是相對地少的。我的一個朋友教路,早上進場先去蒲西的企業館,待傍晚才進攻歐洲館。(至於亞洲館,諗都唔好諗入到去呀你......)

可口可樂館可分為三部分,首先人人都可內進的「快樂工房 (Happiness Factory)」!

然後一同進入迷你影院欣賞同名小電影《快樂工房》,呢,其實即是可樂的 3D 動畫廣告 (2007) 加長版,當然電影版這個是有劇情的啦!片長約 10 分鐘左右,好睇!(戲院無人?當然啦,我先衝了進去拍照啊!)

看完電影,外面有戲內的卡通人物可以一同合照,我本人勁喜歡這粒彈彈嘴!(打了格那幾位是贏了比賽一同上上海的小學生 / 初中生小朋友!好叻呀佢o地!)

然後就可以出來買紀念品和參觀不同的特別版汽水瓶和罐,譬如這個著名的太空罐真身啦!

當日所見,其實有九成的紀念品都賣光了。這幾個一套四款的世博版紀念瓶,是大會方面送我的啊~ 大家對這套紀念瓶有興趣嗎?請留意我下一篇的有獎問答遊戲啊。

作為一枚 VIP,當然有我去到你唔去唔到的地方啦!首先我們主攻二樓的 VIP Area。

可以免費任飲所有由可樂代理的飲品,我就揀了這個香港無的「十全小補」檸檬味 Vitamin Water,講真,好味過香港有賣的其他所有味!

最後再上三樓 VIP 休閒區,從高空腑瞰整支的巨型 LCD 可口可樂!真的有三層樓高!外面在排隊的人,可以一邊欣賞可樂安排的節目一邊等解悶 (當日所見是幾位青春美女啦啦隊跳舞),很貼心啦。

至於其他有關世博的,請留意我下一篇的《快閃遊世博.下》啦!
Stomphk 說...

咁你使唔使好似d好叻既小學生/初中生小朋友著住件可樂T恤呢?呵呵~~~

素顏天使 說...

Stomphk > 相已 post!我 FB 咪放左相囉。

Maggie 說...

Vitamin water = 維他命獲得
個譯名好直接!XD

arkui 說...

我上月都去左世博~多人到呢又熱!見到條龍真係唔開胃!!!好同意~我都係~快閃遊世博,只係去左2個館就快閃!

篤篤篤撐 說...

我前日都去左世搏, 一晚快閃7個歐洲館, 難以置信

匿名 說...

「十全小補」檸檬味 city super 有呀~
不過見過一次 其實CITY SUPER 仲有其他味賣架~

素顏天使 說...

匿名 6:46 下午 > 行貨無呢隻味架~ :)

GαRrㄚ5+2 說...

對..
白色係最好飲的...
黃色淡左D.. 怪怪的..
紫色... 提子.. 好特別.. 但稱不上好飲....

Designed by OddThemes | Distributed by Gooyaabi Templates