自己做.蒸煎釀豆卜



尋晚晚餐,自己煮,2人份。

點解會係蒸煎釀豆卜,而唔係紅燒唔係炒,理由好簡單,因為怕熱氣 (我生左粒飛滋)。

全部加埋約有20個,我諗我食o左6個,其他全數男友一手包辦,仲添飯喎!真係比面!!

呢個工序比較麻煩,所以搞到我無時間整多味。

蒸煎釀豆卜

材料:豆卜($5)、瘦肉($5)、蝦米、同埋雪櫃有用剩o左o既墨魚丸2粒 (早兩日我滾o左紫菜墨丸蛋花湯,無影相所以無寫)、伴碟用小棠菜1棵、伴碟用芫茜

做法:

1) 瘦肉剁成蓉,用老抽、生抽、糖、紹興酒少許、胡椒粉少許、生粉、水 醃30mins,備用。

2) 蝦米熱水浸軟,切細粒。墨魚丸洗淨,切細粒。

3) 豆卜略洗,開邊,將入面o的豆腐渣搣晒出o黎 (唔好掉),就有一堆豆卜兜仔啦。

4) 將 (2) 同埋 豆腐渣 撈落 (1) 度,搞勻。

5) 開少少生粉水,將 (4) 釀入 (3) 度果時,先搽一搽(用手指得啦)個豆卜入面,少少好啦。

6) 開平底鑊少少油略略煎好已經釀好o左o既豆卜,肉向鑊面,一放落去5秒左右就可以夾返起,作用係蒸果時舊肉就唔會散開,同埋個面靚o的囉~

7) 夾起之後排好響碟,水滾後,大火隔水蒸8-10分鐘就OK咯~~~

8) 開個蠔油獻 (蠔油+生粉+水),煮熱後淋響面,再擺埋o的小棠菜呀,芫茜咁就可以上得檯啦!




另外有蒜蓉生菜,我竟然忘記o左落鹽,落o左少少豉油囉所以咪 :p

甜品食咩呢??










嘿嘿嘿嘿嘿嘿嘿~ 有人懶鬼馬買o左蛋糕仔搭正 12點 同我吹蠟燭啦~ :E

多謝男友~ *3*

我今年係食過一個生日蛋糕,吹o左一次蠟燭咋,就係呢個囉~ 上面係布甸,個杯入面係 fruit cake,$15 from YAMAZAKI,我覺得好食過男友生日我買比佢果個 Teresa Festival 白酒桃蛋糕喎 (果個兩舊幾水呀!)~~~

至於生日禮物呢,都收o左啦,不過有少少問題,下晝要拎去換,係咩o黎o架呢?下個 post 先o係度講啦~ kakakakakakakakaka 正日慶祝飯今晚去食~ 啦啦啦啦~ :E
Unknown 說...

从2013年一直看到你2006年的blog, 很多事情都有变化,语言也变得比较书面...但是好吃的菜却是不变的!

Designed by OddThemes | Distributed by Gooyaabi Templates