【跟脂肪戰鬥篇】TrimEC 易纖諾 燒脂特飲 + 收腩湯

因為媽媽的一句話,我的起心肝決定減肥。

我媽是很典型的阿媽,即是那種生怕你在外邊吃不飽吃不暖,回家會拼命叫你吃的那種阿媽。某天回家晚飯,我阿媽很認真的跟我說:「阿囡,你真係要減下肥。」

我素顏天使對肥的新標準是:連阿媽都話你肥,你即是肥 + 20磅 那麼肥!/_\

好大鑊!我阿媽從來都無叫過我減肥的;每次我話減,她都會話「減乜鬼吖妳!」,然後不停夾餸去我個碗........但今次,不同,她玩認真!!!

大抵是怕我再肥下去就真的無人要了。

* * * * * * * * * * * * * * * * * * * * * * * * * * * * * * * 

這時 TrimEC 易纖諾 的公關跟我聯絡,說是有個減肥食品想邀請我試食,但必需要配合他們的減肥餐單。說實在,如果是代餐我一定不會試,不是因為份量少,而是因為代餐一般都好難食。而公關小姐又拍心口說他們今次的減肥食品,味道很好;我已經 desperate 到連阿媽都話肥的地步,我想,要我切肉我都絕對 OK,節制一下飲食當然無問題,只要瘦到就可以了!

*可按圖放大*
看過餐單,不算難跟;說是由營養師編撰的,主要都是低脂和低卡的食物,食物配搭可自由改動,keep 住少油 + 少調味料 (少鹽糖) + 低脂 + 低卡 (盡量不超過 400 千卡) 作為原則就 OK。So far 我又不覺得不夠飽,可能因為天氣熱沒甚胃口;當然深夜的話會很難熬,那麼早睡早起是你的唯一出路了!

收到的兩款產品分別是上圖的收腩湯,有三個口味,「蕃茄湯」味 + 「蘑菇湯」味,還有「冬陰公湯」味。

(本照片以 iPhone 4 拍攝)
三款口味中,我最喜歡「冬陰公湯」味,酸得來有點辣,喜歡它完全不似減肥湯,還有真的蝦米和冬菇粒粒!「蕃茄湯」味第一次喝時覺得很難喝,跟公關小姐表示,才發現原來是我錯啦加水太多,太稀啦!其實水的份量只是 140ml 左右就夠。加少點水之後覺得還可以,但因為我個人來說也不愛很太生的紅蘿蔔粒 (有草青味道~~),所以不大喜歡這個。「蘑菇湯」味也有蘑菇乾粒粒,建議讓粒粒飲飽水才喝,這個口味我也覺得不錯。收腩湯每盒 HKD$159 / 10 包。


另外這個燒脂特飲,今年的重點推介新口味是「頂級咖啡 Coffee Deluxe」味還有「青檸檬茶 Lime Tea」味。「頂級咖啡」味道很讚!好飲到我飲完立刻上載微博推介!資料說是用上巴西的頂級咖啡豆泡製,非常香濃,完全不似即溶咖啡!每杯只有約 66 Kcal,是普通咖啡的 1/3。我知有很多朋友每天都咖啡不離手,但又糖又奶實在很胖呢!這個是不錯的代替品啊!

另外的「青檸檬茶 Lime Tea」味,可凍飲!夏天飲用一流。如果按其指示份量 20ml 熱水 + 120ml 冷水,個人覺得味道有點偏酸;於是我是先用指示份量泡開,再加入 50ml 左右的冷水,倒進我的 Starbucks 隨行杯,帶上街當水喝。

除了這兩款新口味之外,還有其他口味如「可可 Cocoa」、「蘋果綠茶 Apple Green Tea」及「零糖咖啡 Coffee Zero」等口味,每盒燒脂特飲價錢為 HKD$159 / 7 包,除開即是 HKD$22 左右一杯,平過飲 Starbucks 又健康一點!

最重要是以上的所有減肥產品均含有其獨家的「氨基酸纖體配方」,可加促氧化代謝、燃燒脂肪、抑制脂肪吸收;亦含有「天然纖維素」及「水溶性膳食纖維」,促進腸道健康,排毒;喝完之後確實是每天都很暢順。不是瀉那種,是暢順。

以下是我的 7 日飲食紀錄

Day 1 -
早餐:無
午餐:劉森記雲吞蝦子撈麵 + 半碗左右的甜酸蘿蔔 + 一杯小 Size 鮮搾椰汁 (**超過 400 Kcal**)
下午茶:500ml 左右的無糖烏龍茶

(本照片以 iPhone 4 拍攝,雜誌是用作證明日期)
晚餐:蘑菇湯味收腩湯 +  1 隻雪梨 + 4 塊奶鹽梳打餅
宵夜:無
運動:30 mins 室外半跑半 Jogging (約減去 184 卡路里)

Day2 -
早餐:「頂級咖啡」味消脂特飲 + 4 塊奶鹽梳打餅
午餐:鮨福助的三色刺身飯定食 (超過 1,000 Kcal......)
下午茶:無
晚餐:棠記水餃麵 + 半碟菜 (有油有蠔油) + 半碟爽魚皮 (不是炸魚皮) (超過 1,000 Kcal......)
宵夜:半盒百力枝,一隻橙,500ml 烏龍茶
運動:零 T^T,是日大失敗!

Day3 - 是日北上辦點事
早餐:無

(本照片以 iPhone 4 拍攝)
午餐:深圳某麵包店的火腿三文治卷+豆漿(有糖)
下午茶:茉莉花茶 (有糖)+深圳麥當勞的兩隻腐乳雞翼 (炸的!)+雪糕汽水特飲 (超過 1,000 Kcal......)
晚餐:一隻啤梨+冬陰公味收腩湯+1.5條香腸
宵夜:「頂級咖啡」味消脂特飲 + 4 塊奶鹽梳打餅
運動:「走走篴篴」算不算運動?........零 T^T,是日大失敗!again........

