關於職業,雜寫

不時有讀友來郵跟我說話,有時候也會猜到我的職業。好可惜,so far 是無人猜中過的。被人猜得最多的是 OL 囉!唉。(其實就算見到我的真人,大多時候亦是被猜說是 OL 的!!!) (似咩?我有最少六年沒有穿過西褲西裙和套裝喎!)

小妹的正職其實是在某公司任職 Web Designer,網頁設計師。當然,我也不只是懂做網頁的,我也做一般的 2D graphic design,譬如 poster,雜誌廣告,諸如此類。但我是好怕聽到有人知道我是 web / graphic designer 之後劈頭就說 ──「咁你咪畫公仔好叻囉。」,「咁你咪電腦好叻囉。」,我只可以說,畫畫,跟電腦,跟設計三者是可以互不相干的。這樣跟你阿媽拿張洗衣機修理說明叫你跟著做,當你不懂的時候,她還罵你「又話識英文?」其實是無分別的。

好像極少在這裡提及自己的工作還有公司,無他,因為我知有同事都有在看這裡的。

嗯,另外呢,有時候也接一些文字的 freelance。(咳唔咳唔,也當然除了文字的 freelance,design 的 freelance 也有接來幫補幫補一下啦。) (歡迎垂詢。)

比較詭異的是,工作生涯多年 (嘩算起來也有七八年了!),其中還有差不多年多兩年是跑了去當 Visual Merchandiser,算是沾到點時裝的邊邊。香港好像沒有一個較壟統的稱呼,一般都說成是櫥窗設計師,其實也不只是要負責櫥窗的設計,還有店內的燈光,傢俱,衣服的擺法等等都是由 Visual Merchandiser 去負責的。

但我中四五打後的確是想做設計師的,也想過要做點關於時裝的甚麼甚麼,亦都被我做到了。哈哈,再小一點的時候曾經也想過做 DJ,電台的那種,後來竟又真的有機會給我試過在電台開咪,還要是我最喜歡的商業二台,也算是都完了夢啦。

聽起來好有趣是不是,都是「你看我好 我看你好」啦。至於未來想幹些甚麼,我倒是沒有怎麼特別去想,go with the flow,隨遇而安。
匿名 說...

原來你份工與design 有關的, 唔怪得啲相影得咁靚 ^_^

(又好似冇咩關係, 哇哈哈哈~)

匿名 說...

你好:)我幾乎日日都check住你個blog架!覺得cosmetic同skin care果part超得!好受用!同埋我覺得你既review好中肯,好就好唔好就唔好!
雖然你推介既好多product我都勁想試,但因為我而家響美國,真係得個恨字!好彩你都有幫襯開美國牌子, 咁我就唔使盲頭烏蠅咁周圍撞啦!多謝晒~希望你keep住寫啦!
ps. 小女子無以為報, 所以唯有每日盡量幫你click廣告~哈哈

素顏天使 說...

十六 > 的確係無乜關係, but thanks anyway. haha.

sara > 你真係一個大好人啦, 感激! click 多 o的 click 多o的 啦~~ hee hee hee

匿名 說...

你個靚靚 trashiadotcom 咪寫o左你個job law :)

逍遙小妹 說...

我很羡慕你可以電台開咪呢~~

係電台開咪也是一個夢想~~

匿名 說...

hey its really the first time u tell us about ur job lei... interesting to no ;)
btw, i was reading wt u wrote b4 on gel nails....is it really that bad for ur REAL nails?? cuz i actually have quite gd real nails.... dun want to ruin them...

素顏天使 說...

skye > 係架, 如果你本身的指甲靚就真係唔好整啦. 因為我本身的指甲好醜樣, 又短又易斷, 所以先去做 gel 甲, 你估個個月洗幾o舊水整指甲唔肉赤咩? :(

素顏天使 說...

PP > 其實都無咩人發現, er......其實我亦都唔特別想有人發現, 因為入面係無野睇既. haha.

逍遙小妹 > 如果你真係有興趣, 可以留意下的電台其實每隔幾年都有的招募 DJ 既比賽/class, 可以參加下ar. 或者入電台做其他文職, 都係一個等比人發掘的好方法, 好多 DJ 都係咁樣出身.

