自我挑戰賽 之 貼假眼睫毛篇

雖然已經沒有再追看《超級星光大道》,但實在喜歡它的這個「自我挑戰賽」作為定期題目。

話說最近我好有興趣玩貼假睫毛,因為覺得說像我不會「出貓」的女生拍起照來不公平哇。明明自己的眼睫毛很長 (這是我頗為引以為傲臉上的唯一優點),可是因為現在人人都會貼假睫毛,就是你知道那個女生她的眼睛其實很小,可是貼了之後跟我的一樣大!這是怎麼搞了。

諷刺的是,男人從來看不出來。

不過我這個貼假睫毛的路途實在崎嶇迢長,雖然我也有被化妝師幫我化妝的時候貼過假眼睫毛的經驗 (profile 那張相的妝是化妝師化的),可是自己來貼的時候還是被睫毛刺的疼,刺激到流眼水 (好拮眼呀!)。貼假睫毛是我的化妝路上的污點,怎麼貼來貼出都貼不好,要麼就是邊位會飛起來,要麼就把原本的眼妝弄得一塌胡塗,連連失敗,讓人氣餒。

以下是我買了的一堆「架生」,貼出來讓大家看看。


日本 KOJI「eye talk」雙眼皮膠水,名化妝師 Gary Chung 推介,謂其替徐子淇加大對眼的神秘工具之一 (加深雙眼皮及眼窩令整體輪廓加深)。其實我也是雙眼皮的,所以這個膠水我只是買來是貼假睫毛用。卓悅購入,買了好一陣子,日本製,HKD$32。


練習用,都是 KOJI 出品,「Spring Heart #01」。人生首對購入的假睫毛 (附膠水),已經玩到爛晒,不是很適合翻用。梗夠軟,自然風,貼了跟沒貼是零分別。日本製,購自卓悅,HKD$20。


吉之島 $10 店購入假睫毛 (附膠水),也是練習用,不知名品牌韓國製,HKD$10 對,剪開用爛了都不心痛。一開二是加重眼尾部分用,梗好硬,不好貼。


最後這個買回來之後未用過,因覺好像有點太誇張,拍照用則剛好吧? 美國品牌 ANDREA「mod lash starter kit」,有一對假睫毛 (#45 Black),膠水和一個用來方便貼睫毛的夾子,只是 HKD$19,made in China,購自 SaSa。


日本 KAI 貝印出品夾假睫毛用的夾,夾子的手感不錯,還有個座,看來有點多鬼餘。不過對我這種新手來說有比較方便的,日本製,HKD$29,購自卓悅。

貼假睫毛的步驟基本上我是很清楚的,化妝書有教,報紙有教,日本雜誌圖文並茂地教,《女人我最大》之類的電視節目也有教。但不知怎的就是貼來貼去都貼不好,該是我手太笨拙了吧!

我下了決心要在週日前練好,因為週日晚上要去美女 P 小姐的婚禮,要靚呀~靚呀~靚呀~靚呀~ 靚呀~ 各位高手如有甚麼心得傳授予小妹的話歡迎留言,謝謝。
エリー 說...

我之前也是第一次貼假眼睫毛,
這是我的小心得...
(我用shu的假睫毛和koji的黑色膠水.)

首先睫毛眼頭部份剪短一點就不會刺到眼睛,假睫毛兩端多加一點膠水,
然後貼的時候一邊用手拿另一邊用夾拿,
先貼中間然後再貼兩邊,
這樣方便修正睫毛兩端也不會翹出來,
夾睫毛以後再用無纖維的mascara就可以.

希望可以幫到你喔~~

b 說...

