眼窩

地鐵內，一個婦人，30歲左右，年紀不算很大但穿的很師奶；一個在星期六傍晚也穿上了黑色套裝的女人，長髮，20餘歲，很濃的化妝。並排而坐。

「你過兩日幾時得閒呀？」胖婦人問。

「唔...... 過兩日丫，呢排就忙o的，你o黎試下我地有個新o既做 facial 技巧丫，我之前都有做過呀，個眼窩呢可以咁樣推推下」說時邊用手指在眼旁是打圈的掃著示範。「個輪廓就會深o左，呢，即係好似o的鬼佬果o的咁o架呢，咁 樣化眼妝搽眼影會上色o的o架。」(o下???!)

胖婦人連忙點頭說好。

「咁你做到幾時諗住唔做呀？」那黑色套裝的女人應該是美容師。

「我諗住做到結婚啦。」

「其實你應該快o的上o黎睇o下丫，我o地o的化妝品呢連羅XX (某女藝人) 都有用o架，真係好好，不過我呢排就轉o左做秘書，我都唔知做唔做得o黎o架，但係我諗我上司都幾滿意我囉。」

「講開又講丫，我上司真係好叻o架， 佢做o左 10 個月到就升到呢個位，佢都係同我一樣，初級美容師做起o架之嘛，聽講呢，佢再升呀，佢上司就會送o架粉紅色 BMW 比佢呀，特登去噴o架，粉紅色喎！」(o下???!)

胖婦人聽的一臉陶醉，幻想自己很快也會擁有一輛粉紅色的寶馬。


-----------------

為証實我的想法，

回家在 google 用那羅姓女藝人名字 search 了一下，

果然是一 M 字頭傳銷公司。

無知不是罪，但無知又貪心便死也不用可憐了。