宇宙人 說...

失敬失敬, 唔怪得你用 PHOTOSHOP 咁勁, 只不過我唔明, 識 DESIGN 既人多數對影相有一定要求, 但係點解你可以一直滿足於用手機影相 ?? 最低限度有部卡片型 DC 嘛 ??

素顏天使 說...

宇宙人 > 我都想要部 Canon 60D 呀, 咁貴, 邊有錢買呀我?

素顏天使 說...

宇宙人 > 其實另一個原因係我好怕帶好多部機出街, 我連 iPod 都無架喎 (從來都無!!), 乜野都係手機 all-in-one 搞掂.

匿名 說...

想做既工都比你做到晒,好多人恨都恨唔到..哈

宇宙人 說...

所以咪話DC仔/卡片機 LOR, 貴極有限, 外型又靚, 有少少技巧加後製, 出黎既效果都好好.

素顏天使 說...

宇宙人 > 一係唔買, 一買就要買部勁o既, 用卡片機我不如換部 Nokia N95, 蔡司鏡頭+5.0Mega Pixels, for web use 唔輸蝕得過卡片機囉. (同埋我係藐卡片機既, 無得解)

我最終極接受得到既 DC 仔係 GR-Digital, 不過我見佢出左咁耐驚一買佢就有新 version, 所以先無買, 咁囉.

匿名 說...

嘩, 你做過DJ 呀~~ 好厲害呀!! 我也想買一部Canon or Nikon 的勁勁相機呢! 但很多都很重, 我又冇錢... wuwuwu

小坤 說...

GR DII 出左o拉!

$4950

http://www.ricoh.co.jp/dc/gr/digital2/

素顏天使 說...

小坤 > HK$5000, 好貴, 我好窮.

匿名 說...

O~
八掛問一下素顏之所以用mac其中原因包唔包括因為你做web/graphic design??
因為我見好多做呢行都轉mac~
(攪到mac好似pro得好勁咁一般玩下機唔敢用喎~呵呵)

素顏天使 說...

cAt > 其中原因包唔包括因為你做web/graphic design?? 包.

但我諗佔 20% 左右, 80% 係因為懶有型, 同埋用開 mac 就唔轉 PC, 就係咁.

匿名 說...

我不是 DJ, 但有一個現職本地某電台DJ 的老公. 那是付出與收入不相符的職業, 入行頭幾年可能只是做助手/剪帶/雜務, 而且不是人人有機會開咪做節目主持, 有時可能長年報天氣報交通已. 節目以外, 還有好多幕後工作要做, 工作時間很長. 主要收入來源, 是靠外面接的司儀/VO工作, 但未成名前不會有人找你. 有心入行就要有捱好多年都出不到頭的心理準備. 我老公有時都收到一些小朋友自薦做 DJ, 他都是跟他們說以上一番話.

素顏天使 說...
此留言已被作者移除。
素顏天使 說...

SS > 好多 DJ 都不是 full-time 做 DJ, 除非做到好紅 (而且好講運氣和觀眾緣這些不到你自己控制的事情), 否則的話都是得個捱字. 當然, 做 DJ 賺到的虛榮感(?)/滿足感/知名度這些都不是用錢可買的.

匿名 說...

我老公是全職 DJ/節目主持/監制, 其實亦有不少 DJ 是電台全職員工, 只是收入不會單純靠做DJ的底薪呢. 電台是一個平台讓他們跟外界接軌及保持知名度, 跟電視台合約藝員一樣, 除了基本底薪外, 一樣有show 計,還會依靠外界的工作增加收入來源, 有些經電台,有些靠經理人公司或 agency 接. 有無機會開咪做show賺錢就好視乎老闆想不想捧你了. 有時我見到老公在出面跑 show 真係好辛苦的.

anf 說...

想不到是同行!
(不過我無做web好耐)

素顏天使 說...

anf > 有幾奇? (算啦我諗你都係估我係 OL 囉!)

anf 說...

我剩係估你做media架咋~

匿名 說...

看來真的很年輕,怪不得可以素顏了。嘿嘿。

素顏天使 說...
此留言已被作者移除。
Designed by OddThemes | Distributed by Gooyaabi Templates