襯唔襯

太古坊一帶o的 OL 出名水準唔錯，要靚o既有靚，要型o既有型，有好多又靚又有型。但係今朝見到有兩個，勁出事。

第一個，身高 5ft4，中等身型，年紀卅頭，長髮。

‧穿今年據聞又會流行返o既恤衫款連身裙 ─ 不過係灰藍色格仔，裙竟長至小腿腳瓜郎。出事位 ─ 好似檯布！仲要係用舊o左果隻！

(小圖為 Chloe bag)

‧子貝 了一個該是扮 Chloe 的 Rabenca 袋 (OL界很流行，唔記得點串)，深啡色皮。出事位 ─ 唔襯色唔襯衫！

‧一對跟袋子類近顏色的高跟鞋。出事位 ─ 鞋唔襯衫！

‧最過份要數這個，戴了一頂圓頂的類似 Gucci 款的 monogram 啡色 cap 帽束著馬尾！出事位 ─ 喂！想點呀你？！我 understand bad hair day，但這個......想點？？？

第二個，身高 5ft6，超瘦削身型，年紀廿尾。

‧穿了一件黑色兜心口巨形蝴蝶結上衣，吊帶露膊，長泡泡型公主榨袖。出事位 ─ 衫很明顯是曾經很流行一時的款式，不過又拎出來著就......，簡單一句，很過時，還有呢位 OL 太瘦，膊頭瘦的有骨，露膊款唔適合佢。

重要的是呢位姐姐束斯文直長髮，但又帶了一個斯文銀色金屬框眼鏡，跟上衣是完全不搭調。

‧黑色皮鞋袋獨立看都無問題，不贅。

‧褲，是一條帶灰色的勁洗水蘿白腳牛仔褲.......無言。


一個女孩子靚唔靚，可以唔係天然，可以靠 makeup靠穿衣補救，但後生女穿的入時順眼就可以加好多分。這兩位姐姐無論身型樣貌都沒有問題，但是穿衣配搭錯誤卻令自身條件給減了分。

可惜。