a simple but happy night

尋晚返o左阿媽屋企食飯，
同埋男朋友，
見家長唔係第一次，
但係一齊返阿媽屋企就第一次啦。
中秋無返屋企，
今個禮拜就補食返。

買o左生果籃，又買o左燕窩比我外婆，
(全部都係男朋友比錢)
一入門口阿媽就話駛咩咁誇張，
其實我知佢鬼咁開心，女人就係咁o架啦~

食o左幾好味o既客家style炆鴨啦
(唔知點整，淨係食得出有陳皮)，
一條細o既斑啦，不過o的肉蒸得實o左o的，
仲有炒菜心，同埋猴頭菇老火湯，
飽到唔識郁。
阿媽又逼男朋友食好大碗飯，
哈哈~ 食完又食飯後果，
食o左好甜o既橙同埋碌柚。
(揀生果我真係弱項，唔識揀。)

食完飯，
一邊睇《酒店風雲》一邊幫阿媽整電腦，
睇完就閃，男友送我返屋企。
然後好早12點幾就訓覺，
尋晚好熱好局，冷氣又壞壞地唔夠凍，要開埋風扇，
但係男朋友響身邊，訓得比平日還要舒服。

我好 treasure o的咁簡單o既生活其實，
雖然我個樣唔似，但係我真係好開心喎。

我男朋友未必係世界上最好o既男朋友，
但就一定係我拍咁多次拖以來對我最好最好o既男人，
唔係要買幾多名牌食幾多餐貴飯就等於好，
(當然如果有閒錢時我唔介意你勁送)
最簡單，我知道你係好愛我就夠了。

thank you my dear for everything you did.