見到(過氣)明星

no offense，咁佢地真係過氣丫嘛！

尋晚響銅鑼灣一晚之內見到五個明星，
兩個仲要係海外o架添喎！

不得不佩服自己個腦可以裝到咁多無謂o野。
(如果我寫o野寫得好o的做娛記都有突啦~)

(嘩~ google 真係勁！咁都 search 到！)

第一個見到係同過陳冠希拍拖o既謝凱珊(Zita)！
據八婆雜誌媽咪姐專欄寫佢好似係結o左婚生埋仔啦喎。

(啦下主力係響大陸發展)

然後就見到拍過《這個夏天有異性》做許紹雄女朋友(！)o既蔡安蕎，
真人靚過上鏡好多喎~

巧合地謝小姐同蔡小姐都係作行政人員打扮著晒 suit 咁o架喎！
九成十轉o左行賣保險。

(2005年度大碟《一比一》，好聽過梁靜茹！)

然後呢~ 嘿嘿嘿嘿嘿嘿~呢兩個就潮o既！
見到台灣o既當紅偶像范瑋琪(拍過台版《愛情白皮書》)同黑人陳建州拍拖喲！
嘩哈~不過無人認得佢o地喎居然！

最後呢個，我 up 極都 up 唔出佢個名，
麻煩各位幫手解答，
貼士係：男人，80's明星，同曹查理一樣拍過鹹片，個樣好猥！
高同埋(當年)瘦！印像中專做o的二世祖壞人(溝劉德華o的女果隻呢)。

先到先得，答中無獎！

(後按 ─ 好快就有人答到啦！答案係翁世傑！鳴謝 Detective-R 阿倫 )