再談生理痛

WARNING:以下內容可能會令男讀者情緒不安,敬請留意。

生理痛從兩年前開始就一直跟隨著我,如果哪一個月的經期不準確,我知道那個月狀況就可大了。就像今天我痛到全身冒冷汗,也不能上班,痛到我現在打這篇文都一直還在痛。平常有用的紅棗圓肉薑茶和貼暖包好像都不管用了。也害我吃了四小包麥提莎巧克力,要胖死了!!>.<
紅棗圓肉薑茶

也不知道嚐過多少偏方都沒有用,包括那個連續兩月吃紅棗蛋的網上流傳偏方。不過我想最大的問題是我戒不掉不喝冷飲,特別是最近天氣都超熱,我每天都灌個冰涼的 coke light 才快樂。所以那個子宮收縮的痛楚就特別利害。


友人 R 小姐介紹我用一個天竺葵的油按摩肚子 (R 的一個親人是香薰治療師)。前陣子買的這瓶油就不曉得滾到哪裡去,可能是被貓偷了。剛才忍痛跑到屈臣氏買了個代替品,這瓶 TUNE 的香薰按摩油就含有天竺葵的成分,還有胡椒等等會發熱的東西。以指腹配合香薰油在肚臍下方的位置作打圈按摩,嗅起來能令人心情很平和,還有因為會發熱的關係也可減輕一點點的痛。


(photo from sports science)

另外 R 也介紹了一個肢體動作可以暫緩痛楚,先跪在地上,然後把手向前趴,肚子向下。(其實就很像 doggie 啦~ 哈哈~ ) 不過我是想到有像類似附圖中做 yoga 時的 downward dog 動作,不過腰不用彎那麼厲害,屈膝 90 度就可以了。我試過是有一點效果的,當然也沒可能一整天都這樣趴著了。其他的時間我都大睡特睡,過貓的生活。

其實我覺得生理期的真是百害而無一利,特別就是那些無緣無故的 PMS 水腫,這一次我還漲肚子漲到像懷了三個月身孕,看起來胖了令人心情超差!(你要知道我的脾氣一向都已經不是很好的了XD) 還未算平常跟我是絕緣體的生理期青春痘(長了兩大顆在鼻頭和下巴),和因為子宮收縮時腸臟蠕動得特別厲害帶來的超級大瀉,皮膚又變差,看起來很痿。

做女人,真的很慘啊!
匿名 說...

天啊, 痛成這樣還吃巧克力! 巧克力的可可成份會令你子宮收縮更厲害! 要戒呀.

素顏天使 說...

miumiu > !!!!!!!!!!!

唔係話食o的古古力會舒服o的o架咩?! 但我又真係記得睇o的唔知咩鬼書話食古古力會舒服D wor!!!!! 頂丫咁我咪枉食o左幾廿年?!

匿名 說...

熱豆漿WORKS ON ME!
忘了是誰人告訴我的.
you may have a try.

匿名 說...

抄返以前寫過的舊文:

「可可脂裡的笨乙胺,具有抑制憂鬱、使人感到快樂的作用。經前鬱悶時吃上一塊高純度的黑巧克力,真的會覺得好過一點呢!

不過如果你有嚴重的經痛症,就要小心點了:巧克力的酪胺,會產生讓向管收縮的激素,引致疼痛。...」

匿名 說...

我也經常秀生理痛纏繞,試過上班時痛至入ER,如在家的話,我的良方是用"超熱"暖水袋敷下腹,約15分鐘便可舒緩....

匿名 說...

