A貨



看1月1的叱o宅頒獎禮,容祖兒小姐穿了一件星星圖案的上衣,仿芭蕾舞裙,貼了大顆閃石的絲襪 (我細心再看一下照片才發現原來是 leggings,肉色高跟鞋是 Dior 2006 F/W 系列)。我是真心的覺得這衣服好漂亮,還心想容小姐的 stylist 這次揀的不錯哦。


(photo from V&R 2007 S/S runway)


(photo from V&R 2007 S/S runway)

然後,傳媒報道容祖兒這身漂亮的歌衫原來是抄的,Viktor & Rolf 的 2007 S/S 星星系列。事件引起香港 V&R 的代理 Joyce 嚴重不滿,容小姐以後要借衫很有可能會被封殺。

我的友麻利亞說的好,不明白為何她要抄,喂,V&R 咋喎,你容小姐歌后級人馬買得起有餘。但這是容小姐自己出的好主意,設計式樣是她先從雜誌看到再交設計師陳華國去辦的 (陳是田蕊妮的婚紗設計師),當她對外交代事件時還聲大大的說這是陳的設計呢。一副置身事外的樣子,設計師可真夠無辜了!


(圖片擇自環星娛樂網站)

最好笑的還未算,星期五我去媽媽家晚飯,邊吃邊看電視,我看到阿姐級的呂珊穿了件抄上抄的打歌衫去記者招待會,無線還派了黎芷珊去訪問呂珊,這相近款式的衣服被人家先穿了有何感想。我是差不多吃著飯也要笑到噴出來呀大哥!

節目中主持人黎芷珊還訪問了好幾位藝人有關容的衣服抄襲事件,當然也是英皇人居多,也面不紅氣不喘的回答沒甚麼大不了,相似設計之嘛有相同之處有甚麼稀奇嘛,容穿的很好看啊,云云。

這些所謂尊重知識產權的藝人大家記著啦,他日你們有幸被人抄歌呀,抄衫呀,翻版呀 BT 呀,不要再走出來大聲疾呼啦,你們憑甚麼?我呸!
匿名 說...

[ 這些所謂尊重知識產權的藝人大家記著啦,他日你們有幸被人抄歌呀,抄衫呀,翻版呀 BT 呀,不要再走出來大聲疾呼啦,你們憑甚麼?我呸!]


講得好!!!!
我都認同呢~

匿名 說...

其實我覺得容小姐著得唔好睇. 我第一眼看到她穿這套衫, 覺得幾特別, 但再睇真一點, 好像剪裁方面欠了些甚麼, 本來是靚的, 但上身跟下身比例出了問題, 令到整體不漂亮了. 後來才知道, 原來是 copycat, 不是原裝的. 情況跟街上的 A 貨 Hello Kitty 無異, 驟眼看跟原裝一樣, 但原來眼跟鼻的比例不對勁, 就不可愛了. 容小姐是刻意叫裁縫把衣服做得差一點以免被人說翻版嗎?

我最受不了她的 Mani 說, 抄的成本高過去 Joyce 買呀. 係, 又點呢?

Unknown 說...

睇完覺得你有點似烈女,
英皇借唔到衫啦就會copy,自己做又點會貴得過買架,(友人做過英皇形象顧問,成日都係要借衫的或copy),做楊生旗下d雜誌,每本書或厠所d厠紙都要個一層dept.各自計返架,唔係姑寒又點會咁有米呢.

尊重知識產權= =" 香港有錢佬會明咩

Franca Lee Eco Fashion 說...

Hahaha 唔好話我黑心!因為近年我覺得佢寸O左好多!睇叱咤都知佢一定攞唔到女歌手奘!都廢事浪費時間繼續睇落去!但眼見佢連最受歡迎女歌手都攞唔到!心裡面覺得好涼快!再者,佢仲要抄V&R條裙真係。。。差O的比件裙坤到!信以為真!
搵窿O絹吧啦!

素顏天使 說...
此留言已被作者移除。
素顏天使 說...

M__* > 謝謝.

miumiu > 講咩佢都係做錯架啦, 講多錯多.

好能開心 > 關烈女咩事?

ShoGunB > 咁佢無獎我相信同係咪真係最受歡迎都無咩關係, 都係一場利益轇轕je.

Unknown 說...

""這些所謂尊重知識產權的藝人大家記著啦,他日你們有幸被人抄歌呀,抄衫呀,翻版呀 BT 呀,不要再走出來大聲疾呼啦,你們憑甚麼?我呸!""

素顏天使 說...

好能開心 > 咁樣都同烈女無關 lor.

saintvenus 說...

抄已經夠衰格, 溶祖果對legging直頭肉酸到好似爛腳咁, 總之就低低低手

Designed by OddThemes | Distributed by Gooyaabi Templates