Lo-fi home studio 教學

話說接了一單要寫字的工作,客戶要求交出相片一張作廣告之用。指明要是白色背景 (清新 feel? 方便退地?) 加上正面的照片,可是我又真的無拍過這樣的照片喎。臨急臨忙,只有一天的時間,無錢無 budget 請攝影師 / 化妝師,我一個單身寡女,怎麼拍?


但如果我告訴你,這張 profile 的照片是自拍的,你信不信?

無錯!! 真的是自拍照!!! set 好腳架較好 timer,用我的 DC 仔 Ricoh GRDII 所拍的。除了因為我家燈光太暗導致雜訊 (noise) 比較多之外,(我自己覺得啦o下) 還真的幾有專業 studio 拍出來的 feel。

以下是我用那僅有的小小攝影知識和心得分享。

.化妝髮型方面,也是自己一手包辦。如果有走進攝影棚拍攝經驗的人,該有經驗,就是要不停補粉,因為燈晒著易出面油。照片中我無戴大眼仔,無戴有色隱形眼鏡,無戴假眼睫毛 (還未學會呀......) (相關舊文),無 push up bra 無「缽仔糕」,當然亦無整容,無打 botox。

.面上化妝用品一覽,大部分均有舊文可參巧。除了粉底選用遮瑕度較高的 creamy foundation, 其他一律跟我平常用的差不多。

a. 底妝 - RMK makeup base 底霜 (相關舊文) > RMK Creamy Foundation 霜狀粉底 (相關舊文) > OCTARD concealer (相關舊文) > DiorSnow White Reveal UV Shield Makeup 乾粉餅 (作碎粉用,相關舊文)
b. 眉 - MAQuillAGE 三色眉粉 palette #10 > FASIO eyebrow mascara (染眉膏) #320 Brown (相關舊文)
c. 眼影 - benefit eyecon (眼影打底用) > MAJOLICA MAJORCA #BR355 啡色系四色 palette (相關舊文)
d. 眼線 / 睫毛部分 - KATE gel eyeliner #BK-1 > Lancome Cils Booster Triple Care 睫毛打底液 > MaxFactor Masterpiece #Black (相關舊文)
e. 胭脂 - REVLON Powder Blush 橙色帶微閃,無色號
f. 唇 - Blistex Lip Revitalizer 潤唇膏 > MAQuillAGE 唇膏 #PK705 (相關舊文)
g. 光位 / 補妝 - COFFRET D'OR 透明碎粉 (以 Laura Mercier finishing brush 上,相關舊文)

.白色上衣是在 H&M 買的背心裙,上年夏天買的。裙子鬆身,看起來會胖,我在後面加了夾子,「出術」。


.咳唔咳唔,當然就有稍為 Photoshop 過啦。特別鳴謝友人 J 先生,J 乃是神級執相達人,幫我執走 background 變自然白地。為了方便退地,所以我也買了幾張白色圖畫紙貼牆,因家中沒有大面積的白色牆身。

.也預備了全身鏡,無攝影師提點你如何擺 pose,你就自己提醒自己啦。

.這張相大概是拍了八十張左右之後揀出來的,即是無論你個人有幾唔靚,影了一百張之後,總有一張會令你滿意吧? (我想)


.另外我家燈光好暗,把廳中的光管開了,再加上一盞壁燈還是好暗。於是又拉了一盞地燈,可是如果燈直接打到面上去又會似監犯相,所以在燈前面加了一張白色圖畫紙「柔光」(見附圖)。其實牛油紙都 OK,如果可以,打夠左右兩盞吧! 平衡一點。

.其實整張照片拍出來是帶昏黃的,因我家是黃燈。感謝世界上最偉大的發明 Photoshop,把黃變白。


.白色圖畫紙還可以作反光板用,拍近距離特寫照,拿著圖畫紙放下巴下面 (見附圖示範,當然真拍的時候可以拿低一點),可以替面上稍稍補光。

.想拍出微風輕拂頭髮畫面,可以拿個小風扇輕輕吹。不過我自己也覺得那樣有點太搞笑與及極度造作,所以拍了幾張 (還真的拍了!! 已銷毀),玩完就算。

.其實拍這個還真的挺好玩,因為不是對著陌生人 (我怕生保),可以邊聽自己喜歡的音樂邊拍。而且我最信任的,還是由自己所按下的快門啊!


