跟進

早前差點被港女騙財的友人 X 先生，MSN 明示暗示 (不只一次) 要我寫一下跟進喎。

OK OK，寫囉。

友人 X 自那事件後的兩星期已「溝」到另一個新女友啦。(confirmed 係女友喎~)

新女友邊度識返o黎？唔知啊，我問過不過忘了。年紀相近，興趣相近，連膚色都相近，新女友乃獨立型女子，放洋廿年，有自己物業，啊，保證不會再像上一名港女一樣想呃飲呃食咯。

還有新女友乃煮食能手，久未嚐住家飯的 X 有如久旱逢金露，X 還喜孜孜透露女友餵埋佢食，喎~

你估我唔知你想我寫咩，得啦，你開心就得，好有夫妻相，快o的結婚！唔好奉子成婚就得啦~

咁樣得唔得先？