Summer Chic Nail @ Tiara Nail

(原文轉自 ilux.me 專欄)

夏天做的指甲我喜歡比較清爽一點的風格,最近又在養指甲,休息一個月的期間就先塗一下甲油。Nude Color 配搭天藍色的指甲油,再畫上金色的閃粉邊,簡單亮麗。是次手部價格:修手連兩色甲油(試做價) HKD$115 + 閃粉畫花 HKD$10@x2 + CHANEL 指甲油 HKD$80,即總數為 HKD$215

天藍色指甲油是 CHANEL 的 Les Jeans de CHANEL 系列 #551 CoCo Blue (上圖右),店主特地去買放店裡面的!

腳呢也是做了相同的款式,不過腳的部分是 Gel Nail 啦。(貼膠布是因為早陣子撞傷了腳指頭,太恐怖不便亮相) 是次腳部消費:Gel 腳 (Hard Gel) 試做價 HKD$297 + 修腳試做價 HKD$259 + 閃粉畫花 HKD$10@x2 即總數為 HKD$536

以上手部和腳部美甲也謝謝 Tiara Nail 的美甲師 Koey 和幫忙修腳的美甲師 Tiffany。

p.s. 這雙涼鞋我最近超喜歡,人見人愛,大家都問是在哪買的。其實是我淘寶淘回來的啦!只是 RMB$56,超值,呵呵~

-------------------------------------------

Tiara Nail
地址:銅鑼灣富明街 1-5 號寶富大廈 3 樓 L 室 (即么鳳樓上)
電話:2890 1610 (敬請預約)
營業時間:12pm-9pm
備註 (1):Facebook 專頁 - http://www.facebook.com/pages/Tiara-Nail/154119181301717?ref=ts&v=info
備註 (2):新浪微博 - http://weibo.com/tiaranail

* * * * * * * * * * * * * * * * * * * * * * *

說到美甲,這星期報紙也有很多有關美甲的報導,主要都是圍繞一些劣質的美甲店。除了手工差劣,衛生環境有問題,還有會給人坑錢的可能!《蘋果》報導的那一家位於旺角花園街的黑店名為「悅卿專業美甲(批發部)」,我好奇在網上一搜,果然在 UWants 討論區就見到有相關的帖......可是發原文的那位網民.....應該是來自火星的吧!當然我明白這位網民是一片好心,但是發這種帖的話請不要用火星文發呀!看到我火冒三丈、頭冒金星,也為了大家的眼球著想,忍不住手把火星文原文重寫一遍。

我不敢說便宜就一定沒有好店,但是觀乎報導內文,那家店很明顯就是那種深圳羅湖商業城格局的(黑)店,還有鄉音大叔阿姐為妳服務。做美甲就是想要「美」,像這種店還有美的可能嗎???自己小心選擇吧!


火星文原文:
Gel甲 黑店..花園街(幫人轉發)
我朋友係花園街(火警前面小小) 1間叫做悅卿專業美甲批發部 既黑店 整Gel甲..(第1次整)
去到問個大陸女人..佢話180蚊..甘入左去整,,之後佢做完打磨同塗指甲油啦..
就用施華洛水晶 好似d芝麻閃石..痴左1隻手指問令5令..之後話要3蚊1粒..
狂叫我朋友痴晒10隻手指..之後我朋友5很..佢就痴左6隻..平均1隻有40-50粒石..
我朋友問佢 甘咪好貴?1隻手指幾多粒a? 佢話整好先計.. 之後仲好似黑sale叫你5整石果4隻手指
印個花姣 ..佢印完一次俾你睇 問你要5要..1隻手指計30蚊wo.. 我朋友話5要 佢話收你20蚊1隻啦-.- 我朋友都知道佢地想呃錢 之後5要..如果要埋又多120蚊啦 4隻手指..因為6隻俾佢做左痴石..
仲要2個大陸女人一唱一和係到黑sale..話好多人整 d人話錢5係問題 最緊要令
話美客院收開8蚊1粒施華洛水晶石.. 之後話佢之前收開15蚊粒..遲d新年期間都會15蚊wo..
3蚊粒 =1對手痴石=1400蚊 15蚊粒 =1對手痴石 =7千蚊 ..係5係搵老親架吹到甘..
但我朋友當時好驚 5知點做..變左好似焗住 5敢出聲..最後埋單1000蚊..佢仲5問人地 最後5問我朋友要人買埋1支叫左cuticle revitalizer oil 80幾蚊..話塗完5會卜起 ..
事前又5講 每樣計錢? 我朋友係好內弱 5敢出聲..佢朋友話幫佢出頭去理論 但佢5出聲俾錢就走..錢都俾左 去嘈都無用啦…
但我想俾d姊妹知道..呢間野真係好老屈 …1000蚊會5會過份得離譜a..
我朋友係蠢左 不過佢都5想有第2個受害者 所以要通知大家..
我朋友第一次整 都怕左啦…一直都好5開心 覺得好似水魚..俾人蝦甘..班友仔睇人呃..

