吾友 X 先生 (假名) 的故事。

早陣子 X 先生跟拍拖幾年的女友分開,失戀了。單身後身邊女伴團團轉,工作關係,認識了 Y小姐 (假名,20到尾) 。X先生覺得 sporty 到不得了的 Y 小姐跟他很搭,興趣呀,外表身型都是他喜歡的一類型。

於是開始追求 Y小姐起來。

近月來每星期見面四五次,飯局呀,一起去滑水,去 gym 呀。好像順利到不行。

可是不久之前,Y小姐就當面拒絕了 X 先生,「先做個好朋友吧!我比較想 enjoy 單身生活。」她說。X先生也沒有放棄,每次 Y 來電,X也就會管接管送 (X先生剛買了架新車,因為失戀。<--- 補充,X先生話唔係因為失戀喎。)。Y去買東西,X也會付賬,當然還有每星期的晚餐,滑水也不用 Y 夾錢。X不算是有錢人也不是裝有錢,就是不大介意罷了。

好像還很有 chance 嘛。

後來 Y 透露越多又好像越不對路,Y 告訴 X 她以前的男友每個月都會給她幾千塊做零用,Y月入不算多,萬多塊,扣除家用也不算太壞。但感覺上就好像告訴 X 如果要做我的男友,你得每月付我幾千塊,還未計算平常的消費。

幾千塊不是大數目,X付得起有餘,可是這樣令 X 不大 feel comfort to give,付你幾千塊是為了甚麼?這是不是常有發生的事?

除了這樣,Y還有一個舊男友還在離離合合中,每天還跟 Y 有聯絡,當然 Y 會說是這舊男友纏住 自己。Y把這舊男友的 blog 發給 X 看。

「因為待你是好朋友」Y說。

裡面有提到很多 X 的事,當然都是 Y 告訴他的舊男友了。

X問我:「有沒有簡單一點的?」

我不曉得,跟現在的男友拍拖之後我對於外面光怪陸離的愛情世界和愛情觀很受不了,最討厭 play hard to get 的女 /男人。

當局者迷,外人怎樣說,也聽不進耳。

他們還在每天 MSN。
匿名 說...

不是付不付得起幾千塊的問題,係拍拖唔係甘個lor~大家都係打工仔有幾千塊都應該儲起佢為未來la,貪錢的女仔咪油佢同d二世祖拍拖lor,唔洗要la lee d 港女~

匿名 說...

"我比較想 enjoy 單身生活"

背後意思都好明顯, 無feel, 愛情多少都要有passion...

好人就會清楚表明立場, "放過"他

壞人就會留住他兼攞著數

好cheap!

匿名 說...

係唔係愛情,y係咪恃牛唔飲水都好,我就係服左 X.

匿名 說...

o岩啊~當局者迷! 不過,有o的人係唔碰過釘唔知痛! 由佢啦!Pat,唔好做中間人啦!到時有咩事賴你仲衰!咁大個人啦...佢自己攪掂啦!

匿名 說...

真係唔知,真係當局者迷.short short o地!! aii...

素顏天使 說...

港女 > 係呀,朋友 X 自己都有話點解佢口話做朋友,行動上又唔多似咁前後矛盾啊~

loasing loser > 你服 X 乜o野呢?

shogunb > 咁又唔係中間人o既,不過係朋友之間呻呻下果隻o者。

朋友 X > 坐我隔離果位 PM 提議,如果你真係肯拎幾千銀出o黎,不如北上包一件喎。(btw,我識得有個朋友,佢溝o左件北妹版楊采妮,正o架!)點都好過受呢o的港女氣。

匿名 說...

不如你介紹長腿好友 B 小姐 我識la

素顏天使 說...

朋友 X > 好快會見到啦!

匿名 說...

"點解我要服..."

33歲,智商正常(假設智商中上先至有咁o既收入),拍過拖,甩埋.簡單 d 講,咁大個人,唔係未痛過,都鍾個頭埋去,仲要到y同佢計錢先扮問發生咩事.

呢個十足係典型陳海琪接o既"鋒煙",而陳o既典型回應就係先一輪黃毓民式炮轟後埋尾一句"咁咪即係犯賤咯!",然後 cup 線播歌.
聽果陣初中,心諗嘩癡線麼人地已經咁慘.
人愈大,先聽得明:一半係佢真係火滾,一半係想幫個victim斬倉止蝕--呢種人賠上o既係青春同機會.

只要X唔好到人又老錢又無果陣先來呻,我都仲係服o既.

P.S. 就算北妹幾平靚正,睇佢都係戒唔甩Y:唔好話北妹,港妹都未有幾多個曉滑水.

Designed by OddThemes | Distributed by Gooyaabi Templates