早前在 blog 介紹了《鬼太郎》的電影版，說想要看《怪俠多羅羅》，翌日就收到同事 I 小姐送我的換票証了，真好。但上兩星期事忙，結果拖到星期五才跟 R 小姐去看。
劇情不贅，如果有看過手塚老師的原作的話該是已經耳熟能詳了。妻夫木聰演來帶點木獨，不過角色百鬼丸的性格又本該如此，但以看靚仔的角度來說當然想他笑多一點啦。有影評批評柴咲幸演得浮誇，不過我偏心她，我覺得她演得好可愛，可愛不一定是要長得像澤尻英龍華那種模樣的啦。
電影有大量的怪獸角色設定，不過，成績就有點參差了。好幾款的怪物都做得有點「hea」，其中有一隻沒有手的長舌龍，跟百鬼丸對打那段活脫脫是那些陳年特攝製作水準，動作也滑稽得很，但是只有 7 歲小孩才懂得笑那種水平囉。我頗喜歡的土屋 Ana 飾演其中七女之母一角，她變了做一隻雀飛奔月球那一段老土到喊。
不知為甚麼，電影長達 2 小時，中段入城後好多部分都變了做慢動作，是故意的把電影拖長，看得有點辛苦。但無論如何對我來說也是很值得一看的，我可是手塚老師的大粉絲呢！
題外話一則，這星期天本該是訂了票去看土屋的《惡女花魁》，但是我還未收到票呀！！！！HKIFF 是不是「o蓋」了屎？我打了那個熱線不下二十次，沒有人接聽不在話下，連留言服務也沒有，發了電郵又有如石沉大海，那麼我是不是該報警求助說被 HKIFF 騙了錢呢？
Official Site (日語)
我經已收到1/4果張飛，因為係褂號，會唔會你屋企無人，如果寄去office，可能星期六派咁咪無人收，不過都會留張card叫你去郵局
早前報章話d人收唔到飛之後，佢地條hotline淪陷，send fax 比佢地可能會好d，祝你好運
訂左幾多場? 只係得呢場收唔到?
有無收到 confirmation email? 有就拎個 print out 去 HKIFF Office 叫佢地直接出信, 憑信入場就得啦.
我訂左 15 場, 收到飛但爭一套(31 號), 另有一套 complimentary(揀左 27KG3E1), 共 2 場一直無消息, 我都係 27 號臨開場 1830 上去文化中心 4 樓拎信, 然後落樓下排隊睇戲!
juneone + lulu > 我訂o左3場爭1場《惡女花魁》. 無收過 confirmation email, 但信封入面有張紙話我 suppose 係收到 3 場的.
但問題係我係會去葵X睇 (第1場係文化中心我就唔到時間), 我如果拎住張紙去但唔比我入場咪仆街? 車錢都蝕埋?
問過識 HKIFF 入面o的人o既人, 話佢o地今年亂 Q 晒龍, 我個 case 估係漏o左貼張「會補寄返張飛比你」o既 sticker/memo, 不過我唔樂觀, 今日禮拜三都係音訊全無, email 無 reply, 電話打唔通.
唔知點算.
發佈留言