又是 JUJU Aquamoist 系列，這一瓶是之前蘋果給我推介過的保濕卸妝水。話說我的 Mandom 那瓶卸妝水用完，湊巧我家附近又沒有卓悅，所以就又在屈臣氏尋寶去。想起好友的推介，找買來試試，果然是很不錯的一個產品呢！
強調弱酸性，無色無味，無礦物油和不含動物性成分，就是很溫和的一個產品。
溫和度和潔凈度絕對不輸 BIODERMA Crealine H2O！價錢也比之便宜得多(當然是比正價)，屈臣氏賣 HKD$75/200ml，跟日本的價錢差不多一樣。
三者比較的話則是最喜歡 (潔淨度和溫和度計) Bioderma > JUJU Aquamoist > Mandom。但是 Bioderma 香港買正價價錢實在頗貴，因我的用量又多又快，所以取之中道的 JUJU 是一個很好的選擇呢。
申延連結 -- 寫過的 JUJU Aquamoist 系列產品。分別有100% 透明質酸原液和Moisturizing Face Powder。
********************
另外這一瓶是日本 Kiss Me 卸除防水睫毛液的專用卸除液 (mascara remover)，注意哦！這一個「Kiss」和「Me」之間是有 space 的，因為還有另一個叫「KissMe」的牌子也有出產 mascara， 而且聽說也是很好用的。因為包裝上有個華麗風格少女的漫畫頭像，所以這個品牌在中/港/台也有稱作是「凡爾賽」或者是「花漾美姬」。
用法很簡單，就是像擦 mascara 一樣，以「Z」或「W」狀的方法擦在睫毛，稍微待 30 秒，就可以用沾了卸妝液的棉花輕易的擦走。一點力氣都不花！也不怕弄傷睫毛。而且出奇地防敏度很高，不會刺激眼睛，很輕鬆的就可以卸除那些難搞的睫毛膏了。無色無味，成分有作保濕用的野地玫瑰油，和帶滋潤成分的母菊提取物。
價錢約 HKD$50-70 不等，視乎你在哪裡買的水貨啦，總之原價約是HKD$60左右。SaSa或卓悅等均有售。
也有很多的不同日牌都有推出類似的卸防水睫毛液的產品，有空(和閒錢$$)也會多試幾個，再在這裡報告哦~
hi, 素顏, 太好了, 我掙扎買這枝remover好耐, 又怕唔識用...thanks!
有一請教:
"以「Z」或「W」狀的方法擦在睫毛，稍微待 30 秒，就可以用沾了卸妝液的棉花輕易的擦走"
是否指擦了這枝remover後, 要再用落眼的卸妝液才能切底擦走呢?
歐晶瑩 > 我無試過只單一用那個 remover, 不過可以答你的是, 譬如平常只用普通的卸妝液去卸好難搞的那些 mascara, 加了 remover 之後就變得很好卸, 不用用力去/扯/捽.
Mandom（滋潤型）、JuJu同Bioderma（藍色）我都有用過呀，三種都感覺好好，但係我做過實驗呢，發現Mandom其實唔係好夠乾淨，可能因為用滋潤型關係。
我平時如果化濃妝，就用油加洗面膏，化淡妝，就用水再加洗面膏；事緣我有排出左好多暗粒，facial小姐話我可能卸妝唔乾淨，叫我中間再加洗奶，我發現原來用完Mandom之後用洗面奶抹，仲可以抹到粉底出黎囉，好得人驚，但另外兩隻都唔會咁。
妳留意下會唔會？要小心呀！
桃紅三點式 > 咁驚? 但我無論用邊個 brand 我都一定會抹到最後一塊綿花都完全無色先停手, usually 會用 5-6 塊. 再即加洗面膏洗面. 如果好濃妝 (都無乜幾可), 我會先用洗面奶抹一次, 再用卸妝水同洗面膏.
咁我又無試過因為卸妝水出暗粒. 但如果我一用淨卸妝油就出事啦, 暗粒即標呀! 藍色油水分離我無問題的.
但講真 so far 最乾淨最穩陣都係 Bioderma, 我用得多又用得快, $$$ 好甘呀~
juju個隻我都用緊呀, 不過落唔到睫毛液囉, 點都要用左卸眼水卸左眼既makeup先.
反而juju隻水份洗面膏就幾好用呀, 又平, 用起泡網打出泡沫再按摩就行了~
剛想留言問JUJU & mandom 邊隻好D
就見到有comment呢~
呢度真好
不過印象中好似mandom最平...?!
但好似好耐冇o係SASA見到, 而家係咪得返卓悅有?
hihi,咁呢，我想問下如果一枝Bioderma 500ml咁計，你用幾耐到左右？講緊可能上班時候才化妝。 咁JuJu 200ml又用幾耐左右啊？
其實我仲想問下，有無一些平平地的面霜適合十到尾至廿頭的女仔架？你知啦，未出身嘛，咁貴又負擔唔起。其實平時唔係好掂面霜，so I have no idea，都不知點入手。幫到手就盡答啦，唔該晒~~
素顏，我都係抹都無野先再用洗面奶做測試，結果就係咁得人驚囉。
Bioderma如果妳係用紅色或者綠色，上樓買水貨salon裝500ml好似都係二百幾蚊，平好多，用得過架，但藍色就無咁平囉，我通常見卓悅有就買定幾枝，每枝$130到。
我的膚質比較適合用卸妝乳，
但這樣能卸得乾淨嗎？
還有哪個牌子比較好？
THX!!!!!!!
發佈留言