(以下內容PG家長指引)
素顏
我和你的徵狀是一模一樣的呀
1)小腹+腰 環迴一齊痛,痛得標汗那種。

2)面色變灰,應該說是黑!皮膚變得粗糙。每月當中最最最樣衰的日子,請不要在這段日子碰見重心/心儀人士。

3) 間歇性挑在額頭、鼻子或下巴出暗瘡或大大的暗粒(但平常天氣怎樣濕熱又不容易冒的呀)

4)大瀉(如廁時夾雜小腹劇痛,差點以為痾了個子宮出來>_<)

5)超級水腫,素顏所言甚是,真的像有了三個月身孕,手臂小腿通通發脹,望著全身鏡,心情直插谷底。

6)痛得沒胃口,有時還會有作嘔情況,如不是因為月經,會懷疑自己有孕。

7)雖然朱古力不是對所有人有效,但不知是否心理作用,還是真的有化學作用,吃後痛感減輕了少許,平常我不太愛甜食,但這段日子會自動自動想吃。所以我認定朱古力是有效的!!
那段時間想吃便吃吧,管它肥死,安慰心理+生理最重要呀。

徵狀真的全面得過份,身邊的朋友沒有一個及我全面,直至看到你的BLOG,我們真的很可憐!!

素顏,我已很少喝凍飲,以上徵狀由每次發生,變為隔月或更久才發生,有時天氣熱,多喝了,該月月經的徵狀又會發生或加劇。減少凍飲是很有效的,你盡量試試吧。

匿名 說...

哎呀!我曾經有你相同的經驗啊!!後來去睇中醫時,佢第一樣就係叫我解凍飲啊,因我本來就是一個無冰不歡的人,不論春夏秋冬都是飲加冰的凍飲啊,每朝起床一定飲兩杯冰水, 後來真係痛得非常可怕,試過痛到要入醫院.當辛苦過口, 好自然就叫自己慢慢飲少一些, 後來一日比一日少飲凍飲, 經痛的情形就一次一次少!有進步就自然會更加積極!到現在,我好少會再飲冰凍的飲料啊, 就算出街叫凍飲都會加多一句"少冰" !!
我想..........你還是的起心肝吧!!真的有用啊!

匿名 說...

朱古力 ......好似真係痛多d架.....我奶奶以前有痛症, 醫生要佢介朱古力及咖啡 ......
素顏你可以試試上網搜尋 "月見草油" evening primrose oil 0既功效. 不過呢隻野唔係 panadol , 要持之以恆去食至有效果. 當然, 生冷野, 經期前後真係要介一介~
我記得萬寧等連鎖店會有得賣 ~ 唔貴 ,可以一試 ~

匿名 說...

我來經時也會腹潟和皮膚變差(樣子超殘),令我覺得自己好樣衰!我以前來會經痛的,每次都要吃止痛藥才行,但自從吃了白鳳丸就沒有痛啦!但水腫問題仍然存在

匿名 說...

素顏,
我亦有你的"病徵"喲~~
-大瀉特瀉(痾十幾次呢,還以為自己染上"霍亂")
-勁嘔(試過嘔到入醫院呢...)
-面如死灰
-水腫(鞋也穿不上,重了5、6磅)
-手腳無力
食止痛藥也不行,西醫已經宣佈無藥可醫...避孕藥也只能略為減輕痛楚=(
現在正開始試用中藥調理、調理....
唉......

匿名 說...

的起心肝戒凍野啦, 凍野對子宮最唔好, 戒左對減肥都有幫助架.

素顏天使 說...

ttf > 好, 我如果再痛就試下~

P > 嘩!!~ 好詳細~~ thanks! 我諗 on whatever case, 古古力還是小吃為妙啦~ 好肥呀!

匿名 > 我有貼岡本出果隻咩紅外線 period 專用發熱貼, 其實同熱水袋功能都差唔多, 你都可以試一試 :) p.s.下次留言順便留抵貴寶號等我方便回應呀, thanks

mi > 我係完全同你一模一樣o既徵狀!!!!!! 咁大家一齊努力戒凍飲啦!!

patsy@air > 可能都真係要的起心肝啦~~ 但係凍檸茶真係好好飲呀...... T.T

Q > 月見草油我都有聽過對經痛係 work, 身邊有朋友亦試過係 OK, 但係我始終驚呢o的 supplement 會有 side effect, 好似話咩對乳癌果o的有影響. 好驚喎!

hebe > 白鳳丸亦都有朋友 recommend 叫我食ah, 但會唔會一停食就又痛過呢? 同埋我係燥底我驚唔食得呢o的 (我唔食得當歸o架~).

bee > 大家一齊努力戒凍飲啦!!!~

lize > 淨係最尾果句對減肥有效已經係最大的推動力了!

