難以理解的新聞系列

(source from 2009年10月21日《蘋果日報》)

麥潤壽搭飛機釀紛爭

本報昨日接獲讀者報料,指港台 DJ麥潤壽一家四口本月 14日晚由日本成田機場乘搭 JL735班機返港時,麥的太太因不滿座位安排她與年幼子女及丈夫分開坐而在機上發難,一家四口堅持不肯坐下並要求落機,結果飛機要折返停機坪,服務員請其他乘客讓位給麥的家人,擾攘個多小時飛機才能起飛。

麥潤壽

乘客不滿
記者昨日致電麥潤壽了解,他說:「我向當日乘客致歉,但發生咁嘅事我都唔想,我哋 7個人坐 7個唔同座位,我並唔係要求 7個坐晒一齊,但我個女 3歲個仔兩歲,做父母會唔會放心佢哋咁細個自己一個人坐? Check in嗰陣航空公司都知道我哋有小朋友 o架,但最後個個分開坐,我哋未坐低佢哋就郁機,我梗係要出聲叫佢哋停機。我聽到有乘客講:『有條友玩嘢搞到班機咁遲起飛。』自己聽到都好難堪 o架,但我又可以點做?」採訪:林妃

* * * * * * * * * * * * * * * * * * * * * * * * * * * * * * * * * * * *

從乘客角度看這件事......

(source from Discuss.com.hk 香港討論區)

bigblackpig 發的帖

於JAL上被DJ默用受一家脅持個多小時

「事源於 10 月 14 日晚上,我們一行四人坐 JL735 班機由成田返港。順利登機並坐好後,忽然於身後不遠處有一名女子大聲咆哮,並用廣東話及英語大聲喝問服務員為何她的年幼子女不能和她及她的丈夫同坐,令他們無人照顧,而她的丈夫站在前方不遠處並不作聲。但她一家四口堅持不肯就座,並要求坐在一塊兒。女子聲稱不會罷休,因她很早 check-in 並已於 check-in 時提出要坐在一塊。

我心裏十分不解,因為我的 E-Ticket 已註明我來去程的坐位編號,為何現時才發現出了岔子呢?擾攘十來分鐘後,有一名男子來調解,原來他是『冬形油』的領隊,而那一家四口是他的團友,顯然今次是『冬形油』的領隊無做功課了。

但那一家四口緊咬 JAL 的服務員不放並要求落機,隨後飛機返回停機坪,最後 JAL 請其他乘客讓位給她們才解決。他們後來坐於我身後的 59D、E、F及G,其後大約一小時後才起飛。同行朋友說該名丈夫是港台DJ『默用受』。

我後來發現他是故意在機上發難的,因為旅行團在 check-in 後,乘客拿到登機證已知道自已的座位,為何在拿到登機證時不反對呢?是否想在機上脅持其他乘客達到 up-grade (轉位) 的目的呢? 於 10 月 15 日晚,他已在他的節目中間接承認是他疏使他的妻子的,真氣人!

我們坐 58D、E、F & G。」

* * * * * * * * * * * * * * * * * * * * * * * * * * * * * * * * * * * *

我最先想到的是,既然他的理由是「小孩無成年人照顧」,為甚麼不能夠一個成人加一個小孩這樣坐??是一定要一家四口坐在一起嗎?如果是旅行社方面安排座位有問題,跟導遊投訴不可以嗎?最簡單,問一問前後左右的乘客不也是可以嗎??是一定要這樣襯機門都關上來才來要脅人的嗎?

不過,報導提到「我哋未坐低佢哋就郁機,我梗係要出聲叫佢哋停機」,飛機為了不誤點,乘客上了機就會當然會準備起飛啦,你不坐下來乖乖綁好安全帶還想怪誰?其他機上準時的乘客又或是航空公司為什麼又要遷就你們一家?是因為自恃有名氣嗎?想當年如董太想坐 A1 都無特權啦。

他的電台節目《星空奇遇鐵達尼》我有時也會巧合聽到,他輔導 phone-in 的小朋友聽眾的確是很有耐性。但是來到現實世界,可不能當個小朋友囉......

題外話,看維基資料,麥潤壽原來已經 56 歲!(看樣子倒是像四十五左右) 兩個小朋友才分別兩三歲,還真有夠搏命。七十歲時,小孩才剛上大學呀......

11 則留言:

didi 說...

