水浸

看來我跟水這種東西真是有不解之緣。

是長期的讀友們,不知還會不會記得,之前我在西區獨居的時候,那個房子是在一座很舊的唐樓的頂樓,因為拆了潛建的簷篷後,下雨天試過全屋大水浸,水深過腳眼(!),好些書本, CD 和鞋子都全部報銷,這事也是導致我之後搬屋的直接原因。

現在住的地方,也沒有那些滲流的問題了。不過昨天竟然又來水浸一次,更「大鑊」的是浸的是鹹水*!這次的則是人禍不是天災了!*註:因為香港是用鹹水(海水)來沖廁的,自來水當然是過濾過的淡水啦。

話說我家洗手間坐廁旁的鹹水管,近日開始有漏水的問題,鹹水從水管漏出,搞得地板髒髒,非常惱人。前後擾讓了整整兩星期,終於昨天包租婆找來了一個師傅來我家修理。基本上只是一件很小的事,因為只是需要換掉有滲漏的那一小截水管就可以的了,所以我就大安旨意的在房裡呼呼大睡,男友看著那個師傅修理就好了。

朦朧之間,男友大叫醒熟睡中的我,說是水浸!!!我慌忙一看,廁所裡面那個鹹水管正在爆出大量鹹水,我無寫錯字,的確是爆,不是噴!嚇的我拿了塊浴巾想說要先蓋著那個水管,當然是徒勞無功,還被噴的全身濕了!(這一句很黃 XD) 然後白白看著浴室的水爆到整個浴室像是游泳池一樣,連整個客廳的地板都是水!還好電視櫃是四腳離地,那幾組的電線如果燒掉了真是不知道要怎麼辦。

原來是這樣的,話說那個師傅把天台的鹹水供應掣關了,然後在我家把漏水的那個水管鋸走了,鋸走了才走去買個新的接駁位那個水掣 (我和男友都是事後才知道)。而這個時候,不知是哪為人兄那麼有公德心(?),把那個水掣又打開了!!!

當然最大責任是那個所謂的師傅,把水喉鋸走了才走出去已經是白痴到不得了的行為,再來就是把水掣關了你好歹也寫幾個字貼在旁邊,讓人家知道你還在修理嘛!

不過那個師傅回來的時候也嚇到呆住了,為什麼我這樣說,因為我洗手間裡的風筒給鹹水浸壞了,明明是關了自己都無故開著,一直吹一直吹,我還以為是什麼聲音,直到嗅到有臭膠的味道(!)才發現是風筒!!可是那個風筒一直都在那個師傅的旁邊,我不知道他是幹嘛也不去拔掉插頭!*@%##*@%##*@%##

之後打電話找包租婆,她就猛跟我道歉 (道歉有個屁用哦!),然後告訴我一個讓我很震驚的消息!因為那個「師傅」其實跟本不是甚麼「師傅」!!!!

她說她問了好幾個師傅都嫌小事不肯去裝 (你覺得我會相信喔?),那個男人是他兒子的朋友,自告奮勇說很小事可以幫忙。我看是你想要省錢,就隨便找個人來裝吧!

最慘是,那個鹹水管還是未修好,那個男的就跑掉!!!!現在連鹹水都沒有啦!(02-06-08 晚後補 : 包租婆找來另一師傅,才兩下子就修理好了!)

本來是一個悠閒的星期天,最後整個下午都在洗地抹地做家務,除此之外又害我無辜的花了幾百塊,買新的風筒啦,浴室裡的拖板也浸壞啦,清潔用品等等,真可謂越窮越見鬼。

連洗衣機裡的洗衣槽也是大量入水 (真是太誇張了!),我現在很害怕會不會壞掉,都不敢洗衣服,多待幾天讓它乾了看看再算。求神拜佛千萬不要壞呀,才買了沒兩年呀!:(
(04-06-08 後補 : 洗衣機無事啦~ 嚇死我了)

10 則留言:

思緒不靈 說...

你好似住底層架wor
你整咸水喉有無通知樓上d住客/管理處呀
如果唔係d人就會去開番引致今次既意外啦
不過你個"師傅"又真係一件極品
好明顯你做左隻白老鼠俾你個包租婆"洗"左你一獲
有無買家居保險呀?
應該有得賠wor
你個包租婆除左道歉重有無其他表示呀

Mademoiselle 素顏天使™ 說...

思緒不靈 >

1) 你好似住底層架wor
係呀

2) 你整咸水喉有無通知樓上d住客/管理處呀
無, 因為本身真係超極小事, 果條喉只係兩隻手指咁粗. 鬼知佢個師傅上天台閂大掣都會唔同管理處講咩??

