Lo-fi home studio 教學

話說接了一單要寫字的工作，客戶要求交出相片一張作廣告之用。指明要是白色背景 (清新 feel? 方便退地?) 加上正面的照片，可是我又真的無拍過這樣的照片喎。臨急臨忙，只有一天的時間，無錢無 budget 請攝影師 / 化妝師，我一個單身寡女，怎麼拍?

但如果我告訴你，這張 profile 的照片是自拍的，你信不信?

無錯!! 真的是自拍照!!! set 好腳架較好 timer，用我的 DC 仔 Ricoh GRDII 所拍的。除了因為我家燈光太暗導致雜訊 (noise) 比較多之外，(我自己覺得啦o下) 還真的幾有專業 studio 拍出來的 feel。

以下是我用那僅有的小小攝影知識和心得分享。

．化妝髮型方面，也是自己一手包辦。如果有走進攝影棚拍攝經驗的人，該有經驗，就是要不停補粉，因為燈晒著易出面油。照片中我無戴大眼仔，無戴有色隱形眼鏡，無戴假眼睫毛 (還未學會呀......) (相關舊文)，無 push up bra 無「缽仔糕」，當然亦無整容，無打 botox。

．面上化妝用品一覽，大部分均有舊文可參巧。除了粉底選用遮瑕度較高的 creamy foundation， 其他一律跟我平常用的差不多。

a. 底妝 - RMK makeup base 底霜 (相關舊文) > RMK Creamy Foundation 霜狀粉底 (相關舊文) > OCTARD concealer (相關舊文) > DiorSnow White Reveal UV Shield Makeup 乾粉餅 (作碎粉用，相關舊文)
b. 眉 - MAQuillAGE 三色眉粉 palette #10 > FASIO eyebrow mascara (染眉膏) #320 Brown (相關舊文)
c. 眼影 - benefit eyecon (眼影打底用) > MAJOLICA MAJORCA #BR355 啡色系四色 palette (相關舊文)
d. 眼線 / 睫毛部分 - KATE gel eyeliner #BK-1 > Lancome Cils Booster Triple Care 睫毛打底液 > MaxFactor Masterpiece #Black (相關舊文)
e. 胭脂 - REVLON Powder Blush 橙色帶微閃，無色號
f. 唇 - Blistex Lip Revitalizer 潤唇膏 > MAQuillAGE 唇膏 #PK705 (相關舊文)
g. 光位 / 補妝 - COFFRET D'OR 透明碎粉 (以 Laura Mercier finishing brush 上，相關舊文)

．白色上衣是在 H&M 買的背心裙，上年夏天買的。裙子鬆身，看起來會胖，我在後面加了夾子，「出術」。

．咳唔咳唔，當然就有稍為 Photoshop 過啦。特別鳴謝友人 J 先生，J 乃是神級執相達人，幫我執走 background 變自然白地。為了方便退地，所以我也買了幾張白色圖畫紙貼牆，因家中沒有大面積的白色牆身。

．也預備了全身鏡，無攝影師提點你如何擺 pose，你就自己提醒自己啦。

．這張相大概是拍了八十張左右之後揀出來的，即是無論你個人有幾唔靚，影了一百張之後，總有一張會令你滿意吧? (我想)

．另外我家燈光好暗，把廳中的光管開了，再加上一盞壁燈還是好暗。於是又拉了一盞地燈，可是如果燈直接打到面上去又會似監犯相，所以在燈前面加了一張白色圖畫紙「柔光」(見附圖)。其實牛油紙都 OK，如果可以，打夠左右兩盞吧! 平衡一點。

．其實整張照片拍出來是帶昏黃的，因我家是黃燈。感謝世界上最偉大的發明 Photoshop，把黃變白。

．白色圖畫紙還可以作反光板用，拍近距離特寫照，拿著圖畫紙放下巴下面 (見附圖示範，當然真拍的時候可以拿低一點)，可以替面上稍稍補光。

．想拍出微風輕拂頭髮畫面，可以拿個小風扇輕輕吹。不過我自己也覺得那樣有點太搞笑與及極度造作，所以拍了幾張 (還真的拍了!! 已銷毀)，玩完就算。

．其實拍這個還真的挺好玩，因為不是對著陌生人 (我怕生保)，可以邊聽自己喜歡的音樂邊拍。而且我最信任的，還是由自己所按下的快門啊!


我就是聽住她邊唱邊拍的了，love love love Alicia Keys!

生活

端午節，我超愛吃糭，但我也怕胖。所以每年限自己最多吃三隻，不過今年只吃了一隻，正日我沒回家做節。C 先生給我拿了他家媽媽做的糭，超好吃!! 有勁多料，蝦米啦，冬菇啦，蛋黃啦，五花腩啦等等等等，糭這東西，一定是自家包製的才是王道! 可恨我媽不懂做，沒人教我包。

原先那天晚上心情不是很好 (其實最近天雨連連，我脾氣好差)，吃了美食就無事咯。後面那對筷子是我近期覺得買的最精明的寶物，無印良品木筷子，質感極佳，一包好像有 10 對，每包 HKD$30 左右，我和媽媽一人買了一包。

* * * * * * * * * * * * * * * * * * * * * * * * * *

關於糭，還有小事分享。

話說 ZZ 知我愛吃糭，有天在 MSN 跟我說。

Z：「喂我下次攞o的糭比你丫~」
我：「你有無份包o架?」
Z：「梗係有啦! 我同我媽咪一齊包o架年年都。」
我：「......我可唔可以淨係要你阿媽包果o的呀?」(心諗，大佬我唔想死住喎! )
Z：「......你把口可唔可以唔好咁賤? 」
我：「你會食腐乳曲奇o架大哥! 」
Z：「(狂笑)」

* * * * * * * * * * * * * * * * * * * * * * * * * *

好久沒寫林積積，無新聞才是好新聞。這貓的作息如常，最近喜歡去洗手間照鏡，和舔水龍頭滴出來的水。

這隻黑白紋的不是我養的貓，是積積的新朋友。我家雖住低層，但想不到街外的野貓會跳到上來我家窗台! 見過這貓幾次來探積積，這天外面下大雨，貓躲在窗台睡了好幾小時。野貓都怕人，有時我剛巧在家，望牠一眼，牠就以光速速逃! 這天睡的熟，拍了好多照片都沒察覺，正面好可愛，想只有一兩歲大。

有次深夜，有個男人拍門，問我家是不是走了貓? 我望一望積積，「無呀，我家的貓還在。」男人似乎不信，他說「小姐你真係無走失貓? 我見你窗台有隻貓瞓左成個下晝呀! 」我話真係無喎，男人走時還拋下一句，「你睇實你隻貓呀! 」該是以為我掉了隻貓出街吧? 香港樓與樓之間空間狹小，想是對面大廈的住客吧!

