天國近了

芝士火腿三文治 / 蘋果汁 / 強勁冷氣 / 沙嗲汁司華力腸飯 / 熱咖啡 / 西柚雪梨汁

我同醫生講我食o左呢o的o野o既時候都覺得十分之唔好意思 (特別係沙嗲汁司華力腸飯)。醫生話我食得好雜,呢兩日只可以食粥同埋食碗粉。

下晝開始響 office 嘔o左兩次,一共嘔o左六次;醫生話係細菌入腸,令到個胃產生胃氣,頂住頂住;即係腸胃炎。我淨係覺得個人虛弱到不得了,好暈。

嘔到差不多連胃都翻埋出o黎。

------------------------

2.30pm

剛睡醒,好暈。

從昨天 5pm 開始計,嘔了差不多 20 次,吃了兩匙的粥,可以嘔到一碗水。喝半杯水,可以嘔到兩杯水。差不多每小時也得起床一次。

有上吐,當然有下瀉,不贅了。

唯一好處,我剛上過家裡的浴室磅,才一天便輕了四磅。

怪不得那麼多女人去做洗腸療程。
匿名 說...

保重身體呀,腸胃炎要食清淡d...

匿名 說...

你條友, 又亂食嘢啦! .\"/.

匿名 說...

"天國近了"...
我 choi!

匿名 說...

似乎很嚴重,比腸病毒更勁,保重

素顏天使 說...

多謝各位, 有心有心~

匿名 說...

take care! 好返之後煲返d 淮山粥, 強建脾胃!
(如果你唔 mind, 我可以煲比你, 不過唔知點拎比你)

匿名 說...

慘>.<!乜你嘔到好似人地腸塞咁~~你好似仲係自己一個住既TIM...>_<
你要小心身體呀~!準時食藥+休息多D!
早日康復^^!!

素顏天使 說...

apple > 痴線! (一講痴線就係講真同埋肉緊) 我當然唔 mind :p 不過 eu 話你禮拜二去日本啦喎~ 你教我自己煲丫不如.

sayumi > 腸塞我試過, 果次入醫院訓o左三日吊鹽水. 依家好彩唔係自己住, 同男友住啦. 佢都有照顧我, 我趕唔切行去廁所嘔o左落地呀陰公, 佢會即刻拖乾淨呀咁囉. 講起上o黎佢都好慘.

匿名 說...

朋友教:好似煲潮州粥咁, 多水少米, 水滾後丟 2-3 片淮山落去.
病者無胃口0既 , 飲粥水都好好效果.

匿名 說...

你現在身體無乜野啊嗎?
記住要好好休息喎!

素顏天使 說...

apple > 好, 等我試下, thanks!!

心心公主 > 好好多了, 謝謝!!~ :)

Designed by OddThemes | Distributed by Gooyaabi Templates