1) 貼前先屈一屈假眼睫毛條邊(輕手), 整軟少少會易d貼, 因為似番眼型。但如果個假狗(?)已用n次,好軟就唔好再屈,如果唔係好難貼。

2) 膠水搽左等一兩秒先貼會實少少。

3) 我係用眉挾(?-->好似寫錯字)夾住貼, 先貼中間, 再壓左右兩邊。

4) 貼完先畫眼線, blur左假眼睫毛條邊同埋你眼睛上面條邊, 有時覺得貼得唔靚,係2條線唔夠埋既問題(某d眼型係點貼都唔夠埋), 畫完眼線blur好左就唔覺

5) 如果你眼睫毛本身長,貼完後要用睫毛夾, 反覆夾多幾次將真同假夾埋先會自然,咁當然係貼到實先開始夾。(貼前都要夾,但不用誇張夾)。

6) 溫馨提示:如果你本身眼睫毛夠長,平日搽mascara就gd enough,非喜慶/大場面的話盡量都唔好痴假野;雖然影相真係無咁靚,但痴得多,眼皮會鬆+眼會下垂,始終佢都有重量。

Meling Lam 說...

我比較懶呀,喜歡植睫毛。另外Gary 教了一種塗睫毛=植睫毛咁長的特長塗睫毛法,有機會跟你share。

匿名 說...

用上假睫毛,男人絕對會感覺到有點不同的!
只是一般男性沒有我這般愛看女生的睫毛,因我最喜歡與她們鬥長度!

劏牛佬

lolobaby 說...

you know what My boyfriend really hates it ..
he said it just freaked him out and it's a big turn down for him everytime when i wore that and i will suggest you go those MK centre beauty store to buy those made with ""real" hair. . it's very easy to use .. just msn me or anything if u want to know about hw to use =)

匿名 說...

其實你用KOJI 膠水係好正確GA.E 個牌子係我用過最好用GA,.
另外毛如果要自然但又長又密, 可以用台灣毛毛.
分別有NO. 728.
如果想有修長眼型, 可以用前短後長O既毛.
我用過最好O既都係台灣. 叫交叉7 黑.
E 個公主李係好好用GA, 我有幾個化妝師朋友都係用佢ga~

dearwater 說...

除了這些工具外,你還可以買個$20元的扁篏幫忙。用扁篏夾著睫毛,然後順著角度貼上,就可以。

素顏天使 說...

(shit.... 真係全世界都貼得掂, 得我一個唔識貼咋喎.......T_T)

エリー > 如果我買 Shu Uemura 的假睫毛我諗我係唔會夠膽落剪剪短佢, 咁貴一對假睫毛可以翻用幾多次到呢其實?

b > 超詳細! 感謝! 係啦我貼極都係兩層o野咁樣.

Meling Lam > 我見到你上次在 KP 植果個都覺得好靚, 都有o的心動但係我 check 過巧貴喎, $900 (包一個月內修補一次)+$300(透明 mascara)+$300(黑色 mascara), 同埋唔捽得眼.

劏牛佬 > 男人長眼睫毛.....唔知點解諗起《十兄弟》!!!!

lolobaby > 我提膠登, 都好多巴打話憎女友化妝, 然後見到o的化o左妝o的女女又話好靚人地無化 (可能只係淡妝), 所以......男人唔係好識睇呢o的o野, 哈哈~

匿名 > 唔好貼拍賣網址, 怕有幫人賣廣告之嫌. :) 公主李我想買來試但有人話拍賣網有假o野, 之前有朋友去開台灣我都有叫過人地幫我買, 不過朋友唔識邊度有, so 買唔到.

dearwater > 我好似都又隻呢o的夾~ 等我又試下先, 腥橋!

エリー 說...

shu uemura的小姐說可以用到四至五次,
可是我第一次用清洗的時候已經整爛了...
這些東東還是買便宜的粗用比較好~~

公主牌的假睫毛在zing的化妝學校可以買到,
這樣就不怕買到假的了~~

匿名 說...