但謎之聲是，他幹嘛望住我的窗台望了幾個鐘呢?!

* * * * * * * * * * * * * * * * * * * * * * * * * *

下雨天出門我穿拖鞋 (其實有時會照樣夾對人字拖走落銅鑼灣!!!)，穿了濕答答會放在門口待乾才放入屋...... 不過以後不會再這樣做了!! 因為我對黑色的 Havaianas 被人偷了!!! 好變態，偷拖鞋!!! 還小嗎?!

拖鞋是上年在台灣買，專門店入手比香港便宜 20% 左右，買的時候記得也是下雨天。唉，算啦，買過對 (不然可以怎樣啦，報警嗎? -_-)，這次買甚麼好呢?

榮記海鮮飯店

飯腳班底袁健健忽然吹雞說要飯局，臨時拉夫都有五人成行。倒是選吃的有點難度，下雨天好多平常可考慮的都得打消念頭，加上本小姐麻麻煩煩不肯吃油炸熱氣之物，後來就想到去鵝頸橋街市麻甩排檔。

鵝頸橋街市最出名的當然是清真惠記吃燒鵝，可惜晚上恕不營業。看 Openrice，街市之中有家叫榮記(東成)的最好評，可我就是忘了那個「括號」東成，只記著榮記二字，就隨便選了這家榮記作我們的飯局地。不知道兩者之間有甚麼關係，又或者水準相差有幾遠了。

街市本身衛生環境算是 OK，吵也是想當然的了，來這種麻甩的排檔，為的就是這種風味嘛。其實整體水準也是不錯的，當然也不是甚麼超出色食店，但是以價錢計則很划算。

沙薑雞(半隻)，雞不是鮮雞，而且略肥，皮多肉少。可吃的部分不多，也少嫌不夠入味。

這道琵琶豆腐上桌時有點驚訝，因為不是傳統打了獻汁像湯浸一般的做法，這裡把那個汁料分開上蘸食用。其實做的也算可以的，魚肉釀的比豆腐還要多。

麻甩之選，豉汁蒸烏頭。比較味淡，中規中矩。

沙薑雞腳 (又沙薑!)，「沙薑達人」C 小姐點的沙薑雞腳倒是真的挺不錯! 雞腳夠入味，軟稔度適中，不是入口就溶化那種煮到太溶的雞腳，見很多桌都有點這個菜。

蒜香蟹飯可能因為跟大家想像中的不同，所以這個蟹飯不是很受歡迎。其實也不是不好吃，譬如我吃了的蟹蓋就有超多的蟹膏黏住，嘻嘻嘻。只是沒想到會是蛋炒飯做底，還一心以為是糯米。不過鍋仔奉上則感覺良好，好像特別惹味的感覺，presentation 拿分。

豉椒炒蟶子獲一致讚好，以往吃過很多店，每點到這類貝類海產都會有炒蟶子/蜆殼的情況發生，這店給的足料。蟶子也很肥美大隻，鑊氣夠，很讚。

金銀蛋莧菜，一般。

西蘭花斑塊，最尾加點，吃到有鑊氣。斑塊大大片，很不錯。

女侍有禮，不過人手則明顯不足。開了四支大啤，又有幾支可樂和白飯之類，不設加一，買單才 HKD$459!!! 八個菜，每人還不用一百元! 便宜到喊。食物水準也不錯呀，最重要的是是夜笑聲不絕，一群友人開開心心晚飯去才是重點吧!

---------------------------

榮記海鮮飯店
地址：灣仔寶靈頓街21號鵝頸街市鵝頸熟食中心2樓
電話：2574 3870
菜式：港式

自我挑戰賽 之 貼假眼睫毛篇

雖然已經沒有再追看《超級星光大道》，但實在喜歡它的這個「自我挑戰賽」作為定期題目。

話說最近我好有興趣玩貼假睫毛，因為覺得說像我不會「出貓」的女生拍起照來不公平哇。明明自己的眼睫毛很長 (這是我頗為引以為傲臉上的唯一優點)，可是因為現在人人都會貼假睫毛，就是你知道那個女生她的眼睛其實很小，可是貼了之後跟我的一樣大！這是怎麼搞了。

諷刺的是，男人從來看不出來。

不過我這個貼假睫毛的路途實在崎嶇迢長，雖然我也有被化妝師幫我化妝的時候貼過假眼睫毛的經驗 (profile 那張相的妝是化妝師化的)，可是自己來貼的時候還是被睫毛刺的疼，刺激到流眼水 (好拮眼呀！)。貼假睫毛是我的化妝路上的污點，怎麼貼來貼出都貼不好，要麼就是邊位會飛起來，要麼就把原本的眼妝弄得一塌胡塗，連連失敗，讓人氣餒。

以下是我買了的一堆「架生」，貼出來讓大家看看。

日本 KOJI「eye talk」雙眼皮膠水，名化妝師 Gary Chung 推介，謂其替徐子淇加大對眼的神秘工具之一 (加深雙眼皮及眼窩令整體輪廓加深)。其實我也是雙眼皮的，所以這個膠水我只是買來是貼假睫毛用。卓悅購入，買了好一陣子，日本製，HKD$32。

練習用，都是 KOJI 出品，「Spring Heart #01」。人生首對購入的假睫毛 (附膠水)，已經玩到爛晒，不是很適合翻用。梗夠軟，自然風，貼了跟沒貼是零分別。日本製，購自卓悅，HKD$20。

吉之島 $10 店購入假睫毛 (附膠水)，也是練習用，不知名品牌韓國製，HKD$10 對，剪開用爛了都不心痛。一開二是加重眼尾部分用，梗好硬，不好貼。

最後這個買回來之後未用過，因覺好像有點太誇張，拍照用則剛好吧? 美國品牌 ANDREA「mod lash starter kit」，有一對假睫毛 (#45 Black)，膠水和一個用來方便貼睫毛的夾子，只是 HKD$19，made in China，購自 SaSa。

日本 KAI 貝印出品夾假睫毛用的夾，夾子的手感不錯，還有個座，看來有點多鬼餘。不過對我這種新手來說有比較方便的，日本製，HKD$29，購自卓悅。

貼假睫毛的步驟基本上我是很清楚的，化妝書有教，報紙有教，日本雜誌圖文並茂地教，《女人我最大》之類的電視節目也有教。但不知怎的就是貼來貼去都貼不好，該是我手太笨拙了吧!