我的火星文翻譯:

花園街 Gel 甲黑店

我朋友喺花園街 (消防局前少少) 一間叫做「悅卿專業美甲批發部」嘅黑店整Gel甲 (第一次整)。

去到問個大陸女人幾錢,佢話HK$180。咁朋友入咗去整,之後做完打磨同塗指甲油啦,就用施華洛世奇啲水晶 (啲閃石好似芝麻咁細)。黐咗一隻手指之後,就問我朋友覺得「靚唔靚」,個大陸女人就話要HK$3 / 粒,又狂叫我朋友黐晒10隻手指。

我朋友唔肯,咁佢就黐咗6隻手指,平均1隻有40-50粒石。

我朋友問佢:「咁咪好貴?一隻手指有幾多粒呀?」佢話整好先計,之後仲好 Hard Sell,叫我朋友無整石嗰4隻手指都印個花。

佢印完一次俾我朋友睇,問:「你要唔要?1隻手指計HK$30喎。」咁我朋友話唔要,佢就話:「咁收你HK$20 / 隻啦!」我朋友都知道佢哋係想呃錢,就想唔要,6隻手指已經俾佢咗石,如果4隻手指花又要多HK$120啦。

期間仲要兩個大陸女人一唱一和,喺到 Hard Sell,話好多人整,「其他啲客都話錢唔係問題,最緊要靚!」又話美容院係收開HK$8 / 粒施華洛世奇水晶石。又話之前係收開HK$15/粒,遲啲新年期間都會賣返HK$15 / 粒喎。

計下條數,HK$3 / 粒石,一對手黐石即是HK$1,400。HK$15 / 粒的話,一對手黐石即是HK$7,000?!係唔係搵老襯㗎?吹到咁誇......

但我朋友當時好驚,唔知點做,變咗好似焗佢咁,又唔敢出聲。最後埋單HK$1,000,個大陸女人仲問都唔問就收錢,之後又唔問我朋友,要佢夾硬買埋一支叫做「Cuticle Revitalizer Oil」嘅嘢,成HK$80幾,話塗完啲指甲唔會卜起。

事前又唔講係每樣計錢?無錯我朋友係好懦弱,唔敢出聲。佢有個朋友話幫佢出頭去理論,但佢唔出聲俾錢就走咗。咁錢都俾咗,去嘈都無用啦!

但我想俾呢度啲姊妹知道,呢間嘢真係好老屈!HK$1,000 會唔會過份得離譜呀?!

我朋友係蠢咗,不過佢都唔想有第二個受害者,所以想通知大家。我朋友第一次整指甲,之後都驚咗啦,仲一直都好唔開心,覺得自己好似水魚俾人蝦。美甲店班友仔睇人呃㗎!

Sa 說...

原文才是整件事最精彩的一part ~~ 恕我才疏學淺, 認真令我大開眼戒.

Charlene

Sa 說...

原文才是整件事最精彩的一part~~ 恕我才疏學淺,(睇完原文+翻譯之後)認真令我大開眼戒.

Charlene

Sue Chan 說...

對鞋真係好得!可唔可以比對鞋淘宝條link我呀?

mei 說...

火警前少少應該是指之前發生縱火案位置的前少少,那兒附近好像沒有消防局~:)

素顏天使 說...

mei > 可能你啱,我唔識睇火星文呀~

Unknown 說...

WHAT is the brand of your watch btw? so nice ah^^

Poe 說...

Yeah nice watch!

SerenaG 說...

Love ur watch!

素顏天使 說...

Chau Lei Chan > TRIWA http://plainfaceangel.blogspot.hk/2011/06/triwa.html

Th'is Janelamm 說...

花園街整條街的美甲店,大部份都挺危險的。我的個人經驗,笑臉形人歡迎你坐下,到你開始被修甲後,就會不斷游說你轉GEL甲,說很抵很抵只是399什麼什麼;個人企硬仍然不斷游說,到駛出黑面發怒,修甲師亦黑面回應,求其整腳還付加一句:求其比D 10元個類的腳油你得啦....小心小心。

Designed by OddThemes | Distributed by Gooyaabi Templates