剝皮補濕



最近有兩支很好用的東西正想一寫,但又不知道怎樣落筆好。湊巧網友 H 小姐問起我有甚麼好的補濕精華液又或者面膜好推介,在 MSN 裡略略簡單的介紹了,這裡可以寫的詳細一點。

先說左手面那支藍色的東西吧,很明顯就是一支精華素啦!

JUJU 的這一支 AQUAMOIST 100% 透明質酸原液,跟我一向用的 SkinCeuticals Hydrating B5 Gel 其實是同一種成份!質地相似,分別是 B5 Gel 價錢要 $400/15ml (約 1/2 支益力多的大小.......,讀友們記不記得上一次我不小心打瀉了一支,想起還是心痛得要死,其實後來我又用光了一支。),另內含維他命 B5。效果很不俗。

但這一支的價錢只需 1/4!!!!$100 多元有 30ml 實在是超級便宜。

那麼透明質酸其實是甚麼呢?Yahoo 知識 plus 裡有這樣的答案。

「透明質酸是調節皮膚水份組織的主要元素,嬰兒柔嫩的肌膚,正是因為有大量的透明質酸之緣故,但隨著年齡增長,含量會遂漸降低。其獨特的保濕效能,在不同的環境下均能自動調節保濕值,使肌膚的含水量保持最佳狀態。」


它的成份也真如產品名稱所言只是純透明質酸原液,無礦物油,無色素,無香料,無酒精兼且 Oil Free,質地是超級溫和。台灣的著名美容家(?)牛爾老師也強烈推薦。

這系列的產品於各 Jusco超市 / UNY超市 / Watson's / SaSa / 卓悅 亦有代售。公價為 $140 多,但是 UNY 前一陣子減價,每支只需 $100 多,Watson's 亦正在減價,每支約 $125,到那裡買就請閣下自行定奪了。

*********

題目是有點誇張了,剝皮固之然只為講笑,正確點說該為煥膚。

這一支 Kiehl's Dermatologist Solutions 系列的新出品 Over-Night Biological Peel ($400),是我看到蘋果的推介後去買的。先在 PP 的 Kiehl's 專櫃略為試用,非常笑容甜美的售貨員 Cherie 禮貌的替我把這塗上手,無色無味,感覺質地很順滑,很溫和,便隨即買下。

只是用了兩次後,不得了!!!!

連自己也感覺到毛孔明顯收細,皮膚不用上妝也見得到明顯的細滑。我的皮膚本來質素也是很不錯,但用了這支 biological peel 後也能見到一個頗大的分別,是我的 2007 開季推介。

這 sleeping mask 質地順滑,敏感皮膚也適用,售貨員建議隔天使用,每次分量只需一泵,這一大瓶子可以用到 3-4 個月了。我每次都是先用了 toner,塗上上面介紹的 JUJU 透明質酸原液 (或你自己用的任何精華素),再以這 biological peel 作 moisturizer 使用即可。第二天起床後以正常程序洗面便可以了。個人是另外跟 Laneige 的 water sleeping pack plus 輪班使用。

連睡眠也在不停護膚,女人可真是懶不得呢~




伸延閱讀 ── 蘋果寫的妝物喪志:Kiehl's 神奇面霜
zz............. 說...

Kiehl's的那支新peeling我也試過,個人感覺好立,兼且塗完睡覺,枕頭吃晒!第二天醒來的效用,我覺得沒什麼兩樣。反而sisley最近出那個comfort extreme系列,我覺得幾ok喎。(講護膚,我都搭到兩嘴架)

素顏天使 說...

ZZ > (after MSN 了解, 呢位小姐搽o左半包 sample 份量呀o下~)

你搽咁多梗係立啦!!!!! 只需要搽約 1 粒黃豆份量就夠, 亦只可夜晚使用, 第 2 朝一定要洗.

sisley skincare 一向不錯, 可惜價錢太貴啦, 我負擔唔o黎~

匿名 說...

我果日都收到Kiehl's寄黎既sample, 但見到係over-night, 成晚喎, 有D驚, 後來掉左. 果日去Clarins 個sales介紹我用佢隻peeling, 都OK, 塗完30秒內peel去, 感覺上安全D. $270仲有9折.

迪迪仔的生活點滴 說...

我睇完蘋果介紹我都買左來用呀,原來每次用咁少架,我仲怕唔夠,泵左四五泵來搽,最後比晒枕頭搽>.<

素顏天使 說...

mad dog > o徙o野呀你!!! Clarins 我有去過佢 sogo club 上高做 facial, 勁正. 但 skincare 本身我麻麻地, 太 rich. 同埋全部都有o的怪膠味.

