《非常公民》

當年我的中學會考中國歷史科的成績很「彪炳」,拿了一個「U」。「U」者,「Unclassified」也,即是給有進入考場應考.....而又考的不知所謂的成績的一個評分。那年我進考場,把問題完完整整的抄一次在答題紙,抄夠 30 分鐘,擱筆離場。

我不是不喜歡中國歷史,怪只怪那位講課的老師 presentation 技巧差,還有冗長沉悶的課文筆記,完全不能挑起我的興趣。

像這一部講述晚清時期的《非常公民》就是我自己挑來看的,擱著最新的《Desperate Housewives》和《Medium》Season 6 都不看,每晚臨睡前都偷來我寶貴的休息時間去優酷網追看。

《非常公民》其實已經是 2001 年的作品,湖南電視台出品,屬於當年的大製作。劇名「非常公民」說的就是男主角溥儀的一生,從滿清皇帝到戰犯,釋放後做回一個普通平民,故此得名。Cast 方面,黃子華飾演男主角溥儀,其他的演員都是國內的,較為港人熟識的應該是飾演妾侍文綉的秦海璐 (即陳果導演《榴槤飄飄》的女主角),另外皇后婉容則是由另一國內著名花旦蔣文麗飾演。我看這個劇最不習慣的地方,因其不是用現場收音,後期配音的也著實不是配的很好,加上太熟悉黃子華聲音的源故,整個看起來就有點怪怪的感覺。還好這劇確是好看,也不損我去追看的興緻。

記得看過報導說黃子華拍這齣劇時有抑鬱症,也難怪,溥儀一生確是悲劇味濃。看黃子華為了這部劇特地瘦了二十公斤,確是個敬業的好演員吶。

真的婉容和真的溥儀合照。

不過我最初忽然想看這部劇的原因,是一次偶然看到婉容的照片。實在是超漂亮,然後看了維基有關她的生平 (相關連結),覺得這個人的一生都好 dramatic,在東 click 西 click 之下發現了這部《非常公民》。電視劇中的女演員蔣文麗,一雙水靈大眼,漂亮是漂亮,但沒有真的婉容那種典雅的氣質。




左邊是秦海璐,右邊是真人版文綉。囧。

其實我覺得選角最出色的是文綉 (相關維基資料連結),秦海璐倔強的臉也真的是跟做妾時的文綉很配合。不過秦海璐比真人的文綉漂亮多了,好奇怪怎麼溥儀會在云云照片裡把她圈出來......是錯手的吧?囧。


《非常公民》的主題曲,國內歌手沙寶亮(......好奇怪的名字)的《飄》,超好聽!狂推!聽的人也不禁有點悲傷的感覺。

19 則留言:

K先生 說...

講歷史的大陸電視劇,資料詳盡,不像港劇般是是但但

篤篤篤撐 說...

大陸的歷史劇, 因為要遷就國家既定立場,不少史實都遭歪曲 ,只能當肥皂劇看, 不可認真。

其實皇帝選妃, 一定不會有太靚的出現, 一來是因為選妃時她們只有十二、三歲, 二來是因為皇帝選妃不是看樣子, 更重要的準則是看是否可以母儀天下 (妃子有可能做皇太后呀!)。

此所以, 皇帝很多時有人進貢美女之後, 就會樂不思蜀, 虛脫而死 (如咸豐)

素顏天使™ 說...

K先生 > 咁當然如樓下篤撐所言, 點都會有的偏頗/虛構/歪曲情節, 但製作上比港劇認真得多 lor. 簡單如同是以歷史做背景的《蔡鍔與小鳳仙》,《非》劇講黃子華 (當時四十幾) 同 蔣雯麗 (三十幾) 扮十六、七歲,人家演技化妝搭救,都似模似樣。反觀阿周海媚同劉松仁連扮都懶,史實係三十四搭十六,現在佢地各自老左廿年囉......

篤篤篤撐 > 只能當肥皂劇看, 不可認真。<--呢層當然啦,佢拍得做電視劇就點都會加入唔少戲劇元素/野史之類,劃多劃少都會有誇張失實o架啦。但我覺得如果當年作為學生的我係起先接觸呢o的劇先,起碼唔會咁抗拒中國歷史呢樣o野囉。

重要的準則是看是否可以母儀天下 <--咁講又唔通,唔通靚女就唔識母儀天下?唔靚女都算但都唔好話咁離譜呀o的樣.....你都唔怪得阿咸豐囉。

hoyoyi 說...

我昨晚看了 Desperate Housewives S06E02 :p, 想要追S06E03却有心无力... 泡周公去也!

我记得多年前我有看过末代皇帝咧,会去看看这套剧. 

素顏天使™ 說...

hoyoyi > 《DH》S06E02我都睇了,越黎越離譜的劇情, 最傳統的 Bree 又會同左 Susan 前夫 Karl (律師) 有 affair,不過都係忍埋佢呢個 season,好似話 season 6 完.

teresatong 說...

其實選妃主要看背景, 既要是滿洲旗人, 又要身家清白, 出身好, 家族最好跟皇太后有聯繫, 年齡身型各方面均有限制, 所以皇帝的選擇很有限, 有時他們的選擇根本是政治考慮. 文綉可能在芸芸女子中, 已是比較順眼的一位. 如果你覺得文綉不漂亮, 可以試找光緒隆裕皇后及瑾妃的照片看看, 看過之後, 你一定會覺得文綉長得還可以.

徐斯 說...

