失望。
非常失望。
好 明顯導演陳凱歌跟本就 handle 唔到咁多o的 fancy CG，拍返o的咩農村呀~ 耕田呀果o的就o岩佢囉！故仔亦係全片極弱一環，基本上係廢到不得了~ 想做《Lord Of The Rings》？人地個劇本係 base on 大文豪寫o既書o架，有晒幾廿年 reserach 先寫得出，跟本就無得比！
仲有好多鏡頭o的感覺唔係太舒服，太刻意想話你聽我地係大製作呀~ 好靚o架~ 的 CG 好勁o架~ 食得多都滯啦大佬呀~ 人地《LOTR》咁多 CG 都會有o的位影下哈比人比人o抖下氣啦~ 同埋鮑德熹今次撚鏡頭撚得過份o左~ 總之就飽飽滯滯咁啦~
張東健主力 sell 靚樣，霆峰落力，可惜吃力不討好，真田廣之做得好，不過越睇越覺得佢似老o左o既木村拓哉，搞到我成日無啦啦陰陰嘴笑。
劇中有好多真田廣之對張東健對手戲，睇住佢兩個明明唔識中文o既人努力背o的國語對白仲要係有交流果隻，感覺超詭異，語言真係偉大！
同 埋，女人o既手段真係唔好睇少。唔係話柏芝，係本片監製┼出品人┼陳凱歌老婆┼劇中飾演滿神o既陳紅。有乜理由拍出o黎陳紅會靚過柏芝咁多？衰o的講《無 極》入面o既張柏芝係好醜樣完全唔「傾城」o架喎！得一場戲係靚啦~ 就係著羽毛衫果場。你慌唔係陳紅捉住陳凱歌逼佢剪走晒柏芝個靚樣等自己一人獨靚？
無極裡外，都在滿神掌握之中。
又，不知何顧落在宣傳重點上o既柏芝掩胸鏡頭，同埋果段情慾戲，坦白講，小兒科到不得了，小題大做，兼且果個掩胸鏡頭係為露而露！cut o左佢都無所謂啦！最慘係，事前懶係重點o既柏芝響戲入面大花瓶到不得了~ o徙晒！
還有一不得不提極敗筆，對國內觀眾可能無乜影響，但係對我等熟悉柏芝o既觀眾o黎講係好大穫，有乜理由搵把咁o既聲o黎配柏芝把聲？完全入唔到戲喎大佬！應該搵返《旺角黑夜》果個小北姑o黎配嘛！
插完一大輪，小讚，第一，美指葉錦添，係佢一個救晒成部戲。第二，暫時無見過有影評讚，飾演鬼狼o既劉燁，演的陰陰沉沉，獨立o黎睇，佢個角色比起佢以往做o既係有好大突破。
總結 ─ 如果純為睇靚o野，請入戲院，否則呢，留待 DVD 才看吧！
另，不知何故特別惹o的會響戲院講o野o既人坐隔離。
仆 街丫！已經特登揀 PP UA 貪o的客比較有修養，頂！隔離坐o左對情侶，開場講到散場，佢老味仲要係解畫果隻，果個白痴 OL 係又嘩唔係又嘩，係又笑唔係又笑，你覺得好靚係唔洗開口講出聲o架囉！唔明o的劇情咪出o左戲院先問你條仔囉！乜 L 都唔識咪L 學人入場睇戲返屋企睇阿旺啦仆你個 C 街！！！！！！！
(sorry 我遇著呢o的人真係好 L 火滾！)
友人 AY 睇完，講：吳君如跟本唔洗出口術插佢啦~ 《如果‧愛》唔讚都贏晒！
發佈留言