迪迪仔的生活點滴 > 咁記得下次用返少o的啦 :)

匿名 說...

Clarins skincare夠平, 又好潤, 近來幾乎全用佢. except eye area.

匿名 說...

藍色0個支我都用緊喎~
但係其實係咪應該晚晚用架?
我驚用得太多,加上最主要係懶,我隔番幾晚先用一次~

素顏天使 說...

mad dog > 咁你 eye area 用緊咩?

kinson > 係晚晚用,我塊面廖碧兒咁大都係用 1 drop 咋,唔洗落得太多,吸收到就 ok.

匿名 說...

您好呀~ 我成日睇你, apple & zz 既blog 架 , 不過從未留言 ! 每日閱讀已經成為習慣, 你地blog 內容充滿趣味, 並且令我增進好多化妝上既知識..haha
見你同蘋果介紹呢支Peel , 我忍唔住終於禽晚走去買左並且即晚試用...今朝起身.....覺得真係好好好得咁喎!!!!!! 試多幾次先~~~多謝你好介紹呀 !!!!!!!

素顏天使 說...

黑芝士 > 多謝捧場. :)

匿名 說...

用過多個不同品牌: La Mer, Sisley, La Prairie, Dr. Hauschka, Clinique... 多到數唔哂. 覺得Bobbi Brown Extra Eye Balm 最滋潤. 晚晚用, 已經第二樽啦. 不過有D人用過覺得太油會出油脂粒. 日頭化妝前用Dr. Hauschka eye cream, OK啦, 不過用完會試下其他.
人地話Chantecaille最好, 但$1900左右, 好癲, 唔捨得. Bobbi Brown $480咋.

匿名 說...

請問你皮膚是甚麼類型﹖因我想買透明質酸﹐但我是混合性皮膚﹐請問可以嗎﹖

素顏天使 說...

thanks! > thank god, 我皮膚其實都好唔錯, 25歲中性肌, 有少少毛孔問題, 無暗瘡.

透明質酸個樽身寫住係 for dry skin type, 如果你太擔心我覺得你可以搽o係乾燥部位試下先. 但我個人覺得支o野本身好 mild, 全面搽都無問題. 夜晚搽, 每次 1 drop 就夠, 唔洗多.

匿名 說...

我想問下用完toner之後用JUJU透明質酸原液,咁之後係唔係要再用moisturizer既呢?如果我之後用Laneige既water bank得唔得呢?

素顏天使 說...

huen > JUJU透明質酸原液係精華素, 唔係萬能神油, 搽完之後係要搽返 moisturizer o既.

Laneige water bank 本身係 sleeping mask, 唔建議搽完精華素再搽 water bank, 而 water bank 的正確使用方法為夜晚臨訓前洗完面, 搽 toner + (薄薄地一層)moisturizer + water bank 薄薄地一層, 搽完之後等 10 分鐘, 等佢比皮膚吸收o左先訓, 就唔會比枕頭食晒啦~

匿名 說...

thanks a lot! so informative!!!!

匿名 說...

即係話我應該咁用,
1)toner+juju+moisturizer or
2)toner+moisturizer+water bank!!
唔該曬呀..
其實我仲有個問題, 雖然我巳經晚晚有搽補濕,但唔知點解上粉之後都會有少少脫皮既情況?我用既係RMK BASE+LIQUID FOUNDATION..其實點樣先可以上粉的呢?

素顏天使 說...

huen > 1)+2) 正確 :)

脫皮的成因表面睇的話就係你皮膚乾燥/缺水lor, 又或者無一個禮拜做返一兩次的磨沙磨走死皮咁啦.

治標方法可以用的水份高o的o既 base 打底, 呢方面o既個人推介有 laura mercier foundation primer (G.A. 有一支o野都唔錯, 但係我忽然間唔記得o左個名~), 治本當然係用返套o岩你o既 skincare 改善問題啦~

匿名 說...

thanks for your advice..我諗我真係唔可以咁lazy,要記住做磨沙..

素顏天使 說...

huen > 磨沙切記不要太大力, 一星期一至兩次就 OK, 過度磨沙會適得其反.

又, 再問多句, 你指o既 water bank 係 water sleeping pack, right? 因為 water bank 係 Laneige 其中一條 line, 入面有好幾隻產品包括 essence. 唔好意思, 我好"尋", 因為我都怕我教錯你.

匿名 說...

哎呀..我講緊既係water bank essence.....~咁點算呀....??仲有呀, 雖然我用緊RMK既粉,但想轉下用G.A.,因為好多人話好好..唔知你有咩COMMENT呢?