我下了決心要在週日前練好，因為週日晚上要去美女 P 小姐的婚禮，要靚呀~靚呀~靚呀~靚呀~ 靚呀~ 各位高手如有甚麼心得傳授予小妹的話歡迎留言，謝謝。

「頹食」全記錄

最近也不是沒有外食，不過就是吃不到甚麼有想要寫的衝動，我稱之為「頹食」。如果真的超難食，那麼我還有衝勁去寫一下，因鄙人生性火爆，不在這裡鬧他一鬧，氣難下，火難消。可是最近吃的，怎麼說，真的又不好食又不難食，味如嚼蠟，能下咽，但求填肚。連寫都懶，照片拍了擱在 Hard Disk 封塵。只是最近多少有點靈感缺缺，唯有照寫，硬撐場面。

以下是我最近的 「頹食」全記錄。

* * * * * * * * * * * * * * * * * * * *

粗菜館

那天遊完 Disneyland (相關舊文)，媽媽說要到她喜歡的館子吃飯。身處九龍城，其實內心我是在惦著美味的泰國菜，不過我和弟弟要做一天考順仔女，還是順她意去吃了。

跟上次來一樣，分到的是樓上的桌子。

全晚只這一碟炒豬雜稍為能食得下，味道有點像是薑荵炒蟹之類，幾惹味。我們看到炒的有點焦，問女侍說這好像炒太焦了吧? (暗喻：換過碟) 女侍說是要炒成這樣焦，(暗喻：你班人唔識食) 我為了識事寧人不傷和氣，就唯有忍氣吞聲說不要換了。 (暗喻：好明顯係你懶，唔想走落去啦!)

這個不是異型這是鹵水乳鴿，肉還很硬沒有入味，簡單點來說就是鹵的時間不夠，烹煮的時間也不夠。跟上次來吃時驚為天人，是差天共地的水平。

籠仔荷葉梅子蒸鱔，賣相漂亮還以為會是好吃。鱔完全沒有入味，該是隨便蒸蒸灑了醬汁就算。

買單已忘了多少錢，好像 HKD$300 多。食物質素嚴重跌 watt，不過媽媽說不會再來了。

* * * * * * * * * * * * * * * * * * * *

Mackie Kitchen 阿麥廚房

跟兩位友人 C 先生晚膳，想是經濟真的很好，原先選了的五家餐廳，五家都說是滿座。後來我想起加路連山道的這家阿麥廚房，吃過一次，當時印像很不錯 (相關舊文)，就訂好了檯。還好先交帶了要遠離廚房的桌子，果然那個範圍的都是油煙味滿佈。

三個人各自點了三個 set dinner，都是簡單吃，價錢從 HKD$98 起至 HKD$158 左右。挑其中兩個特別難吃的說一下，鑒於我是個有衣食的人，當晚還是勉強把全部東西都吃完。

我喝這番茄凍湯，四個字，酸到「仆街」！！我以為自己在喝茄汁！友人選的青豆湯倒是蠻不錯，後悔死了。

焗青口沙律，好難食，沒有橄欖油只有幾滴黑醋的沙律，完全是不能下咽。我又不是牛，為甚麼要吃草?? 問女侍拿橄欖油，她就真的只給了我一小碗的橄欖油，又沒有另外拿黑醋給我。當我愉快歡喜的下了橄欖油之後......Holy Shit!!! 不是 extra virgin 呀大哥!!! 煮食用的橄欖油怎麼能拌沙律吃?! 有無煮食常識呀?! 你試過飲生油的滋味沒有?? 這刻我就試過，而且覺得好難受。

友人的這個車厘茄蜆肉意大利粉，只得幾粒蜆肉，材料少得可憐，賣相也極差。

我的主菜吃鱸魚，另一位友人則吃煎三文魚，單字一個「頹」。賣相頹，食味頹。其實煮的人有想過食物是很珍貴的嗎? 幹嘛要這樣浪費材料呢?

另外加錢要了甜點，兩個 cheese cake 水準普通，整晚只有這巧克力慕絲能夠算是好吃。另外點了熱咖啡，也很難喝，跟以前 Krispy Kreme 那種咖啡差不多一樣差。

服務是好的，有禮貌，感受到他們很有誠意......當然有誠意不是藉口，真的好很難食。兩位 C 先生，真的非常不好意思，選了這家店子。設加一，買單忘了幾錢，謝謝友人請客。

* * * * * * * * * * * * * * * * * * * *

板長壽司

本來是真的沒有想過要寫，後來看到健健的這篇《只能夠吃三文魚的晚上》，真是不得不寫他一寫。話說當日我和同是東區之友的 C 小姐去了板長吃午餐，雖然板前和板長都分別開了那麼久，我還是頭一遭吃，因我太怕排隊。

板長特別之處是他點壽司時是以單件為單位，因一般的迴轉壽司店都是兩件作一碟計，不過算起來不比人家的店便宜。最便宜的每件都要 HKD$8-10 (外邊的店是 HKD$12/2件)，吃呀吃呀，不知不覺都吃了 HKD$260 (兩個人)。選幾件叫做較有特色，隨便寫寫。

貪得意點的腐皮壽司，好難食，無味的，像放到稔了的炸腐竹。

特長海鰻壽司，其實也不是真的好特色，只是因為真的好長，所以貼一下。

鵝肝壽司，HKD$15/件，比其他的店便宜，因這是薄切鵝肝。不過這樣正好，太厚其實很膩，這算是整頓飯之中較好吃的了。

說回三文魚，這店也不時有推出一些特價壽司，如港人至愛的三文魚壽司，這店只賣 HKD$3/件。見有不少的 OL 和青年人 (等考會考無事忙那種) 點了一大盤一大盤的吃，我和 C 都看的傻眼。當然飲食這回事，口味因人而異，有人在乎量，有人在乎質。我不是說這店的三文魚不新鮮，相反，流量這樣高，質量相信也不太差。只是想到一口氣幹掉十幾廿件三文魚刺身連飯，就有好想嘔的感覺 (physically)，是又飽又膩口的那種，吃了真的有享受的感覺嗎??

