慘過大病

牙痛慘過大病。

右口腔內側有隻牙齒已經痛了一個星期,吃甜的 / 吃冷的東西會痛到死去活來。昨天終於去了看牙醫。

我是從來沒有看過牙醫的,連小的時候那些牙科保健都沒有參加過,還好我從小到大到沒有蛀牙。這個大概是遺傳,我的家人全都沒有牙齒的問題。可能跟不嗜甜吃有關。

因為沒有相熟的牙醫,我只能在家的附近幾家牙科診所略為格一下價,先問一下洗牙要多少錢,大概都要 $300-340,最後問到一家有兩個牙醫註診的,只是 $240-300,其中有一個較受歡迎的牙醫,光是洗牙就要排到 12 月才有期 (另一個待兩天就可以了......)。我想應該是手勢較好的關係吧(?),所以就在這一家掛號了看牙。



照了 X-ray,看到附圖了 (希望沒有畫錯),黑色的部分就是蛀牙。這個不知是好事還是壞事,就是因為以前沒有蛀牙,牙齒生的很整齊,在沒有空位之下害我的智慧齒生的歪了。又因為生的歪了,然後那個是牙擦擦不到的地方,所以呢就蛀了起來。而且是兩隻牙!

跟據醫生的說法是,因為這個擦不到的「打壞」智慧齒蛀了,陰影的部分就是,蛀的太深明顯是跟神經線重疊了,更連累旁邊的那隻有用的牙也蛀了,所以,有兩個方案。第一,把智慧齒脫掉一了百了,旁邊那隻就可能可以用補牙的方法補夠,當然如過是嚴重的話則要作杜牙根處理。第二,智慧齒和旁邊的那隻也只作杜牙根處理,因為那個位置是擦不到的,而且因為智慧齒其實沒用 (用不到來嘴嚼的),那是有可能過幾年後會再蛀過。也因為智慧齒長的歪了,前面那顆牙擋住了,把智慧齒拿出來要得先把它敲碎 (!) 才能把它拿出來!!!!!

當然我聽到這個時候已經嚇的半死了,當我知道要花多少錢更嚇的呆住了。脫牙,一顆 $1800!!!!!!!旁邊那隻,好彩只是要補的話,$200-300 (一顆)。杜牙根,便宜的, $900!!!!($900 叫做便宜!) 如果是要好一點的醫治,也得花 $1800 (一顆) 作個甚麼鬼根管治療。還沒計如果怕咬碎補牙部分訂做牙套的錢......

最後昨天是甚麼也沒做過,拿了消炎藥,(那個醫生最初是提議打針的,我不肯,選了吃藥。)把那個狀況暫時穩定住。連 X-ray 的錢,就這樣已花了 $300 (雖然說這是包括在那 $1800 的脫牙費內)。排了期在月尾動手術。

我現在非常害怕,想不到第一次看牙醫就得開刀,心情也很壞,想到聖誕節的旅行 / 活動 / 大餐 / 送自己的禮物 / 送男友的禮物......因為得省錢而落空就更 depressed 了。會不會只是局部麻醉?好恐怖呀!那不就是望住醫生把那個牙齒拿出來嗎???唉。

怎麼可以貴成這樣的呢,但你叫我去國內去嘛?我又沒這個膽子。要命的是鑑於我只是個 freelancer (如果你知我在那裡工作你就知道我為甚麼會是 freelancer),沒有醫療保障,而我本人也沒有買任何類型的醫療保險,這幾千塊我是要「硬食」的了啊~

唉。唉。唉。
匿名 說...

收費應該正常,因為我岩岩補完牙,都收我三舊半呀陰公。

牙醫呢回事、尤其係涉及智慧齒,最好搵個相熟既去做,因為牙醫係一種好鐘意剥人地智慧齒既動物,收得貴,剥左又無害丫嘛佢話~
我樓下有個缺德牙醫,睇親牙都叫我補幾廿隻牙,剥哂d智慧齒...
智慧齒係無用,但錢,好有用。

匿名 說...

講開智慧牙,我以前有慘痛經歷,我又係頂住唔夠位生,牙醫要界開我D牙肉再敲碎隻牙先剥到出黎,我右邊面腫到成個高爾夫球咁大!!!食左一星期粥,剥完連口水都吞唔到...希望你唔好似我咁...

一件健講得岩,D牙醫係唔係都叫你整果樣整呢樣,上次洗牙個牙醫叫我"cool"牙,仲要最新最貴果隻...

匿名 說...

價錢係合理啦! 不過, 講到杜牙根,拔智慧牙真係一定要去間相熟o既。我講個case比你聽不過唔係想嚇你。
之前我老豆就係因為要去杜牙根跟住又唔聽我地話去我地介紹間牙醫度做...自己亂咁搵。攪到做完番o黎腫到好似豬頭咁。仲要越級發炎攪到要入急症止痛打消炎針!!!差o的告個牙醫。我當時見我老豆咁嚇到半死!!所以呢...唔好亂o黎搵多個牙醫問清楚好o的呢o的錢無計啦! 牙齒同身體緊要嘛!
如果你唔介意我可以介紹個牙醫比你係北角城市花園! 你方便嘛? 你要o既就問我啦!
take care

匿名 說...

修飾旁人看到的地方叫化妝;看不到的,叫健康。

匿名 說...

