有貓的生活 (20060413)



果然貓仔比人受歡迎,再講下積積增加多o的收視先。

‧ 早前做了水晶甲,決心改善本人之咬指甲惡習,影響甚大,打字唔順手不特止,完全唔識點除 con (插眼!:em_37),都係要麻煩男友幫手啦。唯一受益人就係林積積,我幫佢抓痕佢勁 enjoy 呀~

‧思春期o既貓十分擾民,日 meow 夜 meow 掛住溝女,林積積天生一個大聲公,一 meow 可揚長十里,我決定先下手為強,捉佢去閹!

打o左去愛護動物協會問 detail (www.spca.org),雖然極度唔就腳,但總比私家醫生平同有經驗嘛,絕育費 $350,必需要先入會成為會員,會員年費 $200,即是話加埋 $550,排期後七日左右就可以做手術,呀,到時要再入定o的杜蟲藥,好似已經食晒。

‧講開杜蟲,林大爺又獻新猷,尋日日頭起身,玩死o左一隻小強,仲要玩到屍橫遍野,呢度一隻腳果度一隻腳。抹餐死。

小事。

今朝有新o野,仲勁!玩死o左隻「鹽蛇 (璧虎)」!!!咬到無晒的手腳條尾就掉o左去第度!點整o架?!鹽蛇行得咁快都玩得死佢!仲要張無晒手腳o既鹽蛇擔返去自己個竇收埋o的「寶藏」呀!

咦~~~~~~~~~~~~~~~~~~~~~~~~~~ :em_40

Designed by OddThemes | Distributed by Gooyaabi Templates