我就是聽住她邊唱邊拍的了,love love love Alicia Keys!
K先生 說...

嘩! 巧靚呀!!
使乜用photoshop呀?
妳本身已經巧靚啦!

KennyT 說...

自拍很厲害喔!!!

素顏是美媚 ^_^

李小龍私生女 說...

一個字, 靚...

匿名 說...

之前嗰張靚啲喎我覺得

匿名 說...

無人幫你影,call我碼~~~

X

Irisssy 說...

裙子鬆身,看起來會胖,我在後面加了夾子,「出術」。>> 都要妳胸前有料先可以撐起裙子呀~ 所以顯胖也是好事來的耶~~ XD

Vin 說...

個妝好自然
成身白色 好charming ah!

匿名 說...

其實呢張唔多靚,之前個張好D

匿名 說...

哎呀,好可愛趣致的眼睛喔,笑起來時會變兩邊向下彎彎 ;))

劏牛佬

匿名 說...

Does it mean we'll see more of your pictures in the future?! Please say yes!

Susanna

Tram Tram 說...

好靚呀!! 但你唔係諗住走深雪個條路線呀?! (驚~~~)

睇黎你好眼瞓喎

SleepyKiki 說...

原來你有酒窩

好可愛

匿名 說...

you look beautiful and natural ^^
...just a bit tired

匿名 說...

終於見到期待已久大張嘅半身相喇!

真係又靚又有身材!
笑起嚟好甜美!
兩個嘴角會向上翹, 又有酒渦!
完全唔似你講嘅年紀, 根本成個廿中嘅樣,
好羨慕!

我覺得呢張新相比之前側面果張更加靚!


東區之友

素顏天使 說...

K先生 > 多謝, 貢好口, 抵請你食飯啦~

KennyT > 多謝 ^^ (喂我仲爭你一餐咖啡呀~你幾時得閒)

李小龍私生女 > 一個字, 謝......

匿名 5:19 下午> 之前嗰張係大師影+專業 MUA, 靚o的係好正常~ XD

X > 好喎, 私影 model 有無錢收先喂?

Iris W. > 其實你同健健先勁,自拍都影到咁 moody! 我都係抄巧你地咋!

Vin > 多謝妳 ^^

匿名 7:21 下午 > 姿質有限, 係咁上下, 睇開o的啦.....

劏牛佬 > 嘻嘻, thank you n_n

Susanna > 有影得有靚+又有需要都會繼續貼o架 (p.s. 不過睇我樣無咩好睇, 睇下字好過啦~)

Lam > 哇深雪係我兒時偶像! 似佢好呀,靠寫字都夠食, 不過我呢的小薯仔寫o的o野難登大雅之堂, 呃下飯食咁 je. 係呀我真係好眼瞓呀影果陣, 睇波睇到 4am 呀前一晚.

kiki > 你知唔知酒窩係點o黎? 傳說中係孕婦懷孕期間行房就會有! 係 BB 個老竇"篤"出o黎o架!!! XDDDDD

匿名 11:40 下午 > merci merci~ 係呀個樣好累呢~

KennyT 說...

Friend既野冇話爭來爭去啦!哈哈!

素顏天使 說...

東區之友 > 我雖然面皮厚, 不過你咁讚法都讚到我面紅 :p

KennyT > 總之你有時間就話我知你幾時得閒啦~

Unknown 說...

I'm glad that you are confident enough to post your pic out as you said before you were worried about what other ppl might say about your look etc...

Let me tell you - you are a true sweetie!!!!!! Looking very cute!!!

=)
Amy

匿名 說...

真心說話嚟架!
原本我一直潛水中(因為我都怕生),
思想掙扎咗好耐至敢浮上嚟講野
(掙扎期間去咗下面嘅post流連)。
最後因為實在太靚!真係唔捨得唔留言讚吓!


東區之友

匿名 說...

靚!正!甜!大家都講了。那把大頭髮,很性感!當然,你的文字最重要。你會o係邊度寫?

sonrisa

Suki Leung 說...