3) 有無買家居保險呀?
唉, 無, 租人樓唔會買呢的架啦??

4) 你個包租婆除左道歉重有無其他表示呀
講起就慶, 個包租婆幾廿歲我當佢真係唔識野啦. 佢個仔同我講仲講到話呢的鹹水喉"出面"其實係要租客負責整, 講到好似我恰佢阿媽唔識野咁!! 我頂你丫! 簽租約都有寫明呢的渠呀水管呀屬於大廈/單位, 非人為損壞係業主負責整 ga ma~

仲話你揾鐘點洗野就賠比你, 其他壞乜都無得賠, 因為係意外唔關佢事喎......但係星期日下晝 2pm lor, 我去邊度即刻搵個鐘點半個鐘頭內上我屋企執屋??

最後又係我同 bf 執到仆街囉!! 仲要一毫子都無得賠呀!!

不可愛may 說...

嘩!
好誇張呀!不過我鄰居仲慘,
係佢全家人外出期間,
廁所水回湧,成間屋都俾污物淹沒,
佢返來打開一看,被遍地黃金嚇到呆左,
據聞佢既木地板仲係新整鋪既……

至於賠唔賠到,我幫你問問人,睇下係唔係咁絕望~

阿花

Mademoiselle 素顏天使™ 說...

阿花 / 不可愛may > 其實賠唔賠都係次要, 係水浸果下已經勁谷九氣, 呀包租婆個仔仲要係果隻 "咁你而家想點先? / 你壞野關我地咩事呀?" 咁既態度條氣唔順.

好彩呢度個地板舖石囉, 唔係的地板咁樣浸法就真係渣都無. 講真我而家都驚緊個電視櫃(木造的)隻腳會唔會發霉囉咁浸法!

Yun 說...

哇!!! 好過分!!! 你包租婆冇買家居保險嗎﹖!! 我覺得佢要賠囉。

pris 說...

你話俾你個包租婆聽呢個係意外,但係呢個意外係因為佢搵既所謂師傅既negligence所引致, 所以包租婆可以賠俾你先, 再追討果條友囉! 當然睇個勢就唔會應承你架啦!

思緒不靈 說...

想問多句
你有無映低當時既情況下︰
1. 已經斷開左既喉 / 噴緊水既情況
2. 你屋企水浸既情況
3. 燒左既風筒
4. 已損壞既傢具
5. 浸左水既洗衣機

如果有呢d相
你可以追討既機會會高好多
因為保險公司都係睇呢d相去決定賠償既

多口講多句
所有家居入面既直喉,即由天花落到地面既喉係公家喉,業主係唔駛整既,有損壞漏水就由管理處安排維修,而業主就要負責其他橫喉,每一條咸水喉係屋內都有一個水掣,水掣後既部份由業主負責,水掣前則由管理處負責,所以你個包租婆可能係好心做壞事...

而且係就係因為住最低個層,所有水喉都係最大水壓既,所以就算係得2隻手指咁"大",都會好勁水架

不過你個包租婆都係衰人黎架啦
擺到明蝦你啦
租約滿就好走人啦

Miss Wong 說...

既然租約寫明渠/水管呀屬於大廈/單位,加上件事係由你個包租婆搵左個唔合資格既技工維修所造成,我覺得你有充分理據追討損失。

包租婆唔想賠償既心態可以理解,因為始終佢唔係故意整到水浸,有幾多個人o係可以"se膞"既情況下願意賠償?

包租婆個仔呢d盲毛明明係自己錯仲要蠻不講理,好人有限,我係你既話一定會(再)平心靜氣同佢傾賠償既問題,如果對方既態度都仲係咁差既咪攞份合約出來跟他玩玩,直至爭取到合理賠償為止。

有d人,就係睇中人地怕出聲,怕麻煩,就乘機側側膞唔多覺。有時只要擺個唔怕麻煩可以同你玩野既款出黎,實際可能唔洗做乜野對方就會就範。有時俾d顏色d盲毛係必要的,教育佢地一下,起碼第時蝦人前都會諗清楚,間接令世界更美好。

當然,呢個只係我個人意見。

DRAMA GARAGE SALE 說...

你係太怒氣到連編文都不定REPEAT定係我眼花?! 我明O既有個咁O既包租婆! 真係火都O黎!

Mademoiselle 素顏天使™ 說...

DRAMA GARAGE SALE > 係 blogspot 有鬼, 自己狂 loop 中間的字, 好邪!!