--------------------------------

粗菜館
地址：九龍城衙前圍道17號A地下
電話：2383 7170
菜式：廣東

Mackie Kitchen 阿麥廚房
地址：銅鑼灣加路連山道9號地鋪
電話：2808 0351
菜式：西式
備註：Official Site

板長壽司 Itacho Sushi
地址：鰂魚涌康山道1號康怡廣場南翼G-02
電話：2904 8030
菜式：日本

好文不妨一推再推

首先，對於這位樓主「擒芒塞賣的！」(Come on suck my dick?!) 的遭遇我本人深表同情。不過因為樓主文筆實在太好笑的關係，我決定在這裡給他一推在推，龐大工程(!)把全部內文在這裡重貼一次。樓主文筆風趣幽默，描寫細膩，用詞獨到，多次笑到我流眼淚，樓主寫文實為高登網民之福。

睇完好空虛，我真係好得閒囉，唔該。

--------------------------

WARNING: 以下內文以廣東話俗語及粗言撰寫，不能接受者勿讀，敬請留意。

(原文在這裡)

【激氣撚】雷頒德 & 馮德倫反目事件發生在我身上.....

人物: 我 + 一個識左三十年既老死 + 佢條新女

我老死條新女正一典型公主病港女
仲要以為自己好撚得人鍾意所以個個要就晒佢咁

是咁的
大約半年前我老友識左呢條女
咁無耐就上床扑野溝掂左之類啦, 過程唔鳩多講啦(又唔係我扑)
無耐就自然帶條女出黎識下朋友, 出黎玩下咁
第一次見呢條女, 講下佢個撚樣先

兩個字: 樣衰

但最慘以為自己好撚索果類呢...
唔記得高登之前有個女user 叫乜乜天乜乜女
幾乎同佢十個似, 個口大撚到嚇死人, 佢撐大個口笑時你會以為佢想食撚左你落肚果隻呢
又瘦到皮包骨咁撚樣, 波又無樣又無
當然, 我尊重我老友既決定
或者呢條女頭髮長長心地善良, 床上表現猛如龍醒如老虎
西水多照頭淋都唔定
始終世事難料嘛

* * * * * * * * * * * * * * * * * * * * * * * * * * *

第一次見佢, 係同一班friend響bar飲野
佢黎到, 我老友就十下十下咁介紹佢啦 "喂, 呢個乜乜乜"咁柒樣啦
咁我地都好有禮貌, 坐定定笑住口樣西西咁等佢坐埋黎
我老友又企定定讓個位俾佢坐入去
一秒, 兩秒, 三秒, 四秒.........大家好似噴撚左定型水咁定左成5,6秒
條女都係唔郁!
我老友就細細聲乜佢做乜, 我地就心諗做乜鳩啦
點知條女大大聲話:"嘩, 果度咁逼你叫我點坐呀"
咁事實上果個位隔離係我另一個friend , 化名叫mary啦
阿mary就係肥肥地, babyfat果類, 但個人其實就非常得, 所以除左笑鳩佢肥同埋成日打大個心口露出條脂肪乳溝之外, 都無乜野
咁我地一聽到, 就知佢想話mary 肥西啦
Mary都識做識忍, 就話我再坐過少少俾多d位你啦好無
點知我老友條女答:" 唔駛喇, 你咁既身型點郁都差不多啦, 哈哈"
我地:

* * * * * * * * * * * * * * * * * * * * * * * * * * *

Mary俾佢兜口兜面咁串一野, 黎得咁突然, 實在見到佢唔知俾乜反應好
咁我地成班都面色一沈, 心諗屌你老母咩, 得罪你娘親呀?
坐低之後, 大家都唔知講乜好 , 我老友就打開話題9up當秘笈
之後就難頂, 條女係咁加把口, 但就全部都係d廢話...
例如自己新買左個LV (關我地撚事), 之前個friend買左架車帶佢去兜口好正(關我地撚事), 佢個親戚個親戚個朋友個他做醫生搵好多錢(關我地撚事)

如是者, 我頂左佢大約一粒鐘已經頂唔蒲話眼訓走先
我老友問我做乜咁早走人, 我聽朝要返工
佢女友又加把口話聽日星期日喎哥仔, 我就串鳩話:"我唔係做醫生搵得唔多咪要返多幾日工囉" 幾乎想加多句屌你老母

* * * * * * * * * * * * * * * * * * * * * * * * * * *

第一次見完佢, 印象已經差到不得了
可能我老死都知佢條女果晚失禮死人...
之後過左一排先敢再打俾我, 話睇戲預埋我, 係佢同條女+我
我又心諗做乜鳩
但我又唔想推我老死, 咁就頂硬上殺佢老母一個片甲不留啦打算

去到, 因為懶, 大家都無上網訂飛, on99排隊買飛
條女一路排一路抱怨, 開頭佢怨自己條仔唔細心唔關我事, 我又費鳩柒事搭把口
點知講多兩講無神神燒埋我蘿由, 我又再次心諗:做乜鳩
內容如下:
"D人又係既, 約佢出黎睇戲, 就真係以為出黎睇戲, 少少貢獻都無"
"而家企響度又凍(果陣冬天), 要我陪住你兩條仆街天寒地凍排三張戲飛, 不知所謂"
"唉~d人無貢獻就唔好出黎啦, 呢個世界無免費午餐"

講到呢度, 真係忍無可忍啦, 你們說對不對!?
好火既我忍唔住同佢理論一番:"喂阿姐, 我宜家無份俾錢買飛? 宜家你請我睇呀? 乜野免費午餐咁撚難聽呀? 你收下把口當幫忙我諗你條仔同我會排得好撚開心又好撚興奮..."
條女就駁番我, 我又駁番佢
我老死就死狗咁話"唔巧嘈喇~~唔巧嘈喇~~~都唔係好多人, 好快排到啦"

* * * * * * * * * * * * * * * * * * * * * * * * * * *

如是者, 當日入到場睇戲, 我嬲到連汽水野食都無買
我老死就買晒爆谷汽水打算罧番條女, 但條女性格演員黎架嘛
點會受呢? 咁我老死就全程好似捧住張車頭相睇戲咁, 成盒爆谷捧足全程