我睇完真係「......」
仲要係開咪既主持人, 真係好想知佢平時係講咩野俾大眾知道?

sr 說...

故勿論結果是他們最後一家人一起坐,還是分開兩邊一大人一小孩地坐,我覺得麥DJ的要求是很合情合理,這完全跟他是誰無關,跟他太太的態度也無關。而是兩歲三歲的小孩是絕對需要專人照顧的,而這個人難道是做在他旁邊的陌生人乘客嗎?空姐嗎?當然是他們的父母了。

Sue 說...

嘩嘩嘩,真係o 嘴,麥潤壽好耐好耐的dj啦,我前排睇you tube見佢訪問陳百強呀……!!!真係成日聽佢好長氣咁開解別人……未坐定就起飛,咁即係好遲啦,件事真係說不清,anyway真係開咪一個人,閂咪一個人,多謝分享~

素顏天使™ 說...

sr > 小孩當然需要大人照顧, 無人話佢要求呢要求係不合情理;我一路插, 都係插佢自私, 仲有貪心.

佢個動機係咪真係要連位咁單純呢? 定還是係有人想借機去 force 機組人員 upgrade 上 business class?

佢一早收到 boarding pass 果一刻唔同導遊表達, 算; 佢自己也唔要求身邊o既其他左右隔離乘客換比佢 (佢抱住個 BB 響手, 我諗無人會咁無同情心), 都算; 上機後咁多時間唔問, 人地一關埋個機門先o黎發難, 佢同要脅有咩分別? 如果佢係遲上機, 咁呢個都係佢問題, 成家有老有嫩預早時間 check-in 呢個係乘客o既責任.

假設一個大人照顧一個細路, 其實都之不過係問一問隔離幾個人, 點解又咁堅持要坐埋一齊? 日本飛返香港 3 粒鐘 je, 見少一陣有咩問題?

佢響節目表明話要人地即刻比架飛機佢先肯落機咁惡, 搞場大龍鳳, 搞到架機 delay 成粒鐘. 如果乘客本身唔係趕時間, 咁都只係遲左返屋企; 但係如果係轉機果的乘客, 遲左一粒鐘上唔到機, 係咪麥 DJ 賠償佢地o既損失?

素顏天使™ 說...

didi > 佢個節目專比小朋友 Phone-in 傾下心事, 係真係好細個 7-16 歲左右的小朋友, 講下上堂隔離位個同學搞佢個筆盒果類o野. 咁無可否認佢對住細路仔係好有耐性, 雖然都係得個聽字, 無咩建設性建議, 但係對小朋友o黎講佢係一個肯聽人講o野o既叔叔囉.

素顏天使™ 說...

Sue > 我都特登睇晒成個 discuss 個 post 條 link, 都有其他乘客出黎指證佢, 都可以睇下了解多o的件事.

Serena 說...

如果他真的另有目的, 就計錯數啦, 想 upgrade 去 business class 都唔可以一家四口一齊坐啦, 唔好計 JAL business class 成日都好 full 下, 其實 business class 坐位通常是 2,3,2 邊有4個位先? 咁小事要飛機折返停機坪, 擾攘個多小時飛機才能起飛, 真無稽, 如果機上有乘客因為此事有金錢上的損失而告麥DJ, 算不算因小失大呢?? 另外, 我又奇怪, 假如麥DJ跟團, 點解無團友主動讓坐o既? 難道麥DJ一家太難相處?

閃閃星小藍 說...

唉,成日都有啲搞事既人!

Vale 說...

i was there on the flight and wrote on the forum already. he was really intended to create trouble and forced JAL to upgrade him in order to settle the case lor. very cheapie guy. the flight moved while he has yet sat down? of coz, all of the people on plane sat down already but he stood up when the flight started to move lor.

hoyoyi 說...

I think the passengers on the same flight will sure give their seats to his family if he did request. But too bad they use the worst solution and created such a mess. Is a shame that he as a public icon being so irresponsible. I really hope he will received summon.

natchan 說...

我早排都睇過discuss.com,覺得好匪夷所思。1.點解會7個人拆開晒坐(除非佢check-in遲到) 2. 點解會一上機飛機就開(有搭過飛機都知,乘客都要坐好一陣先開機,除非佢又遲到) 3. 點解唔插導遊只插空姐(跟團咩都應該找導遊先) 4. 未問有無人同佢換位就要求落機

太多疑點,無法唔令人質疑他一家人的動機。我覺得完全係丟晒好多香港人的架!