(男友攝於昨天)
轉頭話佢無事，果頭又o黎料，小貓再次屙爛 C。
於是我打比 aacat.com o既義工 K 小姐，
問清楚小貓本身有無呢o的問題先考慮帶佢去搵獸醫。
K小姐就答覆小貓本身係無呢o的問題，
但係佢聽到小貓呢幾日o既生活呢~
佢就覺得隻貓仔似係食得太飽喎~
攪到腸胃發炎~ 要先停止餵食一至兩日，
等佢好返先再俾小小o野佢食。
呢兩日如果係擔心佢身體軟弱，
可以開(少量)葡萄糖溝水過佢飲，或者飲寶礦力，
因為可以補充澱解質喎~
咁我都斟o左o的寶礦力過佢飲，
不過佢聞到唔多喜歡，都係飲返水。
尋日買o左o的貓用滴耳水，
用o的化妝棉(化妝棉用唔會甩毛果隻)幫佢抹下個外耳，
再滴一兩滴入佢內耳清潔耳道，
貓仔竟然又無掙扎又無反抗，
不知幾鬼 enjoy！lum 到死呀~
另外尋晚係第一晚放佢出 o黎 目訓，目訓我隔離。
哈！居然真係成晚粒聲都無出過！
神奇地乖到爆！準時八點鐘起身！
發佈留言