女人忙

究竟一日要有幾多時間先夠用？究竟點解生為(香港)女性有咁多o野要做？

外在，每日都要護膚洗潔面，化妝，卸妝，整頭髮，襯衫，隔日要清理下o的身體毛髮 (淨係呢一 part 都坐底 30 mins)，有時間要去修甲，無時間都要間唔中用指甲銼掃下，仲有做 mask 啦，深層潔面保濕磨砂美白，隔日又要做一次。仲有時間剩就要去做 gym 做運動 keep 住要瘦瘦瘦瘦瘦。

內在，keep住自己唔好 outdate 唔好老老土土，要追電視劇啦，本地要睇外地要睇，要睇 magazine，八婆要睇時裝又要睇，要留意本地音樂外地樂壇，要聽收音機，又要唔比人話無深度，亦舒要睇余華要睇達聞西個密碼都要睇。網上新聞組要 check 朋友o的 hompy 又要睇。

自己住，又要執屋又要洗衫一個禮拜抱12磅衫來回行六層樓，要拖地要掃地，有o的衫又要手洗，又要洗碗又要驚整鞋對手。

對人，朋友間唔中要見要傾電話要飲o野生日要飯局，戀外大過天男朋友唔可以唔見，屋企阿媽又投訴幾百年唔返屋企食飯詐晒形，仲有新加入，養o左隻貓，買貓糧買貓砂倒大小二便要陪佢玩。已經未計要 OT 要做 freelance 返工見客應酬。

忽然間有感而發je，時為 2.30am．我仲做緊 freelance，仲未沖涼等緊個客 reply，好累。