自己影呢講效果真係好靚呀~
不過個人覺得執走後面條頭髮好少少
素顏本來就好靚呀~個妝仲好突顯天使feel
特別是眼頭那一點白光!清純!!!
fight低曬班o靚模
若是加點玫瑰腮紅像西洋畫的baby angel如何?

jetaime 說...

baby....呢個LOOK 好很掂

Jansen 說...

原來可以咁拍
幾年前我也有相同的問題
結果我拍到自己人唔似人
鬼唔似鬼

maimai 說...

nice./我都係用gr2.但可以拍到e 個效果,真係冇想過囉..!!!
我都話你靚o左好多ga la!!!hahaah

JacJac in Wonderland 說...

真係好leng呀
唔駛戴假眼睫毛都得啦~

說...

好靚啊!!! 我都好喜歡你的小酒窩喔,還有,素顏的頭髮長了好多~

我覺得這張比之前那張自然,而且是正面,好有親切感! 以後可以一邊看你文章一邊幻想你笑緊個樣 :)

Nana 說...

好似同之前張相有點不一樣@@
但都是漂亮的~~=)
有酒窩真係好...哩d恨都恨唔到有的~

Little Y 說...

素顏,妳好靚呀!!~~~(羨慕中…)
我覺得呢張比起妳上次貼0係ESDlife果張仲靚0的!呢張好sweet^^
妳果句"照片中我無戴大眼仔,無戴有色隱形眼鏡,無戴假眼睫毛"應該會羨慕死好多女生!哈哈:)

Person of Not Significant 說...

雖然係diy,但係效果相當唔錯,巧靚!!

匿名 說...

剛睇以為你焗完桑拿粒住條白色毛巾..原來係衫, 咁靚女做乜一直不願show相呢?

影得幾好,多謝分享呀!

素顏天使 說...

Amy + 匿名 1:55 上午> 多謝先 :)

點解驚 post 相....um...咁我都係普通人, 好難話接連收到惡意留言都無感覺, 無謂令自己唔開心咪唔 post 相囉.

今次貼係因為遲下張相都會見街, 橫掂都係, 不如早o的自爆 (有o的自相矛盾?), 大家見到時認得, 望多兩眼個 ad 我有得同個客 bargain 囉 XD

東區之友 > 咁得閒記得多o的留言, 無任歡迎

sonrisa > 暫時唔講得呀學姐~

Suki Leung > 絕對唔係走清純路線, 你睇我是高登絲打就知我清純極有限 XDDD

jetaime > 好很多謝妳~

Jansen > 希望的攝影 tips 幫到你啦 ^^

maimai > 有 photoshop 過o既咁, 譬如執走 background 果下已是幫了好多.

JacJac in Wonderland > 我學極都唔識, 唉, 唔好提 :(

糖 > 頭髮長....我頭髮長得好快o架, 其實對上一次煎是一個月前咋.

NaNa > 呢期仲興有酒窩o架咩其實? 好耐無聽過酒窩係 selling point, 我以為係涼名檁咩 Lavina (?) 果o的o靚模飛 bra 走奶先 sell 到喎 XDDD

Little Y > 多謝~ 哇不過唔洗羨慕我, 我唔戴假睫毛只係因為唔識戴啫 :p 唔帶大眼仔/有色con 係因為我戴了會好唔舒服, 狂標眼水.

Person of Not Significant > 巧多謝~~

匿名 說...

真係越睇越靚, 好有氣質!! 又高又FIT又有身材,樣靚心地好!
又肯分享又有文采,又有見地!!
真係好鍾意睇你的blog,都好想同你做朋友呀!
(我係女)

thanks!

宇宙人 說...

自拍八十張, 好有耐性呀你
但自拍出來效果又真係幾好, 一般自拍好難影得好

匿名 說...

你個樣好普通啫!讚你即係害你。

路人 說...

妳個樣一啲都唔普通!唔讚你都對唔住自己!

Unknown 說...

有個想法...
妳可以試試短髮! 應該也好看的

lolobaby 說...

so cuteeeee : )

like an angel hehe

聶秀康 說...

素素的樣子給我親切平易近人的感覺,自拍...好考人...這拍得剛剛好非常自然!

匿名 說...

不知道
我認為有酒窩的人給別人的感覺很不一樣,
笑起來顯得很親切


Nana

Designed by OddThemes | Distributed by Gooyaabi Templates