睇完散場我老友見我同佢條女水溝油咁撚樣就話:"不如去食燒夜啦"
我就答我老友"唔食喇, 返屋企屙屎呀"
佢條女又加把口:"屙屎呢度都有廁所"
我話:"唔好喇呀, 費事屙落你個頭度啦係咪"

果刻我其實覺得自己過左火, 又有d小家
不過算鳩掃吧啦, 我真係想返屋企
就咁走左

第二日我老死打俾我傾計
終於有個機會同佢好好傾下
拿, 我就真係出自真心為佢好
我意見係咁:" 喂大佬你條女成27,28仲成條o靚妹格咁, 咪講佢格先, 佢份份工唔係做三個月企街sales就係幫人洗下頭, 我唔係睇唔起佢做邊行(sorry事實上我係) 一年十二個月佢有4-5個月聲稱自己係無業, 你識佢果陣佢做緊份工只係返左幾日, 之後就一直無業到而家仲要你貼錢俾佢開飯, 大佬佢仲要又LV又gucci想點呀大哥

* * * * * * * * * * * * * * * * * * * * * * * * * * *

我又繼續講:
"唔講佢職業啦, 你未必同佢過人世, 佢唔係做雞一舊水任扑唔理住, 但講到性格我真係未見過d咁既女, 佢果d唔係叫港女呀...直情係仆街女人呀! 我都未見過d人以為自己係天下寶地下無咁, 以為全世界既人為佢呼吸地球為佢而轉動咁樣......xxxxxxxxx大堆

我老友就好無奈答我:
"唉, 佢話佢會改架....仲有佢返工d野係佢以前d事啦, 佢識左我之後話會努力搵番好工...起碼見得下人果隻....其實佢平時對我點點點點"

講到呢度, 大家都明白
一條中左毒既麻甩佬, 同一條插住西既賓周一樣, 好難自拔, 只會愈插愈深.....
咁我都廢事浪費心機, 我打下J唔好!? 就又再以屙屎為名, 收皮為實 , 收左佢線

其實基本上呢個係我老友條女, 又唔係我條女
第一, 我唔見我老死基本上見唔到佢, 影響唔到我生活
第二, 我見我老死亦唔一定要預埋佢
第三, 無謂為一件臭西影響自己心情

基於以上三大原則. 我決定自己盡量都唔撚見到佢,
就算有野搵我老死, 都係一 對一, 寧願似搞基, 都唔想再三人行

* * * * * * * * * * * * * * * * * * * * * * * * * * *

好喇, 事發之後又隔左一排, 我老友都有耐不耐打黎吹下水
講下買邊場馬仔, 買乜波仔, 但上大陸叫雞又唔駛預佢
因為佢女友宜家 人丁人mark到佢實一實

直至有個朋友講生日P
咁就例牌要出席, 識下朋友仔, 睇下晚上有無得屌下西咁啦
去到, 我屌, 我老死帶左條女黎
咁事實上又唔撚關我事喎, 個場唔細, 我唔過去, 河水不犯西水啦, 大家說對不對?

例牌飲下酒猜下妹咁, 有d悶 我老友行左黎我身邊, 問我做乜唔坐過去
我又好撚耿直咁答佢:" 你個老婆大人響度, 我呢d損友就費事阻住地球轉啦"
佢同我講:"過黎幫手啦, 我條女係咁痴住阿良呀"
阿良係我另一個朋友, 唔多熟, 個樣有少少似任達華, 我咁多個朋友之中佢算係最罧女果件
殺女無數, 屌過既西有如天上繁星. 渣過既波有如波波池既波一樣多
咁既情況
大家諗都唔駛諗
呢d叫咩呀? 發姣囉! 大家說對不對?

我望多兩望, 其實阿良殺女無數, 但都仲有d 理性
以我老友條女既質素....阿良最多同佢玩得埋少少, 就絕對唔會上佢
大佬, 上佢不如落街屌隻狗, 大家說對不對

我同我老死都覺得條女根本當佢無到
我就教佢話:"你唔打算黑面發脾氣呢d小男人樣呀, 直情坐埋去中間阻撚住佢咪得囉. 你又唔係18, 19 , 呢d野, 阿良自己識做啦"

* * * * * * * * * * * * * * * * * * * * * * * * * * *

咁我以為我老死話晒都係一個男人, 唔會柒到咁撚樣都搞唔掂
點知佢當夜真係搞唔掂....因為我正當我同其他人玩緊好無聊既 "com錦胎"既時候
聽到遠處條臭西無神神大叫:"喂你行撚開啦, 你知唔知你阻住人玩架戇鳩仔"

我開頭以為件臭西鬧其他人, 點知望兩望, 佢鬧緊條仔, 亦即係我老死
而我老友竟然真係乖乖地坐番去原位....

果一刻, 我真係想搵窿捐
第一: 我覺得自己有個咁既朋友好撚醜醜
第二: 我覺得自己人生之中識左條咁既女好撚醜醜
第三: 我知我老友又會搵我救命....我覺得我會叫佢死撚左佢算數


如是者, 我見到我老友成晚好似d 奴隸咁,
幫佢"主人"湛茶遞水
而我亦非常狠心地....完全理都唔理
果一刻, 我覺得自己實在非常有做大事既潛質, 夠狠又夠撚！

* * * * * * * * * * * * * * * * * * * * * * * * * * *

之後先係戲玉

有個朋友既朋友, 女黎既, 我唔識佢, 唔小心倒潟左少少野落我老死條女個LV度
條女即場發癲.....
大大聲屌果條女老母.....話"你知唔知幾錢呀, 屌你老母, 8婆
我地全場O左
心諗: 做乜鳩呢

咁我老友就即刻扯住佢, 唔俾佢發癲...
條女真係痴線架...佢好明顯想行前摑果個女仔...不過俾d人捉住左隻手
咁個場已經有d混亂
點知好衰唔衰原來果個女仔個男友都響度...
咁佢呢d男子漢黎架嘛(個樣似)
梗係行出黎幫條女出頭啦
你一句我一句咁 , 但就一味屌黎屌去, 無郁手, 大家老母都唔係好得閒

