自己做.仿永樂園港式熱狗



男友說想吃熱狗,湊巧早幾天我看了蘇絲黃的節目,見她做了個沙律那個沙律醬好吸引,技癢,就試做了。不過調味我改了一下,效果 unexpected 地好!!跟中環永樂園的那個熱狗醬有九成相像!!

材料:嘉頓熱狗包 (4pcs/一包),法蘭克福腸

熱狗醬材料:日本天使仔紅蓋沙拉醬 (蘇絲黃用的是卡夫奇妙醬),原味鷹嘜煉奶,幼海鹽少許

做法:

1) 焗爐 pre-heat 180 度,腸放入烤 15 分鐘即成。

2) 熱狗醬做法:沙拉醬跟煉奶份量比例是 4:1 / 5:1,視乎自己口味,再加上很少很少幼鹽吊味即成。

不好吃的話歡迎回來找我晦氣!!

心得:

.蘇絲黃做的加入了剁的極細的洋蔥碎少許,我試過,不喜歡它的辣,後來我又試過加入了炒過的白芝麻,這個配搭也很不錯。



伴菜是在吉之島買的有機菠菜沙拉 (約$26),不過它附送的沙律汁味道不好,太酸;可以改做紅酒醋跟橄欖油就一流了。一模一樣同一品牌的沙拉菜在中環的 Oliver's 賣 $45!熱狗醬用來撈沙律吃也是極品。

--------------

另外做了個簡易小吃,我覺得跟啤酒最搭!!



日式蜜糖麵豉墨魚丸

材料:墨魚丸

調味:日式黃麵豉一湯匙,蜜糖一湯匙

做法:

1) 墨魚丸洗淨後,切十字花備用。

2) 燒熱鑊,下少許油,待油滾後下墨魚丸炒至十字微海見金黃。

3) 下麵豉和2-3匙水,兜勻至收乾水。

4) 關掉火,下蜜糖兜勻即可上碟。
匿名 說...

呢2樣野我都好鍾意食架...蘇施黃個節目我都有睇架...前2日我都有自己o係屋企整熱狗,做法都係同你差唔多...都係用天使仔沙律醬 (家中必備...點乜都好食)...仲有我想問下你識唔識整白汁呀?即係意粉果d呢...我試過用忌廉湯整...但係唔好食...同出面果d差好遠...如果你識整可唔可以教我呀? thx~

素顏天使 說...

miyoko > 白汁用忌廉湯整的話, 份量一定唔可以多, 譬如話, 成鑵倒的話一定鹹到阿媽都唔認得.

但你話出面, 我唔知你係指出面o既西餐廳定出面o既茶餐廳喎, 茶餐廳的話, 通常係罐頭忌廉湯做的. 但就再有自己調味 lor. 落麵粉整杰個汁呀咁lor.

西餐廳, 我只識做炒意粉果隻 cream sauce 咋. 乾蔥頭洋蔥起鑊, 炒意粉同配料, 最後落鮮忌廉撈埋就係啦.

p.s. 我剛才 click o左去你 xanga, 我地好難做到朋友喎, 你鐘意 Se7en o既...........

匿名 說...

I say briefly: Best! Useful information. Good job guys.
»

Designed by OddThemes | Distributed by Gooyaabi Templates