Day4 - 
早餐:無
午餐:無

(本照片以 iPhone 4 拍攝)
下午茶:「青檸檬茶」味消脂特飲 + 康師傅酸菜仔雞味杯麵 + 香腸 1 條
晚餐:車仔麵 (雞翼2隻+蘿蔔+菜+米粉) + Coke Zero 一支
宵夜:半支 Vodka + Suntory 有汽提子汁(44kcal) <---- er........完全的大破功!!T^T
運動:無

Day5 - 
早餐:無
午餐:康師傅嫩雞燉麵杯麵 (細size,約250kcal) + 1隻蘋果 + 香腸 1 條
下午茶: 無
晚餐:一隻雪梨+冬陰公味收腩湯+ 4 塊奶鹽梳打餅+1條香腸
宵夜:「頂級咖啡」味消脂特飲 
運動:無

Day6 - 
早餐:無
午餐:公仔炒麵王杯麵+「青檸檬茶」味消脂特飲+1條香腸
下午茶:無
晚餐:一隻橙+冬陰公味收腩湯+ 4 塊奶鹽梳打餅+1條香腸
宵夜:「頂級咖啡」味消脂特飲
運動:無

Day7 - 
早餐:無
午餐:公仔炒麵王杯麵+「青檸檬茶」味消脂特飲
下午茶:無
晚餐:堂記燒鴨臘腸腸粉 1 碟+柴魚花生豬骨粥 1 碗+無糖烏龍茶 500ml
宵夜:.......喝了很多酒
運動:無

我現居地方無重量磅 (說實在就算有我都不敢踏上去了 T^T),但七日過後臉是有清減了,肚腩也細了!不過七日對於我來說是不足夠的,我要一直努力的減啦!!!嗚呀~~~ 我才不要帶著那些多餘的脂肪過生日呀~~~ 堅持到底就是勝利!!!

七天不能讓你瘦到變成第二個人,但七天能養成一個習慣;譬如我一向食量奇大,但這七天就習慣吃少了,現在胃口比之前小很多,相信慢慢下去一定能瘦起來的!

er......希望之後不是叫做「使天顏素」啦......
Jessica 說...

hi..我一直都有睇你個blog...nice nice,隻減肥湯之前$99/盒,我都買左黎試,我都覺"蕃茄湯"係難飲(可能平時真係飲得鮮蕃茄多),個味真係差好遠>.<,其他2種味就比想像中好

BTW,一齊努力減肥 ^.~

Tung Tung 說...

講開減肥個個女仔都係例行公事. 鬼叫我哋出世係香港呢個地方. 瘦先叫做靚. 肥一定無運行. 我支持你. 大家一齊努力. 我都想減20磅呀!

Tung Tung 說...

我見你好多時都唔食早餐同下午餐. 我見過幾個營養師. 都叫我無論點食塊餅or生果都要食. 如果skip左一餐會令新陳代謝減慢. 脂肪仲易積聚啊!

hoyoyi 說...

期待性感照片!!!!

素顏天使 說...
此留言已被作者移除。
素顏天使 說...

Tung Tung > "我見你好多時都唔食早餐同下午餐. 我見過幾個營養師. 都叫我無論點食塊餅or生果都要食. 如果skip左一餐會令新陳代謝減慢. 脂肪仲易積聚啊!"

<---關於呢點,我啱啱又開始食緊第個 brand 的減肥 product,佢地有個儀器係 check 每日建議的 kcal 攝取量,譬如我個身形計,每日可以食 1300 左右 (其實 1,300 都係得好少)。只要每日食足呢個數 for 身陳代謝就 OK,唔一定要食足咁多餐啦~

Tung Tung 說...

素顏天使 : 你都好少少. 一日1300kcal. 我得1200kcal咋! 不過我諗我仲為食過你. 我成日諗就算今次成功減肥. 但要keep住個磅數其實先係最難. 改變唔到飲食習慣遲早都肥番. 所以我都係照食算了. 嗚嗚~~

boni_a 說...

我試過o係elxze做機 , 跟埋營養師餐單同 x+x (又係d湯同pills咁) 個肚腩都仲o係度

好啦, 之後見有blogger講到kilo-ofx好得, 又試啦, 食足都係唔得...

以上完全係waste $既行為....

我食野唔肥唔咸係甜d囉 (咁仲唔死咩...)
同埋坐得多, 少運動...

睇黎我要試埋呢個trimec睇下work唔work... 同埋真係要疊埋心水做下運動....... T_T

素顏天使 說...

boni_a > like what I said,無論是甚麼減肥的 product (包括你提及的所有),都只會是輔助性質,世上沒有不努而獲,運動和節食才是減肥的不二法則啊~

btw, Elyze 的 804 plan 我有試過,的確 1 星期有減到 8 磅 (運動 + 節食 + 喝減肥湯 + pills),但如果 7 天後不繼續進行肚腩當然不會小下來啦~

boni_a 說...

dear, 節食can't help me. i don't eat much i can tell. i think i only take 1300kcal per day.

i did work-out for a long period of time, but still can't help. T_T there may be sth wrong inside my body... -_-

減磅數對我呢講唔係目標, 因為fat係輕既... build up more lean muscle will be heavier but doesn't mean get fatter LOL
我係想get rid of my tummy.... 同埋我望落去係幾瘦, 除左個肚 @@ 所以想知呢隻trimec對減肚腩有冇用... =D

Designed by OddThemes | Distributed by Gooyaabi Templates