同意,收費合理。

昨日牙醫替我拍張大片 "X-ray" 收費$350,話我的智慧齒向橫生,頂住隻大牙。

牙醫給了兩個選擇,一是做手術剝掉它,有一定風險的,智慧齒附近有很多神經線,同事話有生命危險吧;
二是約半年定期檢查,一兩年拍張大片,如影響到隻大牙就要剝掉,看看價目表,不需手術剝智慧齒每隻 $1,700,需手術的話,每隻 $3,500 - $5,000。
-_-\\

真的要脫牙,建議在香港做吧。
未曾光顧內地的牙科中心,故不清楚內地牙科中心的設備衞生情況,只是每天搭火車聽朱咪咪話內地牙科中心好乾淨,該相信朱咪咪所言嗎﹖聽說剝牙也有機會傳染甲形肝炎等病。

BTW,疹所是朋友介紹的,旺角九龍行恒健牙科 2666 6638 醫生姓吳。

另,請告之剝智慧齒是否極痛。謝。

匿名 說...

我在中學時已經在牙醫照到智慧齒生歪了, 而且已經剝掉. 因為醫生說等歪了的智慧齒長出來, 會頂著前面的牙齒, 刷不到就會蛀!
但當時智慧齒半點都未長出, 還在牙肉裡. 牙醫要把我的牙肉割開, 把牙齒打碎, 再一粒粒吸出來.
醫生說趁牙齒還比較細小, 剝掉比較容易, 傷口也沒那麼大(其實是想老屈我). 家人都剝掉, 為免麻煩, 我也把左右的剝掉!
雖然有麻醉藥(我當時打了3支針, 因為1支不夠勁), 但還是感覺到很痛很痛, 眼水都標埋....剝完, 整個牙骱痛得差點口也閉不上><" 不是嚇你, 真的很恐怖
之後一星期只可以吃流質東西, 因為根本連口也不能張開, 莫說要咬東西! 牙都不能刷, 很可憐..... 說話亦有困難
但不同人都有不同情況, 我有些朋友都沒我那麼嚴重.
祝你的牙醫是個好醫生, 祝你好運!

路人甲乙丙

Meling Lam 說...

有d人為左瘦面, 智慧牙冇事都走去剝啊. 如果當瘦面, $1800 都 ok 呀.

我今年會送自己的聖誕禮物, 就是2隻牙套, 共 $6,000 -_-

匿名 說...

我都剝晒4隻智慧齒了,因為聽人講如果發炎先剝,會超痛及變豬頭。我有一隻是生歪了的,要割開牙肉,再把牙切開才可以除去,打了3支麻醉針(超痛!!),剝完麻醉藥一過,就痛死了。我在政府醫院做的,家裡有人是公務員,所以免費,如果你不怕要排期,政府做會便宜很多。

匿名 說...

我覺都係剝左佢好些.
我都剝了四隻, 平均大約一隻.
蛀牙很恐怖.

Meling Lam 說...

Pat 可以試下去菲蠟牙科醫院排期, 唔一定排好耐, 而且因為手術複雜, 通常係大醫生而唔係學醫負責.

素顏天使 說...

Kinson > 係呀, 牙醫真係好鐘意剝人o的牙, 其實佢係咪個個都無晒智慧齒o架呢?

李小龍私生女 + Shogunb + 路人甲乙丙 > 唔好再打得咁仔細o黎嚇我, 我已經夠驚o架啦, 唔洗再嚇o架啦. thanks shogunb for the info.

難渡怖山car > 阿媽係女人.

雷佩特.米 > 放心我一定會將個賽後報告寫得好詳細的.

winsome > 長痛不如短痛, 唔排政府啦. plus 我無親人係公務員, 無 "so".

jp > 係呀, 所以我已經排o左期剝了.

apple > 未睇呢個醫生前打-ed電話問o左菲臘, 無介紹信o既未必會收症, 就算收亦唔知要排幾耐期. 同埋係要當日 7.30am (!!!)去到 手羅 當日o的籌, 8.30am 派晒就無o架啦~

至於瘦面, 唯有諗係 bonus 啦, 唉.

謝謝各位, 另特別多謝各私下電話/MSN關心我之友人, thank you everybody.

匿名 說...

我就係去菲蠟牙科既一個例子.
睇完私家suggest我四隻mok晒..原因係兩隻生歪左..around$4800...
05年11月walkin去睇菲蠟牙科, 好彩佢都肯收我個case...聽人講只要係生歪左既case都會收..分兩次剥晒四隻!!!
不過可以講負責既professor真係剥得好好..我係洗牙都忍唔倒痛要打麻醉針既人..但果次真係好得哨...痛既情度接受倒..之後果幾日都只係少少腫.如果等得, 真係值得去排一排~

匿名 說...

我之前因為蛀牙而去左附近既牙醫診所脫牙,點知個牙醫幫我脫完大約半個鐘就好痛(大概麻醉藥過左),之後佢又話要同我鑲牙,話收7500(覺得超貴-.-),比佢鑲完左又話要幫我補牙收300隻,又要我脫多隻大牙,又無同我講要杜牙根既野,之後我就無再去幫襯呢個牙醫,轉去人地介紹我去既牙醫到...
果個醫生就無話要脫走我隻大牙,話可以同我補,我就今天去完做杜牙根手術同補牙,果到個醫生幾好,落左麻醉針+藥,幫我做手術時一d痛楚都無,麻醉過左都無痛楚,而且杜牙根只收1600可分3期比!

MIAK 說...

''匿名''想問你邊度做 杜牙根$1600???
因我的牙醫收2700(包麻醉針,補牙,牙套)
見到此請回!!!!!!!!!!!!!THX~!!!!

Designed by OddThemes | Distributed by Gooyaabi Templates