* * * * * * * * * * * * * * * * * * * * * * * * * * *

果晚點收科在下實在唔多記得, 總之有d不歡而散

呢件事之後, 圍內d朋友都係私底下討論過呢件極品
大家都覺得天地不容...想勸我老友浪子回頭鳩不換
可惜, 正如筆者所講, 一個中左毒既麻甩佬, 就如一條屌緊西既撚, 只會不停抽插直至射精
至於幾時射精? 無人知, 可能係十秒, 亦可能係十年
而呢個case,我絕對有理由相信我老死就算蠢撚過隻豬都頂唔到幾個月

之後, 一班人食晚飯, 佢又帶左條女出黎
呢d次好好多, 因為佢兩個黎之前自己因為其他野嗌左交
咁黎到後我地只需要提供一個小小既角落俾佢兩個
女既就黑面唔出聲
男既就一味:"食唔食呢d?" "凍唔凍?" "唔好嬲啦.." "唔好咁啦...d friend響度"

而我地亦十分高興....當佢搭台囉, 仲好啦, 大家說對不對?
所以原則上, 呢餐飯, 是食落的, 美中不足就係一個黑面西響度
但佢唔出聲時又世界又好似特別美好咁

自從我老友識左呢條女之後
我同我老友好似生疏左
同佢傾唔到計, 佢好似成個世界都得番佢條女咁
我有時打俾佢同佢吹水, 講起佢條女, 勸佢
佢又唔聽....
咁我呢d做朋友既, 唔通真係好似湊仔咁睇到佢實一實咩
佢唔聽, 你有時都費事講啦, 婆婆媽媽會俾人屌老母架

* * * * * * * * * * * * * * * * * * * * * * * * * * *

OK, 屎已屙, 蘿已擦

剛才講到老友勸極唔聽, 其實佢條女已經唔多老like老大爺
原因有三:
1) 我同老死講既所有野, 老死如實一一講晒俾佢女友聽(唔死都無撚用)
2) 我地已經當對方透明(我講緊我同我老死條女)
3) 條女facebook add晒我同d老友, 咁就岩啦, 我就將每次活動影到佢而又最樣衰, 例如反白眼呀, 撐大個超級大口見到爛牙果陣d相呀, 又或者佢舉個頭用閃光燈影到鼻毛都見到既相 . 全撚部upload晒上去仲tag埋佢, 佢成日要移除d tag

係我係認有少少小朋友齊打架既戇鳩心態, 但又有d心理變態
要明白摧毀一個自以為超級女神既醜女既感覺, 係幾咁痛快!

好喇
咁到底有乜撚樣會令到我同我呢個三十年老死反目成仇呢!?
就係最近先發生既一件事

話說佢條女做左每個港女都喜歡做既事情
就係捉左佢條仔, 亦即係我老友啦
去開一個名為"聯名戶口"既物體

大家有拍過拖都知道
除非你條女係觀世音倍薩, 否則聯名戶口呢樣野, 係足以摧毀一個男人既美好前程

* * * * * * * * * * * * * * * * * * * * * * * * * * *

當我知道佢已經中左聯名戶口病毒時, 已經係幾日後幾事
有日放工佢打俾我, 話:"喂我屌你老母我女條捉左我開戶口
我當然叫佢冷靜d講清講楚, 乜戶口先? 股票戶口? 支票戶口?
佢講完個聯字都未講個名字
我已經屌左出聲

ok, 咁唔開都開左, 你又想我點幫你呢?
佢答我:"條女想我每月入5千入去儲錢, 但d錢唔可以拎出黎"
又ok啦, 其實原則上黎講, 你遵守以上原則, 好明顯係一個儲錢既好方法
但你知啦, 港女 + $ = 本世紀最可怕既產物
你入得去, 仲邊有得淨? 等如你扔個無著衫既劉心悠去大陸d 山區呀之類
有撚得淨咩!!

咁我同佢都意識到問題所在, 就問佢:"喂大佬你有無入先得架?"
佢答我:"有得唔入咩!? 一開戶我就入左一皮野入去"

咁其實我果陣搭緊車, 隔離坐住件幾正既OL
又唔多方便係咁爆粗, 唯有斯文少少屌佢
"喂果一皮野你當做定帛金俾佢得唔得? 之後唔入咪得囉, 佢渣住支鎗指住你個頭,你咪渣住碌鳩插佢個西囉"

佢好似又覺得幾岩喎
講真, 男人老狗你企到硬第一個月就唔入錢, 講真佢真係吹你唔帳
第一, 佢開完個戶口都渣唔到你錢無理由咁快放你走
第二, 男人最大武器係支炮嘛, 溝女d野唔駛唔岩講到岩, 夜晚響床上隊佢就最實際啦, 其他野, 遲d先諗啦, 大家說對不對?
當然, 我到而家都唔多明我老友點樣屌得落呢條女
我係佢, 我搵豬肉榮買舊豬肉屌 or 去淺水灣練賓周插沙都插佢個西啦
或者呢d咪真愛囉屌你老母

* * * * * * * * * * * * * * * * * * * * * * * * * * *

其實明明個問題都未解決, 但我就充充收佢線算數
因為我真係唔多想理

果條係你條女, 你搞佢唔掂做乜成日搵我黎講
我係自私少少, 不過你唔明我已經係幾咁反感

一路無乜點跟住佢之後點, 跟住到左之前一晚
老友打俾我, 話上去我屋企坐下, 有野同我傾
我心諗仆街喇, 有排煩, 又係佢條女d野
不過算啦, 一世人兩兄弟, 你話上到黎, 唔通我叫你過主咩
我仲打算兩兜友, 響樓下茶餐廳食完上去打下機咁傾啦
大佬, 兩條麻甩佬真係坐定定討論你同你條女感情路途如何走咩, 咪玩啦大哥!

