是日午餐

因為
(一) 減肥，響街食飯90%都係食肉。
(二) 慳錢，太古坊食個(好o的o既) lunch 真係唔係人咁品。

所以，我再次帶飯，做飯盒。
(在這層面上我很有點羨慕跟家人同住的人，
唔駛諗食咩，唔駛自己煮，煮完又唔駛洗碗。)

白灼西蘭花 + 鮮腐竹冬菰筍片炒雞柳

A.白灼西蘭花
1) 西蘭花一棵洗淨切細。
2) 燒滾開水，下少許油鹽，稍稍灼熟，即成。
(放飯盒的菜不用灼得全熟，蔬菜久放會變色變淋)

B.鮮腐竹冬菰筍片炒雞柳
1) 鮮腐竹購自凍肉店，$6蚊一大盒。取適量切段。
2) 鮮冬菰適量，洗淨切粗絲。(或用乾冬菰，亦可，我煮飯從來都是很隨意，有咩煮咩)
3) 梅林牌罐頭筍，$7罐，一個人食廿年也不可能食完，不要買錯油炆的那種，超肥。取適量切片。(我阿媽教學，荀好毒o架喎，同燒鵝同 grade，唔好落咁多，少食多滋味)
4) 雞柳洗淨切絲，醃雞o黎o黎去去都係鷹粟粉油鹽豉油糖，份量自己調，我則喜歡下少許酒吊味。家中只有 black label，照落。 撈勻調味，放雪櫃30分鐘(最少)等入味。
5) 先燒紅鑊，炒雞絲，見熟，盛起。再用蒜頭起鑊，猛火炒其他材料，炒一陣(um....我無計開時)，落雞絲，兜兩兜。
6) 預備蠔油豉油生粉水打獻，兜勻，"給"鑊蓋，待汁收乾，盛起即成。

睇完都知有大量碗碟要洗。