《每當變幻時 hooked on you》


電影《每當變幻時 (前名:阿妙的十年)》快將上畫,我對此片是相當有興趣的。故事以女主角阿妙(楊千嬅 飾)的97年至07年的生活,帶出香港近這十年的起跌風浪。只希望不要變作是《春田花花同學會》一般的垃圾鬧劇一場。


看 trailer 有我「暗啞底」很喜歡的馮淬帆,和消失了一陣子的張睿玲(早兩年去中環 California 上 yoga class 時還會見到她)。不知是否因為杜琪峰監製的關係,也跟杜 sir 近年的電影一樣,找來了一些久未露面的實力甘草(?)演員,除了馮淬帆,還有盧大偉「盧嗲域」。

我喜歡這片的英文名《hooked on you》,阿妙跟她的魚佬這十年無論關係怎樣變化,都還是互相緊扣在一起。能找到個人在高低起跌都能跟你互相依賴,是前生修來的福份。

今期《壹周刊》Book B 有報導說,楊小姐跟黎老明老闆因為主題曲的關係有意見分岐(黎明指定要楊翻唱薰妮的老歌《每當變幻時》,並以此作電影主題曲),我個人對此報導投以100%的信任度。大哥!這實在是合情合理得不為過,特別是如果你有聽過黎生最近那張翻唱大碟《4 in love》的話......我每次聽都有比死更難受的感覺!

比著你是楊千嬅,你都會走都走唔切啦下話!
匿名 說...

'暗啞底很喜歡的馮粹帆'--- 好搞野.
馮粹帆係個好正既演員, 仲記得好細個睇飛越18層睇得津津有味.不過唔知點解后期冇再見過佢d戲or劇集.
睇trailer佢個樣好似冇乜點變喎.

素顏天使 說...

lize > *shy* 我最鐘意《精裝追女仔》堅叔呀~!! XD 一睇到青春丸同收縮水就笑唔停的了~ 係笑o左咁多年都仲笑得出.

匿名 說...

哈哈, 係咪佢扮痙攣果一幕呀?

匿名 說...

"能找到個人在高低起跌都能跟你互相依賴,是前生修來的福份。"好o岩呀~
我希望你男朋友就係e 個人...~

Meling Lam 說...

可是通常那個咁「抵得諗」的好男人, 都是女孩子當副選的人啊, 很可憐~

匿名 說...

係啦! 做好男人無乜著數. 有時連後備都做唔到就被"叮"走. 究竟係咪真係男不壞,女不愛?

素顏天使 說...

lize > 其實佢去到美容院我已經笑定先 XD

mai + apple + jz > 哇o鞋~ 各位乜忽然間咁感慨~

匿名 說...

前兩日在無線收費台已經聽到千樺版既每當變幻時喇!

即時想話過你知!

素顏天使 說...

crystal > thank you ah, 不過我無裝無記 pay TV, 我諗遲下 youtube 都會有, hee hee :p

Designed by OddThemes | Distributed by Gooyaabi Templates