昨夜下班,我從太古坊的辦公室行去太古城會合男友晚飯。

行至半路,在 Starbucks 門外,有個約 6 呎高,身軀龐大,身光頸靚,背 LV 包包的男子從後叫住我,用國語。

國語男:「小姐你好,國語聽得懂嗎?」

我點點頭。

可能他看到我的疑惑眼神,國語男:「我是從上海來這裡工作開會的,不好意思啊,你先不要害怕,我不是壞人......」

因為我以為他是在附近的上班族 / 來開會的外地人問路,you know,太古坊 N 咁多座,莫講話外人,我在這裡工作了兩年我也還未搞得清楚 Oxford 呀 Warwick 呀的正確位置。說回正題,因為我以為他是問路,就一直聽他說下去。

國語男:「因為是這樣的,我的錢包掉啦,你可不可以借我幾百塊坐計程車去機場,你把電話號碼給我,我之後一定會還你的......」

話音未落,我就掉下一句「不好意思,bye bye。」,掉頭就跑。

*^%&^%%&*XYZ##,我個樣真係似咁蠢咩?!頂你丫!

一開口就幾百蚊?你話呃幾十蚊搭的士去差館都有可能或者有些微的機會會有人信你丫!

咁 Q 蠢的騙子真是世間罕見。

總之各位鯽魚涌街坊自己小心。
肥貓 說...

我最近也有相同的經歷, 也是個子高, 身光頸靚, 說自己在澳門輸了二十多萬,沒錢食飯, 想"借錢"喎! 當我傻!

詩白爾 說...

其實你可以同佢講
「我給你找警察來幫忙,他們也是好人,會替你找回錢包...好不好?」
一試就知

小詩自己就試過係上環地鐵站俾位北京遊客問中央電視台節目介紹o既香港景點點去...
當然我答佢唔到,真係我點會睇過中央台架??

匿名 說...

"我不是壞人......" 好好笑, 呢句咁假既說話, 我真係講唔出口囉.btw,素顏的樣可能真係呃得吓人.

匿名 說...

太古城一帶年中都有呢D友的,由次一樣俾個大陸姨姨(x2)咁問我,我話:「叫警察呀,香港警察可以幫你呀」。

兩個人即刻臉色變得快過用黑彩!立即變黑亦得!我諗如果即刻拎電話出黎話「幫佢叫警察」,效果更佳!

匿名 說...

我試過o係公屋屋邨的巴士站俾一個差不多造型o既阿叔借幾十銀搭車, 似乎佢o地會因應地區調整收費喎, 哈~

Bungy-Zoe 說...

咦,大家都好醒喎
我就中左招啦...
話說有一日落街, 同素顏一樣啦, 不過係問借錢住酒店...佢話係台灣黎的
我去銀行噤左三百蚊俾佢=.="
係喎...陪佢去打電話...又真係又另一個國語人答話喎...(0個陣都未識分咩係國家號碼咩係區碼...)
0個陣得十幾歲咋...之後仲打去差館問有冇旅行報警...個madam 問我:小姐你幾歲呀?
我咪照答囉,然後佢再話:我諗你俾人呃左啦...
我先知係呃人喎0.0"

匿名 說...
網誌管理員已經移除這則留言。
匿名 說...

aiya...
我真係估唔到o向太古都會有d 咁o既野發生呢....

如果個男人講日文,咁你會唔會借?

匿名 說...

「我不是壞人」
好人好姐洗乜講埋d咁既廢話,仲有唔係以為講咗人地就信吓話。

我好鬼憎個d招搖撞騙既人。上個星期我係街度見到個著住和尚袍係度所謂「化緣」既福街,心裡面第一件事想做既就係走上前鬧爆佢,但為左大局亦避免失儀,我行開左冇耐然後報警叫佢地搵人去睇睇,不過要charge呢d人,都有一定困難。無奈。

素顏天使 說...

Vicky > "如果個男人講日文,咁你會唔會借?"

唔會, 我都唔識日文.

Haze 說...

我想講...我都遇過這個男人呀!!!鰂魚涌與太古坊之間!

身軀龐大, 背 LV 包包, 用國語的男子...
我係公司附近既北角政府合署遇到佢, 最爆係距離北角分區警署100m 都唔夠.....我當時都係話: 唔好意思,bye bye!!(但心卻說...頂!!!我個樣好蠢咩!!!%*%^*$^($!!!)

hoyoyi 說...

for years i didn't take any public bus, and last may when i was enjoying my walk after i arrived bus station, also a shanghai guy ask me, can you borrow me some money for a meal, just HKD 20, wtf, ur dress up are decent, and u have a blinking fake rolex watch, and u say u came down from singapore, u need money from me? i tell him, sorry!!!

they are worst than beggar!!!

小坤 說...

我奶過野囉!

不過係廣州東站

我正準備行去坐的士...點知有2個包住繃帶既男人走埋黎問我係唔係香港人. 佢話佢地都係, 重俾回鄉証我睇添! 之後就話前一晚俾人劫, 重有一個兄弟係醫院, 要錢坐救傷車落深圳喎. 最後我借左300 俾佢地...

應該用左黎做肉金了...

匿名 說...

我最近都有such experience,不過他是問我借電話,而不是借錢。原來香港有咁多騙子!

Unknown 說...

我正排隊搭巴士,有個阿伯問我,話欠$2搭巴士,甘我話ok,我同你一齊上,我幫你入這$2 ,當時還以為自己好醒添(註:車費成人全程是$8,長者$4)。

好啦,上車,我入左錢!點知阿伯話$1都無,我就話,我吾理,你同車長講啦,之後我再無理到佢,直上上層。後我一位乘客見到成個過程(由問我取$至入$過程),就好大聲過話,阿伯你$2都無,點搭車呀,當時全車人都聽到,最後這個好心乘客多付了兩元攪掂左。

還未完呀,好啦,我落車先,我見到阿伯,不知幾風So,同前前後的同朋友傾計!

匿名 說...

我o係置門外,同一時間,見到兩個類似o既人,我感覺古怪,所以佢行過黎,我蹺路行...

Designed by OddThemes | Distributed by Gooyaabi Templates