代麥兜去一次馬爾代夫? + 抽獎

*** 本文將暫時置頂至 08 Sept 2009,要看更新可直接跳過至下面,感謝。***

半夜收到讀友愛麗絲留言,說我贏了早前參加《ELLE》的那個「Queen of the Web 我最喜愛女 Blogger」選舉,一看之下......



果然是真的!!!!但讓我最興奮的,跟那個甚麼「Blog Queen」的銜頭無關,其實是因為有機會去一次馬爾代夫!





延申連結(一) -- 電影《麥兜故事》片段 (一) (Start at 2:50)

延申連結(二) -- 電影《麥兜故事》片段 (二)

看了以上片段的,我想各位小時候也有像麥兜一樣被「下巴輕輕」的父母欺騙過的經驗吧?譬如我,我阿媽就曾經承諾過我考試考得好就帶我和弟弟去東京迪士尼,當然這項承諾從未兌現過啦。小時候家窮,莫說去東京,跟本連飛機都無搭過。


我想住這種海上小屋好久的了 ......但那麼漂亮的 Lagoon Suites 不是禮物送的 package!

說回正經事。看了禮物一項的 T&C,還好可以在 2010 年 1 月前起行,我剛轉新工,probation 都未過,請假有難度。不過我有點疑惑:

package 是 5 日 3 夜,難不成有一天晚上要瞓街?
自問自答:雖然麥兜都有教,馬爾代夫是坐落於印度洋的世外桃源,不過地理知識貧乏的我剛剛才知道原來印度洋是好遠的,要飛 8 小時左右,跟飛去澳洲差不多......光是坐飛機都用了兩天。

包任飲任食,但不包機票(!) ,又不包接送*(!),要我自行游泳去?(*機場有需自行付費的快艇服務,20分鐘可達)
自問自答:如果以 peak season 價錢計,HKD$12,600/兩個人不包機票倒是 ClubMed 正常價格。加上馬爾代夫洗費極盡高昂 (e.g. HKD$30一罐的幼身可樂),其實又不是真的好過份,o既。

(photo copied from tripadvisor)

......渡假屋?

(photo copied from tripadvisor)

嗯......

(photo copied from tripadvisor)

er......

(photo copied from tripadvisor)

同樣都是洗澡間,這是 lagoon suite 天國。

本來我還是興高采烈的,但我剛發現了禮物送的 standard room,住的是這種沙灘上的小平房,(而且有可能是住地下......),其實我是想住海上小屋 suite 才想去呀.......

如要額外付那麼多錢,又算不算是偷雞不成蝕把米?
自問自答:計落條數叫做「人出豉油我出雞」。

剛才順路去過老牌「新X旅行社」問機票詳情,12月的,謂只剩新加坡航空,HKD$5500 per head,另加 Tax $1780!!!1 月的好一點,但都要 HKD$4000 per head。旅行社職員還說機位早就 all full,平價機票沒了,連其他航空公司的都沒了......當然我不是好相信,香港的旅行社良莠不齊,我都不是第一次被劣質旅行社欺騙說是無機位要加錢云云。在網上再搜索,澳門廉航「非凡航空」已取消了往馬里 (馬爾代夫首都) 的航班,我在「斯里蘭卡航空」的網頁找到一個 (中途要在 Bangkok 稍停站),12月飛同樣日期,HKD$3950。

有無任職旅行社的讀友可以代查機票的資料?最緊要平。(我在嚴重地思考去定唔去!)



無論如何,再一次謝謝各位投了我一票的朋友和讀友,很感激各位的支持。為了答謝各位,現我私人送出小禮物一份給各讀友。那麼禮物是甚麼呢?就是這「Nail Nail 現金券」一張,價值 HKD$500 大元!可於 2010 年 8 月 10 日前使用。男讀友可以抽來送你的女友/太太/媽媽,女讀友也可送禮自用。

抽獎辦法好簡單,只需連同你的姓名,聯絡電郵,一段 50 字或以上講述「我最討厭及最喜歡素顏天使甚麼?」 的文字一拼電郵至 djpatricia@gmail.com (注意:抽獎的本文留言不算數呀!),我覺得寫得最好的一位,就可得到這份小禮物,截止日期為 2009 年 9 月 8 日 11:59pm。得獎者將會由我另行通知,希望大家多多支持啦。
Alex 說...

Congrats~

匿名 說...

嘩好勁呀!真係第1,我都有投同埋都叫咗3個fds幫手開acct投,原來唔係造馬㗎喎!!!!恭喜!!!
乜咁孤寒唔送機票㗎!elle

Number Eleven 說...

真係有諗過你會贏的~
恭喜!!

Tram Tram 說...

勁呀!!! 恭喜恭喜!實至名歸!
我有朋友個家姐做旅行社,你quote到出面最平個價,佢應該可以再做平d,有需要就搵我啦!

puiyee 說...

嘩!!!!!!!恭喜呀!!!

匿名 說...

Congratulations!

Florence 說...

恭喜恭喜!我都想去馬爾代夫呀!

唔係要你瞓街啦,應該係時差問題,所以先係5 日 3 夜
club med有package係唔包機票同接送,但唔包有是少少過份

聶秀康 說...

素素:
Congratulations!
不包機票好似有些不完美啊!
馬爾代夫世外桃源情侶聖地...希望妳有愉快的假期.
*我那時是乘Sri Lankan Airlines 停泰國都ok的.

KKdance 說...

恭喜晒~~~~~ 咀啖先~ muahhhh! Congratulations!!!!!!!!!!!!
記得帶定大大樽防曬喔~~^_^

愛麗絲 說...

