生日飯(四) 久違了的K局



繼續生日飯,我 suggest 去唱 K,點解?因為我好耐無唱過 K 囉~

(係好耐無去過 Karaoke,反以就咁響朋友間 bar o的 open area 間唔時有唱)

老銅 CEO Neway,訂o左 11pm,11.20pm 有房,算好快。出席人士有 我啦 + A小姐 + PM氏 + S + E小姐,其實呢個就唔係淨係我o既 birthday gathering,因為 A 小姐都係六月生日之星。(Happy Birthday 呀o下~)

------------------



生日5位送香檳一支 (好難飲),另外叫o左芝華士溝綠茶 (5 jar),果盤上面有荔枝(!!!),我都係第一次見。因為叫o左個 set,有3款o野食揀。其實呢間 CEO Neway 食o野都 OK,正正經經o架~ 特別就無咩特別,不過 more than 入得口已經算執到啦 right?



鹹魚雞粒炒飯,噢,out-fo o添~~~~~



照燒雞中翼



蛋白竹笙西蘭花,個蛋白好得!

------------------

‧唔知點解會分到間 theme room 個 theme 係攀石(!!!!),有一舊舊攀石用果o的石痴o左響牆,A小姐 仲真係示範爬住影o左張相。

‧唔知點解衛詩o的 MV 全部 (!) 都係一個肥妹 (仲要係醜樣o既肥妹) 做主角,搭一件核突粗眉男,表演─ 餵食,依偎,借位 kiss,肥妹表演食腸仔 (!) 同埋食蕉 (!!!) ,有興趣睇請自行 search youtube

‧唔知點解每次 K gathering 都會懷一次 80's 舊,但又每次都好鬼開心,今次唱 哥哥 /倫伯 /劉美君 / Danny仔 / 陳慧嫻 / 黎明 / 城城 /仲有劉~華。(有無人知《開心的馬騮》入面句「兩點似菊豆」個菊豆其實係咩o黎?)

------------------

‧提供無聊吹水 in joke 一個,笑到口抽筋 (識其佢地o既知我講咩):

Pxxxxxk(仔仔??) + Sxc(孝天???) + Bxxxy(承旭?????) + Rxxxxxd(建豪????!!!) 組成 369 club 反攻台灣,人數可加可減,拍一套《海哲拼青瓜》 (燒味拼盤??),著 deep V 螢光綠窩釘皮褲打歌衫,橫掂 183 club 都紅得起,無理由佢o地唔得啦!

------------------

最開心都唔係慶祝生日,反而係見到 E 開開心心咁好多o野講,咁咪好囉~

埋單約 $1320,多謝多謝,多謝埋自己。 n_n

------------------

臨時甩底的 R 同埋 m-ba 今日托 PM 送o左支 JURLIQUE rosewater spray 比我,多謝多謝, 我之前想買o架呢個,m-ba 醒呀!
匿名 說...

祝你生日快樂! 最緊要開心呀!

素顏天使 說...

m-ba > 些些 :)

匿名 說...

我認得果個肥妹, 係做開「甘草」o既. 佢有成 300 磅, 但自信十足!

匿名 說...

年紀大先至叫「甘草」,臨記乎?

匿名 說...

叫《開心的馬騮》咩?
我一度都以為叫做《七彩馬騮》...

Designed by OddThemes | Distributed by Gooyaabi Templates