點知我一支公坐響茶廳等
等下又等....等左成粒鐘....果陣都8點左右, 我等到飯都食完, 打俾佢又唔聽
我以為佢OT, 又有d慶過火屎既感覺, 打算賣單返屋企屙個屎再等先算啦
賣完單, 出門口見到我老友企響門口隔離, 望住佢條女
係, 無錯, 佢條女都響度 仲好明顯西緊面, 應該鬧緊交
我就問:"喂, 企響度做乜, 唔入黎? 等左你成粒鐘又唔聽電話
佢兩個: .................
我又問: 你又話一支公黎, 佢又響度既? (擺明唔歡迎佢)
佢兩個又:.............
咁我當然唔多耐煩啦: 喂點呀大少, 唔理你地, 你兩個玩完煮飯仔打俾我上黎啦....
跟手就緊係閃人....上到樓仲第一時間打俾女友叫佢快d快黎見下條仆街西女人
(我女友聽得多, 但未見過佢真人)

* * * * * * * * * * * * * * * * * * * * * * * * * * *

好啦, 上到樓, 8點幾, 唔記得果陣幾點, 唔係太夜
屙個屎, 見電話唔撚響, 沖Q埋個涼....都係未打黎喎
開部xbox打下, 上下網, 發覺nike神好耐無發片, 唯有唔打J等條女返是但執一劑算數
到我以為我老友唔會上黎之際
佢打黎喎
佢話佢而家上黎 , 不過同條女一齊上
我話: 咁高興? 我屋企無野玩喎, 不如你地去海旁吹下海風, 買支花過你女友浪漫下仲好啦, 你說對不對?
佢答我:"開左speaker呀喂, 唔好玩咁大啦, 正經野

咁ok, 有乜撚正經野o者屌你老味
心諗, 除左"做乜鳩"之外, 就肯定係條女唔滿意我教佢條仔d乜乜, 而家上黎當面對質咁啦
驚你有牙咩, 你口大唔代表你咬人痛d架咩, 仆你個街

唔知搞乜佢地勁耐先上到黎按鐘, 其間, 老老柒柒, 真係有d緊張
一陣我唔小心踩到佢個LV, 佢會唔會摑我幾巴, 巧京京呀!

* * * * * * * * * * * * * * * * * * * * * * * * * * *

死火....公司開始有野做...快快手...

佢地上到黎開門, 有d想我女友快d番既感覺...因為好odd
但自己又衰, 以為本身得兩支公傾計方便d (唔係搞基) , 叫女友自己出去搵野玩晏d先返黎扑野

入到屋, 我話:喂除鞋呀喂,
佢女友當聽唔到, 我老友就除左, 佢知我鍾意乾淨....
咁我已經覺得佢好唔尊重, 又有d火火地
咪話你唔除你企定響呢格咪郁丫笨
佢啤住我, 瞪大兩個鼻哥窿以為自己好型棍咁, 唔知想點
我老友就係咁話, 喂....除啦....唔好咁啦....
我真係睇唔過眼...咪串我老友, "駛唔駛你幫佢除呀, 係就快, 遲早都要除"
果陣我feel到我老友有少少黑面, 但無計, 我心情亦唔多好
返左成日工仲要俾你兩條契弟煩西住晒
我知我係仆街左少少, 但真係忍唔到, 極限已到

最後總之就係除左鞋入屋坐低( 其實真係好撚on9....好似小朋友咁)
咁我都仲識紹呼下客人, 拎d啤呀汽水呀咁俾下佢地飲啦
條女個樣唔知想點, 咁我亦唔鍾意受人氣
單刀直入囉, "有乜傾咁大陣像呀?"
點知佢又轉彎遊花園, 臭西話:"喂你間屋都幾細架喎"
咁我當然串鳩番佢, 又唔駛俾錢既:"係呀, 我同你條仔呢d麻甩中年, 間屋有張床帶女返黎扑就得架喇, 理撚佢大定細, 熄左燈搞野又唔會落床"

係, 我又過左我老友一楝...我老友個樣都有d無奈
諗落呢一刻我又幾仆街

* * * * * * * * * * * * * * * * * * * * * * * * * * *

佢條女見我都唔多容氣....就懶有型, 話
"拿, 單刀直入, 寧教人打仔, 莫教人分開"
我又覺得幾撚好笑, "寧教人打仔, 莫教人分居, 字都唔識多隻"
我老友:"寧教人打仔, 莫教人分妻....."
ok, 我地錯

我就梗係問我老友啦:喂我叫你同佢分手咩
佢答我係
我心諗屌你, 你係咪男人黎架...分唔分手係人地教架咩, 今年貴庾呀老細
咁我做得出又唔怕認, 又唔係傷天害理, 實質係為民請命, 救我死黨一命, 幾撚偉大呀
咁我認左, 條女又唔知點回應我好喎
咁咪deadair囉, 我又睇下now 新聞, 講下h1n1咁, 嘩, 疫情幾撚緊張呀
最好等埋我女友番黎, 嘿

過左陣, 我老友無啦啦唔知點解好似加入佢女友陣營
想抽鳩我咁 , 問我點解唔好好同佢女友相處'
我真係成個呆撚左
我望實佢, 問佢: 你知唔知自己講緊乜 阿老友

* * * * * * * * * * * * * * * * * * * * * * * * * * *

咁佢咁問我又咁答氣氛唔多對勁啦
唔知中間講左幾句乜, 大家有d火藥味
佢好似怪我身為佢兄弟, 都唔好好體諒佢, 應該唔好令佢難做
又話約我又唔浦頭, 搞到我女友到宜家都未見過佢女友
我咪講下自己點諗囉
大佬, 你條女, 同佢睇戲屌鳩我唔買飛, 食飯坐響度又話隔離位肥
自己黑起面時就全世界都唔岩, 好似我地係神的子民咁要跪求原諒
喂老奉架!? 果個你條女唔係我地條女
我都係代我地成班朋友講你知發生咩事

我老友同我講, 你唔好咁嘛, 佢(佢女友)好難受架
又乜又柒咁, 屌, 關我撚事咩
你好地地人一個, 人地又會唔鍾意下下想串鳩你既

講兩講, 佢條女又加把口, 跟住呢樣野真係慶
佢話:"係咪你叫阿良(之前朋友P到佢坐埋果個) 疏遠我, 而家佢連msn都唔應我
我心諗你老味臭花西你發姣發上腦西水谷爆頭呀,
真係嬲. 我話, 你隔離果個係你條仔, 你而家問我你條仔個friend點解唔受你溝呀? 你當你男友係乜?

