今朝起身，喊醒，嚇死 目訓 響我隔離o既男朋友。
發o左個好恐怖o既夢，比較長，當故仔聽下啦即管。
故事係 － 我去一個中學同學聚會，席間有一個我好憎佢o既女同學 A，
而佢當年讀書時代係做o左一o的事令我不能釋懷 (恕不能在此公開，too personal) 。
女同學 A 中學時代係果o的忌安系 －
即係肥屍大隻，醜樣，蝦蝦霸霸o既人。
長大o左，依然佢又憎我，我又憎佢。
飯局中一樣針鋒相對單單打打，然後真係打起上o黎。
唔知點解中途殺出兩隻老鼠，兩隻老鼠又想爬上我度
(個夢入面係有o的好 detail o既 close up, 嚇死我)，
然後個飯局竟然係響我舊屋企發生。
打到最後，我唔知點解會手執一支晾衫竹咁上下物體，一下遲疑，
佢用一個指甲銼插o左入我額頭正中央，然後我又吉正佢個心口。
咁個夢係我發o架嘛，
邪不能勝正，佢梗係死o左啦。
之但係我都唔好得幾多，變o左弱智(我無睇到《阿旺》o架！)，
最慘係男朋友又離棄我，
然後最尾個鏡頭係變o左弱智o既我食緊飯，流晒口水果隻呢，
咁跟住我就喊醒o左啦。
後尾我訓醒再諗，丫如果寫做劇本，不如話原來我就果個女同學 A，
因為愧對於我所以呢就發o左個咁o既夢。
再比幾個 shot 係解釋返成件事。
真人真事＋暴力場面＋煽情＋仲有詭異 twist 位，可以拍套《原罪犯》啦！
p.s. 現實生活中，聽聞呢位女同學 A 做o左導遊，瘦o左 30 lbs。
不過我依然好憎呢個人。
發佈留言