素顏天使 說...

huen > 因為我篇文入面係寫 water sleeping pack 我以為你係講呢個啦~ sorry sorry.

咁你又唔洗咁驚恐o既, water bank essence 你可以同 JUJU 原液 shift 輪班咁用 (e.g. JUJU 夜用, water bank 日用). 唔 suggest 同一時間用幾種 essence 搽太多o野上面. 搽 essence 就唔洗教啦 right? :)

R.M.K. 夠薄好推, 如果你本身面色唔錯又無乜瑕要遮, 可以繼續用返. 我用緊 G.A. designer shaping cream, 同埋補妝用 G.A. 2-way cake, 覺得 G.A. 控油做得好過 R.M.K..

匿名 說...

哦..咁都ok woh,輪住用~唉,我成日買左好多skin care product番來,但都唔係好攪得清楚點用..唔該你呀!

其實我面色較黃, 覺得用完RMK都唔會好左咁..G.A.既遮瑕會唔會好的?我有諗過試下G.A.Luminous Silk Foundation, 同你用緊個隻有咩分別??

素顏天使 說...

huen > G.A. 遮瑕度比 RMK 高, 不過你問我, 我會答你落 counter 試上面最實際.

我果隻 shaping cream 比較適合冬天用, 厚身o的, 要配夾埋 brush 一齊上. Luminous Silk 就薄o的好推o的. 快o的落 shop 試下自己感受下最實際. :)

匿名 說...

好!我聽你講聽日即落faces試下..thanks so much :>

匿名 說...

HI , 你好呀 , 第一次留言 , 見到你介紹呢隻 JUJU 透明質酸原液 , 心思思又想試下 , 因為唔知點解近排塊面成日都好似好乾咁 (可能因為夜晚開冷氣)

但我本身皮膚好易會敏感 , 由其對"美白產品" , 用親都一定敏感 (但我屬於深膚色的人 ~_~)

所以想問問 , 呢隻JUJU 透明質酸原液岩敏感皮膚使用嗎 ?

素顏天使 說...

sugar > JUJU 個透明質酸原液 我覺得你最好都係唔好試, 跟據你描述的狀況, (我估呀o下~)你此乎係對 acid 酸性o既 product 有敏感. 或者你可以試下一o的防敏度較高的牌子既補濕產品譬如 Sisley.

匿名 說...

hehe....仲想問下 , o'slee 清肌水療甜睡面膜 同 Laneige water sleeping pack , 兩隻都係可以過夜既面膜 , 唔知有冇話邊隻岩d咩人用多d既呢 ?? ( he..即係兩隻唔知有冇分別既呢 ? )

thxthx~~

匿名 說...

素顏天使 :

thx~~你既回覆呀 , 可以講多少少咩係 acid 酸性o既 product 嗎 ?? 等我平時留意下 ^^

素顏天使 說...

sugar > 首先我無用過 O'slee 個 product, 我唔敢講佢o岩咩人用. Laneige 的 water sleeping pack 適合一般皮膚使用, 如果乾燥的時候用會有少少針吉咁樣的刺痛感, 不過你既然講自己係敏感肌, 我會勸你唔好亂咁試o的唔係寫明防敏o既 product 啦~

素顏天使 說...

sugar > 嘩~ 我唔係醫生呀阿妹, 我點知點解釋咩叫酸性過你聽. 再講我搬一堆化學字眼你聽你都唔會知果o的係咩啦~

但係有一個方法好簡單, 你可以拿你敏感的美白產品, 望一望個成分, 睇下係咪有一o的類似 acid 或者 salicylic acid 之類字眼的成分. 一般人都係好容易敏感呢o的成分. 以後避開呢o的o野就可以減低敏感機會 la. 點解呢咁? 我都唔知, 但好多醫學報告係咁樣寫的.

有關水楊酸的資料 http://hk.knowledge.yahoo.com/question/?qid=7006030900690

匿名 說...

^^ ok....明白晒 , 咁我去望下d產品成份 , 小心避開d acid 。

不過 , 新產品永遠都好令人想去試 , 乜新野都唔用得 , 同乜新野都唔試得 , 真係冇左好多人生樂趣 T_T

匿名 說...

其實透明質酸係可以diy,
自己可以清楚知道成份濃度,
一支大約$30, 有100 ml,
依個方法肯定係最平, 而且work!!
無謂咁比人搵笨法呀,
材料同方法上網search好易就搵到~

匿名 說...

hi,好多谢你对产品作出嘅详细解释,因为我都买左kiehl‘s嘅over-night biological peel,听讲呢瓶嘢有修复痘印功能,唔知是否系真嘅呢?麻烦晒~

Designed by OddThemes | Distributed by Gooyaabi Templates