也說 周秀娜

周秀娜,這個夏天最紅的「o靚模」,紅得差不多每天都見報,娛樂頭條,甚至上過 A1 新聞頭條。13 歲少年買周秀娜攬枕,還告訴記者這攬枕他不會讓其他人觸碰。

她的寫真《Kissy Chrissie》我有看過,作為一個女生,極度羨慕她擁有如此漂亮的臉蛋和完美身形,大胸加上纖腰長腿,比例完美得過份。就寫真本身的質素來說 (以同期的寫真作比較),照片質素 / 美指實是平平,大賣都只因女主角吸引。不過都比那堆粗製濫造的什麼味之天使,什麼 Yumi,什麼 Melody 的寫真好,那些泳衣,老土之極,醜到放去永安都無人會買。

「o靚模」這個字,來到今時今日,已經跟傳統的模特兒是不同範疇的東西,是一個新衍生出來的名詞。人人都有不同的賣點不同市場,電玩品牌,客路是一眾麻甩十幾歲細路,難度叫「名模」如陳嘉容如周汶淇,帶六百萬的鑽飾穿一身 couture 去教人打 online game 嗎?跟本不同 market,也不見得就算紅如周秀娜會有國際時裝品牌找其行貓步去。

對於那個攬枕,我比較相信有供有求,也不是你想出就有人買,你肯剝就有人想睇。老老實實,如果金城武或者古天樂出攬枕,我都有興趣買一個。

好笑的地方是,不少走出來「抽水」抨擊加把嘴的女藝人 / 模特兒,自己不也是要賣弄胴體,三點式纖體廣告掛滿街。OK,分別是,妳扭盡吃奶之力擺出走光與未走光之間的「露罅」姿勢,緋聞滿天,就算加上相熟記者夾料狗仔直擊,都不及人家吃兩口雪糕擦擦牙囉。

賣性感的,一路都存在。葉玉卿舒淇徐若瑄,一個個甚至脫個精光,今日也不是飛黃騰達,受盡拜金港女港男所漠拜和羨慕,以前的,都記不起來了。或者是明光社的勢力擴大了,現在的人 / 傳媒的道德標準奇高,脫點衣服就得受盡千夫所責,更何況,都沒有脫。

叫 model 也好,叫「o靚模」也好,叫 豔星 也好,不過是名字的一種,何需介懷。

學黃貫中話齋,三年之後還在這個圈再說啦。



p.s. 周秀娜在未叫「o靚模」之前也一直有做平面廣告模特兒的工作。一次在友人的 Facebook 相簿,看到時裝品牌 This Is 的一輯照片,我問,「這個女生好漂亮,有點兒似樂基兒,她是誰?」

友說,她叫周秀娜。

(照片轉自 Jam Cast Official Blog)


聶秀康 說...

令人鬱悶的娛樂新聞整半個月都是模模...
都是市場供求,香港人貪新懨舊,別說三年,就是三個月後都吾知乜世界.有人嘲笑她們的短視...我覺說的人好天真好傻...這些『辛苦錢』誰想搵人世?況且周小姐咁靚女...

匿名 說...

其實我覺得每個女生應該都有發過一個model夢, 同樣我都認用應該青春留倩影...
有人睇有人賣, 你地越抄作佢就越紅~

Tram Tram 說...

俾個五黎先!

作為一個港女,我真心欣賞周秀娜,一堆堆講娜娜是非既so called 後生女「模特兒」,睇黎都係「吃不到葡萄」既心態,話人地賣肉既同時自己咪又一樣! 五十步笑百步

我仲出埋錢買埋chrrissie 本寫真ga! 其實本寫真非常唔錯,錯就錯在太多太多乳秀既close up!

覺唔覺得咩melody呀、味之天使個堆寫真好似以前細個響書報攤,定時定候就會有一堆製作粗糙而不知名既明星寫真?

P.S. 後尾個張相好似係雜誌《士多》既Nam影的,拍攝者與被攝的也很好看

Stomphk 說...

我最後o係書展買唔到本寫真... :(
好明顯chrissie同baby本寫真影得好好多~~
chrissie d 泳衣o係我相熟o個間shop借,我有八折喎~~~

匿名 說...

give me 5! 叫 model 也好,叫「o靚模」也好,叫 豔星 也好,不過是名字的一種,何需介懷。---> I totally agree with you!

匿名 說...

講得好

都唔知d人嘈乜

最好笑係"趙石之"(真係唔知佢個名點寫)都有資格出黎抽水博上報

真係笑鳥
八十步笑百步

po 說...

講得好

都唔知d人嘈乜

最好笑係"趙石之"(真係唔知佢個名點寫)都有資格出黎抽水博上報

真係笑鳥
八十步笑百步

素顏天使 說...

聶秀康 > 係呀呢的錢唔易賺, 有頭髮無人想做瘌痢, 周小姐未拋胸之前都無咩人識啦.

didi > 覺得每個女生應該都有發過一個model夢 <--所以的乜鬼模特兒騙案先會長做長有

Tram Tram > 係呀 "this is" 咪就係士多個阿 Nam 加佢老婆阿 Ning 出o架囉個 brand, 不過好似摺埋左𠻹 lu~

Alan > che 你唔早響? 我o岩先響 Roxy 買o左套, 不過佢地做緊 40% off, 應該平過你果間.

匿名 11:02 下午 > 多謝

po > 八十步笑百步 <--好明顯你是高登巴打/絲打喎! kakaka~ 趙碩之話要封胸, 封左就覺得自己 "升左呢", 話要人多的留意佢o既實力嘛 (雖然無人知係咩), 咁佢可能好後悔封左胸囉, 先至會口出妄言.

匿名 說...

好憎周秀娜. 想燒死佢.

素顏天使 說...

匿名 11:38 上午 > 咁大仇口? 周秀娜殺左你全家呀?

匿名 說...

是呀! 她就是殺了我全家. 我現在說燒死她一人已經手下留情了.
另外還有看不起教壞細路. 在小朋友的銀包上"槍"錢. 寫真意識不良. 比人評擊仲多多野講. 抵佢比前度男友虐打. 還我家人一個公平啊!

素顏天使 說...

匿名 1:44 下午 > (安已不) 我都唔知點應你好啦........

匿名 說...

匿名 1:44 下午

如果「她就是殺了我全家.」
我提議你立即報警
轉交西九龍重案組處理
讓正義得以伸張

匿名

匿名 說...

已是很多年前的事. 但她化灰我都能認出她的. 那時候她還是AA Cup. 轉眼間就變出32D出來. 真係魔影變幻球.

素顏天使 說...

匿名 2:55 下午 > 唉, 就算玩波都唔代表佢殺你屋企人 je...... 咁啦, 好似再樓上果位匿名咁講, 我比西九重案個電話你丫, 29-283-283, 你打去睇下佢地幫唔幫到你啦~

匿名 說...

好的. 素顏天使. 多謝你.

匿名 說...

其實我都唔係好明點解而家呢家d人愈企愈高...古有香港小姐鄭文雅出寫真拍playboy封面...(本playboy邊個出既呢-係鄭經翰!)...
之後無線又出過電波少女,個陣出個陣d報紙仲日日登哂人地d3圍出黎....
咁而家先話人地教壞細路?污染書展??十幾年前好似仲開放過而家喎。

咁,我都覺得baby同周秀娜好靚

fox

Stomphk 說...

去船p著roxy實死,一定撞3,幾平都唔買~~
o個間shop一款入三幾件.船p撞3機會差唔多係零~~~

Designed by OddThemes | Distributed by Gooyaabi Templates