哈哈...其實我就是比賽中你的"鄰居"喔^^

原來不包括機票嗎?
(因為自知當選機會是零!...其實有票已經很好了......所以一直都沒有太留意獎品是甚麼喔:P)

Fco 說...

Way to go!! congratulations!

Layla 說...

犀利啊!!congrats!!!
我真係覺得你實至名歸^^希望你繼續努力寫!!


好正既獎品啊@_@不過你睇下我連留個言都詞不達意就知道我唔會贏...T_T

匿名 說...

congrats! :) i tried to vote but oversea voting was not accepted. i am glad you won! have a fabulous trip!

Unknown 說...

Congrats congrats!! so glad that you have won as I love reading your blog so much! Wish that you have dun have to buy a too expensive 'chicken'! LOL

Wings x

M 說...

Congrats!

我細個好似就係住個間「爛鬼渡假屋」,仲要係住地下!宜家起左咁多靚酒店仲以為佢一早折左添。不過Maldives既水真係好清好靚,夜晚個天空係滿佈星星架!我仲見到流星!希望宜家個度一樣係咁靚!

Maldives過多幾十年都唔知仲係唔係度,真係好值得去呀,你算好LUCKY的了,有生之年我都會去多次呀!不過個度真係幾熱,落機冇耐直情呼吸困難,好彩一陣就習慣。你玩得開心D呀,當JOIN左個有折扣既PACKAGE!

匿名 說...

package好像不太worth it、去Maldives不住海上小屋体験一下"海上生活"、浪費阿. Anyway, congrats on your win, your blog is the best amongst the contestants.

Susanna

hoyoyi 說...

那么有名的杂志,搞那么一个Queen of the Web 我最喜愛女 Blogger選舉,明知道power of blog, 但送出的奖品那么烂。。。送个豪华泰国phuket配套,HK SPA配套都好过啦。。。 人家还真的衷心谢谢你...

那么烂的馬爾代夫配套传开后真的笑死人。

希望该杂志的PR/MARKETING以后想清楚才办活动啦。。。家吓俾地同行笑死啦。。。

K先生 說...

恭喜哂!!!
我一早睇好妳架啦

匿名 說...

琴日睇果陣仲"鄧"你開心, 真係天堂與地獄呀!!!

ZU

潛水艇 說...

哈哈哈…妳個broken heart好應境,可能份禮品都係雜誌的客戶讚助的,所以質數係咁上下,如果還要自己科水幾千銀墊底?慳慳地走轉日本都夠啦!當然妳大少姐shopping另計.
無理由坐咁耐飛機去住長洲豆泥度屋ga,不如算把啦!我吾係笑妳,係好真心的advice,諗諗佢!

Siu Dee 說...

係因為時差問題﹐所以去到會係第二日零晨。另外﹐我覺得一D都唔抵﹐呢間酒店根本唔值所謂12600大圓。 我記得我細個去既時候﹐參加美麗華﹐5499坐斯里蘭卡航空﹐停斯里蘭卡7日5夜。點計﹐如果係要比成6﹐7000買幾票﹐又唔包接送﹐又唔知包唔包食(因為一日三餐都係晌個島度食)﹐去參加旅行團無甘嬲囉~

Suki Leung 說...

喂恭喜曬喎~我都有份投架~呵呵
希望你可能抵玩地去得成啦~
需然住就麻麻~但起碼有得玩下嘛~

匿名 說...

Congrad! We also voted! (total 3 votes) From Brenda, Rango and Marcus

匿名 說...

其實 Maldives 是很高消費的地方. 如果去 Maldive join 一個六至七千元的旅行團, 你只會住一些可能比圖中更差的酒店, 而且很多項目都要自費. Club Med 的賣點是有很多很多活動讓你參與(已包), 亦有很多很多人陪你玩, 我覺得其實比較適合一家大小或熱愛運動人士去, 無記錯Club Med 應該包食 (當然不是樣樣都包). 住其他酒店的Bangalow 或 Villa 至少三千元一晚, Club Med 應該不止這個價, 所以$12600 兩人的 Club Med 住 standard room 其實很合理. Maldive 畢竟不是東南亞啊.

S

Meling Lam 說...

恭喜哂!梗係要去啦,馬爾代夫過多幾年無得去o架喇。

maisie 說...

佢唔包你機票,咁你咪可以自訂往返日期囉?咁不如住完份獎品,再BOOK返晚海中suite還左個心願先返香港啦!
祝你旅途愉快!

匿名 說...

恭喜呀!!!!!!!!!!!!!!!!!!

希望妳最終去得成啦!


東區之友

Unknown 說...

congrats. you've got a lot of supporter... nice.

take it as the trip to start off 2010. that would be fun. you might even have no motivation to go again later. ;]

匿名 說...

喜呀!!!!!!!!!!!!!!!!!!

希望妳最終一個人都去得成啦!

舊同事

Una 說...

我之前都有幸係其他抽中去Club Med馬爾代夫,
不過同樣只包食宿, 交通方面要自己搞......
因為我同家人都覺得交通方面自己搞太難搞了, 上公司問佢可以訂但又指要訂後補位...太亂太難搞了, 所以都考慮不去了。
不過都恭喜你勝出了!! ^^

荒木茂 說...

不是海上小屋都沒問題,但那明明是一間‧長‧洲‧渡‧假‧屋~~
部電視幾經典!...去馬爾代夫,24小時在島上,如果間酒店豆泥成咁,真係會吐血死,除非你諗住在沙灘過夜數星星!

Miss K 說...

當然要去啦,clubmed唔同一般resort架!有gm同你玩而且包好多活動...
建議你再exdend住貴酒店2晚,先對得住張貴機票!

Designed by OddThemes | Distributed by Gooyaabi Templates