* * * * * * * * * * * * * * * * * * * * * * * * * * *

咁其實講到咁樣....都無乜野好講啦
我話: 屌 ,不如算啦, 大家加埋成百歲, 唔岩傾既話, 咪唔好見囉, 宜家你條仔係我老死, 唔代表你一定要同我玩埋一堆, 呢d野勉強黎做乜鳩, 我唔明我地咁大個人而家坐響度傾呢d做乜, 小學生? 陳大明唔同張小文玩, 要傾下計仔? 咪玩我啦大哥大姐

我老友話: 當你兄弟先想你同我女朋友熟d o者
其實講到呢度我都預左會無左個朋友, 我咪講:係你就唔會成日搵我求救啦, 開個戶口唔願意, 咪出聲講囉, 搵我做乜? 你女友唔鍾意我, 你咪叫佢唔好見我囉, 你地又黎搵我做乜?
由頭到尾, 鍾意唔鍾意係你自己揀, 我可以叫你分手就分手咩, 咪痴線啦妖

咁之後又deadair
直至呢個話題, 真係令我同佢反面
佢條女無啦啦話我:"d人囉, 叫人地男朋友唔好儲錢,驚俾我洗晒, 係呀, 入面d錢我拎左黎買野, 咁又點? 我條仔心甘命抵喎"

咁又關我咩事呢? d錢你地既.....

* * * * * * * * * * * * * * * * * * * * * * * * * * *

我話: 你地d錢點用係你地自由....你唔好搵我講....係你條仔自己打黎問我意見,

我問我老友...一個月你搵皮幾野....去玩養車落bar....你一個月都俾唔到五千你老母啦, 何況儲? 儲都唔係問題儲錢係好事, 問題係你放錢落去都唔夠一陣你女友就按出黎洗咩道理先?

我老友竟然答我:"之前打俾你, 咪就係叫你借住幾千銀黎先囉. 你又唔聽電話

嘩我真係痴撚左線......一黎無聽佢電話係miss左, 撚知佢做乜
二黎叫我借錢俾你貼條女? 你係咪傻西左??

咁講到咁都無乜意思啦...我都費事解釋....打算諗下點樣可以趕佢兩條撚樣走

* * * * * * * * * * * * * * * * * * * * * * * * * * *

佢條女又加把口, 話我借得錢俾佢條仔, 就咪理佢條仔點用
我真係R晒頭....到底佢地而家係上黎借錢定係屌鳩我
我真係愈諗愈唔撚明喇...我直接問你地而家想點
屌完就走?
就響呢個時候我女友就返到黎.....
開門佢見到我地就好好笑容咁say hi, 但除左我之外無人理佢
咁我女人就好蠢的....佢好明顯注意唔到發生咩事
又問我地食左飯未呀, 傾緊乜, 做乜睇電視咁正經, 但就完全無人答佢
我心諗:你柒少陣當幫忙
我女友放低個袋就望住我老死個gf
好似想自我介紹咁
點知...


條臭西...真係臭西黎!!!!屌佢老母
佢企起身指住我女友講:"8婆問完未呀你"
我同我老死加我女友
跟住條臭西對住我講:"拿, 你而家明啦, 人地鬧你女友時你係咩感受, 你仲話你係我男朋友老死, 你唔配做囉, 不知所謂"
我
當時我地3個根本唔知俾咩反應佢

* * * * * * * * * * * * * * * * * * * * * * * * * * *

咁我基於男子漢既本能(就算唔係都要扮下野啦, 呢d時候)
就問: 喂 8婆! 8婆你叫架咩, 你無啦啦鬧我女友做乜, 你係咪痴左線呀屌你老母"
佢答我:我就係想俾你知道呀, 做人女友呀, 俾男朋友d朋友呀....乜乜乜咁
佢都未講完, 佢男友竟然講左句:"咪係囉...."
我真係幾近年最慶呢次
真係好失望!!!!識左三十幾年, 原來乜都係假 , 為條女乜撚野尊嚴原來可以唔要
睇清楚呢個人啦, 仲有乜撚樣好講丫

我想趕佢地走, 點知我老友一野推左我落梳化
咁我已經發火啦, 咪推番佢一野囉....
之後就攬住一舊打落地架.....撞茶機都爆埋...
但就其實唔係打得好應....因為攬埋一舊...同埋大家根本都唔想打....
唉

* * * * * * * * * * * * * * * * * * * * * * * * * * *

咁響地下碌柒左幾野....整爛左d野....大家都放手啦, 唔通真係打咩 , 你估拍戲
我地先唔會on9到咁
不過我女友同佢女友就嗌晒救命咁.....
咁起番身, 都無撚野好講啦, 我咪叫佢走啦, 唔撚駛多講, 仲邊有朋友做
佢條女真係敢膽, 行埋黎指住我想屌鳩我, 我就喝鳩佢再嘈連你都打埋呀外星人
我老死就好慶咁奪門而出....我女友就喊晒口捉實我唔俾我再郁手...
情況有d柒, 又有d混亂, 又有d失望咁樣
唔知點

之後佢條女講多句"屌你老母"
就跟我老死走埋

而我之後就要安婦我條女情緒
跟住執地下d碎, 跟住先得閒包扎下
屌佢老母, 一世人兩兄弟, 咁撚大力推我埋台角....我成隻大脾腫到骨頭咁
屌你老母!!!


完
之後無聯絡

* * * * * * * * * * * * * * * * * * * * * * * * * * *

後記

1) 果晚打完之後有管理員上黎問我發生乜事
我話無事

2) 我晚同女友照樣扑野....但女上男下禁止, 因為大脾腫撚過隻豬

3) 我老死響yahooblog話識錯左我....仲話我無義氣

4) 好彩所有朋友都企響我呢邊, 但就屌鳩我點解唔打柒佢條女

5) 呢個故事教訓我, 朋友真係好難有一生一世


* * * * * * * * * * * * * * * * * * * * * * * * * * *

(剪貼至第十頁，全帖共廿一頁。)


(原文在這裡)

【嘔血撚】我老友今朝打俾我........................

阿老友今朝打俾我
我以為做乜鳩咁好死, 原來打黎叫我還番晒d DVD俾佢
真係好撚過癮又好好笑,
今時今日至知原來一個男人係可以變到做婆婆媽媽既女人
十成九俾佢條女同化左

咁我呢d做大小又唔計較既男子漢
就梗係唔同佢計啦
岩岩食完飯過左hmv
買晒果堆戲一式一樣全新既碟 (全blu ray, 無blu ray的話買隻新dvd)
聽日DHL去佢屋企
附送老婆餅一盒, 私人醒佢
係破費左少少, 洗左我成7舊幾水
但完全值得