陳沖在《末代皇帝》中的表現也不錯,她演活了後期的婉兒,雖然內容未必完全符合史實,不過那種悲涼的心境卻令人看得心痛......

另,沙寶亮與孫悅合唱的《傾城之戀》也很好聽!歌詞更是一絕!!
http://www.youtube.com/watch?v=b9AQcTDTvR4

第一次留言,多多指教=)

hoyoyi 說...

hahaha....DH搞来搞去都是搞邻居。。。我看到lynette又有左,真的替她无奈。。。
那个katherine 更加没眼睇。

最有兴趣的是看carlos 收养的亲戚会搞谁。。。哈哈哈。。。

素顏天使™ 說...

teresatong > 其實文綉如果佢係生於現代時空,再減下肥,可能做到 supermodel,佢個樣同呂燕相似度達99%!!!!

瑾妃 <--係盧海鵬扮的!!

徐斯 > 末代皇帝 <--我記得我細個係睇過, 但無咩印像, 揾日在 online 搵黎睇下先~ 得閒多的留言呀 ^^

hoyoyi > Lynette 個老公真係痴線, 成屋人得 Lynette 一個搵錢都要佢生, 生左出黎點養? 仲要係雙胞胎呀! 好慘呀佢.

Carlos 養女 <---嘿嘿嘿, 我估會搭上 Carlos!

didi 說...

係維基睇完 婉容既一生簡介...成個心情都好低落tim ><

eric 說...

有冇講溥儀同佢嘅英文老師嘅曖昧關係?

miss p 說...

你至少都入左試場, 我直頭drop左. absent.

DOUBLECHIN™ 說...

唔記得係邊個大陸網睇過好多婉容既黑白煙剷照,好憂怨..

另, 果個年代, 還有德齡和容齡都是美女~~

http://www.newsancai.com/index.php?option=com_content&task=view&id=11424&Itemid=5

SzeKei 說...

之前睇過李亞鵬的末代皇妃,都還可以,主要係講文綉,演員d樣都算ok.冇睇過呢套,有興趣睇下.其實大陸有d劇幾好睇,不過有時d演員冇咩睇頭就懶得去睇.

DH6我仲未開始睇,覺得Bree同susan前夫一齊好奇怪,感覺Bree係完美主意,包括自己男人,而呢個前夫從頭到尾都係黑人憎,唔明Bree點會同佢一齊~~~~~

ah-yo 說...

"瑾妃係盧海鵬扮"....哈哈哈哈哈哈笑死我。

瑾妃當然唔靚,當時佢只係跟埋姐姐珍妃入宮(買大送細?!)。而隆裕皇后更加唔會係靚女啦,佢做到皇后只係因為佢係慈禧細佬個女。

我覺得d妃子樣衰除左係某d本身真係樣衰(咁選擇唔多嘛...又要係大家閨秀又要係滿州人),攝影技巧都係一個主因。之前史書/野史/回憶錄都話珍妃係大美女,但細個讀書時見到張相"o下?美女"(compare with瑾妃都真係叫靚);但後來睇另一本書見到一張珍妃著西服男裝相,個樣真係甜到不得了又有氣質,所以都好難用一兩張相就判斷係咪靚。就算到左而家數碼年代,我地影相都唔係張張影到自己個樣正常啦?!
(ok...但謹妃唔靚就真係公認,就算果d咩宮女回憶往事都係"好客觀"地話佢相貌平庸。但謹妃係個美食家(所以肥囉!)又鍾意畫畫,雖然無皇帝寵幸但只係負責日食夜食,喺宮入面做個與世無爭又唔駛捱行行企企嘅肥妹仔,計落佢都除笨有精。

至於德齡容齡,史書來來去去都係果張幾個人同慈禧太后影果張相(化左灰我都認得d人)佢地兩個又係平庸到不行。但睇番佢地去外國影既相,靚到不得了囉(又係攝影技術問題)。由於佢地係混血兒嘛,輪廓深又有氣質。記得細個喺圖書館見過一張佢阿哥勛齡嘅相,又高大又靚仔。我就係從果陣開始沉迷清朝史書。

又,我近日睇緊莊士敦(溥儀英文老師)本回憶錄(紫禁城的黃昏),有大量關於溥儀嘅事...

素顏天使™ 說...

didi > 古代政制權力下的犧牲品.

eric > 你話溥儀係 gay? 我睇o的野史果的都有提過但我就唔係好信, 係 gay 唔會做返平民時都再娶女人做老婆啦~

miss p > 我唔想 cert. 有 absent 呢個字呀.

DOUBLECHIN™ > 婉容好憂怨 <--我成日"型"住佢同張愛玲應該 friend 到, 大家都咁洋化同埋可以一齊煲煙. (我後來睇其他資料知張愛玲原來係識得川島芳子! 好細呀個世界!)

SzeKei > 李亞鵬果套《末代皇后》, 黃奕做女主角 right? um....I never like her.

ah-yo > 謹妃 <--唔靚+肥妹+為食+鍾意畫畫.....哇乜咁似我? -_- 可惜我無成個皇宮咁大o黎 backup 我日食夜食做美食家, 頹飯就有我份.

eric 說...

可能受壓力而結婚呢。我覺得佢至少喺bi。佢細細個就喺太監嘅口尿尿喇。。

KKdance 說...

唔好怪那位老師啦, 不如怪會考制度....>.<

SzeKei 說...

我今日去左推介個個燒烤場呀,幾正,thx for sharing