匿名 說...

我都係個個月痛, 有時今個月好少少, 下個月又痛到死。試過痛到半夜醒咗, 係toilet痛到死, 就黎暈, 想叫醒媽咪, 但開toilet門都冇力..........平時就痛到工又返唔到, 只係勁瀉, 面如死灰超殘, 水腫, 好似肥咗幾個圈咁, 仲要出大大粒既暗粒, 總之就係煩。有時諗點解女人要有咁既野煩呀, 如果公平d, 不如男人都可以生仔, 等佢地每個月都試下點樣痛吖! 我試過俾男友話我係咪因為忍痛能力低,所以經痛都忍唔到, 佢又唔明, 其實經痛係超痛好難頂。
我都有食過月見草油丸同白鳯丸, 好似唔係有好大效果, 都係會有經痛, 朋友話月見草油丸係會影響荷爾蒙, 佢話少食為妙, 白鳯丸要夾返個人既底, 所以都係睇下中醫, 問清楚邊種啱自己。我都有睇過中醫, 試過飲中藥, 但因為唔係好快有效果, 自己又冇恆心, 所以冇繼續飲, 但中醫提過話一定唔可以飲凍野, 佢話凍飲對身體無益, 如果女仔成日肚痛的話, 就一定唔可以飲, 所以素顏你要俾d決心戒凍飲同埋生冷食品呀!
另外我睇中醫時見到中醫飲玫瑰花茶, 好似話會幫到經痛, 同埋女仔飲咗面色靚d, 我宜家剛開始試飲, 未知有冇效, 但我諗如果飲咗就算解決唔到經痛, 飲咗面色會好d的話, 咁多飲無妨吖!

宇宙人 說...

其實做男人都好慘 T_T
不過呢, 女人每到唔方便既時候, 的確係有權利對身邊既人歇斯底里/蠻不講理.

素顏天使 說...

Marshmallow > 多謝你咁好心機打咁大段野呀~ 好有用! thank you thank you! :)
玫瑰花茶我飲O左排但係成日懶得沖, 如果係咁我可能都會再飲返啦!

宇宙人 > o拿我個人來講就唔讚成女人 PMS 發脾氣濫用權利囉, 咁你唔舒服你可以係嗲個男人要有錫, 唔係歇斯底里/蠻不講理o架嘛~

米齊 maicai! 說...

相信你今天已經沒事lah. 對我來說最有用的方法就是不飲凍飲和食薑!去零食店買蜜糖薑檸檬薑的.生理期剛開始時吃一包.對我來說大概已經不會痛了.食了幾個月之後穩定了下來.現在我已經不用再食lah.

匿名 說...

oh~ 女人真的很慘...
但朱古力(甜食)同凍飲係絕對不宜女生的.
我看中醫個個都叫住不准凍飲甜食 (特別朱古力)啊!!!
戒得就戒啦~

薑加片糖煲一煲 滾一滾.
飲了半小時會很快舒緩
在洗澡時用熱水沖肚, 特別小腿... 腳等~
最好沈一沈熱水腳都會有 d 幫助架~

另:
我每次生理期體重都會上升...
還有肚子都一定很脹... 很辛苦!!!
還會胖了一個圈似的... 很可憐~
唔知有無方法解決呢......

匿名 說...

另一提:
Marshmallow 提到的玫瑰花茶
要是你熱底要是買乾花自己沖的話
選購粉紅的會比較好
因為鮮紅的會比較熱氣/燥.

(都係人地話我知, 我記得素顏你是熱底)

Franca Lee Eco Fashion 說...

這個TUNE 就是你大半年前常叫著肚子痛時叫你買的!我覺得細細支滿好用,還有敏感部位的SPRAY月時來可舒緩皮膚.

Designed by OddThemes | Distributed by Gooyaabi Templates