生命中不能缺少的七仔

搬o左o黎西區都有差不多兩年，西區除o左鹹魚海味舖多之外，排第二o既，我諗七仔都當之無愧。

冬天o既時候，夜涼如水，一個人返屋企凍冰冰兼孤令令實在唔好受，呢個時候，我一定會走入去七仔，就算唔係買o野，又或者係想搵o的o野o黎買，都會走入去感受下人氣。

沖一杯滾熱辣粟米湯，小小甜，暖手兼暖胃，身心舒泰。

又或者，無啦啦想響3am食一個鳳爪排骨飯(仲要真係幾好食o架喎！)，加個pizza，你唔去七仔，仲去得邊？

最犀利o既係，有時無啦啦想敷個mask，蹺起手身邊無晒貨，又係佢最幫到你！

我無o的乜o野難忘事響七仔發生，但係如果有一日全線七仔摺埋，都真係會好頭痕。一個可以同一時間食粉雷雷燒賣軟雪糕北菰滑雞飯飲啤酒思樂冰增值八達通交電費買縮骨遮Hello Kitty拖鞋壹周刊o既地方，去邊度搵丫你話？