《深愛著你》



雖然《和味濃情》一劇「膠」味甚濃,雖然陶大宇扮戇直青年很倒胃,雖然也不喜歡藤麗明的女鬼造型,更不喜歡為甚麼全港第一號「裙腳仔」楊經經會給編排和美人廖碧兒作一對,也對那種硬銷介紹日本美食的做法相當反感;但我著實很喜歡看駱應鈞和惠英紅.也很喜歡看秦沛,更喜歡是片中的一首《深愛著你》。

這幾天腦內都不停狂 loop 著這一首歌。



《深愛著你》陳百強
曲 : 林哲司 詞 : 林敏聰 編 : 徐日勤

你說過愛在我一生裡
有過快樂與心碎
你說過愛在我的身邊
悄悄看我熟睡
聽說你在這刻想我
聽說你在記起我
我也記著每刻往事
也記掛你在哪兒
時日如飛 今天在我心裡
是充滿不褪的記憶
時日如飛 我似呆在這地
任一天天過去 任一生飄過去
任一切飄去再沒法追
心中想你 如今想你
懷念昨天的你
懷念著你 懷念著你
紅著淚眼在記起
心中想你 如今想你
懷念昨天的一切
懷念著你 懷念著你
流著淚眼自覺得深愛著你

12 則留言:

BusyBee 說...

同意 1: 全港第一號「裙腳仔」楊經經
同意 2: 很喜歡看秦沛
同意 3: 我今日都成日 loop 住"深愛著你"!!!! 之前睇果時仲一路睇一路跟住唱添!

人大左聽呢 d 歌真係特別有感觸!
(當然 danny 都係其中一個原因)

melanie 說...

淨係睇過呢套戲幾幕,你唔提佢係楊天經,我仲一直似為佢係石修個仔......

細個聽《深愛著你》冇乜感覺,人大左就慢慢開始欣賞,更鍾意陳百強既演繹。好似佢呢種有才華同時又有class既歌星係香港已經絕種。雖然現今仍有少部份唔錯既創作歌手,但佢地都係o係外地長大受教育,同埋級數都係差少少,其餘淨低既唔係內裡空洞就係面目模糊既歌手,都幾悲哀。

閒人 說...

我都好鐘意呢隻歌!!!!

莎莉蛋糕 說...

《深愛著你》是好歌一首,卻被編劇硬加來推劇情,糟蹋了!

最憎"大乳"哥叫「阿me啊~~~」果把聲,煩到無人有!阿me的設定(行為+齊蔭頭),有點像小丸子。

倒是"經經"的表演尚算自然(雖面目仍然可憎),他還是遠阿媽好一點。

素顏天使™ 說...

莎莉蛋糕 > TVB 好興把一些歌放到劇中狂播洗腦,遠至《壹號皇庭》(定係《妙手仁心》呢??)時期的「Big Big World」,近至《溏心風暴》果首「Vincent」/「My Love Will Get You Home」,不過今次用中文歌咁解je。我懷疑TVB有同的唱片公司夾埋,唔係果的「Forever Love Song No.1 Mega Hits」系列點樣長出長有。

hahaha, 你知唔知我最近同男友狂玩呢個「陶大乳」遊戲,就係有事無事都大叫「阿me啊~~~」,其實大乳哥佢叫劇中的任何一個人的人名都係同一個tone,「阿寶啊~~」「師傅啊~~~」,當然,「阿me」係出現得密度高的。

無論如何都接受唔到楊經經,見到佢個的扮晒入世未深情深款款樣就好想嘔。

素顏天使™ 說...

melanie > 我細個都唔鐘意陳百強架!! 可能因為我學聽歌果時佢 plug 緊《神仙也移民》(his WORST song ever!!!) ,覺得好leung。但係而家人大左就開始識欣賞佢,好可惜香港少左個咁有貴氣又咁有才華的歌手。

莎莉蛋糕 說...

「Big Big World」係咪o向「刑偵3」狂sell?

素顏天使™ 說...

莎莉蛋糕 > 噫? 係喎又有的似係"刑偵", 不過是但啦, 都唔係好分到邊套打邊套了.

難渡怖山car 說...

no video no talk.

素顏天使™ 說...

難渡怖山car > thanks for the link and long time no see! 我以為你無睇我 blog ga la~ haha.

難渡怖山car 說...

做咗CDROM je,覆親post,就抵5住頸成日click,睇吓有冇人搭爹;早排有時間都揾吓"blink咭"la XDD

匿名 說...

我都很喜歡看駱應鈞和惠英紅, 尤其駱應鈞, 笑笑口的 "花弗"造型, 正
最喜歡的一段是 惠英紅駡駱應鈞是"老淫虫", 但男的只認是淫虫, 不認老。