OH~不好意思哦~
其實唔一定要公主李, 台灣出O左好多隻牌子, 只要係 728, 交叉7 黑都自然GA!.
我O係台灣買都唔係公主李, 因為好難買到GA!. 普通O個D 牌子都係$40-$60 10對, 我見過格格相有得賣, 但我唔記得係邊到呀...我今日幫你1睇下CWB 有冇先.~~
不過我覺得你唔好接假毛, 因為本身你D 毛咁靚, 如果當你接O左D 毛. 而處理得唔好, 自己條毛好易隨條假毛掉下來..到時生返有可能變得又細又幼, 你會好心痛GA..因為我係咁囉,.E + 要焗住日日痴毛.~~
P.S 其實我想同自己名. 但POST 唔到wo.只好繼續唔用名啦.

素顏天使 說...

エリー > 知唔知 zing 賣公主李賣緊幾錢?

匿名 > 即是所有台灣出的假睫毛都係相同 number 咁o架??? 我本身o的睫毛同我貼 spring heart 果張相差不多咁長 (應該仲長過佢少少), 所以貼了好似無貼咁.

p.s. 其實你打 comment 時打返你個名就 ok 啦 或者 揀 名稱/網址 再打你個名咁啦~ :)

dearwater 說...

記住頭尾都要留5mm位呀,咁貼出黎效果會好啲,同埋要先定好位,再貼實。頭尾要多加膠水,貼緊,45度貼上,咁就一定貼用靚靚睫毛。

エリー 說...

zing賣的大約HK$120十對,
之前在雜誌見到但我本人未上過去買.

paradarz 說...

我完全攪啲假睫毛唔掂
貼到好似好多眼屎jam住晒啲睫毛咁

maimai 說...

HI 我是匿名呀/!!!
係呀, 所有台灣毛D 冧吧都一樣的.
只差在毛質方面.但我用過好多隻都OK, 而且我可以告訴你. 這個728 是我做SHU 的朋友介紹我先開始用.佢地會定期集體訂購GA.
唔知點解我好想幫你.其實本人在假毛O既路途上.跌碰O左好久..我唔想你在重要的日子唔靚囉..如果你想貼D 真係可以TRY 下用眉夾.因為你有留指甲. 好X易隊到隻眼GA!!!
P.S. 一般眼型O既話CUT 2格就足夠..
首先選好痴頭先定尾先.痴好一邊再用夾痴另一邊.此時條毛仲未貼GA!..要用夾拾靚返條毛.推入去.你用KOJI 的好處就是,..如果痴痴下條毛甩O左一邊都可以用掃掃D 膠水上去.就唔使整條再痴過了.
當技巧掌握好了,可以用KOJI 支黑色膠水.都好好用GA!..但要帶定粉紅色O個支出街.以防條毛甩丫MA!!!
因為你之前用O既唔係手工毛..係膠, 所以容易D 彈起/.你可以幫佢地按MORE O左先痴..
另外我想講我用EYE TALK 痴眼皮.痴到過敏囉..唔得GA!!!!!好易痴鬆D 皮.用膠紙好過.
因為有O左膠紙同假毛.我由內雙變O左大眼仔囉...
PPS.我覺得你現在的化妝技巧好O左超多.比起N 年前你在HOMPY POST D 相..索O左好X 多WO!!!=]

hoyoyi 說...

hahaha... Patricia, i also not able to fix it on my eyes... lol

匿名 說...

我係sweetyapril,成日睇你個blog~
你不如試下痴佐膠水之後彎一下假眼睫毛~~~咁會易貼好多既(平時人地教係彎曲佐佢先痴膠水既)
仲有唔好痴得咁近眼頭,條梗太近眼頭會刺到眼好敏惑既皮膚既
台灣既假眼睫毛,我覺得千緹比公主李好用~因為佢既梗係比較硬少少既尼龍繩,可以用到4,5次~我一對都起碼用到5,6左右既~家下靚靚都有入台灣既假眼睫毛

KKdance 說...

好耐世紀前買過對shu uemura 的假眼捷毛, 預先分開一小去塊(一開四)的... 覺得有點貴, 我唔敢touch >.<

Designed by OddThemes | Distributed by Gooyaabi Templates