電影一週

一周內睇o左好幾部戲 (都係租DVD:p)。

有爛有唔爛。

分別係呢幾部 ─《Fantastic Four(港譯:神奇四俠)》、《哈爾移動城堡》、《神話》、《Dogville人間狗鎮》同埋《最好的時光》。

《Dogville》已詳談,不贅。講下其他。

先談《Fantastic Four》。



我 係好迷《X-men》同埋《The Incredibles》。所以我覺得《Fantastic Four》....頗爛。娛樂性算豐富,但o的CG真係雞雞地喎~ 可能無咩 budget?唯一可取,當然係 Jessica Alba 啦~ 咁鬼死索~ 果套製服「窄mit mit」咁好正~ 呵呵呵~

Official Site:http://www.fantasticfourmovie.com



《哈爾移動城堡》呢...唔知點講~ 因為我係超級《千與千尋》粉絲,翻煲 VCD 不下一百次(個盒皺晒),所以,我覺得今次麻麻地。咁有比較,好正常~ 你唔怪得我哇~ 不過咁~ 我覺得果團卡西火真係超級得意~ hee hee

Official Site:http://www.howl-movie.com



至 於一向勁憎成龍o既我點解無啦啦會租部《神話》o黎睇呢?因為誤信其他人o的影評,我為我自己曾經以為成龍好睇而感到面紅。睇o左半套已經再睇唔落去,梁 家輝個角色同幾廿年前譚詠倫響《飛鷹計劃》做果o的閒角又有咩唔唔同?o徙晒。不過話時話,點爛都唔夠《無極》爛。唉。

到底由幾時開始,反智咁受到追捧?


《最好的時光》... sorry,我睇o左第一個故仔30分鐘已經唔係好頂得順!真係好慢...好慢...好慢...好慢...好慢... 我本身都想捱到默片果段先熄機,不過夠鐘還碟,無法啦~

唔,我都係做唔成果o的覺得小津安二郎好睇o既型人o架啦~

Designed by OddThemes | Distributed by Gooyaabi Templates