自己做.瑤柱花生鹹瘦肉粥

天氣忽冷忽熱,害男友生小感冒,發燒。昨天晚上就立即浸好了乾瑤柱和花生,預備今天來煮粥給他吃。

因為男友喜歡吃煮得很綿的粥,所以水在比例上可酌量減少。(vice versa)




瑤柱花生鹹瘦肉粥 (2-3人份)

材料:豬瘦肉 ($5),乾瑤柱約 4 大顆,花生一大把,荵花一大把,米約1嘜

做法:
1) 瑤柱和花生略略沖洗後,分別以熱開水浸過夜。
2) 瘦肉洗淨,以廚房紙巾索乾水後,滾刀切一口大小。
3) 下 2 茶匙幼鹽,1 茶匙生油,1 茶匙生抽到 (2) 調味。拌勻,最好可以醃過夜 或 最少醃 30 分鐘,備用。
4) 瑤柱手撕成碎,水不要倒掉,備用。
5) 米洗淨後浸水,最少 30 分鐘,備用。
6) 燒一大鍋水,水滾後下米,瑤柱絲,瑤柱水,花生,瘦肉。
7) 武火煮 30-45 分鐘,關火。
8) 吃的時候撒上荵花即成。

要煮一鍋不黏鍋底的粥是不用法寶的。小秘訣是煮的時候用高身鍋,千萬不要蓋上鍋蓋子,並一直以武火來煮即成。因為水滾的道理,用文火的話底下的水不能流動,就很容易黏鍋了。加速米煮開的辦法則是三不五時搞拌,道理上就跟煮 risotto 一樣啦。

我在煮的時候男友已經頻頻說好香好香,瑤柱下了好多,顏色金澄澄的很漂亮。味道超鮮美,一顆鹽也不用下的呀!:)
匿名 說...

唔好意思, 我想問下咩叫做"武火"..thx

素顏天使 說...

P > 武火 = 大火/猛火, 文火 = 細火/弱火, hope it helps :)

匿名 說...

我愛人病時我會煲紅蘿蔔肉碎粥比佢食,感覺上有營養d ^_^
不過你個粥係煲得好靚.

b2222j 說...
網誌管理員已經移除這則留言。
素顏天使 說...
此留言已被作者移除。
b2222j 說...
網誌管理員已經移除這則留言。
素顏天使 說...

andy > 如果你不是來搞事的一分子, 先說句對不起, 不過我實在沒能花心思來應付一切的問題了, 謝謝.

這個是粥粉麵飯也好, 男友喜歡吃就可以了吧, 對不?

b2222j 說...

comment 評論,
我都係有果句講果句, 各版友, 我之前打的係話佢d粥似糊仔,同埋唔係叫做棉, 甘都kill post, 你有冇搞錯呀! 如果你個blog 係要人留d 美麗/贊美的說話,唔比人批評的話. 我冇野, 我又唔係鬧你, 又唔係xyz你, 亦冇話你男朋友, 所有想法都係你一廂情願的, 如果小小批評你都接受唔到, 你咪將個blog 放上網啦!

素顏天使 說...

andy > 咁你想點? 你死纏爛打問我咩叫綿, ok, 我覺得咁樣就係綿啦, 綿唔綿稀唔稀都係好個人的感覺. 我 delete o左你 post 因為今日有多過 20 個入來搞事的 post, 我同你三唔識七你亦無留過言然後第一句就話我o的粥好似白膠漿, 我唔覺得咁樣係好友善o既表現, 亦好容易令我將你同其他搞事o的人撈埋一齊.

如果你係想要一句 sorry, 咁 sorry 我 delete o左你 comment. 如果你接受唔到呢個 blog, 就 hi and bye.好簡單.

講完.

b2222j 說...

喂小姐, 說話唔可以甘講, 我無纏爛打問你咩叫綿, 如果你覺得批評係搞事, 我也沒有說話好講, 我同你三唔識七, 上網相信好多人都係三唔識七, 如果你係識得先可以留言, 唔該你講明第一句不可以批評你, 我唔係要你講sorry, 指係你放個blog 上網,如果唔係讚美/ 支持你的人就當搞事, 我覺得你仲好有問題囉, 作為一個blog主你好唔客觀囉, 有殺錯冇放過的感覺.有事有d野唔係你做左出來就係好好, 你都識寫食評去評人喇, 點解你可以評得人, 人地唔評得你呢 ?
所謂己所不欲, 如果你係唔受得, 甘你都唔好批評人啦.

素顏天使 說...

Andy > 你要批評, 隨便. 但唔代表我一定要接納或者你就等於客觀/正面/o岩晒. 再講, 呢個係個人 blog 唔係 forum 游o左出公海, 點解我要客觀? 我鐘意o的咩唔鐘意o的咩同你有咩關係, 意見同你一樣就係客觀, 同你唔一樣就係主觀, 咁你都真係好客觀.

我承認我今日係比較神經質, 所以你一開波我就覺得你o黎玩o野. 之後見到你兩個 post 又唔似係玩o野, 我都有同你講聲唔好意思, again.

不如咁, 你問下你自己夠竟係想點? 其實我接唔接納意見關你咩事或者對你有咩實際影響? 至於我肯唔肯接受意見, 大部分時間都肯o架, 但一定唔係個粥唔綿囉 lor.

b2222j 說...

我覺得你唔應該動不動kill post 然後話人玩野, 甘樣, 其他人看不到的, 以為我真係玩野.那是對我的影響.

仲有, 我唔係叫你接受我的批評, 只係想你唔好係又kill 唔係又kill, 這會令我甘覺到好似因為我批評你所以被kill!

匿名 說...

素顏, 中醫話瑤柱有補身的作用,生病時不該吃啊!!!祝你男友早日康復.
你也不要為這上小事上心,這會影響你的健康啊!^_^

素顏天使 說...

andy > 好呀, 你o的 comment, 我唔會 kill, 咁, ok?


jj > 呢樣真係唔識, 謝謝指教, 咁病o左煲咩好呀? thank you.

匿名 說...

我都認同 Andy 所講, 我都覺得Blog 主o岩聽就POST, 唔o岩聽就話"你可以唔睇架!" o甘不如唔好POST 上網啦!何謂交流? 我見其他BLOG 好的不好的評語都照POST, 怕咩俾人話?

我都覺得D粥唔綿,但都唔關我事,反而我都覺得佢番說話有COPY 阿蘇之嫌.

匿名 說...

應下果皮,果皮正氣,驅邪,更驅小人!!!但我自己卻不喜歡果皮的氣味.生病時,我寧願吃簡單的白粥.
贊成你稍作休息後重新寫blog.*fingers crossed*^_^

hoyoyi 說...

有脆脆的花生向碗粥里面,吃下去的感觉真好!!!

Hi Andy, this is just a bowl of porridge...~

匿名 說...

hi Su Yan,
I really enjoy reading your blog everyday~~
add oil and keep up the good work!!!!
looking fwd to your return!!!!

Designed by OddThemes | Distributed by Gooyaabi Templates